ჭდე: Joe Hart

ჯო ჰარტი უკლუბოდ რჩება

Posted on by ბექა დოგრაშვილი

საფეხბურთო კლუბი “ბერნლი” მეკარე ჯო ჰარტს კონტრაქტს არ გაუხანგრძლივებს. შესაბამისად, 30 ივნისიდან 33 წლის ინგლისელი კიპერი უკლუბოდ რჩება.

შეგახსენებთ, რომ “ბერნლიმ” ჰარტი 2018 წლის ზაფხულში “მანჩესტერ სიტისგან” სამნახევარი მილიონი გირვანქა სტერლინგის სანაცვლოდ შეიძინა, თუმცა გამოცდილმა მეკარემ “ტერფ მურზე” საკუთარი თავი ვერ წარმოაჩინა. ჰარტმა ძირითად შემადგენლობაში ადგილი 2018 წლის დეკემბერში დაკარგა, როდესაც “ბერნლი” “ევერტონთან” ანგარიშით 1:5 განადგურდა. მას შემდეგ ჯომ მხოლოდ სამი მატჩი ჩაატარა და სამივე სათასო შეჯიბრებაზე.

დღესდღეობით შონ დაიჩის გუნდის ძირითად მეკარედ ნიკ პოუპი ითვლება.

“ტორინოს” ჰარტის შენარჩუნება სურს

Posted on by ბექა დოგრაშვილი

“მანჩესტერ სიტიდან” “ტორინოში” განათხოვრებული ჯო ჰარტით იტალიელები კმაყოფილები არიან და გუნდში ინგლისელი მეკარის შენარჩუნება სურთ.

“ტორინოს” ხელმძღვანელები შეეცდებიან, ჰარტი კიდევ ერთი წლით დაიტოვონ. “ტუტოსპორტის” ცნობით, იტალიური კლუბი ინგლისელი კიპერის ხელფასის დაახლოებით 30 პროცენტს იხდის, თუმცა “ხარები” ჰარტის შესანარჩუნებლად მისი ანაზღაურების უფრო დიდი ნაწილის დასაფარადაც არიან მზად.

ჰარტი დაშავდა

Posted on by ბექა დოგრაშვილი

“მანჩესტერ სიტის” მეკარე ჯო ჰარტი დაშავდა და დაახლოებით ათ დღეს გამოტოვებს.

შეგახსენებთ, რომ ინგლისელმა კიპერმა ტრავმა უეფას ჩემპიონთა ლიგის ჯგუფური ეტაპის V ტურში ტურინის “იუვენტუსის” წინააღმდეგ გამართულ მატჩში (0:1) მიიღო და შეხვედრის სრულად ჩამთავრება ვერ შეძლო.

ჰარტის ტრავმის შესახებ კომენტარი “მანჩესტერ სიტის” მთავარმა მწვრთნელმა მანუელ პელეგრინიმ გააკეთა.

“ჰარტმა კუნთები დაიშავა. ჯერჯერობით ვერ ვიტყვით, რა დრო დასჭირდება აღდგენით პროცესს, თუმცა ვფიქრობ, რომ ჰარტი დაახლოებით ათ დღეს გამოტოვებს”, – ციტირებს პელეგრინის სიტყვებს Goal.com-ი.

 

რეკორდსმენი ჰარტი: “დღეს ძალიან დავიტვირთე”

Posted on by ბექა დოგრაშვილი

“მანჩესტერ სიტი” უეფას ჩემპიონთა ლიგის მიმდინარე გათამაშებას გამოეთიშა. ინგლისური გუნდი “ბარსელონასთან” ორი მატჩის ჯამში ანგარიშით 1:3 დამარცხდა. მიუხედავად მარცხისა, “ქალაქელთა” კიპერმა ჯო ჰარტმა საპასუხო შეხვედრაში ათი სეივი გააკეთა და შესანიშნავი შთაბეჭდილება დატოვა. სხვათა შორის, ინგლისელმა მეკარემ ერთ მატჩში გაკეთებული სეივების რაოდენობით ტურნირზე ახალი რეკორდი დაამყარა.

“ამ დიდებულ გუნდთან უკანასკნელი ორი წლის განმავლობაში მეორედ დავმარცხდით. “ბარსელონა” აპლოდისმენტს იმსახურებს. პენალტით ჩვენც კარგი შანსი გვქონდა, თუმცა ვერ გამოვიყენეთ.

მე მესის თერთმეტმეტრიანი კი ავუღე, თუმცა სამწუხაროა, რომ ამას საბოლოო შედეგში მნიშვნელობა აღარ მიეცა. მე აქ იმისთვის ვარ, რომ სეივები გავაკეთო, დღეს მეტოქემ ბევრი დაგვირტყა. საკმაოდ დავიტვირთე”, – ჰარტის სიტყვები BBC-მ გამოაქვეყნა.

 

ჰარტი: “ეს კარგი შედეგია”

Posted on by ბექა დოგრაშვილი

უეფას ჩემპოიონთა ლიგის მერვედფინალურ ეტაპზე “მანჩესტერ სიტი” “ბარსელონას” წინააღმდეგ გამართულ პირველ შეხვედრაში ანგარიშით 1:2 დამარცხდა. მატჩი “ქალაქელთა” კიპერმა ჯო ჰარტმა შეაფასა.

