ჭდე: სიონი

პირველი ეტაპი – სიონი

Posted on by Levan

Fanebi.com აგრძელებს უმაღლესი ლიგის პირველი ეტაპის შეჯამებას. დღეს ჩვენი სტუმარი, საფეხბურთო კლუბი “სიონი” იქნება.

სეზონის დაწყებამდე ბოლნისის “სიონში” საკმაოდ კარგი შემადგენლობა შეიკრიბა. კლბუში გამოცდილი ფეხბურთელები შეიკრიბნენ, რომლებიც თავის დროზე საქართველოს წამყვან კლუბებში წინა პლანზე იყვნენ. ბოლნისელები ისეთი ფეხბურთელებით გაძლიერდნენ, როგორებიც არიან: გიორგი განუგრავა, ვალერი აბრამიძე, თორნიკე აფციაური, აკაკი მიკუჩაძე, ლადო ახალაია და სხვები. გამოცდილებთან ერთად გუნდში ახალგაზრდა, იმედისმომცემი მოთამაშეები გამოჩნდნენ. “სიონმა” თბილისი “დინამოდან” ტვილდიანი და პარუნაშვილი ინათხოვრა.

ამ საინტერეო კოლექტივს სათავეში გიორგი კიკნაძე ჩაუდგა. თუმცა, შედეგმა მოლოდინი არ გაამართლა. მესამე ტურიდან მოყოლებული, ბოლნისელებმა შვიდმატჩიანი მოუგებელი სერიას გამოაცხეს, რასაც ახალგაზრდა სპეციალისტის თანამდებობა შეეწირა. მის ნაცვლად კი მთავარი მწვრთნელობა კლუბის სპორტულმა დირექტორმა, წარსულში ცნობილმა ფეხბურთელმა ლადო ბურდულმა ითავა.

33 წლის ბურდულის სამწვრთნელო დებიუტი წარმატებული აღმოჩნდა. ბოლნისის “სიონში” მომენტალურად შეიცვალა საქმისადმი დამოკიდებულება, რაც შედეგზეც აისახა. ლადო ბურდულის ხელმძღვანელობით “სიონმა” 8 მატჩი ჩაატარა, საიდანაც 2 ფრედ დაასრულა დანარჩენები კი მოიგო და საბოლოოდ მეოთხე პოზიციაზე აღმოჩნდა სატურნირო ცხრილში. არადა, ბურდულმა გუნდი გასავარდნ ზონასთან სიახლოვის დროს ჩაიბარა. აღსანიშნავია ისიც, რომ ბოლნისელები თასის მეოთხედფინალში გავიდნენ, სადაც “ჩიხურას” შეხვდება.

საინტერესოა, როგორ გაგრძელდება “სიონის” ასპარეზობა მეორე წრეში. გავრცელებული ინფორმაციით გუნდს სამეულში მოხვედრის ამბიცია გაუჩნდა. სწორედ ამ მიზნის მისაღწევად ბოლნისელები “დინამოდან” წამოსულ ლევან ხმალაძის და ირაკლი ლექვთაძის დამატებას აპირებენ.
“სიონის” ხელმძღვანელები იმასაც ამბობენ, რომ მარტის ბოლოდან კლუბი საშინაო მატჩებს საკუთარ “თამაზ სტეფანიაზე” გამართავს. შეგახსენებთ, რომ მოედანთან დაკავშირებული პრობლემების გამო მთელი პირველი ეტაპი ბოლნისელებმა “მიხეილ მესხზე” და რუსთავის “ფოლადზე” ჩაატარეს.

“სიონმა” პირველ ეტაპზე 18 ჩატარებული მატჩიდან 7 მოიგო, 6 ფრედ დაასრულა 5 შეხვედრაში კი დამარცხდა. ბურთების შეფარდება – 22/19.

საქართველოს თასზე 1/4 ფინალისტები დაწყვილდნენ

Posted on by -

დღეს, საქართველოს დავით ყიფიანის თასის მეოთხედფინალური ეტაპის წილისყრა გაიმართა და გაირკვა ის გუნდები, რომლებიც ერთმანეთს დაუპირისპირდებიან.

“ტორპედო” – “დილა”
“სიონი” – “ჩიხურა”
“შუქურა” – “მერანი”
“მეტალურგი” – თბილისის “დინამო”

მეოთხედფინალური ეტაპის პირველი მატჩები 22 თებერვალს გაიმართება, ხოლო განმეორებითი შეხვედრები – 20 მარტს.

