მადრიდის “რეალის” მცველმა სერხიო რამოსმა კლუბის მიერ კონტრაქტის გახანგრძლივებაზე პირველი შემოთავაზება უარით გაისტუმრა.
რამოსი კლუბის პრეზიდენტ ფლორენტინო პერესს შეხვდა და ახალი შრომითი
ხელშეკრულების პირობები განიხილა, თუმცა მხარეებს შორის ჯერჯერობით მოლაპარაკება ვერ შედგა. ესპანელი მცველი უკმაყოფილოა, რომ მისი ანაზღაურება კრიშტიანუ რონალდუს, გარეტ ბეილის, კარიმ ბენზემასა და იკერ კასილასის ჯამაგირს ჩამორჩება.
აღსანიშნავია ისიც, რომ სერხიო რამოსის მიმართ ინტერესს “მანჩესტერ იუნაიტედი” იჩენს.
“მანჩესტერ იუნაიტედი” მადრიდის “რეალის” მცველ სერხიო რამოსისთვის ბრძოლაში ჩაერთო.
“დეილისა” და “სანდი ექსპრესის” თანახმად, “მანჩესტერ იუნაიტედის” ხელმძღვანელობა მზად არის, 28 წლის ესპანელ ფეხბურთელს კვირაში 105 ათასი ფუნტი შესთავაზოს.
მანამდე გავრცელებული ინფორმაციით, რამოსის მიმართ ყურადღებას ლონდონის “ჩელსი” და “არსენალიც” იჩენენ.
შეგახსენებთ, რომ სერხიო რამოსს “რეალთან” მოქმედი შრომითი ხელშეკრულება 2017 წელს ეწურება. მხარეებს შორის კონტრაქტის გახანგრძლივებაზე მოლაპარაკება მიმდინარეობს.
მადრიდის „რეალის“ მცველი სერხიო რამოსი განვლილი მსოფლიოს საკლუბო ჩემპიონატის საუკეთესო ფეხბურთელად დასახელდა.
„ბლანკოსის„ მცველმა მაროკოში გამართლ ტურნირზე ორი გოლის გატანა მოახერხა.
ტურნირის საუკეთესო მოთამაშის ტიტულისთვის ბრძოლაში სერხიო თანაგუნდელ კრიშტიანუ რონალდუსა და ახალი ზელანდიის კლუბ „ოკლენდ სიტის“ მცველს ივან ვიცელიჩს აჯობა, რომლებმაც, შესაბამისად, ვერცხლისა და ბრინჯაოს ბურთები მიიღეს.
მადრიდის „რეალის“ მცველმა სერხიო რამოსმა კუნთების ტრავმა მიიღო.
ამის გამო ფეხბურთელმა თავისი გუნდის დღევანდელი ვარჯიში გამოტოვა. ამ ეტაპზე ჯერჯერობით უცნობია, ითამაშებს თუ არა რამოსი მსოფლიოს საკლუბო ჩემპიონატის ფინალში.
შეგახსენებთ, რომ ტურნირის ფინალში მადრიდელთა მეტოქე არგენტინული „სან-ლორენცო“ იქნება. მატჩი შაბათს, ოც დეკემბერს შედგება.
მადრიდის “რეალის” ცენტრალური მცველი პეპე ესპანეთის პრიმერადივიზიონში მოთამაშე კოლეგებთან შედარებით ყველაზე ნაკლებად არღვევს თამაშის წესებს. გაზეთ “მარკას” თანახმად, ლა ლიგის XV ტურის შემდეგ პორტუგალიელი ფეხბურთელი, რომელიც საკმაოდ ხისტი ხასიათით გამოირჩევა, მხოლოდ ხუთჯერ ჰყავთ დაჯარიმებული.
პეპეს პრიმერადივიზიონის მიმდინარე გათამაშებაში ყვითელი ბარათი ამ დრომდე არ აქვს მიღებული, როცა მის თანაგუნდელ სერხიო რამოსს თამაშის წესი ოცჯერ დაურღვევია და ხუთჯერ გაფრთხილებაც მიუღია.