“იმედი მაქვს, რომ ჩემ მიერ მოგერიებულმა პენალტმა ამ დაპირისპირებაში ინტრიგა დატოვა. “ბარსელონა” პირველ ტაიმში პრესინგზე თამაშობდა, რამაც დაგვაბნია. შესვენების შემდეგ გადავეწყეთ და მეტოქეს თავად შევთავაზეთ აგრესიული პრესინგი. ეს ჩვენთვის კარგი შედეგია.

სუარესი დიდებული მოთამაშეა, მან გამოიყენა მიცემული შანსი.

ბარსელონაში დიდებულ ფანებთან ერთად ჩავალთ. იმედი კვლავ გვაქვს”, – ჰარტის სიტყვებს ITV ციტირებს.

“ბარსელონასა” და “მანჩესტერ სიტის” შორის განმეორებითი შეხვედრა 18 მარტს გაიმართება.

 

ჯო ჰარტმა არბიტრთან პროტესტი ზედმეტად უხეში ფორმით გამოხატა

Posted on by ბექა დოგრაშვილი

ინგლისის პრემიერლიგის X ტურში “მანჩესტერ სიტისა” და “მანჩესტერ იუნაიტედს” შორის გამართულ მატჩში “ქალაქელთა” მეკარე ჯო ჰარტი ერთ-ერთ ეპიზოდში იმდენად აღშფოთდა, რომ მთავარ მსაჯ მაიკლ ოლივერთან პროტესტი ზედმეტად უხეში ფორმით გამოხატა. ინგლისელი კიპერი ამ საქციელის გამო არბიტრისგან არ დასჯილა.

ინგლისელების გართობა ვეგასში… უილშირი ისევ ეწევა

Posted on by ბექა დოგრაშვილი

ინგლისის ნაკრების ფეხბურთელებმა ჯო ჰარტმა, ჯეკ უილშირმა და ჯეიმს მილნერმა ჩავარდნილი მსოფლიოს ჩემპიონატის შემდეგ ლას-ვეგასში განტვირთვა გადაწყვიტეს.

გავრცელდა მათი გართობის ამსახველი ფოტომასალაც. ყველაზე საინტერესო ის გახლავთ, რომ უილშირი კვლავ გამოიჭირეს სიგარეტის მოწევის პროცესში. ეს პირველი შემთხვევა არ გახლავთ. შეგახსენებთ, რომ გასული წლის ოქტომბრის თვეში ინგლისელი ნახევარმცველი სიგარეტით ხელში დააფიქსირეს. მაშინ უილშირმა თქვა, რომ ზოგადად არ ეწევა და ამიერიდან სიგარეტისკენ აღარც გაიხედავდა, თუმცა… შარშან არსენ ვენგერმა ამ ფაქტის გამო ფეხბურთელი საჯაროდ გააკრიტიკა. საინტერესოა, ახლა რა ელის უილშირს.

 

ჯო ჰარტი: „ბრაზილიაში არსებულ მაღალ ტემპერატურას უნდა შევეგუოთ“

Posted on by ბექა დოგრაშვილი

ინგლისის ნაკრების კიპერმა ჯო ჰარტმა განაცხადა, რომ ბრაზილიაში გასამართ მსოფლიოს ჩემპიონატზე სიცხე ფეხბურთელებს დამატებით დისკომფორტს შეუქმნის, თუმცა ეს საბაბად ვერ გამოდგება.

„ბრაზილიაში მაღალი ტემპერატურა იქნება და ამას როგორმე უნდა შევეგუოთ. მსოფლიოს ჩემპიონატზე ეს ცუდი თამაშის გამამართლებელ საბაბად ვერ გამოდგება. სიცხე – ეს უბრალოდ ამინდია“, – ჰარტის სიტყვებს „სქაი სპორტსი“ ციტირებს.

შეგახსენებთ, რომ მსოფლიოს ჩემპიონატის ჯგუფურ ეტაპზე ინგლისს მეტოქეებად იტალიის, ურუგვაისა და კოსტა რიკის ნაკრებები ჰყავს.

 

„ბაიერნის“ წინააღმდეგ გასამართ მატჩში „სიტის“ კარს ჰარტი დაიცავს

Posted on by ბექა დოგრაშვილი

ჩემპიონთა ლიგის ჯგუფური ეტაპის VI ტურში „მანჩესტერ სიტი“ მიუნხენის „ბაიერნს“ ესტუმრება. „ქალაქელთა“ მთავარი მწვრთნელი მანუელ პელეგრინი ამბობს, რომ მისმა გუნდმა ახლა მთელი კონცენტრაცია ინგლისის პრემიერლიგის მატჩებზე უნდა გადმოიტანოს. შეგახსენებთ, რომ „სიტიმ“ ჩემპიონთა ლიგის პლეი-ოფში თამაშის უფლება უკვე მოიპოვა.

„ბაიერნთან“ ჯო ჰარტი ითამაშებს. თქმა არ უნდა იმას, რომ ლონდონის „არსენალთან“ მნიშვნელოვანი მატჩი გველის. ჩემპიონთა ლიგის პლეი-ოფში თამაშის უფლება უკვე მოვიპოვეთ, ახლა მთელი კონცენტრაცია ინგლისის პრემიერლიგაზე უნდა გავაკეთოთ“, – ციტირებს პელეგრინის სიტყვებს Goal.com-ი.

ცნობისთვის, მატჩი „ბაიერნსა“ და „მანჩესტერ სიტის“ შორის 10 დეკემბერს გაიმართება, „სიტი“-„არსენალის“ შეხვედრა კი – 14 დეკემბერს.

ბექა დოგრაშვილი