ჭდე: სუპერლიგა

ოლიმპი ქუთაისთან თანაბარ ბრძოლაში დამარცხდა

Posted on by Levan

დავით თორთლაძის გაწვრთნილი “ოლიმპი”, რომელსაც მიმდინარე ჩემპიონატში მხოლოდ 2 გამარჯვება აქვს მოპოვებული, სუპერლიგის ერთ-ერთ მოწინავე გუნდ “ქუთაისის” დამარცხებასთან ახლოს იყო. ოლიმპელებმა შესანიშნავად ითამაშეს მთელი მატჩის განმავლობაში, თუმცა საბოლოო წარმატებამდე მცირედი დააკლდათ და 96:102 დამარცხდნენ.

“ოლიმპის” თამაში იმიტომაა გამოსარჩევი, რომ “ქუთაისი” ფავორიტად მიიჩნეოდა და არავის გაუკვირდებოდა, იოლი გამარჯვება რომ მოეპოვებინა. პირიქით კი მოხდა – იმერულმა კლუბმა პირველი მეოთხედი 21:25 წააგო და საბოლოოდ მოგების მოპოვება დიდი ჯაფის ხარჯზე მოუხდა.

ფრედ (50:50) დასრულებული პირველი ტაიმის შემდეგ ქუთაისელებმა მესამე პერიოდი 28:17 მოიგეს და თითქოს ამით ოლიმპელების წინააღმდეგობა გატეხეს. ბოლო პერიოდში ოლიმპელებმა ზონური პრესინგისა და ზუსტი შორი სროლების ხარჯზე ჩამორჩენა 3 ქულამდე შეამცირეს, თუმცა ამაზე მეტი ვეღარ მოახერხეს. თბილისელთა ლიდერმა რიჩარდ მათიაშვილმა არაერთი საჭირო ბურთი ჩააგდო, თუმცა ბოლო წუთებზე აცილებული 3 საჯარიმო “ოლიმპისთვის” დიდი დანაკლისი აღმოჩნდა.

აღსანიშნავია, რომ ორივე გუნდმა მაღალი შედეგიანობით ესროლა სამქულიანები. მიმდინარე სეზონში პირველად მოხდა, რომ მატჩის მონაწილე ორივე გუნდმა შორი დისტანციიდან ნასროლი ბურთების ნახევარზე მეტი ჩააგდო. ოლიმპელებმა 27 ცდიდან 14 სამქულიანი ჩააგდეს, ხოლო ქუთაისელებმა -19-დან 10.

“ქუთაისში” 22 ქულითა და 8 პასით საუკეთესო შედეგი ლევან ცეკვავამ დააფიქსირა. 18 ქულა და 10 პასი ჰქონდა ზაურ ფაშაევს, ხოლო აკაკი დვალიშვილმა ასევე ორმაგიდუბლი – 19 ქულა და 12 მოხსნა მიითვალა. იშვიათი სიზუსტე გამოავლინა გიორგი ბარბაქაძემ, რომელმაც 6-დან 5 სამქულიანი, 2-დან 2 სამიანი და 2-დან 2 საჯარიმო ჩააგდო და შეხვედრა 18 ქულით დაასრულა.

ოლიმპელებში ერთბაშად 6 კალათბურთელი ასცდა 10-ქულიან ზღვარს. რიჩარდ მათიაშვილს სამმაგ დუბლამდე 1 პასი დააკლდა. ოლიმპელთა ლიდერმა 17 ქულა, 12 მოხსნა და 9 პასი მიითვალა. 16 ქულა და 6 პასი დააგროვა ირაკლი გულისაბედაშვილმა, 14 – ნოდარ თენიეშვილმა, 13 – გიორგი ხანიაშვილმა.

 სტატისტიკა

 

მატჩისშემდგომი პრესკონფერენცია:

დავით თორთლაძე („ოლიმპის“ მთავარი მწვრთნელი): მივულოცავ „ქუთაისს“ მართლაც კარგი და სანახაობრივი თამაში აჩვენეს,  როგორც წინასამატჩო პრესკონფერენციაზე  ვიწინასწარმეტყველე.  თამაშის ხარისხის მხრივ არანაკლებ კმაყოფილი ვარ ჩემი მოთამაშეებით, რადგან „ქუთაისი“  ჩემპიონატის ფავორიტია და ასეთი ბრძოლისუნარიონობისთვის და წინააღმდეგობის გაწევისთვის მადლობა ბიჭებს. ვფიქრობ, მოგების გემო არ ვიცით და  ამის გამო დავმარცხდით.  ეს აუცილებლად უნდა გამოვასწოროთ. ფსიქოლოგიური მომენტია. მათიაშვილის დისკვალიფიკაციით, რომელიც უსამართლოდ მიმაჩნია, მთელი გუნდი დემორალიზებული გახდა და ამან დიდი ფსიქოლოგიური გავლენა იქონია ბიჭებზე. იმედია პლეი ოფისთვის  სათანადო ფორმაში ჩავდგებით და კარგ თამაშს ვაჩვენებთ.

მედეა მხეიძე („ქუთაისის“ მწვრთნელი): უფრო იღბლიანი რომ ყოფილიყო დღეს ოლიმპის გუნდი, ალბათ სხვა  შედეგი იქნებოდა.  გადამწყვეტი ბოლო 10 წუთი აღმოჩნდა  და ფაქტიურად ფარისა და სამქულიანების ხარჯზე ვიმარჯვეთ, სადაც საკმაოდ მაღალი პროცენტი გვქონდა. აგრეთვე გამოვყოფდი გიორგი ბარბაქაძის კარგ თამაშს, რომელმაც დღეს გვაჩვენა ის შესაძლებლობები, რომელიც მივიწყებული ჰქონდა. გადავდივართ საქართველოს თასის ფინალის მომზადების ეტაპზე, ამასთან წინ სერიოზული მატჩები გველის, რომელსაც სათანადო მზადყოფნაში უნდა შეხვდეთ.

რიჩარდ მათიაშვილი (ოლიმპი): მივულოცავ „ქუთაისს“ გამარჯვებას და ფინალში წარმატებას ვუსურვებ. დაწყება კარგი გვქონდა, მაგრამ სამწუხაროდ იღბალი ჩვენს მხარეზე არ იყო. ვეცდებით შემდეგ მატჩზე „სოხუმთან“ მაქსიმუმი გავიღოთ. ქუთაისში ჩემი მეგობრები თამაშობენ და დღევანდელი შეხვედრა ძალიან სასიამოვნო იყო ჩემთვის.

