„საუთჰემპტონის“ თავდამსხმელი გრაციანო პელე, შესაძლოა, ზაფხულში სამშობლოში დაბრუნდეს, რის შესახებაც „მირორი“ წერს.
წყაროს ცნობით, ფეხბურთელით ტურინის „იუვენტუსის“ ხელმძღვანელობა ინტერესდება.
იტალიის ნაკრების წევრს ინგლისურ კლუბთან კონტრაქტი კიდევ ერთი წლით აკავშირებს, რაც, შეიძლება, „ბებერ ქალბატონს“ მოთამაშის სატრანსფერო ფასის დაკლებაში დაეხმაროს. პელემ „იუვეს“ მხრიდან ინტერესის შესახებ იცის, ამიტომ, გამორიცხული არ არის, „საუთჰემპტონთან“ შეთანხმების გაგრძელება იუაროს.
„საუთჰემპტონის“ მთავარმა მწვრთნელმა რონალდ კუმანმა „არსენალთან“ ანგარიშით 4:0 მოგებული მატჩის შემდეგ „მეთოფეთა“ თავკაცი არსენ ვენგერი გააკვირიკა. შეხვედრის შეფასებისას ფრანგ სპეციალსიტს უთქვამს, რომ მეტოქემ 3 გოლი თამაშის წესის დარღვევით გაიტანა.
„მხოლოდ სამი? მიკვირს, რომ მეოთხე გოლის შესახებ მას არაფერი უთქვამს. თამაშის ანალიზი მომწონს, თუმცა, როდესაც ანგარიშით 0:4 მარცხდებით, მსაჯზე ლაპარაკობთ? ეს ჩემი ანალიზის სტილი არაა. რა თქმა უნდა, ასეთ შედეგს ჩვენ თვითონაც არ ველოდებოდით. უბრალოდ, დარწმუნებულები ვიყავით, რომ გამარჯვებას მოვახერხებდით. ამ ანგარიშზე არც კი გვიფიქრია. რაც შეიძლება მეტის გატანა გვსურდა. მეორე ტაიმში იდეალურად ვთამაშობდით. გეგმა ზუსტად შესრულდა, ბიჭები ყოჩაღები არიან“, – ციტირებს ჰოლანდიელს „სქაი სპორტსი“.
18 ტურის შემდეგ „საუთჰემპტონი“ 24 ქულით პრემიერლიგის მე-12 ადგილს იკავებს.
“საუთჰემპტონის” მთავარი მწვრთნელი რონალდ კუმანი გამოტყდა, რომ ყოველთვის სურდა ინგლისში მუშაობა. შეგახსენებთ, რომ ჰოლანდიელი სპეციალისტი ინგლისურ გუნდს 2014/15 წლების სეზონიდან ხელმძღვანელობს. მანამდე კუმანს ჰოლანდიაში, ესპანეთსა და პორტუგალიაში მოუწია მუშაობა.
“ჩემი აზრით, ინგლისის პრემიერლიგაში უცხოელი მწვრთნელების ყოფნა მნიშვნელოვანია, რადგან შესაძლოა, აქ ახალი იდეები დაამკვიდრონ. ასევე, აუცილებელია ინგლისელი სპეციალისტების დაცვა, თუმცა, საბოლოო ჯამში, გადაწყვეტილებას მაინც კლუბები იღებენ.
ინგლისის ჩემპიონატში ყოველთვის თავგანწირვით იბრძვიან და სწორედ ამიტომ ჰყავს ამდენი მაყურებელი. აქ დიდი კლუბები თამაშობენ და ეს კიდევ ერთი მიზეზია, რატომაც მსურდა ინგლისში მუშაობა”, – კუმანის კომენტარს Goal.com-ი აქვეყნებს.
„ლივერპულის“ ნახევარმცველმა ჯო ალენმა „საუთჰემპტონთან“ ინგლისის პრემიერლიგის მეათე ტურის მატჩთან დაკავშირებით ჟურნალისტებს თავისი მოლოდინი გაუზიარა.
„საშინაო მატჩები ნებისმიერი მაღალი მიზნებისთვის მებრძოლე კლუბისთვის ყველაზე მნიშვნელოვანია. სეზონში, რომელშიც გუნდმა პრემიერლიგაში მეორე ადგილი დაიკავა, სახლში ძალიან ბევრი შევედრა მოვიგეთ. მეტოქეებს „ენფილდზე“ თამაში ეშინოდათ, რასაც თამაშის დაწყებამდე ვგრძნობდით. გვსურს, რომ ყველაფერი კვლავ ასე იყოს. ჩვენი გულშემატკივრების გახარება გვინდა.