ცნობისთვის, პეპეს ესპანეთის პრიმერადივიზიონის მიმდინარე გათამაშების 12 მატჩში აქვს მონაწილეობა მიღებული.
მადრიდის “რეალის” მცველმა სერხიო რამოსმა ატესტატი აიღო. 28 წლის ესპანელმა ფეხბურთელმა ბოლო გამოცდა ეკოლოგიასა და ბიოლოგიაში ჩააბარა და სრული საშუალო განათლების დამადასტურებელი დოკუმენტი მიიღო.
სერხიო რამოსი სკოლიდან 2004 წელს გამოვიდა, როდესაც “სევილიას” ძირითად გუნდში თამაში დაიწყო. ამ მომენტიდან ესპანელი მცველი პერიოდულად აბარებდა სხვადასხვა საგნების გამოცდებს ატესტატის მისაღებად.
როგროც იცით გუშინ სერხიო რამოსმა ჟურნალისტებთან საუბრისას განაცხადა,რომ ფინლში ფავორიტი ატლეტიკოა.ამასთან დაკავშირებით “როხი ბლანკოს” მარჯვენა მცველმა ხუანფრანმა განცხადება გააკეთა:
“ჩემი აზრით, გუშინ სერხიომ ხალხი მოატყუა. ვიცი, რომ ის მსოფლიოში ერთ-ერთი საუკეთესო ფეხბურთელია, ჩვენ ვიცნობთ ერთმანეთ,ვ ყოფილვართ ერთად გასახდელში და ვიცი, რომ გუშინ მან ის არ თქვა რასაც ფიქრობდა.
მათ სურთ, ჩვენ ვიფიქროთ, რომ საუკეთესონი ვართ, მაგრამ ეს არ მოხდება. ჩვენ ბოლომდე მობილიზირებულნი ვიქნებით.
უეფას ჩემპიონთა ლიგის ნახევარფინალურ ეტაპზე მიუნხენის „ბაიერნსა“ და მადრიდის „რეალს“ შორის გამართული მატჩი „სამეფო კლუბის“ დამაჯერებელი გამარჯვებით, ანგარიშით 4:0 დასრულდა. ამრიგად, ფინალში მონაწილე ერთი გუნდის ვინაობა გაირკვა.
მატჩის შემდეგ მადრიდული კლუბის ვიცე-კაპიტანმა და დუბლის ავტორმა სერხიო რამოსმა კომენტარი გააკეთა.
„თითოეულმა ჩვენგანმა ამ მატჩში მთელი სული და გული ჩადო. ფინალში გასვლა ნამდვილი ოცნებაა. აქამდე ამ ტურნირის გადამწყვეტ შეხვედრაში არ მითამაშია“, – სერხიო რამოსის სიტყვებს უეფას ოფიციალური ვებ-გვერდი აქვეყნებს.
ჩემპიონთა ლიგის ფინალური მატჩი 24 მაისს, ლისაბონში მდებარე სტადიონ „ეშტადიუ და ლუჟზე“ გაიმართება.
ბექა დოგრაშვილი
უეფას ჩემპიონთა ლიგის ნახევარფინალურ ეტაპზე მადრიდის „რეალსა“ და მიუნხენის „ბაიერნს“ შორის გამართული მატჩი ესპანელთა გამარჯვებით, ანგარიშით 1:0 დასრულდა. „სამეფო კლუბის“ მცველმა სერხიო რამოსმა აღნიშნა, რომ მადრიდელები განმეორებით შეხვედრაშიც მოგებისთვის იბრძოლებენ.
„კარგი მატჩი გამოვიდა. ჩვენი თამაში მჭიდრო ბრძოლაში წარიმართა იმ გუნდის წინააღმდეგ, რომელსაც მოედანზე დომინირება უყვარს. მოგვიწია, რომ პრესინგისთვის მიგვემართა, რათა ბურთი მოედნის ცენტრიდან შეტევით ხაზამდე გადაგვეტანა.