 

დავით ბარბაქაძე (ქუთაისი): მადლობა მოწინააღმდეგეს კარგი თამაშისთვის. დაცვაში ამდენი ქულის გაშვება ნამდვილი კატასტროფაა ჩვენთვის. თუ ჩვენ დიდი მიზნები გვამოძრავებს ასეთი თამაში აღარ უნდა გავიმეოროთ.  წინ საქართველოს თასის ფინალი გველოდება, ამიტომ მაქსიმალურად უნდა გამოვასწოროთ ჩვენი შეცდომები.

superleague.ge

სუპერლიგის ცენტრალურმა შეხვედრამ მოლოდინი გაამართლა

Posted on by Levan

სუპერლიგის ცენტრალურ შეხვედრაში ერთმანეთს ლიდერთა ჯგუფის წარმომადგენლები “დინამო” და “შსს აკადემია” დაუპირისპირდნენ. მატჩი საკმაოდ სანახაობრივი და საინტერესო გამოდგა. აკადემიელები საკმაოდ კარგი ფორმაში არიან. ჟღენტის გუნდმა წინა ტურში “ქუთაისს” სძლია დღეს კი, კიდევ ერთი ფავორიტი, “დინამო” დაამარცხა.

შეხვედრა დინამოელებმა უკეთ დაიწყეს და თავიდან მცირე უპირატესობაც მოიპოვეს, რომელიც ტაიმის ბოლოს 8-ქულიანი უპირატესობით დასრულდა. გამოირჩეოდა “დინამოს” ჩერნოგორიელი ცენტრი სტევან მილოშევიჩი. თუმსა ისიც უნდა აღინიშნოს, რომ მას ღირსეულ წინააღმდეგობას უწევდა “აკადემიის” მეფარე მილე ილიჩი.

მესამე მეოთხედში ჟღენტის კალათბურთელებმა თამაშში გარდატეხა შეიტანეს და დაწინაურებაც კი მოახერხეს. პერიოდის დასკვნითი ნაწილი ორმხრივ შეტევებში წარიმართა, რის შედეგადაც დასკვნითი მეოთხედის წინ ტაბლოზე 50-50 იყო დაფიქსირებული.

ბოლო პერიოდში “შსს” უკეთ გამოიყურებოდა, რაც პირველ რიგში დაცვაში კარგი თამაშით იყო გამოწვეული. საბოლოოდ, დამსახურებული გამარჯვება 67-63.

 სტატისტიკა

მატჩისშემდგომი პრესკონფერენცია:

არჩილ ჟღენტი (შსს აკადემიის მთავარი მწვრთნელი): მადლობა ჩემს მოთამაშეებს ასეთი თავდადებული ბრძოლისთვის. ასევე გულწრფელი  მადლობა ინდა გადავუხადო  ასისტეტებს გიორგი ნიკოლაძეს და  და დავით არეშიძეს,  რომლებმაც ფიზიკურად ბრწყინვალედ  მოამზადეს  გუნდი და დღევანდელ მატჩში  გიორგის რჩევები ძალიან  გამომადგა. დავრწმუნდი, რომ ჩვენ ნამდვილად ერთი გუნდი ვართ და კლუბში ერთსულოვნებაა. გავიმეორებ და ვიტყვი რომ „დინამო“ ჩემპიონობის მთავარ პრეტენდენტად მიამჩნია და ვფიქრობ პლეი ოფში სულ სხვა გუნდი იქნება. გავიმარჯვეთ და კმაყოფილი ვარ მაგრამ, რა თქმა უნდა, გარკვეული ხარვეზები  გამოსაწორებელი გვაქვს და პლეი ოფს მაქსიმალურად მზად უნდა შეხვდეთ.

ირაკლი ხოშტარია („დინამოს“ მთავარი მწვრთნელი):   შსს აკადემია ძალიან კარგი გუნდია და დიდ წარმატებას ვუსურვებ.  ფაქტია, ჩვენს გუნდს ჩავარდნა აქვს და სოხუთან მარცხის შემდეგ სულ უკან მივდივართ. გვაქვს მხოლოდ სათამაშო პრობლემა, სხვა კზეზი არ არსებობს. ვეცდებით გამოვიდეთ ამ მდგომარეობიდან.  გულხელდაკრეფილნი არ ვიქნებით და ამ სიტუაციას სათანადოდ  გავაანალიზებთ. ყველაფერი წინაა და მთავარია ბიჭებმა ირწმუნონ ამის. სხვა გზა არ არის, აუცილებლად უნდა გამოვასწოროთ ჩვენი შეცდომები.

რევაზ როგავა (შსს აკადემია): მადლობა „დინამოს“ ასეთი კარგი თამაშისთვის. სასიამოვნოა რომ პლეი ოფის მოახლოებასთან ერთად ვაუმჯობესებთ ჩვენს თამაშს  და პროგრესს განვიცდით. ეს  პროფესიონალური მუშაობის შედეგია. ყველა პირობა  გვაქვს შექმნილი და დიდი მადლობა ამისთვის მწვრთნელებს. „დინამო“ ყველაზე გამოცდილი მოთამაშებითაა დაკომპლექტებული და ნამდვილად სასიამოვნოა ასეთ დაძაბულ მატჩში გამარჯვება.

გიორგი გამყრელიძე (დინამო):  კარგად ითამაშეს შსს აკადემიის ბიჭებმა და მოიგეს კიდეც. რაც შეგვეხება ჩვენ,   აშკარა ჩავარდნა გვაქვს. ვფიქრობ, არ  გვეკადრება ამდენი წაგება.  ამასთან დიდი მადლობა ჩვენს გულშემატკივრებს, რომლებიც მხარს აქტიურად გვიჭერენ  და მხურალედ გვქომაგობენ. საწყენია,  რომ დღევანდელ მატჩში მათი იმედები ვერ გავამართლეთ და დავმარცხდით.

 

 

“ბათუმმა” რუსთავში მოიგო

Posted on by Levan

სუპერლიგის მეორე წრის მე-6 ტური დღეს რუსთავში დაიწყო, სადაც ადგილობრივმა კლუბმა “ბათუმს” უმასპინძლა და შეხვედრა 85:62 დათმეს. თანაბარი პირველი ტაიმის შემდეგ „ზღვისპირელებმა“ შესანიშნავი მესამე მეოთხედი ჩაატარეს, რომელშიც გადაწყდა კიდეც მატჩის ბედი.

