ხვალ, თბილისის დროით 23:45 საათზე, გაიმართება ჩემპიონთა ლიგის მე-2 ტურის შეხვედრა, სადაც პსჟ, საკუთარ მოედანზე, ”ბარსელონას” დაუპირისპირდება. ”ბლაუგრანას” მცველმა, ჟერემი მატიემ, ჟურნალისტებთან, მომავალ მატჩზე ისაუბრა.
”პსჟ-ს შემადგენლობაში, საკმაოდ ძლიერი და ნიჭიერი ფეხბურთელები თამაშობენ, ამიტომ თამაშს დიდი ყურადღებით უნდა მოვეკიდოთ, თითოეულ ეპიზოდს დიდი მნიშვნელობა ექნება. მათ ჰყავთ ლიდერი, იბრაჰიმოვიჩის სახით. პსჟ, მასთან ერთად და მის გარეშე – 2 სხვა გუნდია.” – განაცხადა მატიემ.
მიუნხენის “ბაიერნი” ჩემპიონთა ლიგის ჯგუფური ეტაპის მეორე ტურის მატჩს მოსკოვში ცსკა-ს წინააღმდეგ გამართავს. ბავარიელები რუსეთის დედაქალაქში კვირას ჩაფრინდნენ და სასტუმროშიც დაბინავდნენ, თუმცა დღის ბოლოს უსიამოვნო ინციდენტი მოხდა.
სახანძრო განგაშის გამო სასტუმროდან “ბაიერნის” ფეხბურთელების, მწვრთნელების და მთელი პერსონალის ევაკუაცია მოხდა.
გერმანელები რამდენიმე წუთს სასტუმროს მიმდებარე ტერიტორიაზე გაჩერდნენ, ხოსეპ გვარდოლამ და ფეხბურთელებმა მოსკოვის ცივი ჰავისგან თავდასაცავად სპეცალური პლედები მოიფარეს, შემდეგ კი სავაშხმოდ იქვე მდებარე რესტორანს ეწვივნენ.
დაახლოებით ორ საათში “ბაიერნის” დელეგაცია სასტუმროში დაბრუნდა.
ბავარიული გუნდის ზოგიერთი ფანი მიიჩნევს, რომ ეს ინციდენტი რუსულმა მხარემ განგებ მოაწყო.
ცსკა-სა და “ბაიერნს” შორის შეხვედრა სამშაბათს, თბილისის დროით 20:00 საათზე დაიწყება. სტადიონის დისკვალიფიკაცის გამო მატჩზე გულშემატკივრები არ დაიშვებიან.
“რომას” ლეგენდარულმა კაპიტანმა ფრანჩესკო ტოტიმ, ჩემპიონთა ლიგისა და სერია ა-ს საწყისი ტურები შეაფასა.
“იუვენტუსი” – ჩემპიონია, ისინი არ ყიდიან საკუთარ ვარსკვლავებს, არამედ იმატებენ მათ. გასულ სეზონში ჩვენ იტალიაშე მეორე ადგილზე გავედით “იუვენტუსის” შემდეგ, იმ სეზონშივე დავამტკიცეთ რომ შეგვიძლია მიზნისთვის ბრძოლა, ამ სეზონსა და გასულ სეზონებს შორის დიდი სხვაობაა. ახლა კი აუცილებელია აღმოვფქვრათ ის შეცდომები რაც წარსულში გვქონდა. იტალიაში მესამე გუნდი ? ვფიქრობ “ინტერი.”
“სეზონი შესანიშნავად დავიწყეთ. ჩვენ მოთამაშეების დიდი ჯგუფი გვყავს, გუნდში კონკურენციაა, რაც წარმატების საწინდარია. ამ სეზონში ჩვენი მიზნები სერია ა-ს, ჩემპიონთა ლიგისა და იტალიის თასის მოგება იქნება, რომელიც ასევე მნიშვნელოვანია ჩვენთვის.”
