უნგრეთთან გადამწყვეტი მატჩის წინ ეროვნულმა ნაკრებმა ღია ვარჯიში გამართა
დღეს, 19:00 საათზე საქართველოს ნაკრები ყოფნა-არყოფნის მატჩში უნგრეთს დაუპირისპირდება. იგორ კოკოშკოვის გუნდს მინიმუმ 10 ქულით გამარჯვება სჭირდება საიმისოდ, რომ ჯგუფში მეორე ადგილი გაინაღდოს და თუ გაცილებით მეტით მოიგებს, ევროპის ჩემპიონატზე გასვლის შანსი მით უფრო იზრდება. ჩვენს ნაკრებს დღეს რომ სჭირდება გულშემატკივრის დახმარება, ასე არასდროს სდომებია.
გუშინ, სპორტის სასახლეში ხვალინდელმა მეტოქეებმა ივარჯიშეს. საქართველოს ნარების ვარჯიში 2 საათს გაგრძელდა, უნგრელებმა კი მსუბუქი, მოთელვითი ხასიათის ვარჯიში გამართეს. მიზეზი ის იყო, რომ უნგრელები თბილისში შუადღეს ჩამოვიდნენ და სრულყოფილი ვარიშის გასამართად ილაჯი აკლდათ.
საქართველოს ნაკრების ვარჯიშის დასკვნით ნაწილს მასმედიის წარმომადგენლები დაესწრნენ და მოთამაშეებაც მატჩისწინა კომენტარები გააკეთეს.
რაც შეეხება უნგრეთს, ჩვენი ხვალინდელი მეტოქე იმავე შემადგენლობით ითამაშებს, რითაც კეჩკემიტში დაგვისპირისპირდა. უნგრელებს არ ეყოლებათ ადამ ჰანგა, ყველაზე სახელოვანი კალათბურთელი, თუმცა მისი არყოფნა კეჩკემიტში მასპინძლებს არ უგრძვნიათ.
ვიქტორ სანიკიძე: ხვალ ყველაზე მნიშვნელოვანი თამაშია, რითაც ევროპის ჩემპიონატზე მოხვედრის ბედი გადაწყდება. ხალხის მხარდაჭერა გვჭირდება და დარწმუნებული ვარ გულშემატკივარი სიცხის მიუხედავად აუცილებლად მოვა სპორტის სასახლეში. მომზადებულნი ვარ, წინა შეხვედრებზე ბევრი შეცდომა დავუშვით, მაგრამ ყველაფერი გავაანალიზეთ და მაქსიმუმს გავაკეთებთ რათა ხვალ დიდი ანგარიშით მოვიგოთ. ამით კიდევ უფრო დიდი შანსი გვექნება ევროპის ჩემპიონატზე მოსახვედრათ და თეორიულად პირველი ადგილის დაკავებაც შეგვეძლება.
ზაზა ფაჩულია: ხვალინდელი შეხვედრა ფინალის ტოლფასია, რადგან მოგების შემთხვევაში ევროპის ჩემპიონატზე გასვლის შანსი დიდია. მთელი ყურადღება და კონცენტრაცია ხვალინდელ მატჩზე გადაგვაქვს. რთული 10 დღე გვქონდა მაგრამ კარგია რომ ამ მნიშვნელოვან შეხვედრას შინ ვთამაშობთ და ეს პრივილეგია მაქსიმალურად უნდა გამოვიყენოთ.იმედია მაყურებლისგან დადებითი ემოცია წამოვა და ერთად მივაღწევთ სასურველშედეგს.
დუდა სანაძე: ბიჭები ყველანაირად მომზადებულნი ვართ და მაყურებელს გამარჯვებას და სასიამოვნო თამაშს ვპირდებით.ხალხის მხარდაჭერა და ბევრი გულშემატკივარი გვჭირდება. ეს ჩვენთვის ძალიან მნიშვნელოვანია.
GBF.GE
