ზუროსი: “ბევრი კომპონენტი გამოსასწორებელია”
საქართველოს საკალათბურთო ნაკრების მთავარმა მწვრთნელმა, ილიას ზუროსმა ალბანეთის ნაკრებთან გამარჯვების შემდეგ ჟურნალისტებთან ისაუბრა.
“ეს ევროპის ჩემპიონატის შესარჩევ ეტაპზე პირველი მატჩი იყო. უმეტესად, კონცენტრირებულები ვიყავით და კარგი დაცვა ვითამაშეთ. თუმცა, ბევრი კომპონენტი გამოსასწორებელია. ჩვენი მიზანი გამარჯვება იყო, რაც გამოგვივიდა. ძალიან დიდი მადლობა გულშემატკივრებს, რომლებიც მოვიდნენ და მხარი დაგვიჭირეს. ჩვენ მათი მხარდაჭერა გვჭირდება, რადგან წინ კიდევ უფრო რთული შეხვედრები გველის.
დიქროსნმა ერთ ვარჯიშში მიიღო მონაწილეობა. ის ახლა თავს უკეთესად გრძნობს, სლოვაკეთში კი ყველაფერი გამოჩნდება.
ჩვენთვის გუნდის ყველა წევრი მნიშვნელოვანია. კარგია, რომ სათადარიგო მოთამაშეებს შანსი მიეცათ. ისინი ჩვენთვის ძალიან ღირებულები არიან.
ყველა შეხვედრა რთული და მნიშვნელოვანია. ჩვენ სლოვაკეთთან სათამაშოდ მზად ვართ, მეტოქე შესწავლილი გვყავს.”