“ჩემპიონთა ლიგაზე თამაში ყოველთვის საინტერესოა. ჩვენ შესანიშნავად დავიწყეთ ამ ტურნირზე ასპარეზობა. სიმართლე გითხრათ, არ ველოდი პირველ მატჩში 5 გოლს ჩვენი გუნდიდან, იმ გუნდის წინააღმდეგ რომელიც რუსეთის ჩემპიონია. ტურნირის ფავორიტები ალბათ, “რეალი” და “ჩელსი” არიან, მაგრამ ჩვენ შეუშლით მათ ხელს” – განაცხადა ტოტიმ.
”რომას” ფანებმა, ”კალიარისთან” მატჩის დროს (2-0), ცსკა-ს გულშემატკივრების მხარდასაჭერი ბანერი გამოფინეს.
”თავისუფლება ცსკა-ს ულტრებს” – ბანერი ამას გვეუბნება.
შეგახსენებთ, რომ უეფას ჩემპიონთა ლიგის პირველი ტურის მატჩის დროს, როდესაც ”რომა” ცსკა-ს მასპინძლობდა (5-1), იტალიელ და რუს გულშემატკივარს შორის ფიზიკური დაპირისპირება მოხდა. კონფლიქტის ჩაწყნარების შემდეგ, რუსი გულშევატკივარი, რომაელ სტიუარდებს და სამართალდამცავებს დაუპირისპირდნენ, რის შედეგადაც რამდენიმე ათეული გულშემატკივარი დაკავებულ იქნა.
დღესდღეობით, უეფა კონფლიქტის მიზეზებს იძიებს და ცსკა-ს გაურკვეველი სახის დისკვალიფიკაციას უმზადებს. რუს გულშემატკივარს რაც შეეხება, მათ პირობითი სასჯელის სახით დატოვეს საპატიმრო.
ცნობილი გახდა იმ სტადიონების სია, სადაც ჩემპიონთა ლიგის და ევროპის ლიგის 2015/16 წლების გათამაშების ფინალური შეხვედრა, აგრეთვე უეფას სუპერთასის მატჩი გაიმართება. ამ ინფორმაციას უეფას ოფიციალური ვებგვერდი აქვეყნებს.
როგორც გუშინ გაცნობეთ, ჩემპიონთა ლიგის 2015/16 წლების სეზონის ფინალური შეხვედრა მილანის “ჯუზეპე მეაცაზე” შედგება.
ევროპის ლიგის გადამწყვეტ შეხვედრას შვეიცარიაში მდებარე სტადიონი “სენტ-იაკობ პარკი” მიიღებს.
უეფას სუპერთასი 2016 წელს ნორვეგიაში, კერძოდ “ლერკენდალზე” გაიმართება.
”პორტუმ”, საკუთარ მოედანზე ბორისოვის ”ბატე” გაანადგურა და მიმდინარე წლის გათამაშებაში, ყველაზე დიდი ანგარიში დააფიქსირა.
ლისაბონის სპორტინგმა, სტუმრად ”მარიბორის” დამარცხება ვერ მოახერხა.
გოლები: ნანი 80′ 0-1; ზახოვიჩი 92+2′ 1-1.
ჩემპიონთა ლიგის პირველ ტურში, ინგლისის ჩემპიონატის ლიდერმა, სახლში ”შალკეს” დამარცხება ვერ შეძლო
გოლები: ფაბრეგასი 11′ 1-0; ჰუნტელაარი 62′ 1-1.
მოსკოვის ”ცეესკას” მეკარემ, იგორ აკინფეევმა, ”რომასთან” მატჩში ანტირეკორდი გააუმჯობესა. მან, ჩემპიონთა ლიგაზე, ზედიზედ 22-ე მატჩში გაუშვა გოლი.
გავიხსენოთ, რომ აკინფეევმა, ეს რეკორდი ჯერ კიდევ გასულ სეზონში, ”ვიქტორია” პლზენთან(3-2) საშინაო მატჩში დაამყარა და პსვ-ს ყოფილ მეკარეს, როლანდ ვატერესს გადაუსწრო, რომელსაც 16 ბურთი ჰქონდა გაშვებული.