„საუთჰემპტონთან“ შეხვედრა ჩვენთვის კარგი ტესტი იქნება, ეს კარგი მეტოქეა. მხოლოდ მოგების იმედი გვაქვს“, – ციტირებს ფეხბურთელს „ლივერპულის“ ოფიციალური საიტი.
20 სექტემბერს, ინგლისის პრემიერ ლიგაში, “საუთჰემპტონსა” და “მანჩესტერ იუნაიტედს” შორის გამართულ მატჩში, 83-ე წუთზე ვან დეიკმა ტრავმა მიიღო, პირველად კი მას ენტონი მარტიალი დაეხმარა.
რამდენიმე წუთის წინ დასრულდა პრემიერ ლიგის პირველი ტურის ორი მატჩი.
პირველი ლონდონში გაიმართა, სადაც ერთმანეთს ადგილობრივი გუნდები, “არსენალი” და “ვესტ ჰემი” დაუპირისპირდნენ. მასპინძლები პირველ ტაიმში საკმაოდ აქტიურად უტევდნენ, მაგრამ ტაიმის მიწურულს, პიტერ ჩეხის უპატიებელი შეცდომის ხარჯზე “ვესტ ჰემის” მცველმა, კოუიატემ ანგარიში გახსნა. არსენ ვენგერის შეგირდებმა მეორე ტაიმი აქტიურად დაიწყეს, თუმცა მეორე ნახევრის მე-12 წუთზე, სლავენ ბილიჩის არგენტინელმა შემტევმა, მაურო სარატემ ბრწყინვალე გოლი გაიტანა. საკუთარი “წვლილი” ამ გოლის გასვლაში კვლავ პიტერ ჩეხმა დაიდო. ესეც ასე, პრემიერ ლიგის პირველი ტურის სენსაცია პუბლიკამ “ემირეითსზე”, “ვესტ ჰემ იუნაიტედის” შესრულებით იხილა.
“არსენალი” 0-2 “ვესტ ჰემი”
გოლი: კოუიატე ’43, სარატე ’57
“არსენალი”: ჩეხი, მერტეზაკერი, კოშიელნი, დებუში(სანჩესი ’67), მონრეალი, კოკელენი(უოლკოტი ’58), კასორლა, რემსი, ჩემბერლენი, იოზილი, ჟირუ
“ვესტ ჰემი”: ადრიანი, რიდი, კრესველი, ტომკინსი, კუიატე, სარატე(ხარვისი ’63), სახო(მაიგა ’90), ნობლი, ოგბონა, პაიე, ოქსფორდი(ნოლანი ’79)
გაფრთხილება: მონრეალი – ნობლი, ოგბონა, ტომკინსი.
კვირის მეორე მატჩი, ნიუკასლში, “სენტ-ჯეიმს პარკზე” გაიმართა, სადაც ადგილობრივმა “ნიუკასლმა” “საუთჰემპტონს” უმასპინძლა. მთელი მატჩის მიმდინარეობისას სტივენ მაკლარენის შეგირდები ბურთს ფლობდნენ, თუმცა რონალდ კუმანის ბიჭები ბურთის ხელში ჩაგდებისას უფრო მეტ მომენტს ქმნიდნენ და ტიმ კრულს აწუხებდნენ. საბოლოოდ, ორივე გუნდი ორ-ორი გოლით გამოირჩა და მატჩი საბრძოლო ფრის ფონზე დასრულდა. აღსანიშნავია, რომ მატჩში გოლი გაიტანა “კაჭკაჭთა” დებიუტანმა, ჯორჯო ვინალდუმმა.
“ნიუკასლი” 2-2 “საუთჰემპტონი”
გოლი სისე ’42, ვინალდუმი ’48 – პელე ’24, ლონგი ’79’
“ფეინოორდიდან” “საუთჰემპტონში” გადაბარგებული იორდი კლასი კვლავაც აგრძელებს როტერდამული კლუბის ტრადიციის დაცვას.
ინგლისური კლუბი შეკრებაზე ჰოლანდიაში იმყოფება და ტრადიციის მიხედვით, ფეხბურთელები სავარჯიშო მოედნიდან სასტუმროში ველოსიპედებით ბრუნდებიან. განზრახ თუ შემთხვევით, კლასის ველოსიპედზე “ფეინოორდის” მთავარი მეტოქის, ამსტერდამის “აიაქსის” სიმბოლო იყო გამოსახული. მართალია, საკმაოდ პატარა ზომის სტიკერი იყო მიკრული, თუმცა იორდი კლასიმ ველოსიპედის გამოცვლა მაინც მოითხოვა.
