დღეს “რეალსა” და “იუვენტუსს” შორის ჩემპიონთა ლიგის მეოთხედფინალის განმეორებითი მატჩი შედგება. ამ დაპირისპირებამდე “ბლანკოსის” მცველმა, რაფაელ ვარანმა პრესკონფერენცია გამართა.
“ეს იქნება რთული შეხვედრა კარგი გუნდის წინააღმდეგ. მათ იციან, რომ ფეხბურთში ყველაფერია შესაძლებელი. შესაბამისად, აუცილებლად შეუტევენ და გატანას შეეცდებიან. სწორედ ამიტომ, 0-0-სთვის არ ვითამაშებთ. ცდას არ დავაკლებთ, რომ მატჩი მოვიგოთ,” – ამბობს ვარანი.
მასმილიანო ალეგრი 2017 წლის სერია A-ს საუკეთესო მვწრთნელის ჯილდოს მფლობელია. იტალიელი დღეს დააჯილდოვეს. საგულისხმოა, ტურინის “იუვენტუსის” დამრიგებელმა გასულ სეზონში ქვეყნის ჩემპიონატი მოიგო.
გეტყვით, რომ ალეგრის ეს პატივი მესამედ ხვდა წილად. აქამდე მან 2011 და 2015 წლებში მოიპოვა ეს პრიზი. ალეგრი ამ მაჩვენებლით ფაბიო კაპელოსა და ანტონიო კონტეს გაუთანაბრდა.
ამჟამად “იუვე” სერია ა-ში 75 ქულით პირველ პოზიციაზეა. 29 ტურის შემდეგ მეტოქე “ნაპოლის” ორი ქულით უსწრებს.
გუშინ გონსალო იგუაინმა კიდევ ერთხელ გაუტანა ლონდონის “ტოტენჰემს”. შემდეგ ეტაპზე, საბოლოოდ, “იუვენტუსი” გავიდა.
ომარ მომანიმ აღნიშნულ თემაზე ასეთი კარიკატურა შექმნა.
2006 წელს ტურინმა ზამთრის ოლიმპიურ თამაშებს უმასპინძლა: ქალაქში ტურისტების ცვენა იყო, გაიხსნა მეტრო და სამოცზე მეტი ახალი შენობა. 12 წლის შემდეგ ყველაზე ცუდ მდგომარეობაში ოლიმპიური სოფელი იმყოფება – ახლა იქ მიგრანტები ცხოვრობენ.
თამაშების დასრულების შემდეგ, შენობები დიდი ხნის მანძილზე ცარიელი იყო – განსხვავებით არენებისა და სასტუმროებისა, რომლებიც შემდეგში მდიდარმა კომპანიებმა შეისყიდეს. სერჯიო კამპარინომ, ტურინის მმართველმა 2001-2011 წლებში, აღიარა, რომ ქალაქში მუდამ იდგა გამოუყენებელი ობიექტების პრობლემა, რაც ქვეყნის ეკონომიკას დიდ დარტყმას აყენებდა.
ოლიმპიურ სოფელში ყველაფერი ხუთი წლის წინ აირია, როდესაც აფრიკელი მიგრანტები (ძირითადად სომალელები და ლიბიელები) ერთ-ერთ შენობას დაეპატრონენ. რამდენიმე კვირაში ათვისებული კორპუსების რაოდენობა ხუთჯერ გაიზარდა.
ამ ხალხს წასასვლელი არსად ჰქონდა – ადრე მიგრანტები, რომლებიც ლამპედუზას კუნძულზე ბინადრობდნენ, მიღების დროებით ცენტრებში გადაანაწილეს, მისცეს საცხოვრებელი და სამუშაო. 2013 წელს კი ეს პროგრამა დაიხურა და მიგრანტებიც ქუჩაში გაყარეს.
ლტოლვილები, რომლებმაც ოლიმპიური სოფელი დაიკავეს, თავიანთ ამ ქმედებაში სიმბოლურ პროტესტს ხედავენ. წლების განმავლობაში ამ კორპუსებში ათასზე მეტი აფრიკელი ცხოვრობდა, რომლებსაც პოლიციელები რეიდებით არ აწუხებდნენ, მაგრამ არც მხარს უჭერდნენ. მიგრანტების თქმით, მათი მიზანია, აჩვენონ იტალიურ მთავრობას, თუ რამდენად ერთიანები არიან ისინი და როგორი რწმენა გააჩნიათ.
