“მანჩესტერ უნაიტედმა” პრემიერ ლიგის 29-ე ტურში “მიდლსბროს” დამარცხება (3-1) მოახერხა. მოურინიოს შეგირდებიდან ფელაინიმ, ლინგარდმა და ვალენსიამ გამოიჩნეს თავი. დიდი ხნის შემდეგ, როგორც იქენა, “წითელი ეშაკები” მეექსვე ადგილს მოსწყდნენ და ახლა მეხუთე პოზიციას იკავებენ.
ამასთან დაკავშირებით ომარ მომანი კარიკატურას გვთავაზობს.
პრიმერა დივიზიონის შეხვედრა, რომელშიც “ვალენსია” და “რეალი” ერთმანეთს “მესტალიაზე” დეკემბერში უნდა დაპირისპირებოდნენ, გადაიდო. ამის მიზეზი ის იყო, რომ “ბლანკოსი” იაპონიაში მსოფლიოს სალუბო ჩემპიონატზე ასპარეზობდა.
ესპანეთის ფეხბურთის ფედერაციის გადაწყვეტილებით, ვალენსიურ-მადრიდული ჯახი 22 თებერვალს, თბილისის დროით 21:45 საათზე შედგება. გამოდის, რომ ეს მატჩი ჩვეულ დროზე ადრე გაიმართება. ამის მიზეზი ჩემპიონთა ლიგის ის მერვედფინალური შეხვედრებია, რომელიც იმავე დღეს, ცოტა გვიან უნდა ჩატარდეს.
აქვე გეტყვით, რომ გასულ კვირას “სელტასა” და “რეალს” შორის თამაში ვიგოში არსებული უამინდობის გამო გადაიდო. ჯერჯერობით, უცნობია, როდის შედგება ეს დაპირისპირება.
ესპანური “ვალენსიას” ხელმძღვანელებმა სიმონე ძაძას ტრანსფერი განახორციელეს, რომელიც ამ დროისთვის ტურინის “იუვენტუსის” კუთვნილებად ითვლება.
იტალიელი ფორვარდი “ღამურების” რიგებში სეზონის ბოლომდე ითამაშებს. სეზონის ბოლოს, სურვილის შემთხვევაში, ესპანურ კლუბს მისი გამოსყიდვის უფლება ექნება.
როგორც იცით, 25 წლის ფეხბურთელმა მიმდინარე სეზონის პირველი ნახევარი ლონდონურ “ვესტ ჰემში” გაატარა, სადაც ამ უკანასკნელმა საკუთარი შესაძლებლობების წარმოჩენა ვერ შეძლო.
ძაძამ პრემიერ ლიგის 11 მატჩში მიიღო მონაწილეობა, თუმცა ეს საკმარისი არ აღმოჩნდა, სადებიუტო გოლი რომ გაეტანა.
????@SimoneZaza, new player of @valenciacf #WelcomeZaza ???? https://t.co/xVgtaq1yZC pic.twitter.com/oCM8OqwiWl
— Valencia CF English (@valenciacf_en) January 15, 2017
31 დეკემბერსა და პირველ იანვარს ინგლისის პრემიერ ლიგის მე-19 ტურის შეხვედრები გაიმართა. საკუთარი მატჩი მოიგო ტურნირის ლიდერმა – “ჩელსიმ”, რომელსაც უკვე 49 ქულა მოუგროვდა. აღსანიშნავია ის ფაქტიც, რომ “ლივერპულმა” საკუთარ მოედანზე “მანჩესტერ სიტის” მინიმალური ანგარიშით სძლია და 43 ქულით მეორე ადგილზე დამკვიდრდა.
Goal.Com-ი ნახსენები ტურის სიმბოლურ გუნდს გვთავაზობს.
ვალდესი, კრისველი, აკე, კეჰილი, ვალენსია, აივობი, პოგბა, ვილიანი, გრეი, ალი, კეინი.
იხილეთ ფოტო
სულ ცოტა ხნის წინ ოფიციალურად დადასურდა, რომ იტალიელი მწვრთნელი, ჩეზარე პრანდელი პრიმერა დივიზიონში მოასპარეზე “ვალენსიას” აღარ გაწვრთნის.
