MLS-ის სეზონის საუკეთესო ახალწვეულ ფეხბურთელად “ტორონტოს” თავდამსხმელი სებასტიან ჯოვინკო დაასახელეს. იტალიელმა მოთამაშემ “მონრეალის” ფორვარდი დიდიე დროგბა და “ნიუ იორკ რედ ბულსის” შემტევი მაიკ გრელა დაჯაბნა.
აღსანიშნავია, რომ ეს ჯილდო არ გადაეცემათ იმ ფეხბურთელებს, რომელთათვისაც MLS-ში ჩატარებული სეზონი პირველია პროფესიულ კარიერაში.
სებასტიან ჯოვინკომ 33 მატჩში 22 გოლი გაიტანა და 16 საგოლე გადაცემა გააკეთა.
თავდამსხმელი მიროსლავ კლოზე, რომელსაც ზაფხულში „ლაციოსთან“ კონტრაქტი ეწურება, შესაძლოა, MLS-ის ერთ-ერთ კლუბში გადავიდეს, რის შესახებაც „Tuttomercatoweb“-ი წერს. წყაროს ინფორმაციით, კლოზეთი სამი ამერიკული კლუბი „ნიუ-იორკი სიტი“, „იკაგო ფაირი“ და „ლოს-ანჯელეს გალაქსი“ ინტერესდებიან.
სათქმელია, რომ ვეტერანის MLS-ში შესაძლო გადასვლასთან დაკავშირებით ევროპულ პრესაში უკვე დიდი ხნის განმავლობაში საუბრობენ.
კლოზე „ლაციოში“ 2011 წელს გადავიდა. ამ პერიოდში „არწივების“ შემადგენლობაში 147 მატჩში მან 55 გოლი გაიტანა.
“ნიუ იორკ რედ ბულსის” თავდამსხმელმა მაიკ გრელამ MLS-ის ისტორიაში ყველაზე სწრაფი გოლი გაიტანა.
“ფილადელფია იუნიონის” წინააღმდეგ გამართულ შეხვედრაში გრელამ ბურთი მე-7 წამზე გაიტანა.
მილანის „ინტერის“ მცველმა ნემანია ვიდიჩმა, შესაძლოა, კარიერა MLS-ის ერთ-ერთ კლუბში გააგრძელოს.
გავრცელებული ცნობით, სერბი ვეტერანის დამატებას ვაშინგტონის „დი სი იუნაიტედი“ გეგმავს, რომლის აქციების ერთი ნაწილი „ინტერის“ მფლობელს ერიკ ტოხირს ეკუთვნის.
ამავდროულად ნემანიას „ინტერთან“ კონტრაქტის კიდევ ერთი წლით გახანგრძივების სახით, კარიერის დასრულების კიდევ ერთი ვარიანტი აქვს.
აქვე აღვნიშნავთ, რომ სერია ა-ს მიმდინარე სეზონის გათამაშებაში ამ ფეხბურთელს ჯერ საერთოდ არ უთამაშია.
MLS-მა ლიგის ყველაზე მაღალანაზღაურებადი ფეხბურთელების სია გამოაქვეყნა.
ტურნირის ყველაზე მაღალანაზღაურებადი მოთამაშე “ორლანდო სიტის” ნახევარმცველი რიკარდო კაკა გახლავთ, რომელსაც წელიწადში 6,66 მილიონი დოლარი ეძლევა. საუკეთესო სამეულში აგრეთვე შედიან სტივენ ჯერარდი (“ლოს ანჯელეს გალაქსი”) და ფრენკ ლამპარდი (“ნიუ იორკ სიტი”).
