ჭდე: რონალდუ

“რეალმა” “ლას პალმასს” დამაჯერებლად სძლია (ვიდეო)

Posted on by კახა ყიფიანი

დღეს ლა ლიგა სანტანდერის მე-11 ტურის მატჩები გაიმართა.

ერთ-ერთ შევხედრაში მადრიდის “რეალმა” “სანტიაგო ბერნაბეუზე” “ლას პალმასი” მიიღო. ანგარიში მას შემდეგ გაიხსნა, რაც “ბლანკოსმა” კუთხური მოაწოდა და კაზემირომ თავით გადაგზავნა ბურთი მეტოქის კარში. ეს ყოველივე 41-ე წუთზე მოხდა.

მეორე ნახევარში, 56-ე წუთზე მარკო ასენსიომ საჯარიმოს გარედან უძლიერესი დარტყმით ულამაზესი გოლი შეაგდო. ხოლო, 74-ე წუთზე კი ისკომ ივარგა. მას საგოლე გადაცემა კრიშტიანუ რონალდუმ გაუკეთა. საბოლოოდ, მადრიდელებმა ანგარიშით, 3:0 იმარჯვეს.

ამ მოგების შემდეგ ზიდანის შეგირდებს 23 ქულა აქვთ და მესამე პოზიციას იკავებენ. “ლას პალმასი” ექვსი ქულით ბოლოს წინა პოზიციაზეა.

 

მაკგრეგორი: “ჩემი მიზანია, რონალდუზე მაღალანაზღაურებადი სპორტსმენი გავხდე”

Posted on by კახა ყიფიანი

Forbes-ის რეიტინგით, მადრიდის “რეალის” პორტუგალიელი სუპერვარსკვლავი, კრიშტიანუ რონალდუ მსოფლიოს ყველაზე მაღალანაზღაურებადი სპორტსმენია. თუმცა, ცნობილ მოკრივეს, კონორ მაკგრეგორს განძრახული აქვს, რომ 32 წლის ფეხბურთელს ამ მხრივ აჯობოს.

“ახლა, ამაზე მხოლოდ ვოცნებობ. ჩემმა ბიუჯეტმა მილიარდიან ნიშნულს მიაღწიოს, ეს შესანიშნავი იქნება. წინა წლის მონაცემებით, რონალდუ პირველი იყო, მე კი – 24-ე. მაშინ, 34 მილიონი დოლარი მქონდა,” – აცხადებს მაკგრეგორი, რომელმაც მეივეზერთან ტექნიკური ნოკაუტით წაგებულ ბრძოლის შემდეგ 140 მილიონი დოლარი მიიღო.

“მომავალ წელს, თუ Forbes-ი იმავე რეიტინგს შეადგენს, ფლოიდი პირველი, მე მეორე, ხოლო, რონალდუ მესამე იქნება. ხოლო, რამდენიმე წელში კი, შემიძლია, მეივეზერსაც გადავასწრო და ყველაზე დიდი ბიუჯეტი მქონდეს,” – აცხადებს კონორი.

კარიკატურა: ლიონელ მესი, კვლავ, ხელცარიელია

Posted on by კახა ყიფიანი

გუშინწინ ინგლისის დედაქალაქ ლონდონში FIFA-ს ყოველწლიური დაჯილდოვება გაიმართა, სადაც საუკეთესო ფეხბურთელის პრიზი კვლავ კრიშტიანუ რონალდუმ მიიღო.

ომარ მომანი ამ ფაქტს კარიკატურით ეხმაურება.

 

კარიკატურა: მესი და რონალდუ 2012 და 2017 წლებში

Posted on by კახა ყიფიანი

2012 წლისთვის ლიონელ მესის კრიშტიანუ რონალდუს ინდივიდუალური ჯილდოების მხრივ ძალიან აღემატებოდა. თუმცა, გავიდა ხუთი წელი და პორტუგალიელმა ეს ჩამორჩენა, ფაქტობრივად, აღმოფხვრა.

Bleacher Report-ი აღნიშნულ თემაზე კარიკატურას გვთავაზობს.

 

მადრიდის “რეალმა” “ხეტაფესთან” რონალდუს გოლით იმარჯვა (ვიდეო)

Posted on by კახა ყიფიანი

დღეს ლა ლიგის მერვე ტურის შეხვედრები გაიმართა.

ერთ-ერთ მატჩში მადრიდის “რეალი” ხეტაფეს ესტუმრა და ადგილობრივ გუნდს დაუპირისპირდა. დაძაბული თამაშის 39-ე წუთზე კარიმ ბენზემამ ანგარიში გახსნა. პირველ ტაიმში გოლი აღარ გასულა.

მეორე ნახევარში, 56-ე წუთზე ხორხე მოლინამ ანგარიში გაათანაბრა. გამარჯვების გოლის გატანა 85-ე წუთზე კრიშტიანუ რონალდუმ ისკო ალარკონის საგოლე გადაცემით შეძლო.