პირველი მეოთხედის 11:22 წაგების შემდეგ მასპინძლებმა თამაში გამოასწორეს და 5-წუთიანი მონაკვეთში14:2 გაქცევის შემდეგ 25:24 დაწინაურდნენ, თუმცა “ბათუმი” დროულად გამოფხიზლდა და პირველ რიგში დაცვის კარგი თამაშის ხარჯზე გამოასწორეს მდგომარეობა.

პირველი ტაიმის დასრულებამდე ბათუმელებმა ძირითადად ლეგიონერთა ძალისხმევის ხარჯზე შესძლეს რუსთაველთა შემტევების შეცერება.

პირველი ტაიმის დასრულებამდე აჭარულმა გუნდმა უპირატესობა 7 ქულამდე გაზარდა, დიდი შესვენების შემდეგ კი სტუმრებმა გაილაღეს. პერიოდი 33:10 მოიგეს, 30 ქულით დაწინაურდნენ და ბოლო პერიოდს ინტრიგა დაუკარგეს. “ბათუმმა” საბოლოოდ 85:62 მოიგო და ჩემპიონატში გამარჯვებათა რიცხვი 8-მდე გაზარდა.

ბათუმელებს 18 ქულა-11 მოხსნით ჯერემი სეფოლდმა ულიდერა. 19 ქულით ბომბარდირი ჯუნიორ ქედუგინი გახდა, ლაშა კეშელავამ კი 4 სამქულიანი ჩააგდო და შეხვედრა 12 ქულითა და 8 მოხსნით დაასრულა. მასპინძელთაგან 21 ქულით საუკეთესო რეზო ჩაჩანიძე იყო, გიორგი ყველაშვილს კი ორმაგ ქუბლამდე 1 ქულა დააკლდა – 9 ქულა და 11 მოხსნა მიითვალა.

სუპერლიგის მიმდინარე ტური ხვალ, თბილისის სპორტის სასახლეში გასამართი 3 მატჩით დასრულდება.

  სტატისტიკა

 

მატჩისშემდგომი კომენტარები:

 

მიხეილ კობეშავიძე, “ბათუმის” მთავარი მწვრთნელი:

ანგარიში რეალურად არ ასახავს გუნდების ძალთა თანაბარდობას. “რუსთავი” არაა ისეთი გუნდი, რომ შინ ასე იოლად დამაცხდეს, მაგრამ დღეს ასე მოხდა, მასპინძლებს თამაში ჩაუვარდათ, ჩვენ კი პირიქით, კარგად ვითამაშეთ. რამდენიმე წაგების შემდეგ როგორც იქნა გავიმარჯვეთ, გუნდში ჯერაც მიმდინარეობს ლეგიონერთა შეთამაშების პროცესი და ამ მხრივ გარკვეულ წარმატებებს ვაღწევთ.

ოთარ ხმელიძე, “რუსთავის” მთავარი მწვრთნელი:

“ჩვენ არ გვყავს ისეთი ძლიერი მოთამაშეები, როგორც “ბათუმს”. მიუხედავად ამისა, წარმატების მიღწევა შეიძლებოდა, მაგრამ მეორე მესამე მეოთხედში თამაში ჩაგვივარდა, ვერც გარედან ჩავაგდეთ და ვერც ფარქვეშ შევძელით მეტოქის შეჩერება. ჩვენი გუნდი მეორე წრეში უკეთ თამაშობს, თუმცა სერგო ათუაშვილის გამოკლების შემდეგ რეალურ წარმატებაზე ფიქრი ზედმეტია.

კრიზისში მყოფი “სოხუმი” კალათბურთის ფედერაციის ხელმძღვანელობას შეხვდა

Posted on by Levan

ფინანსურ კრიზისში მყოფი საკალათბურთო კლუბი „სოხუმი“ კალათბურთის ეროვნული ფედერაციის ხელმძღვანელობას შეხვდა. შეგახსენებთ, რომ „სოხუმი“ სუპერლიგის გასულ ტურში „ბათუმთან“ სათამაშოდ არ გავიდა, რითაც თვეობით მიუღებელი ხელფასების გამო პროტესტი გამოხატა.

სოხუმელებმა ფედერაციის მესვეურებს გუნდში არსებული ვითარება დეტალურად გააცნეს. ფედერაციის პრეზიდენტმა მიხეილ გაბრიჩიძემ და გენერალურმა მდივანმა გიორგი ქართველიშვილმა სოხუმელებს რეკომენდაციები და რჩევები მისცეს. მხარეებმა „სოხუმის“ ფინანსური კრიზისიდან გამოყვანის გეგმა დასახეს, რის განხორციელებასაც რამდენიმე დღეში შეუდგებიან.  

gbf.ge

დინამოს ლოგიკური გამარჯვება მაქაბისთან

Posted on by Levan

ეორე წრის მე-5 ტური დასრულდა. დღის ბოლო მატჩში ცხრილის თავში და ბოლოში მყოფი გუნდები – “დინამო” და “მაქაბი” დაუპირისპირდნენ. ლიდერის და აუტსაიდერის შეხვედრა მოსალოდნელი შედეგით დასრულდა – დინამოელებმა 104:53 იმარჯვეს.

მაქაბელებს ის თუ ექნებათ სანუგეშიდ, რომ პირველ მეოთხედის შუაწელამდე ძლიერ მეტოქეს  წინააღმდეგობა გაუწიეს. საწყისი მეოთხედის 11:22 წაგების შემდეგ მაკაბელები ტაიმის მიწურულამდე არ ტყდებოდნენ. თუმცა კლასმა თავისი გაიტანა და მეორე მეოთხედის დასკვნით 3 წუთში „დინამომ“ მეტოქე გვარიანად ჩამოიტოვა – დიდ შესვენებაზე 58:26 დაწინაურდა.