იტალიის მთავრობა 2020 წლამდე ყველა ამ შენობის დემონტაჟს გეგმავს იმ პირობით, რომ სანაცვლოდ ყველა მიგრანტი სამუშაოს, საცხოვრებელსა და უმაღლეს სასწავლებელში სწავლის საშუალებას მიიღებს.
მარკო პიაცამ ტურინის “იუვენტუსი” დროებით დატოვა და იჯარით გერმანულ “შალკეს” მიაშურა. ამის შესახებ გენზელკეხენური კლუბის ოფიციალური გვერდი იტყობინება.
როგორც ცნობილია, პიაცა “შალკეში” სეზონის ბოლომდე ითამაშებს. “იუვე” ამისთვის ერთ მილიონ ევროს მიიღებს. გარდა ამისა, 22 წლის ფეხბურთელის წარმატებული ასპარეზობის (რომელიც კონკრეტული კრიტერიუმებითაა გაწერილი კონტრაქტში) შემთხვევაში, გერმანული გუნდი ბონუსის სახით “ბებერ ქალბატონს” ნახევარ მილიონს გადაუხდის.
შეგახსენებთ, რომ პიაცა ტურინში 2016 წლის ევროპის ჩემპიონატზე ხორვატიის ნაკრებში ასპარეზობის შემდეგ, ზაგრების “დინამოდან” გადაბარგდა. თუმცა, ახალგაზრდა მოთამაშემ თავის გამოჩენა ვერ შეძლო და სათამაშო პრაქტიკის მიღებისა და კვალიფიკაციის ამაღლების მიზნით, “შალკეს” მიაშურა.
ზლატან იბრაჰიმოვიჩი ტურინის “იუვენტუსში” 2004-2006 წლებში გამოდიოდა, სადაც მას ფაბიო კაპელო წვრთნიდა.
იტალიელმა სპეციალისტმა შვედ ფეხბურთელთან მუშაობის პერიოდი გაიხსენა.
“როცა ზლატანი “იუვეში” მოვიდა, მას კარგი დარტყმა არ ჰქონდა. მინო რაიოლამ მითხრა: “ის მართლა კარგი ფეხბურთელია, მას შეუძლია უძლიერესი დარტყმით მეკარეს ხელები მოსტეხოს.” ვუპასუხე: “ზლატანს მეკარის ხელების მოტეხვა არა, მაგრამ სავარჯიშო დარბაზის ფანჯრების ჩატეხვა შეუძლია-მეთქი. ამის შემდეგ იბრაჰიმოვიჩმა ამ ასპექტში ვარჯიში დაიწყო და, როგორც ყველამ იცით, ის ძალიან განვითარდა.”
“როცა “რომაში” ვმუშაობდი, შვედის შეძენა მინდოდა. თუმცა, “იუვენტუსმა” დაუჯერებელი ტრანსფერი განახორციელა და 16 მილიონი ევროც გადაიხადა. “აიაქსში” ფიქრობდნენ, რომ ის კარგი მოთამაშე არ იყო. ამიტომ გაუშვეს იტალურ გუნდში. ზლატანს მიდი ამჯობინეს, რომელიც უფრო მარტივად საწვრთნელი გახლდათ,” – ამბობს კაპელო.
დღეს სერია ა-ს მეჩვიდმეტე ტურში “იუვენტუსმა” “ბოლონიას” ანგარიშით, 3-0 სძლია. საგულისხმოა, რომ ძირითად შემადგელობაში არ იმყოფებოდა გუნდის ერთ-ერთი ლიდერი, მსოფლიო ფეხბურთის ამომავალი ვარსკვლავი, პაულო დიბალა.
ტურინელთა მთავარმა მწვრთნელმა, მასიმილიანო ალეგრიმ შეხვედრის შემდეგ არგენტინელზე ისაუბრა.
