სლოვაკეთი – Fanebi.Com – ფეხბურთი, კალათბურთი, რაგბი, სხვა

ინგლისის ნაკრებმა სლოვაკეთი დაძაბულ ბრძოლაში დაამარცხა (ვიდეო)

Posted on სექტემბერი 5, 2017სექტემბერი 5, 2017 by იაკობ კაპანაძე

მსოფლიო ჩემპიონატის საკვალიფიკაციო ეტაპის F ჯგუფის ცენტრალური მატჩი ინგლისში, “უემბლიზე” გაიმართა, სადაც “სამი ლომი” იან კოზაკის მიერ გაწვრთნილ სლოვაკეთის ნაკრებს დაუპირისპირდა.

გამომდინარე იქიდან, რომ ამ მატჩის გამარჯვებული ტურის შემდეგ პირველ ადგილზე გადაინაცვლებდა, მოედანზე ორივე გუნდი ძალიან მოტივირებული და ფოკუსირებული გამოვიდა.

მატჩში ანგარიში მალევე, მესამე წუთზე გაიხსნა. თავი სლოვაკთა შემტევმა, ლობოტკამ გამოიჩინა, რასაც ერიკ დაიერმა 37-ე წუთზე უპასუხა მარკუს რეშფორდის პასის წყალობით. 59-ე წუთზე კი “მანჩესტერ იუნაიტედის” შემტევმა თავადვე შესძლო თავის გამოჩენა და საბოლოო ანგარიშიც დააფიქსირა.

ინგლისის ნაკრები: ჯო ჰარტი; ბერტრანდი, ფილ ჯონსი, კეჰილი, უოკერი; დაიერი, ჰენდერსონი; დელე ალი; რეშფორდი (უელბეკი 84′), ჰარი კეინი, ოქსლეიდ-ჩემბერლინი (სტერლინგი 83′)

მთავარი მწვრთნელი: გარეთ საუთგეიტი

სლოვაკეთის ნაკრები: დუბრავკა; პეკარიკი, შკრტელი, დურიცა, ჰუბოჩანი; შკრინიარი, ლობოტკა; ვაისი (რუშნაკი 78′), ჰამშიკი (დუდა 79′), მაკი; ნემეცი (დურისი 59′)

მთავარი მწვრთნელი: იან კოზაკი

ლალანამ ინგლისს 95-ე წუთზე მოაგებინა (ვიდეო)

Posted on სექტემბერი 4, 2016სექტემბერი 4, 2016 by იაკობ კაპანაძე

ახლახან დასრულდა 2018 წლის მსოფლიო ჩემპიონატის საკვალიფიკაციო ეტაპის პირველი მატჩი ინგლისის ნაკრების მონაწილეობით. სემ ალარდაისის გუნდის პირველი მეტოქე იან კოზაკის სლოვაკეთის ნაკრები იყო.

“დიდმა სემმა” თამაში 4-2-3-1 სისტემით დაიწყო. ინგლისელთა ერთადერთი გამოკვეთილი თავდამსხმელი ჰარი კეინი გახლდათ, რომელიც 82-ე წუთზე დანიელ სტარიჯმა შეცვალა. აღსანიშნავია ისიც, რომ უეინ რუნი კვლავ ნახევარმცველის პოზიციაზე მოგვევლინა, რამაც ბევრი ფანის უკმაყოფილება გამოიწვია.

მატჩში ერთადერთი გოლი ადამ ლალანამ, 95-ე წუთზე გაიტანა. ამ გოლში გარკვეული წვლილი მასპინძელთა მეკარეს, კოზაჩიკსაც მიუძღვის, რომელმაც იმ მომენტში სათანადოდ ვერ ითამაშა.