არასრული ტური და ჟვანიას წარმატებული დებიუტი

Posted on by Levan

დღეს საქართველოს ქალაქებში ეროვნული ჩემპიონატის მატჩები გაიმართა. თუმცა, მეთექვსმეტე ტური სრულად არ შედგა. თოვლის გამო ორი შეხვედრა გადაიდო. უამინდობამ ხელი ქუთაისში გასამართ “ჩიხურასა” და “მერანის” დაპირისპირება გადადო. გუნდები ურთიერთშეთანხმების საფუძველზე აღნიშნულ შეხვედრას 11 დეკემბერს, “მცხეთა” პარკზე გამართავენ. ხოლო მეორე გადადებული შეხვედრა “გურია” – “ტორპედოა”.

ჟვანიას წარმატებული დებიუტი

ანაკლიაში გამართული “ზუგდიდი” – “დინამო” თბილისელების გამარჯვებით დასრულდა. სტუმრება 3-0 მოიგეს და სამივე გოლი ლეგიონერების ანგარიშზეა.  ანგარიში მეცხრე წუთზე ჩისკო მინიოსმა გახსნა. მეორე გოლი დორინ გოგას ანგარიშზეა. რუმინელმა შედეგიანი დარტყმა 32-ე წუთზე შესრულა, ხოლო უკანასკნელი გოლი 81-ე წუთზე დარკო გლიშიჩის ანგარიშზეა. აღსანიშნავია, რომ თბილისელები 69-ე წუთიდან კაცნაკლულები იყვნენ. წითელი ბარათი გიორგი გველესიანმა მიიღო.


მეტალურგის მოულოდნელი მარცხი

ტურს მოულოდნელი შედეგის გარეშე არ ჩაუბლია. “მიხეილ მესხზე” ცხინვალის “სპარტაკმა” რუსთავის “მეტალურგი” დაამარცხა, რომელიც უკვე მე-10 წუთზე რიცხობრივ უმცირესობაში აღმოჩნდა. მიუხედავად ამისა, რუსთაველები მთელი მატჩი იბრძდნენ და მხოლოდ 87-ე წუთზე გაუშვეს პირველი გოლი, რომელიც დავით გელაშვილის ანგარიშზეა. 90-ე წუთზე “სპარტაკის” უპირატესობა თორნიკა თუხარელმა გაზარდა.

ლოგიკური ფრე მცხეთაში 

“მცხეთა პარკზე” ერთმანეთს ცხრილის შუა ნაწილში მყოფი გუნდები დაუპირისპირდნენ. “ვიტ ჯორჯიასა” და “სიონის” შეხვედრა, საკმაოდ მოსაწყენი და ნელ ტემპში მიმდინარე თამაში ლოგიკური შედეგით, ნულოვანი ფრით დასრულდა.

 

ტურის შედეგები:

დილა 3-1 ზესტაფონი

ზუგდიდი 0-3 დინამო

სპარტაკი 2-0 მეტალურგი

ვიტ ჯორჯია – სიონი

გადაიდო:

ჩიხურა – მერანი

გურია – ტორპედო

უმაღლესი ლიგის I წრის სიმბოლური გუნდი

Posted on by ბექა დოგრაშვილი

დასრულდა საქართველოს XXV ჩემპიონატის უმაღლესი ლიგის I წრე. ტრადიციულად, ყოველდღიურმა სპორტულმა გაზეთმა „ლელომ“ განვლილი პერიოდი შეაჯამა და სიმბოლური გუნდი შეადგინა.

აღსანიშნავია, რომ სიმბოლურ გუნდში ყველაზე მეტი ფეხბურთელი „დინამო თბილისიდან“ არის მოხვედრილი და ეს არც არის გასაკვირი, რადგან გუნდი სატურნირო ცხრილს ერთპიროვნულად ლიდერობს.

გაზეთ  „ლელოს“ ვერსიით, I წრის სიმბოლური გუნდი ასე გამოიყურება (4-4-2):

მეკარე: გიორგი ლორია („დინამო“);
მცველები: არნაუდ ჩუენსუ („გურია“), გიორგი ხიდეშელი („ტორპედო“), რენე ფერეირა („ზესტაფონი“), დავით კვირკველია („დინამო“);
ნახევარმცველები: დავით კირკიტაძე („მეტალურგი“), დორინ გოგა („დინამო“), გიორგი მერებაშვილი („დინამო“), კობა შალამბერიძე („გურია“);
თავდამსხმელები: ირაკლი მოდებაძე („დილა“), დიმიტრი ტატანაშვილი („ჩიხურა“).
მთავარი მწვრთნელი: დუშან უჰრინი („დინამო“).

