ლონდონის “არსენალის” ყოფილი ნახევარმცველი ჯეკ უილშირი “მეთოფეთა” რიგებში შესაძლოა მწვრთნელად დასაქმდეს.
Evening Standard-ის ცნობით, “არსენალი” უილშირის კანდიდატურას 18 და 23 წლამდე გუნდების მთავარი მწვრთნელის პოსტზე განიხილავს. ლონდონური კლუბი ბევრმა სპეციალისტმა დატოვა და “მეთოფეები” ახლა ახალი მწვრთნელების ძიებაში არიან.
ჯეკ უილშირი უკლუბოდ არის. 30 წლის ინგლისელმა ფეხბურთელმა გასულ თვეს განაცხადა, რომ ძალების მოსინჯვა მწვრთნელის ამპლუაში სურს.
შეგახსენებთ, რომ ჯეკ უილშირი “არსენალის” აღზრდილი გახლავთ. მან პროფესიული კარიერა “მეთოფეთა” რიგებში 2008 წელს დაიწყო და გუნდის ღირსებას 2018 წლამდე იცავდა. მან ამ პერიოდის განმავლობაში 198 მატჩი ჩაატარა, 14 გოლი გაიტანა და 30 შედეგიანი გადაცემა მიითვალა. ბოლოს უილშირი დანიურ “ორჰუსში” თამაშობდა.