სლოვაკეთი: კოზაჩიკი; ჰუბოკანი, დურიცა, შკრტელი, პეკარიკი; პეჩოვსკი (გიომბერი 55′); მარკი (კუბიკი 72′), გრეგუსი, ჰამშიკი, სვენტო (კისი 78′); დურისი

მთავარი მწვრთნელი: იან კოზაკი

ინგლისი: ჯო ჰარტი; როუზი, სტოუნზი, კეჰილი, უოლკერი; დაიერი, ჰენდერსონი (დელე ალი 64′); ლალანა, რუნი, სტერლინგი (უოლკოტი 71′); კეინი (სტარიჯი 82′)

მთავარი მწვრთნელი: სემ ალარდაისი

კოზაკი: “ჰამშიკი უფრო დიდ კლუბში უნდა თამაშობდეს”

Posted on ივნისი 16, 2016 by იაკობ კაპანაძე

სლოვაკეთის ეროვნული ნაკრების თავკაცი, იან კოზაკი თვლის, რომ გუნდის 28 წლის ფლეიმეიკერი, მარეკ ჰამშიკი უფრო დიდ კლუბში უნდა თამაშობდეს, რისი თქმის უფლებასაც მას შესანიშნავი სეზონი აძლევს (ისევე როგორც სერია ა-ში, ასევე ევრო 2016-ზე).

“ასეთი თამაშების შემდეგ ის უფრო დიდ კლუბს იმსახურებს. ვფიქრობ, რომ “ნაპოლი” მისთვის ძალიან პატარა გახდა. ის რეალურად დიდ კლუბში უნდა თამაშობდეს.

ის ბურთთან ერთად მართლაც შესანიშავად მოქმედებდა. ასეთი ყინულის (რუსეთის) გატეხვა სწორედ ასეთი ინდივიდუალისტების საშუალებით მოვახერხეთ (ვაისი და ჰამშიკი).” – განაცხადა კოზაკმა რუსეთის დამარცხების შემდეგ (სლოვაკეთი 2-1 რუსეთი).

ვინსენ კომპანიმ სლოვაკეთისა და რუსეთის მატჩზე კომენტარი გააკეთა

Posted on ივნისი 15, 2016 by იაკობ კაპანაძე

ახლახან დასრულდა ევრო 2016-ის მეორე ტურის პირველი მატჩი სლოვაკეთისა და რუსეთის ეროვნულ ნაკრებებს შორის, რომელიც სლოვაკთა გამარჯვებით დასრულდა.

ეს მატჩი “სიტის” ბელგიელმა კაპიტანმა, ვინსენ კომპანიმ შეაფასა: “სლოვაკეთისათვის ეს ძალიან მნიშვნელოვანი გამარჯვებაა, რაზეც მათი აღნიშვნაც მეტყველებს. თუმცა ყურადსაღებია ის ფაქტი, რომ მათ რუსეთს თამაშში დაბრუნების და შემტევი ფეხბურთის თამაშის შანსი მისცეს, რაც მაღელვებს, რამეთუ მომავალში მათი მეტოქე ინგლისი იქნება.”

კომპანიმ ჰამშიკზეც ისაუბრა, რომელმაც ბრწყინვალე გოლის გატანა შეძლო: “ჰამშიკმა კიდევ ერთხელ დაამტკიცა, თუ რას ნიშნავს ფეხბურთში ხარისხიანი თამაში. მან მატჩის ბედი გადაწყვიტა. თუმცა ბოლოსკენ ის ბედნიერი არ ჩანდა, რამეთუ გუნდმა მატჩის სადავეები ხელიდან გაუშვა. ინგლისთნ მატჩში მსგავსი რამ დიდ პრობლემას შექმნის.”

ბორდოში უელსის ნაკრების საგულშემატკივროდ 30 000 უელსელი ჩავიდა

Posted on ივნისი 11, 2016 by იაკობ კაპანაძე

სამართალდამცავთა მიერ მოპოვებული ინფორმაციის თანახმად, ბორდოში და მის გარეუბნებში 30, 000-მა უელსელმა მოიყარა თავი, რათა საკუთარ ნაკრებს სლოვაკეთთან გასამართ მატჩში უგულშემატკივრონ.

ბრიტანული პოლიციის ინსპექტორი, სტივ ფურნჰემი, რომელსაც მათთვის თვალყურის დევნება ევალება ბორდოში არსებულ სიტუაციას დადებითად აფასებს.

მათ თქვა: “ხუთშაბათიდან აქ ვიმყოფებით. ფრანგ და სლოვაკ კოლეგებთან ერთად ვაკონტროლებთ ქალაქის ცენტრში არსებულ სიტუაციას.

გულწრფელად ვამბობ, მათი მეგობრული განწყობით გაკვირვებული ვარ. ისინი ბორდოში ყოფნით დიდ სიამოვნებას იღებენ.”

