გთავაზობთ ვიდეოს, რომელშიც კრიშტიანო რონალდუს მიერ, მადრიდის “რეალის” მაისურით გატანილი 250 გოლია აღბეჭდილი.
ჭდე: რონალდუ
რონალდუმ და მარსელომ “ჩელსის” “ავტობუსზე” გულიანად იცინეს
ინტერნეტ-სივრცეში საკმაოდ სახალისო ვიდეო გავრცელდა, რომელიც “ჩელსის” “ავტობუსს” ეხება.
რონალდუმ “ოსასუნას” შესანიშნავი გოლი გაუტანა
26 აპრილს, ესპანეთის პრიმერა დივიზიონში, “რეალსა” და “ოსასუნას” შორის გამართულ შეხვედრაში, კრიშტიანო რონალდუ მეტოქის კარში ულამაზესი გოლი გაიტანა.
პელე: “რონალდუ ეუსებიოს მაგონებს”
ლეგენდარული ბრაზილიელი თავდამსხმელი პელე აცხადებს, რომ მას მადრიდის “რეალის” სუპერვარსკვლავი კრიშტიანო რონალდუ ეუსებიოს აგონებს.
“დღესდღეობით, კრიშტიანო მსოფლიოს ერთ-ერთი საუკეთესო სპორტსმენია. რონალდუს მართლაც დიდ პატივს ვცემ და სწორიცაა, რომ მას მსოფლიოს საუკეთესო ფეხბურთელად მიიჩნევენ.
მქონდა იმის საშუალება, რომ ციურიხში ოქროს ბურთის გადაცემისას რონალდუსთან ერთად ვყოფილიყავი. იმედი მაქვს, ის თავის ნაკრებს წარმატების მიღწევაში დაეხმარება. სიმართლე გითხრათ, კრიშტიანო ეუსებიოს მაგონებს”, – ამბობს პელე.
რონალდუ მსოფლიოს ჩემპიონატზე ოთხ პირად მცველს ითხოვს, კოლუმბიელები – ბანანებს
რაც დრო გადის, მსოფლიოს 2014 წლის ჩემპიონატი მით უფრო გვიახლოვდება. ბრაზილიურმა გაზეთა Lance-მ კი საკმაოდ საინტერესო სტატია გამოაქვეყნა, რომელშიც ბრაზილიაში ჩასატარებელ მუნდიალზე მონაწილე გუნდების მოთხოვნებია თავმოყრილი.
ალჟირი: ნაკრების ყველა ფეხბურთელისა და ოფიციალური წარმომადგენლის ოთახში უნდა იდოს ყურანი.
ჩილეს: ყველა ოთახში ახლადშეძენილი საწოლი და ბრტყელეკრანიანი ტელევიზორი უნდა იყოს.
ეკვადორის: ყველა ოთახში ბანანებით სავსე კალათები უნდა იდოს.
კოლუმბია: კოლუბმბიელებმა “სან პაულუს” ხელმძღვანებლობას თხოვეს, რომ კლუბის თხუტმეტ ახალგაზრდა ფეხბურთელს ნაკრების ვარჯიშში მონაწილეობა მიეღო.
ურუგვაი: ურუგვაელები ითხოვენ, რომ ყველა ოთახში იყოს ისეთი კონდიციონერი, რომელსაც ხმა არ ექნება.
საფრანგეთი: ფრანგები ყველა სააბაზანო ოთახში თხევად საპონს ითხოვენ, ისინი სხვა სახის საპონს არ გამოიყენებენ.
ჰონდურასი: ჰონდურასელები ექვს ესპანურ და ორ ჰონდურასულ სატელევიზიო არხს ითხოვენ.
იაპონია: იაპონელები ყველა ოთახში ჯაკუზის ითხოვენ.
ავსტრალია: ავსტრალიელები მსოფლიოს ყველა კუთხიდან გაზეთებს ითხოვენ.
შვეიცარია: ორი მთავარი მოთხოვნა – სწრაფი ინტერნეტი და შვეიცარიული სატელევიზიო არხები.
პორტუგალია: პორტუგალიელებს ექვსი ადამიანი დაიცავს, აქედან ოთხი კი კრიშტიანო რონალდუს.
რონალდუმ შესაძლოა ესპანეთის თასის ფინალი გამოტოვოს
მადრიდის “რეალის” თავდამსხმელმა კრიშტიანუ რონალდუმ ტრამის გამო შესაძლოა ესპანეთის თასის ფინალური მატჩი გამოტოვოს, რომელშიც “სამეფო კლუბის” კატალონიურ “ბარსელონას” დაუპირისპირდება. აღნიშნული მატჩი 16 აპირლს, ქალაქ ვალენსიაში გაიმართება. ესპანური პრესის ცნობით, პორტუგალიელის თამაში დიდი კითხვის ნიშნის ქვეშ არის.
შეგახსენებთ, რომ სწორედ ამ ტრავმის გამო არ უთამაშია რონალდუს ჩემპიონთა ლიგის მეოთხედფინალურ შეხვედრაში. ვარაუდობენ, რომ კრიშტიანუ 2 კვირას გამოტოვებს.
როგორ მოუწოდებს რონალდუ თანაგუნდელებს გააქტიურებისაკენ…
8 აპრილს, ჩემპიონთა ლიგის გათამაშების მეოთხედფინალური ეტაპის განმეორებით შეხვედრაში, დორტმუნდის “ბორუსიამ” საკუთარ მოედანზე მადრიდის “რეალი” მიიღო და მეტოქე ანგარიშით 2:0 დაამარცხა.