საბოლოოდ, შეხვედრა ანგარიშით, 1-2 დასრულდა. ამ გამარჯვების შემდეგ “ბლანკოსი” 17 ქულით მეორეა. ხოლო, “ხეტაფეს” რვა ქულა აქვს და მეთოთხმეტე პოზიციაზეა.

 

 

რონალდუს საჩუქარი მექსიკელ ფეხბურთელს (ფოტო)

Posted on by ცოტნე შაორშაძე

მექსიკის ეროვნული ნაკრებისა და “ტიგრესის” ფეხბურთელმა ალან პულიდო რონალდუსგან საჩუქარი მიიღო.

მექსიკელი ფეხბურთელის ალან პულიდომ სოციალურ ქსელში საჩუქრის ფოტო განათავსა და კომენტარი გააკეთა: “გასაოცარი საჩუქარი ჩემი იდეალისგან. მადლობა სუპერვარსკვავო. ის მსოფლიოში საუკეთესოა.”

ზიდანი: “ვინც თვლით, რომ ლა ლიგა დასრულდა, გილოცავთ, თუმცა ჩვენ ბრძოლას ვაპირებთ”

Posted on by კახა ყიფიანი

მადრიდის “რეალი” ლა ლიგაში არც ისე დამაჯერებლად გამოიყურება. კლუბმა ხუთ ტურში მხოლოდ რვა ქულას მოუყარა თავი და მოსისხლე მტერ “ბარსელონას” შვიდი ქულით ჩამორჩება. ხვალ “ბლანკოსი” სტუმრად “ალავესს” დაუპირისპირდება.

აღნიშნული შეხვედრის წინ ზინედინ ზიდანმა პრესკონფერენცია გამართა.

“ბევრი ადამიანი თვლის, რომ ლა ლიგა დასრულდა და მას გამარჯვებული უკვე ჰყავს. ასეთებს ვულოცავ, თუმცა, ჩვენ მათსავით არ ვფიქრობთ. სეზონი ძალიან გრძელია და ბრძოლას ვაპირებთ!”

“ახსნა არ აქვს იმას, თუ რატომ ვერ გამოვიყენეთ ამდენი მომენტი სხვადასხვა შეხვედრაში. არ ვღელავ და არ ვფიქრობ გამოუყენებელ შანსებზე. ჩვენი საქმე ანალიზი და განვითარებაა. ასე მშვიდად არ ვიქნებოდი, მომენტებს რომ ვერ ვქმინდეთ.”

“არ ვიცი, როდის ვიხილავთ საუკეთესო ბეილს. ვიმედოვნებ, ეს მალე იქნება. ის განვითარებას განაგრძობს და გვჯერა, რომ უმაღლეს დონეზე შეუძლია თამაში. ვფიქრობ, “ბეტისთან” შესანიშნავად ითამაშა,” – განაცხადა ზიდანმა.

ზიდანი: “პირველი ტაიმი კარგი არ იყო, მეორე კი მშვენიერი გამოვიდა”

Posted on by კახა ყიფიანი

ნიქოზიის “აპოელის” დამარცხების შემდეგ, მადრიდის “რეალის” მთავარმა მწვრთნელმა, ზინედინ ზიდანმა პრესკონფერნეცია გამართა.

“დღეს ჩვენი მიზანი დამაჯერებლად მოგება და ტურნირის კარგად დაწყება იყო. ჩვენ ეს შევძელით, რისთვისაც მადლობას ვუხდი ჩემს მოთამაშეებს. პირველი ტაიმი ნამდვილად არ იყო ისეთი, როგორიც გვსურდა. თუმცა, მეორე ნახევარი ძალიან კარიგ გამოვიდა. ყოველთვის კარგია, როცა სამ ქულას მალევე ინაღდებ და შემდგე მშვიდად აკონტორლებ შეხვედრას.”

“რონალდუმ კიდევე ერთხელ დაამტკიცა, რომ ის საკვანძო ფიგურაა. იგი უმნიშვნელოვანესია! კრიშტიანუ ყოვლეთვის იქაა, სადაც ჩვენ გვჭრდება. ის მუდამ იტანს! ვიმედოვნებ, ამ ტემპით გააგრძელებს გატანას,” – აცხადებს ზიდანი.

რამოსი: “აპოელი” ძალიან შებოჭილი იყო და საწყის წუთებში გატანა გაგვიჭირდა”

Posted on by კახა ყიფიანი

დღეს ჩემპიონთა ლიგის ჯგუფური ეტაპის პირველი ტურის შეხვედრაში მადრიდის “რეალმა” ნიქოზიის “აპოელი” მიიღო და ანგარიშთ, 3:0 სძლია. დუბლი შეასრულა კრიშტიანუ რონალდუმ, ხოლო ერთი გოლიც სერხიო რამოსმა გაიტანა.

“ბლანკოსის” კაპიტანმა ჟურნალისტებთან ისაუბრა.

