ინგლისის ეროვნული ნაკრების ფეხბურთელმა სტივენ ჯერარდმა ურუგვაელების წინააღმდეგ გამართული მატჩი შეაფასა და აღნიშნა, რომ თავის გუნდს უფრო ჭკვიანურად უნდა ეთამაშა.
შეგახსენებთ, რომ ურუგვაის ნაკრებმა ინგლისელებს ანგარიშით 2:1 სძლია.
“ცხადია, ბევრი შეცდომა დავუშვით. ლუის სუარესის წინააღმდეგ უფრო ყურადღებით უნდა ვყოფილიყავით. როდესაც ანგარიში გავათანაბრედ, შემდეგ უფრო ჭკვიანურად და გააზრებულად უნდა გვეთამაშა, რაც სამწუხაროდ, ვერ მოვახერხეთ”, – ამბობს ჯერარდი.
ურუგვაის ნაკრების მთავარმა მწვრთნელმა ოსკარ ვაშინგტონ ტაბარესმა ინგლისთან მოგებული მატჩი შეაფასა.
„ინგლისს სუსტი წერტილები არ აქვს, ეს გუნდი ძალიან ძლიერია, მას ჩინებული ნახევარდაცვა და ძლიერი თავდამსხმელები ჰყავს, რომელთა შორისაც ყველა ბომბარდირია.
თუმცა ჩვენ ძალიან კარგი ფეხბურთი ვაჩვენეთ, მნიშვნელოვანი როლი კავანიმაც ითამაშა. ჯერარდმა თავისი შესაძლებლობების მაქსიმუმი ვერ აჩვენა, რადგან ამის გაკეთების საშუალებას მას სწორედ ედინსონი არ აძლევდა. ვფიქრობ, ამ თამაშის მოგებაში დიდი როლი სწორედ ამ ფაქტორმა ითამაშა. გვიხარია, რომ გავიმარჯვეთ, რადგან ინგლისი ძლიერი მეტოქეა.
ორივე გოლი სუარესმა გაიტანა, რომელსაც ერთი თვის წინ ტრავმა ჰქონდა და ოპერაცია გადაიტანა. პლეიოფში ჯერ არ გავსულვართ, თუმცა, რასაკვირველია, ცოტა დავმშვიდდით“, – განაცხადა ურუგვაელთა თავკაცმა.
2014 წლის მსოფლიოს ჩემპიონატის ჯგუფურ ეტაპზე ურუგვაისა და ინგლისის ნაკრებებს შორის გამართული შეხვედრა სამხრეთამერიკელთა გამარჯვებით, ანგარიშით 2:1 დასრულდა.
მატჩის საუკეთესო ფეხბურთელად ურუგვაელთა თავდამსხმელი ლუის სუარესი დაასახელეს, რომელმაც აღნიშნულ შეხვედრაში დუბლი გაიფორმა.
„ელ პისტოლერომ“ მოედანზე 88 წუთი დაჰყო, გააკეთა 35 გადაცემა და კარში 6-ჯერ დაარტყა.
წარუმატებელი პირველი ტურის შემდეგ ურუგვაი და ინგლისი ურთიერთობას ერთმანეთთან გაარკვევენ.
D ჯგუფი მუნდიალზე თავიდანვე ერთ-ერთ ყველაზე რთულ კვარტეტად ითვლებოდა. ურუგვაისთან კოსა-რიკის სენსაციური გამაჯრვების შემდეგ კი, ინტრიგა ამ ოთხეულში კიდევ უფრო გამძაფრდა.
ურუგვაელები ლუის სუარესზე ამყარებენ დიდ იმედებს, რომელიც ტრავმის შემდეგ უბრუნდება საკუთარ ნაკრებს. პრემიერლიგის საუკეთესო მოთამაშის გამოჩენას ძირითადში ელიან. თუმცა, რამდენად არის სუარესი ოპტიმალურ ფორმაში, ეს უშუალოდ მატცის დროს გამოჩნდება.