მეორე ნახევარში დინამოელებმა ლიდერობა კიდევ უფრო გაიმყარეს და საბოლოოდ 51-ქულიანი გამარჯვება გაიფორმეს. შეუჩერებელი იყო დინამოელთა ჩერნოგორიელი ცენტრი სტევან მილოშევიჩი, რომელმაც 26 ქულასთან ერთად 18 მოხსნა მოაგროვა. სერბმა ფორვარდმა, მილოშ პეშიჩმაც ორმაგიდუბლი მიითვალა – 18 ქულა, 12 მოხსნა. 19 ქულა დაგროვდა მიხეილ ჭოჭუას ანგარიშზე. “მაკაბიში” 21 ქულა და 9 მოხსნა გიორგი ფერიაშვილის ანგარიშზე იყო, 1 მოხსნა დააკლდა ორმაგ დუბლამდე გიორგი რევაზაშვილსაც, რომელმაც 13 ქულა და 9 მოხსნა მიითვალა.

სუპერლიგის მორიგი ტურის მატჩები 14 და 15 მარტს, რუსთავსა და თბილისში გაიმართება.

 სტატისტიკა

მატჩისშემდგომი პრესკონფერენცია:

ირაკლი ხოშტარია (დინამოს მთავარი მწვრთნელი): მინდა ვისარგებლო შემთხვევით და ყველა ქალბატონს მივულოცო 8 მარტი, რაც შეეხება თამაშს,  რთული კვირა გვქონდა და ვცდილობთ მარცხი დავივიწყოთ, რომელმაც ბევრი ხარვეზი დაგვანახა და სწორედ ამ შეცდომების გამოსწორებაზე ვმუშაობთ.  მომდევმო მატჩებზე ძლიერი მეტოქეები გვეყოლება და ვეცდებით  რეგულარული სეზონი პირველ ადგილზე დავასრულოთ.

მიხეილ ხუხაშვილი (მაქაბის მწვრთნელი): ვუერთდები ირაკლის მილოცვას და მეც ყველა მანდილოსანს მივულოცავ 8 მარტს, ჩვენ გუნდზე კი რა შემიძლია გითხრათ – მთელმა საქართველომ იცის  ჩვენი გუნდის მიზანი – რევაზაშვილებმა უნდა  ჩააგდონ, ფერიაშვილმა -ითამაშოს. დანარჩენი არაფერზე გვაქვს პრეზტენზია, მით უმეტეს ისეთ გუნდთან, როგორიც „დინამოა“.  ვუსურვებ წარმატებებს როგორც „დინამოს“, ასევე  სუპერლიგაში მოასპარეზე ყველა გუნდს.

ზეზვა  ლილუაშვილი (დინამო): დაძაბული მატჩები გვქონდა „სოხუმთან“ და  დღევანდელი შეხვედრა  ვეცადეთ რეაბილიტაციისთვის გამოგვეყენებინა. ვიმუშავეთ ხარვეზებზე და იმ შეცდომების გამოსწორებაზე, რომლებიც  წინა თამაშებზე დავუშვით. წინ რთული მეტოქეები გველიან და ვეცდებით ისე ვიასპრეზოთ, როგორც „დინამოს“ შეშვენის.

 

superleague.ge

სუპერლიგის განცხადება

Posted on by Levan

საკალათბურთო კლუბმა “სოხუმმა” სუპერლიგის მეორე წრის მე-5 ტურში უარი თქვა “ბათუმთან” თამაშზე, რაც გუნდში არსებული რთული ფინანსური ვითარებით ახსნა. აღნიშნულის გათვალისწინებით, საკალთბურთო სუპერლიგა უფლებამოსილია, განაცხადოს შემდეგი:

 

–         სუპერლიგის ხელმძღვანელობა ბოდიშს უხდის საზოგადოებრივ მაუწყებელს, რომელიც ეროვნული ჩემპიონატის მატჩებს აშუქებს და აღნიშნული მატჩის პირდაპირი ტრანსლაციაც დაგეგმილი ჰქონდა. ასევე ბოდიშს ვუხდით ყველა გულშემატკივარს, რომელიც სპორტის სასახლეში “სოხუმისა” და “ბათუმის” მატჩის სანახავად მოვიდა. სუპერლიგის ხელმძღვანელობა წუხს, კლუბ “სოხუმში” შექმნილი ვითარებით, მაგრამ კონკრეტულ სიტუაციაში მოქმედებს საქართელოს ეროვნული ჩემპიონატის დებულებით, რომლის თანახმადაც კლუბს თამაშზე არგასვლის გამო ეთვლება ტექნიკური წაგება (0:20) და ჯარიმდება 3500 ლარით. აღნიშნული დარღვევის გამეორების შემთხვევაში გუნდს მიეცემა დისკვალიფიკაცია სეზონის ბოლომდე და დაჯარიმდება 7000 ლარით.

 

 

–         საკალათბურთო სუპერლიგა და ფედერაცია გვერდში უდგას “სოხუმს” ყველა მისთვის მინიჭებული საშუალებით. დღევანდელ საგანგებო პრესკონფერენციაზე გაჟღერდა, რომ ფედერაციამ ფინანსური დახმარება გაუწიოს “სოხუმს”. თავს ვალდებულად ვთვლით, განვმარტოთ, რომ ფედერაციას კლუბების ფინანსური დახმარების არანაირი უფლება არ აქვს. ჩვენის მხრივ ვაცხადებთ, რომ საკალათურთო კლუბ “სოხუმს” სუპერლიგისა და სხვადასხვა ასაკობრივ ჩემპიონატებში სამონაწილეო თანხის სახით საკმაოდ სოლიდური დავალიანება გააჩნია, რომლის დაფარვასაც კლუბს არ ვაჩქარებთ ფინანსური პრობლემების მოგვარებამდე და შესაბამისად “სოხუმის” არც ერთ გუნდს საქართელოს პირველობებზე ასპარეზობისას ორგანიზატორებისგან არანაირი წინააღმდეგობა არ შექმნია.სუპერლიგა დაინტერესებულია, რომ კლუბმა “სოხუმმა” მოაგვაროს ფინანსური პრობლემები და მას ამაში შესაძლებლობის ფარგლებში ყველანაირად დაეხმარება.

superleague.ge

“სოხუმის” კალათბურთელებმა მოედანი პროტესტის ნიშნად დატოვეს

Posted on by Levan

სუპერლიგის მორიგი ტურის ცენტრალური მატჩი “შოხუმი” – “ბათუმი” არ ჩატარდა. სოხუმელთა გუნდი სპორტის სასახლეში მოვიდა, მატჩისწინა მოთელვაზეც გამოვიდა, მაგრამ თამაშზე უარი თქვა. გუნდის ერთ-ერთმა წევრმა – რატი ბააკაშვილმა მიკროფონი მოითხოვა, მაყურებლებს (მატჩი პირდაპირ ეთერში უნდა გადაცემულებულიყო), გულშემატკივრებს და სუპერლიგის ხელმძღვანელობას ბოდიში მოუხადა და გუნდის სახელით მატჩზე უარი განაცხადა.