MLS-ის ყველაზე მაღალანაზღაურებადი ფეხბურთელების სია ასე გამოიყურება:
1. რიკარდო კაკა (“ორლანდო სიტი”) – 6,66 მლნ დოლარი;
2. სტივენ ჯერარდი (“ლოს ანჯელეს გალაქსი”) – 6,2 მლნ დოლარი;
3-4. ფრენკ ლამპარდი (“ნიუ იორკ სიტი”) – 6 მლნ დოლარი;
3-4. მაიკლ ბრედლი (“ტორონტო”) – 6 მლნ დოლარი;
5. დავიდ ვილია (“ნიუ იორკ სიტი”) – 5,61 მლნ დოლარი;
6. სებასტიან ჯოვინკო (“ტორონტო”) – 5,6 მლნ დოლარი;
7. ჯოზი ალტიდორი (“ტორონტო”) – 4,75 მლნ დოლარი;
8. რობი კინი (“ლოს ანჯელეს გალაქსი”) – 4,5 მლნ დოლარი;
9. ჯოვანი დოს სანტოსი (“ლოს ანჯელეს გალაქსი”) – 4 მლნ დოლარი;
10. კლინტ დემპსი (“სიეტლი საუნდერსი”) – 3,91 მლნ დოლარი;
11. ჯერმეინ ჯონსი (“ნიუ ინგლენდ რევოლუშენი”) – 2,8 მლნ დოლარი;
12. ობაფემი მარტინსი (“სიეტლი საუნდერსი”) – 2,4 მლნ დოლარი;
13. ანდრეა პირლო (“ნიუ იორკ სიტი”) – 2 მლნ დოლარი;
14. დიდიე დროგბა (“მონრეალ იმპაკტი”) – 1,66 მლნ დოლარი;
15. ომარ გონსალესი (“ლოს ანჯელეს გალაქსი”) – 1,2 მლნ დოლარი;
მადრიდის “რეალის” ლიდერმა კრიშტიანუ რონალდუმ კიდევ ერთხელ განაცხადა, რომ ამერიკის შეერთებულ შტატებში თამაში სურს.
“აშშ დიდებული ქვეყანაა როგორც ადგილობრივი მოსახლეობის მენტალიტეტით, ასევე საფეხბურთო პირობებით. ყველანაირად ცდილობენ ფეხბურთის განვითარებას და კიდევ უფრო მეტის გაკეთებაც შეუძლიათ.
მზად ვარ, აშშ-ს ფეხბურთის განვითარებაში დავეხმარო. იმედი მაქვს, იქ ოდესმე მეც ვითამაშებ”, – რონალდუს კომენტარს AS ციტირებს.
ცნობისთვის, კრიშტიანუ რონალდუს “რეალთან” მოქმედი შრომითი ხელშეკრულება 2018 წლის 30 ივნისს ეწურება. იმ დროისთვის პორტუგალიელი ფეხბურთელი უკვე 33 წლის იქნება.
კანადურმა კლუბმა კოტ-დ’ივუარელი ფეხბურთელის წარდგენა უკვე მოასწრო.
შვედ თავდამსხმელს საკუთარი კვალის დატოვება ოკეანისპირა ლიგაში სურს.
33 წლის წინახაზელი მზადაა, უახლოეს მომავალში შეუერთდეს ისეთ ვარსკვლავებს, როგორებიც არიან სტივენ ჯერარდი, ფრენკ ლამპარდი, დავიდ ვილია, კაკა, რაული, რობი კინი და ანდრეა პირლო.
“ბუნებრივია, რომ ამერიკის შეერთებულ შტატებში თამაში მსურს. ეს დიდი გამოცდილება იქნება. ვიცი, რომ MLS დიდ პროგრესს განიცდის და ამერიკის კლუბის შემოთავაზება სასიხარულო იქნება. თუ ჩემპიონატმა ამ ტემპით განაგრძო ზრდა, ათ წელიწადში უდიდეს დონეს მიაღწევს,”-განუცხადა ზლატანმა Yahoo! Sports.
შეგახსენებთ, რომ ზლატან იბრაჰიმოვიჩს საფრანგეთის ჩემპიონებთან კონტრაქტი 2016 წელს ეწურება.