სულ ცოტა დრო რჩება უეფას ჩემპიონთა ლიგის 2014/15 წლების გათამაშების ჯგუფური ეტაპის მეორე სათამაშო დღის დაწყებამდე. Fanebi.com-ის მომხმარებლებმა თავიანთი ვარაუდი გამოთქვეს, თუ რა შედეგით დასრულდება დღევანდელი დღის რვა მატჩი. პროცენტულად გთავაზობთ, თუ როგორ გადანაწილდა ხმები.
| “რომა” (97 %) | ფრე (2 %) | ცსკა (1 %) |
| “ბაიერნი” (76 %) | ფრე (14 %) | “მანჩესტერ სიტი” (10 %) |
| “ბარსელონა” (99,5 %) | ფრე (0,5 %) | “აპოელი” (0 %) |
| “აიაქსი” (6 %) | ფრე (13 %) | “პარი-სენ ჟერმენი” (81 %) |
| “ჩელსი” (97 %) | ფრე (2 %) | “შალკე” (1 %) |
| “მარიბორი” (9 %) | ფრე (25,5 %) | “სპორტინგი” (65,5 %) |
| “პორტუ” (98 %) | ფრე (1,5 %) | “ბატე” (0,5%) |
| “ატლეტიკი” (82 %) | ფრე (11 %) | “შახტარი” (7 %) |
მადრიდის ”რეალის” მთავარმა მწვრთნელმა, კარლო ანჩელოტიმ, ბაზელთან (5-1) ჩატარებულ მატჩზე ისაუბრა.
”შეხვედრა ჩვენთვის ადვილი აღმოჩნდა. პირველ 30 წუთში ბრწყინვალედ ვითამაშეთ, აქტიურ პრესინგს მივმართავდით, შეტევაში სწრაფად მოვქმედებდით, გავიტანეთ რამდენიმე გოლი და თამაშს მთლიანად ვაკონტროლებდით.”
”ვფიქრობ, რომ დღევანდელი მატჩით გულშემატკივარი კმაყოფილია. გუნდმა კარგად ითამაშა, გაიტანა რამდენიმე გოლი და პოზიტიურები უნდა ვიყოთ. სტვენის ნაცვლად, გულშემატკივრების სიმღერა – ”როგორ არ მეყვარები” მესმოდა. როგორ შეიძლება ეს ვერ გავიგო?! მომავალს პოზიტიურად ვუყურებ.”
”რა თქმა უნდა, ყველა პრობლემა არ გადაგვიჭრია, მაგრამ შემადგენლობაში აშკარა პროგრესს ვხედავ.” – განაცხადა ანჩელოტიმ.
ლონდონის ”არსენალის” მთავარმა მწვრთნელმა, არსენ ვენგერმა, ”ბორუსიასთან” მარცხის (2-0) მიზეზებზე ისაუბრა.
”ჩვენთვის მძიმე საღამო იყო და მოწინააღმდეგეს დამსახურებულ გამარჯვებას ვულოცავ, მათ უკეთესად ითამაშეს. ჩვენი თამაშით იმედგაცრუებული ვარ. თავიდან, ანგარიშის გასახსნელად 2 ბრწყინვალე მომენტი ვერ გამოვიყენეთ, შემდეგ კი კონტრშეტევებზე გადავედით.”
”ბურთი, ჩვენი საჯარიმოდან 80 მეტრში დავკარგეთ და დაცვაში, 3 1-ის წინააღმდეგ ვიყავით, ამიტომ ძნელად გასაგებია, თუ როგორ გავუშვით გოლი.”
”დღეს, ”ბორუსია” მოედნის ცენტრში ძალიან ძლიერი იყო, ჩვენზე ძლიერი. ამ საღამოს, ისინი ჩვენზე რამდენიმე თავით მაღლა იდგნენ.” – განაცხადა არსენ ვენგერმა.