აღნიშნულ საპროტესტო აქტს მოჰყვა პრესკონფერენცია, სადაც თავი გუნდის ყველა მოთამაშემ, მწვრთნელებმა და გუნდის თანამშრომლებმა მოიყარეს თავი და შეკრებილ ჟურნალისტებსა და საზოგადოებას თავისი სათქმელი გადასცეს.

განცხადება გააკეთა გუნდის კაპიტანმა, ირაკლი ჩლაიძემ, რის შემდეგაც თავისი აზრი მთავარმა მწვრთნელმა – ვაჟა კვარაცხელიამაც დააფიქსირა.

გთავაზობთ აღნიშნული მოვლენების ამსახველ ვიდეომასალას.

 

 

შსს-აკადემიამ ქუთაისში გამარჯვება იზეიმა

Posted on by Levan

შინაგან საქმეთა აკადემიის გუნდი პროგრესს განაგრძობს. არჩილ ჟღენტის გუნდმა ქუთაისში გამარჯვებით სერიოზული განაცხადი გააკეთა. ქალაქში, სადაც სუპერლიგის პირველ წრეში ლიდერი “დინამო” დამარცხდა, აკადემიელებმა დღეს გამარჯვების მოპოვება შეძლეს.

სუპერლიგის მეორე წრის მე-5 ტური ქუთაისში საინტერესო მატჩით დაიწყო. იმერულმა კლუბმა, რომელსაც “შსს-აკადემიასთან” შეხვედრამდე მხოლოდ 3 დამარცხება ჰქონდა, “შსს-აკადემიას” უმასპინძლა და დაძაბულ ბრძოლაში – 78:81 დამარცხდა.

განსაკუთრებით გამოსარჩევია აკადემიელთა გამარჯვება, რადგან მათ შეხვედრის ბოლო მეოთხედში სოლიდური უპირატესობა გაფლანდეს და ჩამორჩნენ კიდეც, მაგრამ არჩილ ჟღენტის გაწვრთნილმა გუნდმა გადამწყვეტ წუთებში უდიდესი ბრძოლისუნარიანობა და შეუპოვრობა გამოავლინა, რისი წყალობითაც გაიმარჯვა კიდეც.

საქართველოს ეროვნული ნაკრების წევრის, ლევან ფაცაციას დამატებით “შსს-აკადემია” მნიშვნელოვნად გაძლიერდა, თუმცა დღევანდელ მატჩში მას არ უთამაშია, განაცხადში კი იმყოფებოდა. თითქმის მთლიანად თანაბარი პირველი ტაიმის შემდეგ, რომელიც აკადემიელთა სასარგებლოდ – 45:44 დასრულდა, თბილისელებმა მოახერხეს თამაშზე კონტროლის დაწესება.

მილე ილიჩის, ბექა ჩიკვილაძის, პერიშ ბრაუნისა და ილია ლონდარიძის შედეგიანობით “შსს-აკადემიამ” მესამე მეოთხედი 23:14 მოგო და ბოლო ათწუთეულის წინ 10 ქულით დაწინაურდა – 68:58. მასპინძლები წაგების რეალური საფრთხის წინაშე აღმოჩდნენ, თუმცა უკანასკნელი პერიოდი შედეგიანი თამაშით გახსნეს და ზუსტად 5 წუთში დაწინაურება მოახერხეს. ზაურ ფაშაევის, გიორგი ბარბაქაძისა და აკაკი დვალიშვილის ქულებით თამაშის დასრულებამდე 5 წუთით ადრე “ქუთაისი” 71:70 გალიდერდა.

შსს-აკადემიელებმა მობილიზება შეძლეს და დარჩენილ დროში ხელახლა მოუწიათ ყველაფრის ნულიდან დაწყება. თამაში თანაბარ ბრძოლაში გაგრძელდა, ანგარიში არაერთხელ გათანაბრდა და ლიდერიც შეიცვალა. ლონდარიძემ უმნიშვნელოვანესი 4 ქულა მიითვალა, ხოლო საფინალო სირენამდე 1,15 წუთით ადრე მერაბ ბოქოლიშვილის ბურთმა სტუმრები 80:78 დააწინაურა. მატჩის დასრულებამდე 40 წამით ადრე ზაურ ფაშაევს გათანაბრების რეალური შანსი მიეცა, მაგრამ აზერბაიჯანელმა ლეგიონერმა ორივე საჯარიმო ააცილა.

ქუთაისელებს მაინც მიეცათ თამაშის გადარჩენის შანსი, როცა აკადემიელებმა ბურთი დაკარგეს, თუმცა გოგა ცეკვავას სამქულიანი თბილისელთა კალათში არ ჩაეშვა და მატჩის ბედიც გაირკვა. საბოლოო ანგარიში აკადემიელთა ამერიკელმა ლეგიონერმა – პერიშ ბრაუნმა საჯარიმოდან დააფიქსირა – 81:78.

“შსს-აკადემიაში” საუკეთესო შედეგი ბექა ჩიკვილაძეს ჰქონდა, რომელმაც 21 ქულითა და 7 მოხსნა მოაგროვა. 15 ქულა და ამდენივე მოხსნა ჰქონდა მილე ილიჩს, ხოლო პერიშის ანგარიშზეც 15 ქულა დაგროვდა. ილია ლონდარიძემ შეხვედრა 14 ქულით დაასრულა. მასპინძელთაგან 23 ქულითა და 7 შედეგიანი გადაცემით ზაურ ფაშაევი გამოირჩა, 16 ქულა და 9 პასი ცეკვავამ მიითვალა, ხოლო აკაკი დვალიშვილმა შეხვედრა 15 ქულითა და 12 მოხსნით დაასრულა.