ინგლისელთა მთავარ იმედად კი რა თქმა უნდა უეინ რუნი რჩება. იტალიასთან მანჩესტერელს დამაჯერებლად არ უთამაშია, თუმცა სტარიჯზე საგოლე პასის გაკეთება მაინც მოახერხა. ის შეხვედრა რუნიმ შეტევის მარცხენა ფრთაზე გაატარა. ახლა კი, ბრიტანული პრესის ცნობით, ჰოჯსონი მას ცენტრში დააყენებს.
მნიშვნელოვანი მატჩის წინ ურუგვაელებს დაცვის ხაზში სერიოზული პრობელმები აქვთ. ტრავმირებულია მათი ძირითადი მცველი დიეგო ლუგანო. მარჯვენა მცველ მაქსი პერეირას კი დისკვალიფიკაცია აქვს.
ევროპაბეთის კოეფიციენტები აღნიშნულ მატჩზე:
მუნდიალზე პირველი ხმაურიანი სენსაცია შედგა. ურუგვაის ნაკრები სასტარტო მატჩში კოსტა-რიკასთან დამარცხდა.
ანგარიში 24-ე წუთზე ურუგვაელებმა გახნსეს. კავანიმ პენალტი ზუსტად შეასრულა და თავისიანები დააწინაურა.
მეორე ნახევარში სამწუთიან მონაკვეთში კოსტა რიკელებმა ორჯერ გაიტანეს. 54-ე და 57-ე წუთებზე კემპბელმა და დუარტემ ზუსტი დარტყმები შეასრულეს.
საბოლოო ანგარიში 84-ე წუთზე ურენამ დააფიქსირა – 1:3
თბილისის დროით 23 საათზე “კასტელანზე” ურუგვაის ნაკრები D ჯგუფის გამოკვეთილ აუტსაიდერს კოსტა-რიკის ნაკრებს შეხვდება.
რა თქმა უნდა, ურუგვაის გამაჯრვების საკმაოდ დიდი შანსი აქვს. მიუხედავად იმისა, რომ ფაქტობრივად გამორიცხულია გუნდის ლიდერის, ლუის სუარესის თამაში, რომელსაც ტრავმა აწუხებს. თუმცა, ეს ფაქტორი კოსტრა-რიკელების შანსებზე დიდად არ მოქმედებს.
ურუგვაელების მოტივაციას ჯგუფში ორი ძლიერი მეტოქეც ზრდის. კოსტა-რიკასთან გამარჯვება ჯგუფში ბრძოლის გასაგრძელებლად აუცილებელია. ინგლისი და იტალია დიდი ალბათობით ჩრდილოეთ ამერიკელებთან იოლ გამარჯვებებს მოიპოვებენ.
აღნიშნულ გუნდებს ერთმანეთის წინააღმდეგ ოთხი მატჩი აქვთ ჩატარებული, საიდანაც 2-ჯერ ურუგვაელებმა მოიგეს. ორი მატჩი კი ფრედ დასრულდა.
ევროპაბეთის კოეფიციენტები აღნიშნულ მატჩზე:
ურუგვაის ნაკრების მცველი დიეგო ლუგანო იმედს გამოთქვამს, რომ ლუის სუარესი მუხლის ოპერაციის შემდეგ სრულად მომჯობინდება და მსოფლიოს ჩემპიონატის დაწყებას მისთვის ჩვეული ჟინით შეხვდება.
„ლუისი ჩვენთვის უფრო მნიშვნელოვანია, ვიდრე ნეიმარი ბრაზილიისთვის ან მესი არგენტინისთვის. მთელი წელი იმის შიშით გავატარე, რომ მას რამე არ მოსვლოდა. მთელი წლის განმავლობაში ვლოცულობდი, რომ ის ტურნირს სრულ მზადყოფნაში შეხვედროდა, თუმცა ჩემპიონატის უკანასკნელ მატჩში მან ტრავმა მიიღო. ეს ყველაზე ძლიერი დარტყმა იყო, რაც შეიძლებოდა მიგვეღო. როგორც ჩანს, განგებამ გადაწყვიტა, რომ მუნდიალის წინ ჩვენთვის სერიოზული გამოცდა მოეწყო“, – ლუგანოს სიტყვებს Goal.com-ი აქვეყნებს.
