ჭდე: ზეედორფი

იტალიური “მილანის” ნახევარმცველმა, ნაიჯელ დე იონგმა “როსონერის” მთავარი მწვრთნელის პოსტზე თანამემამულე კლარენს ზეედორფის დანიშვნაზე ისაუბრა და თქვა, რომ გუნდი უფრო შემტევ ფეხბურთს ითამაშებს.

შეგახსენებთ, რომ ზეედორფმა მასიმილიანო ალეგრი შეცვალა. “შავ-წითლებმა” კი 19 იანვარს, “ჰელას ვერონა” ანგარიშით 1:0 დაამარცხეს.

“ვფიქრობ, უფრო შემტევი ტაქტიკით ვითამაშეთ და მომავალშიც ასე გაგრძელდება. კლარენსი ყოველთვის ჩემი კერპი იყო, მას ძალია დიდი პატივს ვცემ”, – ამბობს დე იონგი.

იტალიური “მილანის” მთავარმა მწვრთნელმა, კლარენს ზეედორფმა “ჰელას ვერონასთან” გამართული მატჩის შემდეგ განაცხადა, რომ მან გუნდის გამარჯვება გულშემატკივრებს მიუძღვნა.

შეგახსენებთ, რომ 19 იანვარს, იტალიის სერია A-ში, “როსონერიმ” საკუთარ მოედანზე “ჰელას ვერონა” მინიმალური სხვაობით, 1:0 დაამარცხა. შეხვედრაში ერთადერთი გოლი 82-ე წუთზე, მარიო ბალოტელიმ გაიტანა.

“მიხარია, რომ “მილანში”, მწვრთნელის რანგში ჩატარებული პირველი მატჩი წარმატებით დასრულდა. ამ მოგებას ყველა გულშემატკივარს ვუძღვნი”, – ამბობს ზეედორფი.

იტალიური “მილანის” ახალი მთავარი მწვრთნელი, კლარენს ზეედორფი აცხადებს, რომ ის შინ დაბრუნებით გახარებულია.

შეგახსენებთ, რომ 37 წლის ჰოლანდიელმა “როსონერის” თავკაცის პოსტზე რამდენიმე დღის წინ მასიმილიანო ალეგრი შეცვალა.

“ძალიან მიხარია, რომ შინ დავბრუნდი. “მილანში” დიდი მოტივაციით მოვედი და რა თქმა უნდა, დიდი სურვილი მაქვს, გუნდთან ერთად წარმატებას მივაღწიო. სიმართლე გითხრათ, “როსონერის” კარგი პერიოდი არ უდგას, თუმცა ჩვენ ყველაფერს გავაკეთებთ იმისათვის, რომ სიტუაცია გამოვასწოროთ”, – ამბობს ზეედორფი.