I წრის სარეზერვო სიმბოლური (3-5-2):

მეკარე: როინ კვასხვაძე („ზესტაფონი“);
მცველები: ვაჟა ტაბატაძე („ტორპედო“), გულვერდ თომაშვილი („დილა“), თენგიზ ჩიკვილაძე („გურია“);
ნახევარმცველები: გრიგოლ დოლიძე („დილა“), გიორგი კუხიანიძე („ტორპედო“), გიორგი ჯანელიძე („ვიტ ჯორჯია“), გოგი ფიფია („მეტალურგი“), რევაზ გეწაძე („მეტალურგი“);
თავდამსხმელები: თორნიკე კაპანაძე („ტორპედო“), ჩისკო („დინამო“).
მთავარი მწვრთნელი: სოსო ფრუიძე („ჩიხურა“).

 

“ზესტაფონი” მეთერთმეტე ტურის მატჩისთვის

Posted on by -

საფეხბურთო კლუბი ”ზესტაფონი” ქვეყნის მიმდინარე პირველობის მორიგი მატჩისათვის ემზადება. 3 ნოემბერს, დავით აბაშიძის სახელობის სტადიონზე, საქართველოს XXV ეროვნული ჩემპიონატის მეთერთმეტე ტურის შეხვედრაში მარგველები ბოლნისის საფეხბურთო კლუბ ”სიონს” უმასპინძლებენ.

ორივე კლუბი ბოლო წლების განმავლობაში ეროვნული ჩემპიონატის უმაღლესი ლიგის უცვლელი ბინადარი გახლავთ და ერთმანეთში ურთიერთობებს ზედიზედ მეათე სეზონია არკვევს. ეროვნული ჩემპიონატის უმაღლეს ლიგაში “ზესტაფონისა” და “სიონის” ურთიერთშეხვედრები სადღეისოდ 25 დაპირისპირებას ითვლის. ამ შეხვედრებში დიდი უპირატესობა მარგველთა მხარესაა – 15 მოგება, 6 ფრე (საინტერესოა, რომ ექვსივეჯერ 0-0) და 4 წაგება, გატანილი და გაშვებული ბურთების სხვაობა – 31:9.

უნდა ითქვას, რომ დავით ყიფიანის სახელობის საქართველოს ეროვნული თასის გათამაშებაში ზესტაფონელებმა და ბოლნისელებმა ერთმანეთში პირველად სწორედ მიმდინარე გათამაშებაში იასპარეზეს. “სიონმა” იმერლები ორივე შეხვედრაში მინიმალური ანგარიშით 1-0 დაამარცხა და თასის გათამაშების მეოთხედფინალური სტადიის საგზურიც მოიპოვა.

როგორც მოგეხსენებათ, საფეხბურთო კლუბი ”ზესტაფონი” და სერბი სპეციალისტი რატკო დოსტანიჩი კონტრაქტის გაწყვეტაზე შეთანხმდნენ. ბოლნისის “სიონთან” მატჩისთვის გუნდს ლევან ბაჯელიძე ამზადებს, რომელიც დოსტანიჩის ასისტენტი გახლდათ.

ბოლნისის “სიონთან” 3 ნოემმბერს გასამართი შეხვედრა 16:00 საათზე დაიწყება და ამ მატჩის პირდაპირი ინტერნეტ-რეპორტაჟი საფეხბურთო კლუბ ”ზესტაფონის” ოფიციალურ ვებ-გვერდზე გადაიცემა.

საფეხბურთო კლუბ ”ზესტაფონის” პრეს-სამსახური

“ტორპედოს” დუბლებმა “სიონი” დაამარცხეს

Posted on by -

21 ოქტომბერს საქართველოს 25-ე ეროვნული ჩემპიონატის უმაღლეს ლიგაში მონაწილე გუნდების დუბლშემადგენლობათა ტურნირის მე-9 ტურის მატჩები გაიმართა. ქუთაისის „ტორპედოს“ საწვრთნელი ბაზის ხელოვნუსაფარიან მოედანზე „ტორპედო-2“-მა ბოლნისის „სიონის“ რეზერვისტებს უმასპინძლა.