ირკვევა, რო “ღამურების” ხელმძღვანელობამ, უფულობის გამო, იმ 5 ფეხბურთელის ყიდვაზე თქვა უარი, რომლის შეძენასაც პრანდელის დაპირდნენ. კლუბის ოფიციალური საიტის ცნობით, ჩეზარეს სეზონის ბოლომდე ვოლო გონსალესი ჩაანაცვლებს.
შეგახსენებთ, რომ 59 წლის სპეციალისტი სულ რაღაც სამი თვის წინ მივიდა ესპანურ გუნდში. ყველა ტურნირზე ჩატარებული ათი თამაშიდან, “ვალენსიამ” 3 მოიგო, 3 ფრედ ითამაშა და 4 წააგო. “ღამურები”ამჟამად 12 ქულით მე-17 პოზიციაზე იმყოფებიან.
ლონდონის “არსენალის” ხელმძღვანელები მზად არიან პირველი ოფიციალური შეთავაზება გაუგზავნონ ხოსე გაიას შესაძლო ტრანსფერის თაობაზე. ამ ინფორმაციას Daily Mirror-ის რედაქცია ავრცელებს.
როგორც იცით, გაია ევროპის ერთ-ერთ ყველაზე პერსპექტიულ ფეხბურთლად სახელდება, “ვალენსია” კი მზადაა, შექმნილი არასახარბიელო მდგომარეობის გამო, მას “მესტალიას” დატოვების უფლება მისცეს.
მართალია, ესპანელ ფეხბურთელს “მანჩესტერ იუნაიტედსა” და “ჩელსისაც” უკავშირებდნენ, მაგრამ ის ახლა ყველაზე მეტად “არსენალს” სჭირდება, რადგანაც ნაჩო მონრეალი თებერვლის თვეში 31 წლის გახდება, კირან გიბზი კი კონტრაქტის გახანგრძლივებას არ აპირებს.
ამასთანავე, როგორც ცნობილი გახდა, ვენგერი მისთვის საკმაოდ გრძელვადიანი კონტრაქტის შეთავაზებას აპირებს.
გავლენიანი ინგლისური გამოცემა, The Mirror იტყობინება, რომ ლონდონის “ტოტენჰემი” და მერსესაიდული “ლივერპული” სერიოზულად არიან დაინტერესებულნი ლევერკუზენის “ბაიერის” თავდამსხმელის, ხავიერ ერნანდესის შეძენით.
ჩიჩარიტო 2015 წელს შეუერთდა გერმანულ კლუბს და პირველ სეზონში 28 ბუნდესლიგურ შეხვედრაში 17 გოლის გატანა მოახერხა. რაც შეეხება ახალ სეზონს, მექსიკელმა 12 მატჩში 5 გოლს მოუყარა თავი.
ორივე ინგლისურ გრანდს სურს, რომ 28 წლის ფეხბურთელი მომდევნო – ზამთრის – სატრანსფერო ფანჯარაზე შეიძინოს.
ლონდონელებსა და მერსესაიდელებს მექსიკელში ესპანური “ვალენსია” შეეცილება.
Fijaches-ის მიერ გავრცელებული უახლესი ინფორმაციის თანახმად, ლონდონის “არსენალის” რიგებში მყოფ სანტი კასორლას სამი ესპანური გრანდი აკვირდება.
წყაროს ცნობით, ესპანელი ფეხბურთელის გადაბირების სურვილი, რომელსაც “მეთოფეებთან” არსებული კონტრაქტი მომავალ ზაფხულში ეწურება, “ატლეტიკო”, “ვალენსია” და “სევილიაა” დაინტერესებული.
მიუხედავად კასორლას პოზიციისა, რომელსაც “ემირეიტს სტედიუმზე” ურჩევნია დარჩენა, “არსენალმა” შესაძლოა, ესპანელი კლუბიდან იანვარში მაინც გაუშვას, რათა შემდეგში თავისუფალი აგენტის სტატუსით არ მოუწიოს კასორლას ლონდონიდან წასვლა.