 სტატისტიკა

მატჩისშემდგომი კომენტარები:

არჩილ ჟღენტი(შსს აკადემიას მთავარი მწვრთნელი): როგორც მოსალოდნელი იყო, ძალიან დაძაბული თამაში გამოვიდა. პირველ ტაიმში დაცვაში ბევრი შეცდომა დავუშვით, თუმცა საბედნიეროდ მეორე ნახევარში გამოვასწორეთ  თამაში და სწორედ დაცვის ხარჯზე გავიმარჯვეთ. მადლობა მთლიანად ჩემს გუნდს და ასისტენტებს – გიორგი ნიკოლაძეს და დავით არეშიძეს. ჩვენ ძალიან ბევრი ვიშრომეთ და კვლავ ერთად განვაგრძობთ გუნდის პროგრესირებას.

 

მედეა მხეიძე (ქუთაისის მწვრთნელი): დღეს ქუთაისი ქუთაისი არ იყო. სამწუხაროდ ჩვენი გუნდი ვერ გამოვიდა საქართველოს თასის ფინალური საგზურის მოპოვების ეიფორიიდან. დღევანდელ მატჩზე ბიჭებს არანაირი ფსიქოლოგიური მზადყოფნა და მობილიზება არ გამოუვლენიათ. მხოლოდ ბოლო 10 წუთში  გამოვფხიზლდით, თუმცა უკვე გვიანი აღმოჩნდა. როგორც ყოველთვის მაყურებელი ყველანაირად გვერდში დაგვიდგა, აქტიურად ვქომაგობდა და  ამ ყველაფერმა ბიჭებზეც იმოქმედა, თუმცა გადამწყვეტ მომენტში მეტოქე 10 ქულით გვისწრებდა და ჩვენი თამაში საკმარისი არ აღმოჩნდა გამარჯვებისთვის. ქუთაისმა დღეს ყველა კომპონენტში წააგო. შსს აკადემიამ კი  მთელი თამაში სტაბილურად იასპარეზა და ლოგიკური გამარჯვება მოიპოვა. მივულოცავ აკადემიას ამ წარმატებას და ვიტყვი რომ ის ერთ-ერთი საუკეთესო გუნდია მიმდინარე სუპერლიგაში.

superleague.ge

არმიამ მაქაბისთან დაგეგმილი მატჩი მოიგო

Posted on by Levan

სუპერლიგის მორიგი ტური “არმიასა” და “მაკაბს” შორის მატჩით დასრულდა. მაკაბელთა გუნდს მიმდინარე სეზონში მოგება არ გააჩნია და პირველ წარმატებას ერთ-ერთ ლიდერთან რომ ვერ მოიპოვებდა, ეს ცხადი იყო. არმიელებმა მეტოქე ზედმეტი მობილიზების გარეშე – 107:83 დაამარცხეს.

“არმიის” თავკაცმა კოტე ტუღუშმა იცოდა, რომ მეტოქისგან წაგების საფრთხე არ ელოდა და გუნდის ძირითად შემადგენლობაში მნიშვნელოვანი ცვლილებები განახორციელა. არმიელების შემადგენლობაში 18-წლამდელთა გუნდის წევრი მამუკა ბაზუაშვილი გამოჩნდა და ითამაშეს ასევე იმ კალათბურთელებმა,  რომლებიც დაძაბულ მატჩებში 12-კაციან შემადგენლობაში ვერ ხვდებიან.

აღნიშნული შეხვედრა იყო პირველი მიმდინარე სეზონში, რომელშიც 1 გუნდის თორმეტივე კალათბურთელმა ქულის მითვლა მოახერხა. მატჩის ბედი პირველივე მეოთხედში გაირკვა, რომელიც არმიელებმა 33:8 მოიგეს. არმიელთა მწვრთნელი კალათბურთელებს ხშირხშირად ცვლიდა და საბოლოოდ სათამაშო დრო ყველაზე მეტ-ნაკლებად თანაბრად გადაანაწილა.

არმიელებს წინამძღოლობდა ბექა წივწივაძე, რომელმაც მოედანზე 20,24 წუთი გაატარა და ყველაზე შედეგიანი იყო – 22 ქულა და 10 შედეგიანი გადაცემა მიითვალა. ორმაგი დუბლი დააგროვა მისმა თანაგუნდელმა გიორგი ჯგერენაიამაც – 12 ქულა, 11 მოხსნა. “მაკაბიში” 18 ქულითა და 16 მოხსნით საუკეთესო გიორგი რევაზაშვილი იყო.  ორმაგი დუბლი ასევე მაიზერ რევაზაშვილმა შეასრულა –  15 ქულა და 10 მოხსნა. 19 ქულა მიითვალა გიორგი ფერიაშვილმა, ხოლო 17 – ლევან რევაზაშვილმა.

მატჩი საბოლოოდ არმიელთა 24-ქულიანი უპირატესობით დასრულდა, რომლებმაც მიმდინარე სეზონში მე-10 გამარჯვება მიითვალეს. სუპერლიგის მორიგი ტური 7 და 8 მარტს, ქუთაისსა და თბილისში გაიმართება.

 სტატისტიკა

მატჩისშემდგომი პრესკონფერენცია

კოტე ტუღუში(,,არმიის’’ მთავარი მწვრთნელი): დაგეგმილი გამარჯვება მოვიპოვეთ. დღეს შევეცადეთ, რომ ყველას ეთამაშა და ბევრი დრო დავუთმეთ ახალაგზრდებს. ლაღი, თავისუფალი და გახსნილი თამაში გამოვიდა.

ჯამლეტ ხუხაშვილი(,,მაკაბის’’ მთავარი მწვრთნელი): როგორც მოსალოდნელი იყო, ,,არმიამ’’ გაიმარჯვა, თან გუნდის თითოეულ მოთამაშეს მისცა თავის გამოჩენის საშუალება. როცა გარანტირებული გაქვს გამარჯვება, შეიძლება ახალგაზრდა მოთამაშეების გამოყენება და ,,არმიაც’’ ასე მოიქცა.  ჩვენთვის მთავარია, რომ დღეს სამივე რევაზაშვილმა ითამაშა, ყველაზე უმცროსმა კი ორმაგი დუბლი შეასრულა.

 

ანატოლი ბოისა(,,არმია’’): კიდევ ერთი თამაში მოვიგეთ. ჩვენთვის ყველა შეხვედრა მნიშვნელოვანია და ყველა მატჩისთვის ერთნაირად ვემზადებით, გვჭირდება ქულების სათანადო რაოდენობა, რათა პლეი ოფებისთვის გვქონდეს მოედნის უპირატესობა. დღეს ჩვენს ახალგაზრდებზე გადავიდა თამაში, პირველი მეოთხედი კარგად ვითამაშეთ, მეორე, მესამე და ბოლო პერიოდებში კი უფრო მოვეშვით. თუმცა, გამარჯვება არ გაგვჭირვებია. ვუსურვებ ,,მაკაბს’’ და მის პერსპექტიულ ახალგაზრდა კალათბურთელებს წარმატებებს.