შეგახსენებთ, რომ 24 წლის ჰოლანდიელი ნახევარმცველი “საუთჰემპტონში” 15 ივლისს, 8 მილიონი ფუნტ სტერლინგის სანაცვლოდ გადავიდა. მხარეებს შორის ხუთწლიანი კონტრაქტი გაფორმდა.
სულ ცოტა ხნის წინ გაიმართა ევროპა ლიგის კენჭისყრა, სადაც ცნობილია თუ ვინ ვის შეხვდება მესამე საკვალიფიკაციო ეტაპზე.
მესამე ეტაპიდან ერთვება გათამაშებაში არნემის “ვიტესი”, სადაც ორი ქართველი ლეგიონერი, გურამ კაშია და ვაკო ყაზაიშვილი თამაშობს. ჰოლანდიური გუნდი ინგლისურ “საუთჰემპტონს” დაუპირისპირდება.
“ფეინოორდის” კაპიტანი ნისლიან ალბიონზე გადასვლასთან ახლოსაა.
ნახევარმცველის, მორგან შნეიდერლინის “მანჩესტერში” გაშვების შემდეგ, “წმინდანთა” ხელმძღვანელობამ ფრანგის შემცვლელად ჰოლანდიელ იორდი კლასს მიაგნო.
ერედევიზიონის გასულ სეზონში, 24 წლის ფეხბურთელმა 33 მატჩი ჩაატარა(ყველა სასტარტოდან) და ორჯერ გაიტანა.
მორგან შნეიდერლინი “წითელი ეშმაკების” კიდევ ერთი ახალწვეულია.
“მანჩესტერ იუნაიტედის” ოფიციალურმა ვებ-გვერდმა ფრანგი ნახევარმცველის, მორგან შნეიდერლინის დამატება დაადასტურა.
ტრანსფერი დაახლოებით 24 მილიონი ფუნტი დაჯდა. შნეიდერლინმა ინგლისურ გრანდთან 2019 წლამდე ხელშეკრულებას მოაწერა ხელი.
“მოხარული ვარ, რომ გავხდი “მანჩესტერ იუნაიტედის” წევრი, ამერიკულ ტურნეში გამგზავრებამდე. ვიცი, რომ მათ მსოფლიოს ყველა ადგილში ერთ-ერთი საუკეთესო მხარდამჭერები ჰყავთ და ვიგრძნობ მათ გვერდში დგომას,”-განაცხადა გუნდის ახალწვეულმა.
მორგანმა “წმინდანებში” 7 წელი ითამაშა და 253 მატჩში 15 გოლი გაიტანა.
“საუთჰემპტონის” მცველი, ნათანიელ კლაინი კარიერას “ლივერპულში” გააგრძელებს.
24 წლის უკანახაზელმა მერსისაიდულ გუნდთან გრძელვადიან კონტრაქტს მოაწერა ხელი, იტყობინება “ლივერპულის” ოფიციალური ვებ-გვერდი.
“ძალიან ბედნიერი ვარ. გადავედი მსოფლიოს ერთ-ერთ უდიდეს გუნდში, სადაც თამაში ჩემი ოცნება იყო. ველოდები საწვრთნელი პროცესების დაწყებას,”-განაცხადა კლაინმა.
“როგორც კი “ლივერპულმა” ჩემს მიმართ ინტერესები გამოიჩინა, ემოციებს ვერ ვუმკლავდებოდი. მომეცა კარგი შანსი და ვეცდები, ჩემი პოტენციალი სრულად გამოვამჟღავნო”.
ჯეიმს მილნერის, დენი ინგსის, ადამ ბოგდანის, ჯო გომესისა და რობერტო ფირიმინოს შემდეგ, ინგლისელი მცველი “ლივერპულის” მეექვსე საზაფხულო ახალწვეულია.
მანამდე კი გავრცელდა ინფორმაცია, რომ ტრანსფერი 12.5 მილიონი ფუნტი დაჯდა.
“ლივერპული” დღეს “საუთჰემპტონის” მცველის გაფორმებას დაადასტურებს.
ბრიტანული მედიის ინფორმაციით, მხარეები ყველაფერზე შეთანხმდნენ, საქმეს ოფიციალური გამოცხადება აკლიაო.
24 წლის უკანახაზელის ტრანსფერი 12.5 მილიონი ფუნტი დაჯდება. ნათანიელ კლაინი “ლივერპულთან” ხუთწლიან ხელშეკრულებას მოაწერს ხელს.
გასულ სეზონში, კლაინმა პრემიერ ლიგაში 35 მატჩი ჩაატარა და ორჯერ გაიტანა.