შეგახსენებთ, რომ მსოფლიოს ჩემპიონატის ჯგუფურ ეტაპზე ურუუგვაის მეტოქეებად ინგლისის, იტალიისა და კოსტა რიკის ნაკრებები ჰყავს. ურუგვაელები ტურნირის პირველ შეხვედრას 14 ივნისს კოსტა რიკელების წინააღმდეგ ჩაატარებენ.
ბექა დოგრაშვილი
მუნდიალის დაწყებამდე ნაკრებები ამხანაგური მატჩების გამართვას აგრძელებენ. გუშინ ურუგვაის ნაკრები სლოვენიას დაუპირისპირდა და მეტოქეს ორი უპასუხო გოლი გატუანა.
ანგარიში 37-ე წუთზე ედისონ კავანიმ გახდა. საბოლოო შედეგი 76-ზე სტუანიმ დააფიქსირა.
იტალიის ნაკრების კაპიტანმა ჯანლუიჯი ბუფონმა განაცხადა, რომ მსოფლიოს ჩემპიონატის 1/4 ფინალში გასვლა მისი გუნდის მინიმალური ამოცანაა.
„თუ მინიმუმ 1/4 ფინალში მოვხვდებით, ტურნირს ჩვენთვის წარმატებულად ჩავთვლით. რა თქმა უნდა, ნაჩვენები შედეგით ბოლომდე კმაყოფილი ვერასდროს იქნები. ამ მომენტისთვის არ შემიძლია ვთქვა, რომ ფინალში გასვლას მოვახერხებთ.
ჩვენმა გუნდმა უფრო სტაბილურად თამაში უნდა დაიწყოს და ის მატჩები მოიგოს, რომლებშიც ფავორიტად ითვლება. ზოგჯერ, როდესაც ფავორიტები არ ვართ, გულშემატკივრებს სიურპრიზებს ვთავაზობთ. ამ მომენტისთვის იმ გუნდთა კატეგორიას მივეკუთვნებით, რომელთაც სატურნირო ბადეში ინგლისსა და ურუგვაიზე მეტი ეტაპის დაძლევა შეუძლია.
რაც შეეხება ტურნირის ფავორიტებს, მათ შორის ბრაზილიას, ესპანეთს, გერმანიასა და არგენტინას დავასახელებდი“, – განაცხადა ვეტერანმა მეკარემ.
ალექსანდრე მატევოსოვი
„ლივერპულის“ თავდამსხმელის ლუის სუარესის თქმით, მსოფლიოს ჩემპიონატზე იგი ყურადღებას არ მიაქცევს იმას, რომ ურუგვაის ნაკრების მეტოქეთა რიგებში მისი თანაკლუბელები ითამაშებენ.
„ყველაფერი არც ისე ადვილი იქნება, რადგან, მსურს, საკუთარ ქვეყანას დავეხმარო, ისევე, როგორც ჯერარდს, რომელიც ინგლისზე ფიქრობს. ყველასთვის ცნობილია, რომ სტივი ჩემ კარიერაში მნიშვნელოვან ადგილს იკავებს. „ლივერპულის“ ისტორიაში იგი საუკეთესო ფეხბურთელია და ჩემთვის იგი საუკეთესო პარტნიორად სამუდამოდ დარჩება. ჯერარდი კაპიტანია, რადგან მთელ გუნდს ეხმარება.
ასევე ერთმანეთის წინააღმდეგ თამაში იმიტომაც გაგვიჭირდება, რომ მოედნის გარეთ მეგობრები ვართ. თუმცა თამაშის დროს ყველაფერს ვივიწყებთ. თუ იგი რამე ცუდს გამიკეთებს, საპასუხოდ იგივეს მიიღებს. ამაში გასაკვირი არაფერია.