შეხვედრა, რომელსაც თვალყური „ტორპედოს“ ძირითადი გუნდის ესპანელმა თავკაცმა ჟერარდ სარაგოსა მულეტმაც ადევნა, ერთიანობაში მასპინძელთა სათამაშო უპირატესობით მიმდინარეობდა, თუმცა პირველი ტაიმის ერთადერთი გოლი ბოლნისელებმა მე-5 წუთზე თერთმეტმეტრიანი საჯარიმო დარტყმით გაიტანეს – 0:1. გარდა ამისა, თავისი ოსტატობა გამოავლინა ტორპედოელმა მეკარე კუპატაძემაც, რომელმაც ორჯერ იხსნა მისი გუნდი გაშვებული გოლისგან. მეორე ტაიმში კი ქუთაისელებმა 2 უპასუხო გოლი აგემეს მეტოქეს: 56-ე წუთზე მისივე წაქცევისთვის დანიშნული პენალტი მამია გავაშელიშვილმა აქცია გოლად. 83-ე წუთზე კი შეხვედრას წერტილი ოლეგ მამასახლისმა დაუსვა, რომელმაც კაკუშაძის გადაცემით დალაშქრა სტუმართა კარი და ლაშა ჭაღიაშვილის გაწვრთნილმა გუნდმაც 3 ქულა მიითვალა – 2:1.

„ტორპედო-2“: კუპატაძე, ჩიტეიშვილი(ზ. გელაშვილი 73), ჭანტურია(გოგიჩაიშვილი 30), მამასახლისი, კუსიანი, სულთანიშვილი, ყანჩაშვილი, ახვლედიანი(კაკუშაძე 46), მარკოზაშვილი(ალეფირენკო 73), მზევაშვილი(გუგუშვილი 46), გავაშელიშვილი.

FCTorpedo.GE

“დინამოს” დუბლებმა “სიონის” დუბლები დაამარცხეს

Posted on by -

უმაღლესი ლიგის დუბლშემადგენლობათა გათამაშების მერვე ტურის შეხვედრა დინამოელებმა სტუმრად, ბოლნისის სიონის წინააღმდეგ გამართეს. ვლადიმერ გოჩაშვილის გაწვრთნილმა გუნდმა მეტოქე მათსავე მოედანზე ანგარიშით – 3:2 დაამარცხა.

შეხვედრის პირველი ტაიმი ორმხრივ შეტევებში წარიმართა და სახიფათო მომენტები ორივე გუნდის კართან ხშირად იქმნებოდა. ჩვენი გუნდი გაშვებული გოლისგან ლევან ტყეშელაშვილმა დაპირისპირების 23–ე წუთზე იხსნა, რომელმაც მასპინძელთა ფეხბურთელს პირისპირ თამაშისას აჯობა. მატჩის 25–ე წუთზე დინამოელებმა ანგარიში გახსნეს, შეტევის მარცხენა ფლანგიდან შეტევა არჩილ მესხმა წამოიწყო, რომელმაც ბურთი საჯარიმოში თანაგუნდელს გადააწოდა, საბოლოოდ ბურთი გიორგი პაპუნაშვილს მიუვიდა, რომელმაც ზუსტი დარტყმით საკუთარი გუნდი დააწინაურა. შეხვედრის 37–ე წუთზე თბილისელმა ფეხბურთელებმა ანგარიშში სხვაობა ორამდე გაზარდეს. საჯარიმოს სიახლოეს დანიშნული სტანდარტიდან კარში ბუდუ ზივზივაძემ დაარტყა, მასპინძელთა მეკარემ ბურთის ხელებში შემაგრება ვერ მოახერხა, დასწრებაზე კი ვაჟა მათიაშვილმა ითამაშა კარგად და ბურთი მეტოქის კარში გადაგზავნა. პირველი ტაიმის მიწურულს, 43–ე წუთზე დინამოელებმა მესამე გოლიც გაიტანეს. ბოლნისელთა მეკარეს გიორგი პაპუნაშვილმა ბურთი თავს ზემოთ გადაავლო და საკუთარი გუნდი შესვენებაზე სამბურთიანი ჰანდიკაპით გაიყვანა. მეორე ტაიმი დინამოელთა სათამაშო უპირატესობით წარიმართა და ბოლნისელთა კართან რამდენიმე სახიფათო მომენტიც შეიქმნა. შეხვედრის მიწურულს კი მასპინძლებმა ორი ბურთის გაქვითვა შესძლეს. მატჩის 81–ე წუთზე გოლი გივი იოსელიანმა გაიტანა, საფინალო ანგარიში კი მსაჯის მიერ კომპენსირებულ დროში ლევან შილაკაძემ გაიტანა.