ვფიქრობ, განმეორებით მატჩშიც მოგებაზე უნდა ვითამაშოთ, რადგან შესაძლოა, პირველ შეხვედრაში დაფიქსირებული 1:0 არასაკმარისი აღმოჩნდეს. მეტოქის შესწავლას გავაგრძელებთ და ფინალში გასვლას ვეცდებით“, – სერხიო რამოსის სიტყვებს უეფას ოფიციალური ვებ-გვერდი აქვეყნებს.
შეგახსენებთ, რომ განმეორებითი შეხვედრა „ალიანს არენაზე“, 29 აპრილს გაიმართება.
ბექა დოგრაშვილი
ესპანეთის პრიმერადივიზიონის 29-ე ტურის ცენტრალური მატჩი „სანტიაგო ბერნაბეუზე“ შედგება, სადაც მადრიდის „რეალი“ „ბარსელონას“ მიიღებს. „სამეფო კლუბის“ მცველი სერხიო რამოსი მიიჩნევს, რომ კატალონიური კლუბის კრიზისზე საუბარი გადაჭარბებულია.
„ბარსელონას“ კრიზისზე აქტიური საუბრები მიმდინარეობს, თუმცა კატალონიელები ესპანეთის თასის ფინალში გავიდნენ, ჩემპიონთა ლიგის მეოთხედფინალური ეტაპის საგზური მოიპოვეს და მხოლოდ ოთხი ქულით ჩამორჩებიან ესპანეთის ჩემპიონატის სატურნირო ცხრილის ლიდერს.
ერთადერთი რამ, რაც შეიცვალა, ეს შიშის ფაქტორია. ახლა სხვა კლუბებს „ბარსელონასი“ ისე აღარ ეშინიათ, როგორც ადრე. ძალიან კარგი იქნება, თუ კატალონიელებს დავამარცხებთ. ეს ისტორიული დაპირისპირებაა. „რეალი“ სტაბილურად მაღალ დონეზე თამაშობს და ვეცდებით, რომ ასე გავაგრძელოთ“, – რამოსის სიტყვები „ასმა“ გამოაქვეყნა.
მატჩი „რეალსა“ და „ბარსელონას“ შორის 24 მარტს, 00:00 საათზე დაიწყება.
ბექა დოგრაშვილი
მადრიდის „ატლეტიკოს“ თავდამსხმელ დიეგო კოსტას გუშინ ესპანეთის ნაკრების რიგებში დებუტი ჰქონდა. წარმოშობით ბრაზილიელმა ფეხბურთელმა იტალიის ნაკრების წინააღმდეგ გამართული ამხანაგური მატჩი სრულად ჩაატარა. „ფურია როხამ“ მეტოქე პედროს კინკილა გოლის წყალობით დაამარცხა.
„ახლა მე და სერხიო რამოსი ძმებივით ვართ“, – აღნიშნა მატჩის შემდეგ დიეგო კოსტამ.
შეგახსენებთ, რომ „რეალსა“ და „ატლეტიკოს“ შორის გამართულ მატჩებში დიეგო კოსტასა და სერხიო რამოსს ხშირად ექმნებოდათ ურთიერთკონფლიქტური სიტუაციები.
ბოლო დროს ევროპული პრესა მადრიდის „რეალის“ მცველის სერხიო რამოსისა და „ბლანკოსის“ პრეზიდენტის ფლორენტინო პერესის კონფლიქტის შესახებ წერს. გარდა ამისა, არაოფიციალური ინფორმაციით, ამ უკანასკვნელმა 27 წლის ფეხბურთელის გაშვებაც კი გადაწყვიტა.
ამ ყველაფერს „სამეფო კლუბის“ მთავარი მწვრთვცნელი კარლო ანჩელოტი გამოეხმაურა, რომლის თქმითაც, მას რამოსის გაშვება არ სურს.
„რამოსთან შესანიშნავი ურთიერთობები მაკავშირებს. იგი კარგი ადამიანია და რაც მთავარია, გუნდის ერთ-ერთი მნიშვნელოვანია მოთამაშეა. მისი დაკარგვა არ მსურს, იმედია, პრეზიდენტი თავის გადაწყვეტილებას შეცვლის და სერხიოს კლუბში დარჩენის საშუალებას მისცემს“, – განაცხადა იტალიელმა სპეციალისტმა.