შეგახსენებთ, რომ უელსის ნაკრები B ჯგუფში, რუსეთის, ინგლისისა და სლოვაკეთის ნაკრებებთან ერთად იმყოფება. უელსელები პირველ მატჩში სლოვაკეთის ნაკრებს დაუპირისპირდებიან. მატჩი დღეს, თბილისის დროით 20:00 საათზე აიღებს სტარტს.

სლოვაკეთის მწვრთნელი: “უელსი მხოლოდ ბეილი არ არის”

Posted on ივნისი 10, 2016 by იაკობ კაპანაძე

სლოვაკეთის ნაკრების მთავარი მწვრთნელი, იან კოზაკი თვლის, რომ მცდარია მოსაზრება, რომლის თანახმადაც უელსის ეროვნული ნაკრების ერთადერთი კოზირი გარეთ ბეილია.

“ის ტოპ დონის ფეხბურთელია და არა მხოლოდ უელსში, ის მსოფლიოში ერთ-ერთი საუკეთესოა. არ მინდა დეტალურად ვისაუბარო იმაზე, თუ როგორ ვაპირებ მის შეჩერებას.

ჩვენ მას პატივს ვცემთ, თუმცა უელსის ნაკრები მხოლოდ ბეილით არ შემოიფარგლება. მათ სხვა ფეხბურთელებიც ჰყავთ, რომლებიც ინგლისის საუკეთესო გუნდებში ასპარეზობენ. ფეხბურთი გუნდური თამაშია, თანაგუნდელების გარეშე ბეილი ვერაფერს გახდება.” – დაასრულა მან.

შეგახსენებთ, რომ სლოვაკეთისა და უელსის ნაკრებებმა B ჯგუფში მოიყარეს თავი. ისინი ერთმანეთს 11 ივნისს, თბილისის დროით 20:00 საათზე დაუპირისპირდებიან.

U17: გამარჯვება სლოვაკეთთან

Posted on თებერვალი 24, 2015თებერვალი 24, 2015 by Levan

მიხეილ მესხის სახელობის სტადიონის სათადარიგო მოედანზე დღეს საქართველოს 17 წლამდელთა ნაკრებმა სლოვაკ თანატოლებს უმასპინძლა და მინიმალური ანგარიშით, 1:0 სძლია.

პირველი სახიფათო მომენტი საქართველოს ნაკრებმა მატჩის მე-3 წუთზე შექმნა. კუთხურის შემდეგ გატანის შანსი კობოურს მიეცა, თუმცა მასპინძელთა მცველმა დარტყმა ვერ შეძლო. მე-8 წუთზე არველაძის დარტყმა ხარიხამ მოიგერია. ხიფათი ამჯერადაც სტანდარტს მოჰყვა. მე-18 წუთზე პირველი დარტყმა სტუმრებმა განახორციელეს – ჰერცის მცდელობას ისიანისთვის პრობლემები არ შეუქმნია. მალევე კოლასარმაც სცადა ბედი, თუმცა საქართველოს ნაკრების კარის დარაჯი ამჯერადაც დამაჯერებლი იყო. ტაიმის ბოლოს არაბიძის ჩაწოდების შემდეგ გატანის შანსი მასპინძებს კვლავ მიეცათ, თუმცა ვერც გვასალია და ვერც არველაძე ბურთს ვერ შეწდვნენ.

მეორე ნახევარი მასპინძელთა შეტევით დაიწყო. კუხიანიძის ძლიერი დარტყმა სტუმართა მეკარემ მოიგერია. თამაში ტყებუჩავას გუნდის კარნახით მიმდინარეობდა და სავსებით ლოგიკურიც იყო, რომ მე-60 წუთზე ანგარიში არაბიძემ გახსნა, რომელმაც საჯარიმოს გარედან ეფექტრუი დარტყმით დალაშქრა მეტოქის კარი. გაშვებული გოლის შემდეგ სტუმრები გააქტიურდნენ და გათანაბრებაც შეეძლოთ, თუმცა მეკარესთან პირისპირ გასულმა დუბეცმა ბურთი კარს დიდი მანძილით ააცილა. საპასუხო კონტრშეტევაში კი უკვე ქართველებს ჰქონდათ შანსი, თმცა მეკარე ამ ეპიზოდში ზუსტი იყო. ბოლო წუთებზე ორივე გუნდის მოთამაშეებმა რამდენიმე სტანდარტი მოაწოდეს, თუმცა ანგარიში აღარ შეცვლილა.

