Sky Sport Italia-ს ჟურნალისტი, ჯანლუკა დი მარციო ირწმუნება, რომ “მანჩესტერ სიტის” ინგლისელი მეკარე, ჯო ჰარტი “ტორინოში” თამაშის შესაძლებლობით არის მოხიბლული.
შეგახსენებთ, რომ პეპ გვარდიოლამ ინგლისელი მეკარე “სიტიში” მოსვლის დღიდანვე აითვალწუნა. პრემიერ ლიგის პირველ სამ მატჩში, ჰარტის პოსტი კაბალიერომ დაიკავა (ამ 3 მატჩიდან, “სიტიმ” ვერცერთ მათგანში ვერ შეინახა კარი მშრალად).
“ქალაქელთა” ხელმძღვანელებს ურჩევნიათ, რომ ინგლისის ნაკრების პირველმა ნომერმა კარიერა “სანდერლენდში” გააგრძელოს, სადაც მას ხელფასს მთლიანად გადაუხდიან. თუმცა, თავად ჰარტს იტალურ სერია ა-ში სურს თავის გამოცდა.