სიონი 2:3 დინამო
გოლები: 0:1 პაპუნაშვილი 25′ 0:2 მათიაშვილი 37′ 0:3 პაპუნაშვილი 43′ 1:3 იოსელიანი 81′ 2:3 შილაკაძე 90+1′

სიონი: უგრეხელიძე, ჯაფარიძე (სიმონია 75’), ჭინჭარაული (ზარნაძე 46’), ისიანი, ჯიმშელეიშვილი, ახვლედიანი, ცხადაია, ლობჟანიძე (გიორბელიძე 72’), მამასახლისი (შილაკაძე 58’), იოსელიანი, ოქროპირიძე (ჩახვაშვილი 41’)

დინამო: ტყეშელაშვილი (ისიანი 80’), სარიშვილი (მარაქველიძე 82’), მურუსიძე, გოროზია (კახნიაშვილი 80’), ჯაფიაშვილი, მათიაშვილი (კვერნაძე 72’), პაპუნაშვილი, მესხი, ზივზივაძე (წილოსანი 60’), ბაჩიაშვილი, თევზაძე

გაფრთხილება: ოქროპირიძე 17’, ისიანი 35’ – თევზაძე 15’ ბაჩიაშვილი 51’ ჯაფიაშვილი 62′

დინამო TV – რუსთავში გამართული მატჩის მიმოხილვა

Posted on by -

დინამო TV რუსთავში გამართული სიონი 1:4 დინამოს დაპირისპირების ვიდეომიმოხილვას გთავაზობთ.

სიონი 1:4 დინამო

Posted on by -

რუსთავში, ფოლადის სტადიონზე გამართული VIII ტურის შეხვედრა, სიონი – დინამო ჩვენი გუნდის დამაჯერებელი გამარჯვებით 4:1 დასრულდა. დღევანდელ შეხვედრაში ანგარიში დინამოს რუმინელმა ლეგიონერმა, დორინ გოგამ მეშვიდე წუთზე გახსნა. მასპინძელთა რიგებიდან 16–ე წუთზე ანგარიშში წონასწორობა თორნიკე აფციაურმა აღადგინა. შეხვედრის 37–ე წუთზე საჯარიმო დარტყმა დორინ გოგამ შეასრულა და საკუთარ აქტივში დუბლი მიითვალა. დინამოელებმა მეორე ტაიმში კიდევ ორი გოლი გაიტანეს. 65–ე წუთზე მეტოქის კარში ბურთი გიორგი მერებაშვილმა გაიტანა, საფინალო ანგარიში კი დორინ გოგამ 78–ე წუთზე დააფიქსირა, რომელმაც ჰეთთრიქი შეასრულა. რვა ჩატარებული შეხვედრის შემდეგ დინამოელებს 19 ქულა დაუგრვდათ და თბილისელი ფეხბურთელები სატურნირო ცხრილს ერთპიროვნულად ლიდერობენ.

სიონი 1:4 დინამო
გოლები: 0:1 გოგა 7’ 1:1 აფციაური 16’ 1:2 გოგა 37’ მერებაშვილი 65’ 1:4 გოგა 78’

სიონი: ბათიაშვილი,აბრამიძე, ქემოკლიძე, ფოფხაძე, აფციაური (ჩივაძე 83’), ბიბილეიშვილი, გოგობერაშვილი, იმედაშვილი, კახელიშვილი, სამხარაძე (ხუჭუა 73’), ახალაია (მიკუჩაძე 62’)

დინამო: ლორია, გველესიანი, ძარია, ხმალაძე, კვარაცხელია, სეთურიძე, მერებაშვილი, (გლიშიჩი 88’) ჩისკო (ვუო 76’), დვალი, კვირკველია, გოგა (გრიგალაშვილი 85’)