“დიბალა მოედანზე გამოვიდა და, რაც დროც მიეცა, მშვენივრად ითამაშა. გოლი არ გაურანია, თუმცა არის დღეები, როცა ფეხბურთელს იღბალი უმტყუვნებს ხოლმე. შესაბამისად, ის თავის საუკეთესოს ვერ აჩვენებს. მნიშნელოვანი ფეხბურთელები მყავს, რომლებიც კლუბის წარმატებაში დიდ როლს თამაშობენ. რა თქმა უნდა, ყველა მათგანი განაწყენებულია, როცა სათადარიგოთა სკამზე აღმოჩნდება. თუმცა, მთავარი მათი რეაქციაა. რეაქცია კი ადგილისთვის ბრძოლა უნდა იყოს!”
“ფეხბურთი გუნდური სპორტია. შენ უნდა დაივიწყო სიტყვა “მე” და მუდამ გახსოვდეს “ჩვენ”. პაულო რომ ნიჭიერია, ეს ეჭვგარეშეა. თუმცა, მას სჭირდება, რომ კარგ ფიზიკურ და ფსიქოლოგიურ კონდიციებში იყოს,” – აცხადებს ალეგრი.
ტურინის იუვენტუსის შემტევმა, პაულო დიბალამ კატალონიის “ბარსელონასთან” ნათამაშები ფრის შემდეგ ჟურნალისტებთან ისაუბრა.
“ბოლო წუთამდე ვცდილობდით, გაგვეტანა. შეგვეძლო, სამი ქულა მოგვეპოვებინა. თუმცა, ტერ შტეგენი მოწოდების სიმაღლეზე იყო. ასევე, როცა “ბარსელონას” მსგავს გუნდს ხვდები, შენ თავის კარგად დაცვა გიწევს. ვფიქრობ, ამ ასპექტშიც მშვენივრად გამოვიყურებოდით. მესი სათადარიგოზე? ეს იყო ძალიან ცუდი, რადგან ამ დროს შეგიძლია მოეშვა, დაისვენო, მაშინაც კი, როცა ეს არ გინდა.”
“საბოლოო ჯამში, უკმაყოფილოები ნამდვილად არ ვართ. ჩვენ დიდ გუნდს ვეთამაშეთ,” – აცხადებს დიბალა.
შეგახსენებთ, რომ იტალიელები ბოლო ტურში “სპორტინგს” შეერკინებიან.
გუშინ ჩემპიონთა ლიგის ჯგუფური ეტაპის მეხუთე ტურში ტურინის “იუვენტუსი” კატალონიის “ბარსელონას” დაუვხდა. დაპირისპირება უგოლო ფრით დასრულდა, რაც იმას ნიშნავს, რომ ესპანელები პირველი ადგილით გავიდნენ ჯგუფიდან.
პრინციპული მატჩის შემდეგ ჟურნალისტებთან “ბლაგურნას” მთავარა მწვრთნელმა, ერნესტო ვალვერდემ ისაუბრა.
“მესის ტრავმა არ ჰქონდა. უბრალოდ, ის ჩვენთვის უმნიშვნელოვანესი ფეხბურთელია და ამიტომ აუცილებელია, ზოგჯერ, დასვენების საშუალება მივცეთ. ხოლო, როცა ზეწოლის გაძლიერება გახდა საჭირო, ის საქმეში ჩაერთო. მან ჩვენს შეტევებს მრავალფეროვნება შემატა.”
“ჩვენი მიზანი იყო, რომ მარკს ბევრი სეივის გაკეთება არ დასჭირვებოდა. დღეს, მას ხშირად არ გამოუჩენია თავი, თუმცა ისიც უნდა ითქვას, რომ ის უდაოდ კარგ ფორმაშია. დიბალას წიინააღმდეგ გერმანელმა მშვენივრად ითამაშა.”
“ბედნიერი ვარ, რომ რთულ ჯგუფში პირველი ადგილი დავიკავეთ. წინ ახალი თავგადასავლები გველის,” – აცხადებს ვალვერდე.
დღეს კატალონიის “ბარსელონა” ტურინის “იუვენტუსს” ესტუმრა და მეტოქესთან უგოლო ფრე გააგორა.
ჩემპიონთა ლიგის ჯგუფური ეტაპის მეხუთე ტურის შემდეგ ჟურნალისტებს იტალიელთა მთავარი მწვრთნელი, მასიმილიანო ალეგრი ესაუბრა.