„პარი სენ-ჟერმენის“ თავდამსხმელმა ზლატან იბრაჰიოვიჩმა აღიარა, რომ მომავალში MLS-ში ითამაშებდა.
„რა თქმა უნდა, აშშ-ში ვითამაშებდი. არამგონია იმის თქმა შემეძლოს, თუ კონკრეტულად რომელი გუნდის მაისურს მოვირგებდი.
ვფიქრობ, დიდ გამოცდილებას მივიღებდი. აშშ-ში ფეხბურთი სულ უფრო და უფრო პოპულარული ხდება. ეს ქვეყანა 10 წლის წინ მოვინახულე და მაშინ ამ სპორტის სახეობის დონე გაცილებით დაბალი იყო. ვფიქრობ, აქ ბევრი ფეხბურთელი ითამაშებდა“, – განაცხადა ზლატანმა.
ცნობისთვის, ბოლო დროს იბრაჰიმოვიჩს „მილანში“ დაბრუნების შესახებ ხშირად საუბრობენ.
დიდიერ დროგბა კარიერის გაგრძელებას ამერიკაში გეგმავს.
კოტ’დივუარელ ვარსკვლავს ამერიკული გუნდი “ჩიკაგო ფაირიდან” მაცდური შეთავაზება მიუვიდა. ფერადკანიანი წინახაზელი წელიწადში 2.5 მილიონს მიიღებს.
“ჩელსის” ყოფილმა თავდამსხმელმა დაადასტურა, რომ მოლაპარაკებას MLS-ის გუნდთან აწარმოებს და მზადაა “ინტერიდან” შეთავაზებები განიხილოს.
“ინტერი – ბედნიერი კარიერული ნაბიჯი, თუ ინტერესს გამოიჩენენ. მე მათ წინადადებას სიამოვნებით განვიხილავ”.
“კონკურენცია იკარდისთან არ იქნება ჩემთვის პრობლემა. ყველა გუნდს ჰყავს ფეხბურთელი, რომელსაც უნდა აჯობო იმისთვის, რომ სასტარტო შემადგენლობაში გათამაშონ,”-განაცხადა დროგბამ.
ინგლისელი ნახევარმცველები სტივენ ჯერარდი და ფრენკ ლამპარდი MLS-ის სიმბოლურ გუნდში მოხვდნენ, თუმც მათ ამ ტურნირზე არცერთი ოფიციალური მატჩი არ ჩაუტარებიათ. 29 ივლისს MLS-ის ვარსკვლავები “ტოტენჰემ ჰოთსპურთან” ამხანაგურ მატჩს ჩაატარებენ.
MLS-ის სიმბოლური გუნდი ფანების გამოკითხვის შედეგად დაკომპლექტდა. თავად ჯერარდი და ლამპარდი გუნდში MLS-ის კომისარმა დონ გარბერმა შეიყვანა.
შეგახსენებთ, რომ სტივენ ჯერარდი “ლოს ანჯელეს გალაქსის” ღირსებას იცავს, ფრენკ ლამპარდი კი “ნიუ იორკ სიტიში” თამაშობს.
მექსიკური „კერეტაროს“ შემტევის რონალდინიო აგენტმა, მისმა ძმამ რობერტო ასისმა ფეხბურთელის აშშ-ში გადასვლა არ გამორიცხა.
„რონალდინიო „კერეტაროში“ ზაფხულამდე ითამაშებს, რის შემდეგაც სხვა კლუბის ძებნას დავიწყებთ.
MLS-ს ასეთი დონის მოთამაშეები სჭირდება. სპორტში ყველაფერია შესაძლებელი, თუმცა ჯერ არავინ დაგვიკავშირდა“, – განაცხადა რობერტო ასისმა.
შეგახსენებთ, რომ მექსიკურ კლუბთან რონალდინიომ კონტრაქტი 2014 წლის სექტემბერის დასაწყისში გააფორმა.