გაფრთხილება: აბრამიძე 35′, აფციაური 73′ – გოგა 73′, გველესიანი 75′

FCDinamo.GE

სიონი VS დინამო – მატჩამდე

Posted on by -

დინამო თბილისი საქართველოს XXV ეროვნული ჩემპიონატის პირველი ტურის შეხვედრას სტუმრად, რუსთავში, ფოლადის სტადიონზე, ბოლნისის სიონის წინააღმდეგ გამართავს. 6 ოქტომბერს შეხვედრა 15:00 საათზე დაიწყება და დაპირისპირების პირდაპირი რეპორტაჟის ხილვა საქართველოს საზოგადოებრივი მაუწყებლის პირველი არხისა და ჩვენი კლუბის ოფიციალურ ვებ–გვერდის მეშვეობით შეგეძლებათ.

ჩვენი მეტოქე

ბოლნისის საფეხბურთო კლუბი სიონი საქართველოს ეროვნულ ჩემპიონატში 1995 წლიდან ასპარეზობს. გუნდი საშინაო შეხვედრებს ბოლნისში, თამაზ სტეფანიას სახელობის სტადიონზე მართავს, რომელიც 3300 მაყურებელს იტევს. ბოლნისის სიონის საკლუბო ფერები ძირითადად თეთრ და ყვითელ ფერებში არის გადაწყვეტილი. ბოლნისურმა კლუბმა ისტორიაში ყველაზე დიდ წარმატებას 2005–2006 წლების სეზონში მიაღწია – გუნდმა საქართველოს ჩემპიონის ტიტული მოიპოვა და ჩემპიონთა ლიგის გათამაშების საკვალიფიკაციო ეტაპზე იასპარეზა.

მწვრთნელი და სიონი

ბოლნისის სიონის მთავარი მწვრთნელი 2013 წლის ივლისიდან გიორგი კიკნაძე არის. მისი თავკაცობით გუნდმა მიმდინარე სეზონში უმაღლეს ლიგაში ჩატარებული შვიდი თამაშიდან ორ–ორი შეხვედრა მოგებითა და საყაიმო ანგარიშით დაასრულა, სამ შეხვედრაში კი დამარცხდა და სატურნირო ცხრილში მერვე საფეხურზე იმყოფება. საქართველოს თასის გათამაშებაზე კი გუნდმა პირველი ეტაპი დაძლია და მერვესფინალური ეტაპის პირველ შეხვედრაში ზესტაფონს 1:0 აჯობა.

დინამომდე…

ბოლნისის სიონმა მიმდინარე სეზონში 10 ოფიციალური მატჩი გამართა (7 უმაღლეს ლიგაში – 3 თასზე), საიდანაც გუნდმა 5 შეხვედრა გამარჯვებით (სპარტაკი 0:2 სიონი, სიონი 6:1 სტუ, სიონი 2:0 გურია, სტუ 2:5 სიონი და სიონი 1:0 ზესტაფონი) დაასრულა, 2 მატჩი ფრედ (სიონი 1:1 ვიტ ჯორჯია და სიონი 2:2 ჩიხურა) ითამაშა, ხოლო 3 შეხვედრაში (სიონი 1:2 დილა, ზუგდიდი 2:1 სიონი და მერანი 2:0 სიონი) დამარცხდა.

დინამო VS სიონი

დღემდე ამ გუნდებს შორის ეროვნულ ასპარეზზე 49 შეხვედრა გაიმართა. ურთიერთშეხვედრებში დინამოელთა უპირატესობა აშკარაა – 41 მოგება, 4 ფრე და 4 მარცხი. გატანილი და გაშვებული ბურთების შეფარდება დედაქალაქელთა სასარგებლოდ 123:22–ზე არის. დინამო თბილისისა და ბოლნისის სიონის უკანასკნელი დაპირისპირება 2012 წლის 8 დეკემბერს შედგა. ვაკეში, მიხეილ მესხის სახელობის სტადიონზე გამართული სიონი – დინამო ჩვენი ფეხბურთელების გამარჯვებით დასრულდა. დინამოელებმა მეტოქეს ხუთი უპასუხო გოლი გაუტანეს. ბოლნისელთა კარში ორი გოლი შეაგდო ჩისკო მუნიოსმა, თითო გოლი კი გივი კვარაცხელიას, ჯაბა დვალის და ლევან ხმალაძის ანგარიშზეა.

