საქართველოს ეროვული ჩემპიონატი დასრულდა. კლუბები მცირე შესვენებაზე არიან. სულ მალე კი, შეიკრიბებიან და ახალი სეზონისთვის დაიწყებენ მზადებას. ყველაზე ადრე ამას “დინამო”, “ზესტაფონი”, “სიონი” და “ჩიხურა” გააკეთებენ. 2013/14 წლების სეზონში ევროთასებზე საქართველოს სწორედ ეს კვარტეტი წარმოადგენს.
ჩვენი ქვეყნის ჩემპიონი “დინამო თბილისი” ჩემპიონთა ლიგაში მეორე საკვალიფიკაციო ეტაპიდან ჩაერთვება. “დინამოს” ბედი გარკვეულწილად უნგრეთის ჩემპიონატის შედეგზე იყო დამოკიდებული. სამწუხაროდ, უნგრეთში “დებრეცენის” ჩემპიობა ფაქტოვრივად გადაწყვეტილია, რაც იმას ნიშნავს, რომ “დინამო” მეორე საკვალიფიკაციო ეტაპზე განუთესავი იქნება და საკმაოდ რთულ მეტოქეს უნდა ელოდოს.
თბილისური კლუბის სავარაუდო ოპონენტები არიან: რუმინეთის “სტიაუა”, შოტლანდიის “სელტიკი”, ბელორუსის “ბატე”, ჩეხეთის “სპარტა”, ხორვატიის “დინამო”, ბულგარეთის “ლუდოგორეცი”, ისრაელის “მაქაბი” (თელ-ავივი), მოლდოვის “შერიფი”, სლოვენიის “მარიბორი”, პოლონეთის “ლეგია”, სერბეთის “ცრვენა ზვეზდა”, სლოვაკეთის “სლოვანი”, ყაზახეთის “აქტობე”, ლატვიის “ვენტსპილსი”, აზერბაიჯანის “ყარაბაღი”, ფინეთის ჰიკ-ი და (უდიდესი ალბათობით) უნგრეთის “დებრეცენი”.
მეორე საკვალიფიკაციო ეტაპის პირველი მატჩები 16-17 ივლისს შედგება, განმეორებითი შეხვედრები კი ერთი კვირის თავზე – 23-24 ივლისს გაიმართება.
ევროპა ლიგაზე საქართველოს ტრადიციულად სამი გუნდი წარმოადგენს. “სიონი” და “ჩიხურა” გათამაშებაში პირველივე ეტაპზე ჩაერთვებიან. “ზესტაფონი” კი, მეორე ეტაპიდან შეეცდება წარმატების მიღწევას.
საჩხერის ”ჩიხურას” პოტენციურ მეტოქეთა სია ასე გამოიყურება : მალტის ”ჰიბერნიანი” , მალტის ”სლიემა” , ალბანური ”ლაჩი” , ლატვიური ”ელგავა” და ”დაუგავა” , ყაზახეთის ”ასტანა” და ”ქაირათი” , სომხური ”მიკა” , ირლანდიური ”დანდალკსი” , ლიტვის ”ბანგა”.
ბოლნისის “სიონის” სავარაუდო მეტოქეები კი, ნორვეგიული ”რუსენბორგი” , შვედური ”გიოტებორგი” , შოტლანდიური ”აბერდინი” , პოლონური ”იაგელონია” , ბულგარული ”ლიტექსი” , ”ბოტევი” არიან.
ამ ეტაპზე ევროპა ლიგის მეორე ეტაპზე საქართველოს ერთადერთი წარმომადგენელი “ზესტაფონია”. იმერული კლუბი პოტენციურ მეტოქეთა სია ასე გამოიყურება: “სპლიტი” (ხორვატია), “სენტ ჯონსტონი” (შოტლანდია), “ლინფილდი” (ჩრდ. ირლანდია), “ინტერი” (აზერბაიჯანი), “პიუნიკი” (სომხეთი), “აბერდინი” (შოტლანდია), “შიროკი ბრიგი” (ბოსნია), “ბოტევი” (ბულგარეთი), “ჰონკა” (ფინეთი), “სლიგო როვერსი” (ირლანდია), “ზავიშა” (პოლონეთი), “ნემანი” (ბელორუსი), “ბირკირკარა” (მალტა), “კოშიცე” (სლოვაკეთი), “ვადუცი” (ლიხტენშტაინი), “კოპერი” (სლოვენია), “ბანგორი” (უელსი), “ბრომაპოიკარნა” (შვედეთი), “ტრენჩინი” (სლოვაკეთი), “ნოვა გორიცა” (სლოვენია), “ზიმბრუ” (მოლდოვა), “მიუპა” (ფინეთი), “კალიუ” (ესტონეთი), “ჰაუგესუნდი” (ნორვეგია), “დაუგავა” (ლატვია), “ჟენესი” (ლუქსემბურგი), “რუდარი” (სლოვენია), “კუკესი” (ალბანეთი), “მეტალურგი” (მაკედონია), “როვანიემი” (ფინეთი).
ევროპა ლიგის პირველი საკვალიფიკაციო ეტაპის მატჩები 4-11 ივლისს შედგება. მეორე ეტაპი კი – 18-25 ივლისს.
ოთხივე ქართული გუნდი თავისი მეტოქის ვინაობას 24 ივნისს, ნიონში გასამართ წილისყრაზე შეიტყობს.
იმედია, ჩვენი გუნებისთვის მოახლოებული ევროზაფხული წარმატებული აღმოჩნდება. თუმცა, დღეს არსებული ვითარებიდან გამომდინარე ოპტიმიზმის საფუძველი ნამდვილად არ გვაქვს.
ოთხიდან ორი კლუბის დაფინანსები საკითხი გარკვეული ჯერ არ არის. “სიონი” და “ჩიხურა” სახლმწიფო პროგრამის იმედზე არიან. თუმცა, გავრცელებული ინფორმაციით, სპონსორებსაც აქტიურად ეძებენ.
შედარებით უკეთესი მდგომარეობაა “დინამოსა” და “ზესტაფონში”. ამ კლუბებში ფინანსური პრობლემები არ არის, თუმცა ორივე შემთხვევაში საქმე საკადრო პრობლემებთან გვაქვს. “დინამოსაც” და “ზესტაფონსაც” გაძლირება ნამდვილად არ აწყენდათ. წინააღმდეგ შემთხვევაში სერიოზულ მიზნებზე ფიქრი წარმოუდგენელი იქნება. გარდა ამისა თბილისური კლუბის მთავარი მწვრთნელის გარეშეა დარჩენილი. თუმცა, დიდი ალბათობით, ეს საკითხი უახლოეს მომავალში გადაწყდება და “დინამოს” გამოცდილი ჩეხი სპეციალისტი, მიხალ ბილეკი ჩაიბარებს.