“თავდაპირველად, გატანა გაგვიჭირდა. სტუმრები ძალინ შებოჭილები იყვნენ და მათი ბარიერის გადალახვა გვიჭირდა. თუმცა, თანდათან დაბრკოლება დავძლიეთ და ანგარიშიც გავხსენით. შედეგთ კმაყოფილები ვართ.”

“ესპანეთის ჩემპიონატში ჩავარდნა გვქონდა, თუმცა ფეხბურთში ყველაფერი ხდება. ჩვენ ყველა დაპირისპირებას ვერ მოვიგებთ. იმედია, სვლას ასე გავაგრძელებთ.”

“ბედნიერი ვარ, რომ კრისმა დუბლის შესრულება მოახერხა. მისი მიზანი მუდამ მეტოქის კარის აღება დაგუნდისთვის სარგებლის მოატანაა. სიამოვნებაა, როცა ასეთი თანაგუნდელი გყავს!” – აცხადებს რამოსი.

პერესი: “რონალდუს ამის სანაცვლოდაც კი არ გავყიდი”

Posted on by კახა ყიფიანი

კრიშტიანუ რონალდუს ესპანეთის მთავრობასთან უთანხმოება აქვს. ეს უკანასკნელი პორტუგალიელ სუპერვარსკვლავს გადასახადების გადაუხდელობაში ადანაშაულებს. უკვე შედგა სასამართლო, რომლის შემდეგაც გაირკვა, რომ თუ “რონი” 20 აგვისტომდე დაკისრებულ თანხას არ გადაიხდის, იგი შვიდწლიანი ციხის საფრთხეს კიდევ უფრო მიუახლოვდება. კრიშტიანუ უკმაყოფილოა და მისი “რეალიდან” წასვლის შესახებ არაერთხელ დაიწერა.

პორტუგალიელის შესაძლო ტრანსფერზე ჰკითხეს ფლორენტინო პერესს, რომელმაც ორიგინალური პასუხი გასცა ჟურნალისტებს.

“კრიშტიანუს გაყიდვა? ამ წამსვე მისი წონა ოქროც რომ მომიტანონ, ამ სიმდიდრის სანაცვლოდაც არ გავუშვებ გუნდიდან,” – განაცხადა ფლორენტინომ.

ევროპის სუპერთასი: “რეალი” სკოპიეში რონალდუსთან ერთად გაფრინდა

Posted on by კახა ყიფიანი

მადრიდის “რეალის” სუპერვარსკვლავი, კრიშტიანუ რონალდუ ვარჯიშს გუშინწინ დაუბრუნდა. იგი ჯერ, რა თქმა უნდა, სათანადო ფორმაში არაა. პორტუგალიელს სასტარტო შემადგენლობაში 13 აგვისტოს კატალონიის “ბარსელონასთან” გასამართ ესპანეთის სუპერთასის შეხვედრაში ელიან. თუმცა, ზინედინ ზიდანმა რონალდუ მაინც შეიყვანა ევროპის სუპერთასის მატჩისთვის განაცხადში. შესაბამისად, იგი დღეს მაკედონიის დედაქალაქ სკოპიეში თანაგუნდელებთან ერთად გაემგზავრა.

“მანჩესტერთან” დაპირისპირებისთვის განკუთვნილი “რეალის” ფეხბურთელთა სია ასეთია:

მეკარეები: ნავასი, კასილია, ზიდანი.

მცველები: კარვახალი, ვალეხო, რამოსი, ვარანი, ნაჩო, მარსელო, ტეო, ჰაკიმი.

ნახევარმცველები: კროოსი, მოდრიჩი, კაზემირო, მარკოს ლორენტე, ასენსიო, ისკო, კოვაჩიჩი, სებალოსი.

თავდამსხმელები: რონალდუ, ბეილი, ბენზემა, ვასკესი, მაიორალი.

შეგახსენებთ, რომ “რეალისა” და “მაჩესტერ იუნაიტედის” დაპირისპირება ხვალ, თბილისის დროით 22:45 წუთზე გაიმართება.

 

Don balon: “რონალდუმ ნეიმარს “პსჟ”-ში გადასვლის შემდეგ წერილი მისწერა”

Posted on by კახა ყიფიანი

ნეიმარმა კატალონიური “ბარსელონა” დატოვა და იქ წავიდა, სადაც მეტ ხელფასს მისცემენ – “პსჟ”-ში.

გამოცემა Don balon-ი ავრცელებს ინფორმაციას, რომ ტრანსფერის განხორციელების შემდეგ პორტუგალიელმა სუპერვარსკვლავმა, კრიშტიანუ რონალდუმ ბრაზილეილ შემტევს მესიჯი მისწერა:

“მესმის შენი სურვილი, რომ გინდა მესის ჩრდილს გაექცე. თუმცა, შენ მაინც შეცდომას უშვებ,” – წერს Don balon-ი.