ურუგვაის ნაკრებს ჩინებული გუნდი ჰყავს. წინა ტურნირზე ცუდად არ გვითამაშია. თუ მუნდიალისთვის მშვიდად მოვემზადებით, მაშინ ნახევარფინალამდე მისვლას კვლავ შევძლებთ. მაგრამ, თუ ყველა იყვირებს, რომ ურუგვაი საუკეთესოა, სასურველ შედეგს ვერ მივაღწევთ“, – განაცხადა სუარესმა.
ალექსანდრე მატევოსოვი
ინგლისური „ლივერპულისა“ და ურუგვაის ეროვნული ნაკრების თავდამსხმელმა ლუის სუარესმა განაცხადა, რომ ახლა მთლიანად მსოფლიოს ჩემპიონატზე გადაერთვება. გარდა ამისა, ურუგვაელმა ფორვარდმა მადრიდის „რეალში“ ან „ბარსელონაში“ მისი შესაძლო გადასვლის შესახებ გაჩენილი ჭორები უარყო.
„ბოლო პერიოდში პრესაში ბევრი ჭორი იწერება ჩემი მომავლის შესახებ. ახლა მთლიანად მსოფლიოს ჩემპიონატზე ვარ ფოკუსირებული. „ლივერპულთან“ ერთად შესანიშნავი სეზონი მქონდა. დრო მოვიდა, ნაკრებზე ვიფიქრო“, – ციტირებს სუარესის სიტყვებს ბრიტანული „გარდიანი“.
— მართლა არსებობს თქვენს კონტრაქტში პუნქტი, რომელიც „რეალში“ ან „ბარსელონაში“ გადასვლის შესაძლებლობას გაძლევთ?
— არა, ასეთი რამ არ არის. რამდენადაც ვიცი, შეთანხმებაში არ არის პუნქტი, რომელიც რომელიმე კლუბს ჩემი კონტრაქტის გამოსყიდვის უპირატესობას აძლევს.
— ისურვებდით ნეიმართან და მესისთან ერთად თამაშს?
— ყველამ იცის, რომ ისინი დიდებული ფეხბურთელები არიან.
— სჭირდება „ბარსელონას“ ტიპიური მე-9 ნომერი? რამდენად მოერგება ასეთი ფეხბურთელი კატალონიელთა სქემას?
— მე მწვრთნელი არ ვარ, ამაზე რომ გიპასუხოთ. „ბარსელონაში“ კარგად იციან, რა არის საჭირო. მე „ლივერპულთან“ მოქმედი კონტრაქტი მაკავშირებს.
— რას აკეთებთ, როდესაც თქვენი შესაძლო ტრანსფერის შესახებ ინფორმაციას კითხულობთ?
— შემდეგ გვერდზე გადავდივარ. კარგად იცით, პრესას ჭორის აგორება რომ შეუძლია. ვცდილობ, ამას ყურადღება არ მივაქციო. ვიცი, რა მინდა. ჩემს აგენტს შეუძლია თქვას, რა არის სიმართლე და რა ჭორი.
— ამ სეზონში 31 გოლი გაიტანეთ და „ოქროს ბუცისთვის“ ბრძოლაში გალიდერდით. კრიშტიანუ რონალდუს ამდენივე გოლი აქვს გატანილი, თუმც ესპანეთის ჩემპიონატში კიდევ ერთი ტურია სათამაშო. ამაზე რას ფიქრობთ?
— იმდი მაქვს, ვერ გაიტანს. კრიშტიანუ რონალდუ მესისთან ერთად მსოფლიოს ერთ-ერთი საუკეთესო მოთამაშეა. მე თავს ვიკლავ, გოლი რომ გავიტანო, მათ კი ეს ადვილად გამოსდით. სამწუხარო იქნება, თუ გოლის გატანას მოახერხებს.
ბექა დოგრაშვილი
30 აპრილს, ლიბერტადორესის თასის გათამაშებაში, “დეფენსორ სპორტინგსა” და “სთრონგესთს” შორის გამართულ მატჩი (2:0), ნიკოლოს ოლივეირამ მეტოქის კარში ულამაზესი გოლი გაიტანა.