“ეს ჩვენი პირველი უგოლო ფრე იყო ამ სეზონში. “ბარსელონა” თავს შესანიშნავად იცავდა. მათ აგვისტოს შემდეგ მხოლოდ ოთხი გოლი მიიღეს თავიანთ კარში. პირველ ტაიმში რამდენიმე შანსი შევქმენით, მაგრამ შემდეგ კატალონიელებმა სივრცეები ჩაკეტეს ფლანგებზე და ამის შემდეგ ყველაფერი შეიცვალა.”
“მიზანი ცალსახაა: საბერძნეთში მოგება! ეს ნიშნავს, რომ ჩვენ ჯგუფიდან გავალთ. სხვა მხრივ, იმის იმედზე უნდა ვიყოთ, რომ “სპორტინგი” ბარსელონაში ვერ მოიგებს. მოდი, დავივიწყოთ, დღევანდელი. ჩვენ ხომ “ბარსელონას” დავუპირისპირდით. შეგვიძლია, ჭიქები მაინც ავავსოთ. კმაყოფილი ვარ იმით, რომ მათ წინაშე თავი კარგად დავიცავით,” – აცხადებს ალეგრი.
ზეგ კატალონიის “ბარსელონა” ტურინში, “იუვენტუსს” დაუპირისპირდება. აღნიშნული შეხვედრა ჩემპიონთა ლიგის ჯგუფური ეტაპის მეხუთე ტურის ეგიდით შედგება.
საგულისხმოა, რომ “ბლაგურნას” იტალიაში ექვსი ფეხბურთელი ვერ წაჰყვება. რაფინიას, უსმან დემბელეს, ხავიერ მასკერანოს, არდა თურანს, სერხი რობერტოსა და ანდრე გომეშს ტრავმები აქვთ. სოწრედ ამიტომ, კატალონიელთა მთავარმა მწვრთნელმა, ერნესტო ვალვერდემ პირველ გუნდში ისეთ ახალგაზრდებს უხმო, როგორებიცაა: ორტალა, კუენკა, ფალი, ვიტინიო, მოისესი, მარკი.
“ბარსელონა” ხვალ გაემგზავრება იტალიაში. გეტყვით, რომ ესპანელებს ფრეც აწყობთ, რათა ჯგუფიდან პირველი ადგილით გავიდნენ: მათ ათი ქულა აქვთ და სამით უსწრებენ მეორეადგილოსან “ბებერ ქალბატონს”, რომელსაც “კამპ ნოუზე” 3:0 სძლიეს. ვალვერდეს ბიჭები მეექვსე ტურის მატჩს სახლში, “სპორტინგთან” გამართავენ.
დღეს იტალიის ეროვნული ნაკრები პლეი-ოფში, ორი შევხედრის ჯამში შვედეთთან ანგარიშით, 0-1 დამარცხდა და მან მსოფლიოს ჩემპიონატის საგზური ვერ მოიპოვა.
დაპირისპირების შემდეგ ჟურნალისტებს აღელვებული ჯანლუიჯი ბუფონი ესაუბრა.
“ჩემს თავზე არ ვღელავ. განვიცდი ამ ყველაფერს, მხოლოდ და მხოლოდ, იტალიური ფეხბურთის და იტალიელი ხალხის გამო! იმ ეტაპზე დავმარცხდით, სადაც წარუმატებლობა ჩვენიანებისთვის რთული მისაღებია. ძალიან ვნანობთ ასეთ დასასრულს.”
“ყველა, ვინც დღეს იტალიის ფორმას ატარებდა, იცოდა, როგორი რთულია ასეთი მატჩები. ჩვენ შესაძლებლობების მაქსიმუმი ვერ ვაჩვენეთ. ვერ გამოვავლინეთ საკმარისი კრეატივიზმი, რათა სათანადო მომენტი შეგვქემნა და გოლი გაგვეტანა. პლეი-ოფების ბედი ეპიზოდებით წყდება. ამ შემთხვევაშიც ასე იყო.”
“მე ძალიან ამაყი და თან დამწუხრებული ვარ. ვტოვებ იტალიის ნაკრებს. დარწმუნებული ვარ, ამ გუნდმა იცის, როგორ გააგრძელოს სამომავლო ცხოვრება. ვეხუტები ჩემს ხალხს, განსაკუთრებით მათ, ვინც ჩემი სანაკრებო კარიერის თანამონაწილე იყო,” – აცხადებს ლეგენდა.