საქართველოს და სლოვაკეთის 17 წლამდელების მეორე ტესტ-მატჩი 26 თებერვალს გაიმართდება.

საქართველო U17 1-0 სლოვაკეთი U17

გოლი: არაბიძე 60′

საქართველო: ისიანი, ბერძენაძე, ყურშაშვილი, ლოჩოშვილი (ბულუხაძე 44′), კობოური, ყურაშვილი, კუხიანიძე (სამურკასოვი 63′), არველაძე (არდაზიშვილი 73′), გვასალია (მუზაშვილი 62′), არაბიძე, კოხრეიძე (ბუღრიძე 57′).

სლოვაკეთი: სზარაზი, შულეკი, შტრბა, შიმკო, იასურეკი, ტესლარი (ვარგა 41′), დანჩაკი (პასტორეკი 57′), ჰერცი (ჰალგოში 41′), კოლესარი (სუსოლიკი 72.’), ლაუკო (კელე58′), ტუპტა (დუბეცი 63′).

მარიამ ნიშნიანიძის ფოტოები

სლოვაკეთი – ესპანეთი 2:1

Posted on ოქტომბერი 10, 2014 by Levan

მოულოდნელი შედეგით დასრულდა ჟილინაში, სლოვაკეთისა და ესპანეთის ნაკრებებს შორის გამართული ევროპის ჩემპიონატის საკვალიფიკაციო ეტაპის მეორე ტურის შეხვედრა.

ანგარიში მე-17 წუთზე კუჩკას გოლით გაიხსნა. მასპინძლები დიდი ხნის განმავლობაში იგებდნენ, თუმცა 82-ე წუთზე ესპანელებმა პაკო ალკასერის გოლით შესძლეს გათანაბრება. “ფურია როხას” სიხარული ხანმოკლე აღმოჩნდა. ზუსტად 5 წუთში სლოვაკებმა კიდევ ერთხელ დაწინაურდნენ. გოლი დურისის გადაცემით მიროსლავ სტოხმა გაიტანა და საკუთარ ნაკრებს მნიშვნელოვანი სამი ქულა მოუპოვა.

სლოვაკეთი 2-1 ესპანეთი

გოლები: კუჩკა 17′ (1:0); პაკო ალკასერი 82′ (1:1); სტოხი 87′ (2:1)

სლოვაკეთი: კოზაჩეკი, შკრტელი, ჰუბოჩანი, პეკარიკი, დურიცა, გიომბერი, ჰამშიკი, კუჩკა (კისი 83′), პეკოვსკი, ვაისი (დურისი 54′), მაკი (სტოხი 64).

ესპანეთი: კასილიასი, ხუანფრანი (კასორლა 81′), ალბიოლი (პედრო 58′), პიკე, ხორდი ალბა, ფაბრეგასი, ინიესტა, დავიდ სილვა (პაკო ალკასერი 71′), ბუსკეტსი, კოკე, დიეგო კოსტა.

კასილასის შეცდომა თუ უცნაური ტრაექტორია – გოლი ესპანელთა კარში

Posted on ოქტომბერი 10, 2014ოქტომბერი 9, 2014 by -

9 ოქტომბერს, სლოვაკეთისა და ესპანეთის ეროვნულ ნაკრებებს შორის გამართულ მატჩში იკერ კასილასმა ასეთი გოლი გაუშვა:

ლინკინ პარკი მალტის ჰიმნის ნაცვლად

Posted on სექტემბერი 5, 2014 by Levan

კურიოზული ფაქტი მოხდა სლოვაკეთისა და მალტის ნაკრებებს შორის გამართული ამხანაგური მატჩის დაწყებამდე. მალტის სახელმწიფო ჰიმნის ნაცვლად სტადიონზე ჯგუფ ლინკინ პარკის ცნობილი სიმღერა ჩაირთო.

შეხვედრა მასპინძელთა მინიმალური გამარჯვებით, 1:0 დასრულდა. 43-ე წუთზე გოლის ავტორი ვლადიმერ ვაისის პასით ადამ ნემეცი გახდა.