აღნიშნულ შეხვედრაში, როისის მიერ მეორე გატანილი გოლის შემდეგ, კრიშტიანო რონალდუმ თანაგუნდელებს გააქტიურებისაკენ მოუწოდა.
ათი ყველაზე სწრაფი ფეხბურთელი ევროაპაში
ესპანურმა გამოცემა Mundodeportivo-მ ევროპის ათი ყველაზე სწრაფი ფეხბურთელი დაასახელა.
10. ალექსის სანჩესი – 30,1 კმ/სთ
9. არიენ რობენი – 30,4 კმ/სთ
8. ფრანკ რიბერი – 30,7 კმ/სთ
7. უეინ რუნი – 31,2 კმ/სთ
6. ლიონელ მესი – 32,5 კმ/სთ
5. ტეო ულკოტი – 32,7 კმ/სთ
4. კრიშტიანო რონალდუ – 33,6 კმ/სთ
3. აარონ ლენონი – 33,8 კმ/სთ
2. გარეტ ბეილი – 34,7 კმ/სთ
1. ანტონიო ვალენსია – 35,1 კმ/სთ
უკმაყოფილო რონალდუ ბეილს: “როგორც შენ გინდა”
27 მარტს, ესპანეთის პრიმერა დივიზიონში, “სევილიამ” საკუთარ მოედანზე მადრიდის “რეალი” მიიღო და ბევრისთვის მოულოდნელად, მეტოქე ანგარიშით 2:1 დაამარცხა.
აღნიშნული შეხვედრაში საინტერესო რამ მოხდა, რითაც ესპანური პრესა დაინტერესდა. საქმე იმაში გახლავთ, რომ მსაჯის მიერ დამატებულ დროში, როდესაც მასპინძლები იგებდნენ, “რეალმა” ჯარიმის შესრულების უფლება მოიპოვა. თავდაპირველად, ბურთთან კრიშტიანო რონალდუ მივიდა, თუმცა მალევე, იქვე გაჩნდა გარეტ ბეილი. უელსელმა პორტუგალიელს ჯარიმის დარტყმის უფლება სთხოვა, რაზეც რონალდუმ ასე უპასუხა: “როგორც შენ გინდა”.
საბოლოოდ, ბეილმა არაზუსტად დაარტყა, რონალდუმ კი უკმაყოფილება გამოხატა, რაც კამერებს არ გამოპარვიათ.
დანი ალვეში: “რონალდუს პენალტი არ დაუმსახურებია”
კატალონიის “ბარსელონას” მცველი დანი ალვეში აცხადებს, რომ კრიშტიანო რონალდუს პენალტი არ დაუმსახურებია.
შეგახსენებთ, რომ გუშინ გამართულ “ელ კლასიკოში”, რომელიც “ბარსელონას” გამარჯვებით 4:3 დასრულდა, რონალდუმ პენალტის შესრულების უფლება მოიპოვა.
“ცხადია, რონალდუს პენალტი არ დაუმსახურებია, რადგან ყველაფერი საჯარიმოს გარეთ მოხდა. ვფიქრობ, მსაჯისათვის გადაწყვეტილების მიღება ძალიან რთული იყო, რადგან მას ყველაფერი წამებში უნდა განესაზღვრა. საბოლოოდ, მიხარია, რომ სამი ქულის მოპოვება შევძელით”, – ამბობს ალვეში.
ალონსო: “გადამწყვეტ როლს ბეილი, რონალდუ და ბენზემა ასრულებენ”
მადრიდის “რეალის” ნახევარმცველი ჩაბი ალონსო აცხადებს, რომ გუნდის წარმატებაში მთავარ როლს გარეტ ბეილი, კრიშტიანო რონალდუ და ქარიმ ბენზემა ასრულებენ.
“ცხადია, არავისთვის არ არის ახალი ის, რომ ბეილი, რონალდუ და ბენზემა ჩინებული ფეხბურთელები არიან. ჩემი აზრით, ისინი გუნდის წარმატებაში მთავარ როლს ასრულებენ, რასაც ყველა ხედავს. მათ ბევრი გოლი გააქვთ და ამავე დროს, საგოლე პასებსაც აკეთებენ”, – ამბობს ალონსო.
10 ყველაზე მაღალანაზღაურებადი ფეხბურთელი მსოფლიოში
რამდენიმე დღის წინ France Football-მა მსოფლიოს ყველაზე მაღალანაზღაურებადი ფეხბურთელების სია გამოაქვეყნა. აღსანიშნავია, რომ ფეხბურთელები წელიწადში, კლუბისგან მიღებული ხელფასის გარდა, ფულს სასპონსორო, სარეკლამო და სხვა ხელშეკრულებებითაც გამოიმუშავებენ.
ათეული კი ასე გამოიყურება:
10. ფრენკ რიბერი (“ბაიერნი”) – 16.5 მილიონი ევრო
9. ედენ აზარი (“ჩელსი”) – 16.8 მილიონი ევრო
8. ტიაგო სილვა (“პსჟ”) – 17 მილიონი ევრო
7. სერხიო აგუერო (“მანჩესტერ სიტი”) – 19.7 მილიონი ევრო
6. რადამელ ფალკაო (“მონაკო”) – 21.2 მილიონი ევრო
5. ზლატან იბრაჰიმოვიჩი (“პსჟ”) – 23.5 მილიონი ევრო
4. უეინ რუნი (“მანჩესტერ იუნაიტედი”) – 24 მილიონი ევრო
3. ნეიმარი (“ბარსელონა”) – 29 მილიონი ევრო
2. კრიშტიანო რონალდუ (“რეალი”) – 39.5 მილიონი ევრო
1. ლიონელ მესი (“ბარსელონა”) – 41 მილიონი ევრო