 

superleague.ge

“შსს აკადემიამ” “ოლიმპი” დაამარცხა

Posted on by Levan

მილე ილიჩის გარეშე მოთამაშე “შსს აკადემიას” “ოლიმპის” დამარცხება არ გასჭირვებია. ლეგიონერის შეცვლა აკაკი ლომოურს მოუწია, რომელიც მთელი მატჩის განმავლობაში “ოლიმპის” ლიდერ რიჩარდ მათიაშვილის წინააღმდეგ თამაშობდა და ამ ამოცანას თავი კარგადაც გაართვა.

პირველი მეოთხედი თანაბრად მიმდინარეობდა, თუმცა “შსს”-ს მცირე უპირატესობით დასრულდა 16-11. გადამწყვეტი მომენტი კი, მეორე ნახევრის ბოლოს დადგა, როდესაც ჟღენტის შეგირდები 12 ქულის სხაობით იგებდნენ, რაც პირველ რიგში ბრაუნის და როგავას დამსახურება იყო.

მესამე პერიოდში “ოლიმპელებმა” გაიბრძოლა და სხვაობა 9 ქულამდე შეამცირეს, მაგრამ მეტის გაკეთება თორთლაძის შეგირდებმა ვეღარ მოახერხეს და “აკადემიელები” კვლავ ინარჩუნებდნენ სოლიდურ უპირატესობას, რომელიც მეოთხე პერიოდის ბოლოს 22 ქულიანი სხვაობით დასრულდა

 სტატისტიკა

მატჩისშემდგომი პრესკონფერენცია

დავით თორთლაძე(,,ოლიმპის’’ მთავარი მწვრთნელი): კიდევ ერთხელ დავმარცხდით და გუნდში ფსიქოლოგიური თვალსაზრისით საკმაოდ მძიმე სიტუაციაა. რწმენა დაკარგული გვაქვს, თუმცა მე მაინც მჯერა ჩემი მოთამაშეების. ვეცდებით, ნელ-ნელა გამოვასწოროთ და პლეიოფებამდე უშუალო კონკურენტებთან მაინც გავიმარჯვოთ. დღეს ბიჭებმა ყველაფერი გააკეთეს და ბოლომდე იბრძოლეს, მაგრამ ,,შსს აკადემია’’ ჩვენზე ძლიერი გუნდია და დავმარცხდით.

არჩილ ჟღენტი(,,შსს აკადემიის’’ მთავარი მწვრთნელი): შედეგით კმაყოფილი ვარ, რასაც თამაშის ხარისხზე ნამდვილად ვერ ვიტყვი. იყო ეპიზოდები, როცა ძალიან კარგად ვთამაშობდით და იყო მომენტები, როცა ბევრი შეცდომა დავუშვით. თანაც გუნდს მილე ილიჩი აკლდა. მოვემზადებით მომავალი შეხვედრისთვის, რომელსაც ქუთაისში ჩავატარებთ.

ირაკლი გულისაბედაშვილი(,,ოლიმპი’’): თავიდან კარგად დავიწყეთ, თუმცა დაცვაში უამრავი შეცდომა დავუშვით. ელემენტარულ შეცდომები გვქონდა და ამის გამოსწორება ისეთ გუნდთან, როგორიც ,,შსს აკადემიაა’’, საკმაოდ რთულია. შსს ახალგაზრდული, მებრძოლი გუნდია და მათი კარგი თამაში დღესაც გამოჩნდა.

 

მერაბ მირზიაშვილი(,,შსს აკადემია’’): მობილიზებულად ვითამაშეთ და შედეგი სახეზეა. კარგი დაცვის ხარჯზე მოვიგეთ და მივულოცავ ჩემს გუნდს დღევანდელ გამარჯვებას.

დინამომ და ქუთაისმა ტური გამარჯვებებით გახსნეს

Posted on by Levan

სუპერლიგის მეორე წრის მე-4ტური დღეს რეგიონებში – რუსთავსა და ქუთაისში დაიწყო. თუკი იმერეთში საინტერესო ბრძოლა იყო, ქვემო ქართლის მატჩზე ამას ვერ ვიტყვით. ჩემპიონატის ლიდერმა “დინამომ” რუსთავში იოლი გამარჯვება მოიპოვა – ირაკლი ხოშტარიას გუნდმა ქვემოქართლელები 101:79 დაამარცხა.

მატჩი ისე დაიწყო და ისე ჩამთავრდა, “რუსთავს” წარმატების შანსი არ ჰქონია. დინამოელთა ჩერნოგორიელმა ცენტრმა სტევან მილოშევიჩმა სამწამიან ზონაში ყველა ოპონენტი დაჯაბნა, მისი შემჩერებელი რუსთაველებში არ მოიძებნა. მილოშევიჩმა პირველ მეოთხედსა და მეორე პერიოდის საწყის 3 წუთში 18 ქულა მოიპოვა და მოედანი ვალმოხდილმა დატოვა.

პირველი ათწუთეული დინამოელთა 13 ქულიანი ლიდერობით დასრულდა, დიდი შესვენებისთვის კი სტუმართა ლიდერობა 20 ქულამდე გაიზარდა. რუსთაველებს არა უშავდათ უკანა ხაზში – ქაქუცა აბაიშვილი და რევაზ ჩაჩანიძე სამქულიანებს ზუსტად ესროდნენ. ამ უკანასკნელმა 5-დან 5 სამიანი ჩააგდო. რუსთაველებმა მთლიანობაში მეტოქეზე 6-ით მეტი სამქულიანი მიითვალეს, მაგრამ მეტოქის სწრაფ შეტევებს და ფარზე ბატონობას ვერაფერი დაუპირისპირეს და საბოლოოდ 32 ქულით წააგეს.

დინამოელთაგან სტევან მილოშევიჩი გამოირჩა, რომელმაც 30 ქულა და 9 მოხსნა დააგროვა. შესანიშნავად ითამაშა ზვიად ანთაძემ, რომელმაც თბილისელებს 15 ქულა და 7 მოხსნა მიაშველა. მილოშ პესიჩმა კი შეხვედრა 13 ქულით დაასრულა. “რუსთავში” 19 ქულით ბომბარდირი რევაზ ჩაჩანიძე გახდა, ქაქუცა აბაიშვილმა 11 მიითვალა, ლევან ხმელის ანგარიშზე კი 10 ქულა იყო.

