მადრიდის “რეალისა” და პორტუგალიის ეროვნული ნაკრების ფეხბურთელი კრიშტიანო რონალდუ თბილისში ქართველ ფანებს შეხვდა და მათ ავტოგრაფები დაურიგა.
შეგახსენებთ, რომ პორტუგალიის ნაკრები რამდენიმე დღეში სომხეთის ნაკრებს ერევანში დაუპირისპირდება, მატჩისათვის კი პორტუგალიელები თბილისში ემზადებიან.
სპორტულმა პორტალმა Sportskeeda-მ დაასახელა ევროპაში მოთამაშე ათი ფეხბურთელი, რომელთაც მიმდინარე სეზონში თავიანთ ჩემპიონატებში ყველაზე მეტი გოლი გაიტანეს.
10. ჯექსონ მარტინესი (“პორტუ”) – 21 გოლი
9. ჰარი კეინი (“ტოტენჰემი”) – 21 გოლი
8. ანტუან გრიზმანი (“ატლეტიკო”) – 22 გოლი
7. ნეიმარი (“ბარსელონა”) – 22 გოლი
6. სერხიო აგუერო (“მანჩესტერ სიტი”) – 26 გოლი
5. ალექსანდრე ლაკაზეტი (“ლიონი”) – 27 გოლი
4. ერან ზაჰავი (თელ ავივის “მაკაბი”) – 28 გოლი
3. ჯონათან სორიანო (“რედ ბული”) – 31 გოლი
2. ლიონელ მესი (“ბარსელონა”) – 43 გოლი
1. კრიშტიანო რონალდუ (“რეალი”) – 48 გოლი
გთავაზობთ ვიდეოს, რომელშიც კრიშტიანო რონალდუს მიერ 2014-15 წლების სეზონში ყველა გატანილი გოლი და საგოლე პასია აღბეჭდილი.
23 მაისს, ესპანეთის პრიმერა დივიზიონში, “რეალსა” და “ხეტაფეს” შორის გამართული მატჩის მიმდინარეობისას, კრიშტიანო რონალდუმ თავისი მაისური პატარა გულშემატკივარს აჩუქა.
მადრიდის “რეალის” პორტუგალიელმა სუპერვარსკვლავმა კრიშტიანო რონალდუმ სტივენ ჯერარდს წარმატებები უსურვა.
შეგახსენებთ, რომ მალე ჯერარდი “ლივერპულს” დატოვებს და კარიერას “ლოს ანჯელეს გალაქსიში” გააგრძელებს.
“გამარჯობა, სტივ. როდესაც “მანჩესტერ იუნაიტედის” ღირსებას ვიცავდი, შენს წინააღმდეგ ხშირად ვთამაშობდი და ეს ჩემთვის დიდი პატივია. შენ ფანტასტიური ფეხბურთელი ხარ. შენს კარიერასა და ცხოვრებაში ყოველივე საუკეთესოს გისურვებ”, – ამბობს რონალდუ.
ინტერნეტ-სივრცეში გავრცელდა ვიდეო, რომელშიც აღბეჭდილია, თუ როგორ შეხედა კრიშტიანო რონალდუმ გარეტ ბეილს, მას შემდეგ, რაც უელსელმა მას ცუდი პასი გაუკეთა.
ესპანურ მედიაში გავრცელებული ინფორმაციის თანახმად, მადრიდის “რეალსა” და ტურინის “იუვენტუსს” შორის გამართული პირველი შეხვედრის შემდეგ, სერხიო რამოსმა კრიშტიანო რონალუს გუნდური თამაშისაკენ მოუწოდა.
შეგახსენებთ, რომ 5 მაისს, ჩემპიონთა ლიგის ნახევარფინალური ეტაპის პირველ შეხვედრაში “იუვენტუსმა” საკუთარ მოედანზე “რეალი” ანგარიშით 2:1 დაამარცხა. მადრიდელთა მხრიდან ერთადერთი გოლი პორტუგალიელმა ვარსკვლავმა გაიტანა.
“შენი გატანილი გოლის შემდეგ, სხვა ყველაფერი არ უნდა დაივიწყო. საჭიროა, უფრო გუნდურად ითამაშო”, – El Chiringuito-ს ცნობით, რამოსმა რონალდუს სწორედ ეს უთხრა.
ინტერნეტ-სივრცეში გავრცელდა სახალისო ვიდეო, რომელშიც აღბეჭდილია, თუ როგორ ვარჯიშობენ კრიშტიანო რონალდუ და მისი შვილი ერთად.