გუშინ რუსეთის 2018 წლის მსოფლიოს ჩემპიონატის მატჩები გაიმართა. ერთ-ერთ მათგანში ეკვადორის ნაკრები ჩილეს დაუპირისპირდა და მეტოქე, ანგარიშით, 3-0 დაამარცხა.
მატჩის გამორჩეული მომენტი იყო, როცა მეორე ტაიმში ეკვადორელმა ფეხბურთელმა, ენერ ვალენსიამ თავი მოიკატუნა, რომ მას ჯანმრთელობის პრობლემა ჰქონდა; მოედანზე დაწვა და საკაცით გაყვანა მოითხოვა.
რეალურად, საქმე იმაში იყო, რომ ვალენსიას გაქცევა უნდოდა პოლიცილებისგან, რომლებიც მის დასაკავებლად იყვნენ სტადიონზე. ვალენსიას ბრალად ედება მისი ხუთი წლის გოოგნას ალიმენტის გადაუხდელობა (17 000 დოლარის ოდენობით).
საბოოლოდ, ენერს ნება დართეს, გასახდელში მოწესრიგებულიყო და ისე ჩაბარებოდა პოლიციას.
ესპანური “ვალენსიას” ხელმძღვანელებმა ერთხმად მიღებული გადაწყვეტილების საფუძველზე გუნდის აწ უკვე ყოფილი თავკაცი, პაკო აიესტარანი დაითხოვეს, რომელიც “ღამურებს” 2016/17 წლების სეზონსი მიუძღვოდათ წინ.
შეგახსენებთ, რომ აიესტარანის გუნდი მიმდინარე სეზონში საშინლად გამოიყურება – ლა ლიგის ახალ სეზონში “მესტალიას” ბინადარმა გუნდამ 4 შეხვედრა ჩაატარა და ოთხივე წააგო. შედეგად, კლუბი 0 ქულით ბოლო ადგილზე იმყოფება.
“დირექტორთა საბჭოს შეკრების შემდეგ, საფეხბურთო კლუბმა “ვალენსიამ” მიიღო გადაწყვეტილება გუნდის მთავარი მწვრთნელის, პაკო აიესტარანის დათხოვნასთან დაკავშირებით.”
ცნობილი გახდა ისიც, თუ ვინ დაიკავებს პაკოს პოსტს (დროებით). საუბარია ვერო გონსალესზე, რომელსაც აღნიშნული პოსტისთვისბრძოლაში არგენტინელი მარიო კემპესი შეეცილება.
სულ ცოტა ხნის წინ ოფიციალურად დადასტურდა, რომ ლონდონის “არსენალმა” გერმანიის ნაკრებისა და “ვალენისას” უკვე ყოფილი მოთამაშე, შკოდრან მუსტაფი უცნობ ფასად შეიძინა.
გეტყვით, რომ 24 წლის ფეხბურთელი 2014 წელს გადავიდა “ვალენსიაში”. ამ პერიოდშივე მოირგო ეროვნული ნაკრების ფორმაც.
“ბარსელონას” პრეზიდენტმა, ჟოსეპ მარია ბართომეუმ კლუბის ახალწვეულზე, ანდრე გომეშზე ისაუბრა, რომელიც აქამდე ესპანური “ვალენსიას” ღირსებას იცავდა.
“ბლაუგრანას” პორტუგალიელი ფეხბურთელის გადასაბირებლად 35 მილიონი ევროს გადახდა დასჭირდათ, რასაც მომავალში შესაძლოა, სოლიდური რაოდენობის თანხა დაემატოს, ბონუსების სახით.
“ანდრე გომეში “ბარსას” ახალი ფეხბურთელია, ის მსოფლიო დონის ვარსკვლავია. ბედნიერები ვართ, რომ ის ამ გამოწვევას არ შეუშინდა და ჩვენ კლუბში გადმოვიდა.
სამწვრთნელო შტაბის წევრები მას კარგა ხნის მანძილზე აკვირდებოდნენ. ასე რომ, მივესალმებით მის “კამპ ნოუზე” გადმობარგებას. მამამისი “ბარსელონას” სტაჟიანი გულშემატკივარია. ეს კი ჩვენი სიხარულისთვის დამატებითი საბაბია.”