მატჩისშემდგომი კომენტარები

რუსთავი – დინამო 79:101

ოთარ ხმელიძე(“რუსთავის” მთავარი მწვრთნელი): თავიდანვე გამოჩნდა, რომ “დინამოს” დიდი უპირატესობა ჰქონდა ფარქვეშ. სტევან მილოშევიჩმა ძალიან კარგად ითამაშა და თავიდან ძლიან ბევრი ბურთი ჩაგვიგდო. ჩვენ მისი შეჩრება ვერ მოვახერხეთ და სამწამიან ზონაში მეტოქეს სრული უპირატესობა ჰქონდა. მხოლოდ უკანა ხაზიდან თამაშს ვერ მოვიგებდით და მეორე ტაიმში შანსი ახალგაზრდებს მივეცი, რომლებმაც თავი საკმაოდ კარგად წარმოაჩინეს.

ირაკლი ხოშტარია(“დინამოს” მთავარი მწვრთნელი): თამაშის დაწყებიდან მალევე გახდა ცნობილი, რომ მეტოქე წინააღმდეგობას ვერ გაგვიწევდა. ეს მოსალოდნელიც იყო და მინდა ვთქვა, რომ გამარჯვების მოპოვება არ გაგვჭირვებია. ჩვენ უფრო ძლიერ მეტოქეებთან საბრძოლველად ვემზდებით, რომლებთანაც მომავალ ტურებში მოგვიწევს თამაში.

ქუთაისში გამართული შეხვედრა საკმაოდ დაძაბული გამოდგა. თუ არ ჩავთვლით ბოლო მეოთხედს, “ქუთაისსა” და “ბათუმს” შორის უშეღავათო ბრძოლა მიმდინარეობდა. რამდენიმემატჩიანი შესვენების შემდეგ ზღვისპირელებს მთავარმა მწვრთნელმა, მიხეილ კონეშავიძემ უთავკაცა. კობეშავიძე ავად იყო და დროიებით მის ადგილს გუნდის კაპიტანი – ივანე მაისურაძე იკავებდა. ბათუმელები თავიდანვე დაწინაურდნენ და ლიდერობას მესამე პერიოდის ბოლო წამებამდე ინარჩუნებდნენ. პირველი მეოთხედი სტუმრებმა 22:16 მოიგეს, მეორეში 21:25 დამარცხდნენ და დიდ შესვენებაზე 2-ქულიანილი დერობა შერჩათ.

ქუთაისელებს მთელი მესამე პერიოდი დასჭირდათ საიმისოდ, რომ ანგარიში გაეთანაბრებინათ და როცა ბოლო პერიოდი დაიწყი, ტაბლოზე 61:61 ენთო. მოსალოდნელი იყო, რომ დაძაბულობა ბოლომდე გასტანდა, თუმცა, როგორც აღმოჩნდა, ბათუმელებმა მთელი ძალები საწყის 3 მეოთხედს შეალიეს. “ქუთაისმა” ზაურ ფაშაევის, აკაკი დვალიშვილისა და გოგა ცეკვავას წინამძღოლობით სტუმრები ჩამოიტოვეს და გამარჯვებამდე ისე მივიდნენ, შეხვედრა არ დაძაბულა. ბოლო ათწუთეული მასპინძლებმა 29:12 მოიგეს და სტუმრები ბათუმში  დამწუხრეულები გაუშვეს.

იმერულ კლუბში აზერბაიჯანელი ზაურ ფაშაევი გამოირჩა 29 ქულითა და 7 პასით. 15 ქულა და 13 მოხსნა დააგროვა აკაკი დვალიშვილმა, ხოლო ცეკვავას ანგარიშზე 15 ქულა და 4 შედეგიანი გადაცემა დაგროვდა. ბათუმელებს ტრადიციულად უცხოელმა მოთამაშეებმა ულიდერეს – ჯერემი სეფოლდმა 24 ქულა და 9 მოხსნა მოაგროვა, ხოლო ჯუნიორ ქედუგინმა 19 ქულას 7 პასიც მოაყოლა.

ტურის დარჩენილი 2 შეხვედრა ხვალ, 22 თებერვალს, თბილისის სპორტის სასახლეში გაიმართება.

მატჩისშემდგომი კომენტარები

ქუთაისი – ბათუმი  90:73

მიხეილ კობეშავიძე(,,ბათუმის” მთავარი მწვრთნელი): რთული თამაში იყო, სამი პერიოდი ვიბრძოლეთ. მთელმა გუნდმა წააგო. სამწუხაროა, რომ ლეგიონრებმა ვერ შეასრულეს დავალებები და ვერ გაამართლეს ჩემი იმედები.

მედეა მხეიძე(,,ქუთაისის” მწვრთნელი): ნამდვილად დაძაბული თამაში იყო. ბათუმმა სერიოზული წინააღმდეგობა გაგვიწია და ყველაფერი მესამე ათწუთეულის ბოლოს გადაწყდა. კარგი დაცვის ხარჯზე გავიმარჯვეთ და, ამასთან, პერიმეტრიდანაც წაგვივიდა სროლები. ამ კომპონენტში განსაკუთრებით აქტიური იყო ზაურ ფაშაევი. მთლიანობაში თამაში ძალიან ემოციურ ფონზე წარიმართა და მოხარულნი ვართ, რომ გამარჯვება ჩვენ დაგვრჩა. მივულოცავ ჩვენს ყველა გულშემატკივარს და ვფიქრობ, ეს წარმატება იქნება იმ ეტაპის საწყისი, რომელსაც ასე ძალიან ველოდებით.

ბოლო დროის ერთ-ერთი საუკეთესო სანახაობა – ქართული All-Star

Posted on by Levan

რუსთავში გამართული ქართლი ოლსტარი საკმაოდ სანახაობრივი გამოდგა. შეგახსენებთ, რომ მატჩში ერთმანეთს კოტე ტუღუშის და ირაკლი ხოშტარიას გუნდები დაუპირისპირდნენ. გამარჯვება “დინამოს” მწვრთნელის, ხოშტარიას გუნდმა მოიპოვა.