დისკვალიფიცირებული ფეხბურთელები

დისკვალიფიკაციის გამო ხვალინდელ მატჩს დინამო თბილისის ესპანელი მცველი – უსტარიცი დააკლდება, რომელმაც უკანასკნელი ტურის შეხვდრაში მიმდინარე სეზონის მესამე ყვითელი ბარათი მიიღო. ბოლნისელთა რიგებში კი დისკვალიფიცირებული ფეხბურთელები არ არიან.

სიონი VS დინამო – მსაჯი

ბოლნისის სიონისა და დინამოს ხვალინდელ შეხვედრას ოთარ ხეცაძე განსჯის, რომელსაც ასისტენტობას ზაზა ფიფია და ირაკლი უკლება გაუწევენ. მეოთხე მსაჯის ფუნქციებს ლაშა სილაგავა შეასრულებს. დამატებითი მსაჯების ფუნქციას კი გიორგი ყრუაშვილსა და არსენ ნონიკაშვილს დაეკისრათ.

ბოლნისის სიონის სავარაუდო შემადგენლობა

ჩვენი ვარაუდით, ხვალინდელ მატჩში ბოლნისელთა სასტარტო შემადგენლობა ასეთი იქნება:

მერლანი – თოთაძე, სვანიძე, აბრამიძე, ქემოკლიძე – განუგრავა, გოგობერიშვილი, აფციაური, კახელიშვილი, ლობჟანიძე – უგულავა, მიკუჩაძე

FCDinamo.GE

დინამო VS სიონი – ურთიერთშხვედრები

Posted on by -

საქართველოს ეროვნული ჩემპიონატის უმაღლესი ლიგის VIII ტურის შეხვედრაში დინამო თბილისი ბოლნისის სიონს დაუპირისპირდება. 6 ოქტომბერს მატჩი რუსთავში, ფოლადის სტადიონზე 15:00 საათზე გაიმართება.

დღემდე ამ გუნდებს შორის ეროვნულ ასპარეზზე 49 შეხვედრა გაიმართა. ურთიერთშეხვედრებში დინამოელთა უპირატესობა აშკარაა – 41 მოგება, 4 ფრე და 4 მარცხი. გატანილი და გაშვებული ბურთების შეფარდება დედაქალაქელთა სასარგებლოდ 123:22–ზე არის.

დედაქალაქელმა ფეხბურთელებმა 41 გამარჯვებიდან მეტოქე 14 შეხვედრაში დიდი ანგარიშით დაამარცხეს. აქედან აღსანიშნავია 1996 წელს გამართული მატჩი, რომელშიც ჩვენმა გუნდმა ბოლნისის სიონს 8:0 მოუგო. ჩვენმა ფეხბურთელებმა სიონის კარში ამდენივე გოლი გაიტანეს 1998 წელსაც, თუმცა საპასუხოდ ერთი გოლი მიიღეს და დაპირისპირება დინამოს გამარჯვებით – 8:1 დასრულდა. ყველაზე დიდი სხვაობით დინამომ ბოლნისის სიონი 2000 წელს დაამარცხა, ჩვენმა გუნდმა მეტოქეს 9:0 სძლია.

დინამო თბილისისა და ბოლნისის სიონის უკანასკნელი დაპირისპირება 2012 წლის 8 დეკემბერს შედგა. ვაკეში, მიხეილ მესხის სახელობის სტადიონზე გამართული სიონი – დინამო ჩვენი ფეხბურთელების გამარჯვებით დასრულდა. დინამოელებმა მეტოქეს ხუთი უპასუხო გოლი გაუტანეს. ბოლნისელთა კარში ორი გოლი შეაგდო ჩისკო მუნიოსმა, თითო გოლი კი გივი კვარაცხელიას, ჯაბა დვალის და ლევან ხმალაძის ანგარიშზეა.

FCDinamo.GE

სიონი VS დინამო რუსთავში გაიმართება

Posted on by -

საქართველოს ეროვნული ჩემპიონატის უმაღლესი ლიგის VIII ტურის კალენდარული შეხვედრა დინამო თბილისსა და ბოლნისის სიონს შორის 6 ოქტომბერს რუსთავში, ფოლადის სტადიონზე გაიმართება. მატჩი 15:00 საათზე დაიწყება და დაპირისპირების პირდაპირ რეპორტაჟს საქართველოს საზოგადოებრივი მაუწყებლის პირველი არხი გადასცემს.

FCDinamo.GE