ბრაზილიელმა ფეხბურთელმა რიკარდო კაკამ “ბარსელონას” თავდამსხმელი ლიონელ მესი და მადრიდის “რეალის” ლიდერი კრიშტიანუ რონალდუ ერთმანეთთან შეადარა.
“მესი გენიოსია, კრიშტიანუ რონალდუ კი თანამედროვე ფეხბურთის სახე გახდა. შედეგად, წლის საუკეთესო მოთამაშის ჯილდო იმის მიხედვით ნაწილდება, თუ რომელი ფეხბურთელი მიაღწევს უფრო მეტს თავის გუნდში. სხვა შემთხვევაში, ამ ორი ფენომენალური მოთამაშისთვის ორი “ოქროს ბურთი” უნდა მზადდებოდეს.
მინდა დავამატო, რომ კრიშტიანუ რონალდუ ძალიან მომწონს, რადგან ის სრულყოფილი ფეხბურთელია. მას ყველაფრის გაკეთება შეუძლია. მე ის მეგობრის რანგშიც მიყვარს და დიდად ვაფასებ”, – კაკას სიტყვებს ESPN ციტირებს.
ესპანურ პრესაში გავრცელებული ინფორმაციის თანახმად, “რეალის” თავდამსხმელმა კრიშტიანო რონალდუმ “იუვენტუსთან” გამართული მატჩის შემდეგ გასახდელში იტირა. Deportes Cuatro-ს ცნობით, პორტუგალიელის დაწყნარებას იკერ კასილასი და სერხიო რამოსი ცდილობდნენ.
შეგახსენებთ, რომ 13 მაისს, ჩემპიონთა ლიგის ნახევარფინალური ეტაპის განმეორებით შეხვედრაში მადრიდელებმა “იუვენტუსი” საკუთარ მოედანზე მიიღეს და ფრედ 1:1 ითამაშეს. ორი მატჩის ჯამში, გამარჯვებული “იუვენტუსი” გახდა, რომელიც ტურნირის ფინალში ითამაშებს.
ჩემპიონთა ლიგის მიმდინარე გათამაშების ფინალურ შეხვედრაში “ბარსელონას” წინააღმდეგობას “იუვენტუსი” გაუწევს. ტურინელებმა გადამწყვეტი მატჩის საგზური მადრიდში, “რეალთან” საპასუხო ნახევარფინალურ შეხვედრაში მოიპოვეს, რომელიც 1:1 დასრულდა.
მატჩი მადრიდელებმა დამაჯერებლად დაიწყეს, დიდ უპირატესობას ფლობდნენ და 23-ე წუთზე კრიშტიანუ რონალდუს მიერ ზუსტად შესრულებული პენალტითაც დაწინაურდნენ. შესვენების შედმეგ მოედანზე სურათი შეიცვალა. “იუვემ” თამაში გაათანაბრა და 57-ე წუთზე მორატამ სავსებით ლოგიკური გოლით ანგარიში გაათანაბრა და 2 მატჩის ჯამში საკუთარი გუნდი წინ გაიყვანა.
გაშვებული გოლის შემდეგ უპირატესობას კვლავ მასპინძლები დაეუფლნენ, თუმცა მიუხედავად რამდემიე სახიფათო შეტევისა, ანგარიში აღარ შეცვლილა და ბერლინის საგზური “იუვენტუსმა” მოიპოვა.
რეალი 1-1 იუვენტუსი
გოლები: რონალდუ 23′ (1:0); მორატა 57′ (1:1)
“რეალი”: კასილასი, კარვახალი, ვარანი, რამოსი, მარსელო, ხამესი, კროოსი, ისკო, ბეილი, ბენზემა (ჩიჩარიტო 67′), რონალდუ.
“იუვენტუსი”: ბუფონი, ლიხშტაინერი, ბონუჩი, კიელინი, ევრა, მარკიზიო, პირლო (ბარძალი 79′), პოგბა (პერეირა 89′), ვიდალი, ტევესი, მორატა (ლიორენტე 84′).
კატალონიის “ბარსელონას” თავდამსხმელმა ლუის სუარესმა ლიონელ მესისა და კრიშტიანო რონალდუზე ისაუბრა. ურუგვაელი ფეხბურთელის აზრით, ლიონელ მესი მსოფლიოში საუკეთესოა.
“მესი უფრო ბუნებრივია. ის მსოფლიოს საუკეთესო ფეხბურთელია. რაც შეეხება რონალდუს, მან ძალიან ბევრი იშრომა და უდიდესი პროგრესი განიცადა. როგორც უკვე ვთქვი, მესი საუკეთესოა”, – ციტირებს სუარესის სიტყვებს Mirror-ი.
