რომის „ლაციომ“ ნახევარცველ ედერსონთან კონტრაქტი გაწყვიტა. ბრაზილიელის გაშვება კლუბის ოფიციალურ საიტზეც დადასტურდა.
სამხრეთ ამერიკელი „ბიანკოჩელესტეს“ ღირსებას 2012 წლიდან იცავდა და ამ პერიოდში 50 მატჩი ჩაატარა, რომელშიც ხუთი გოლი გაიტანა.
მხარეებს კონტრაქტი კიდევ ორი წლით აკავშირებდათ. შეგახსენებთ, რომ წინა თვეში „ლაციოს“ თავკაცმა სტეფანო პიოლიმ ტრანსფერზე ერთდროულად 9 ფეხბურთელის დაყენება ისურვა.
ამჟამად უცნობია, თუ სად გააგრძელებს კარიერას ედერსონი.
შოთა არველაძის “ტრაბზონსპორმა” რომის “ლაციოს” მარჯვენაფლანგელი მცველი ლუის კავანდა დაიმატა. 24 წლის ფეხბურთელმა თურქულ კლუბთან სამწლიანი კონტრაქტი გააფორმა. გავრცელებული ინფორმაციით, აღნიშნულმა ტრანსფერმა 1,75 მილიონი ევრო შეადგინა.
კავანდამ პროფესიონალური კარიერა “ლაციოში” დაიწყო. რომაელთა რიგებში მან საერთო ჯამში 80 მატჩი ჩაატარა, ერთი გოლი გაიტანა და ხუთი საგოლე გადაცემა გააკეთა. გასული სეზონის პირველ ნახევარში ის ხშირად თამაშობდა, თუმცა მეორე წრეში მოედანზე მხოლოდ რამდენჯერმე გამოჩნდა.
2015 წლის იტალიის სუპერთასის მატჩი შანხაიში ჩატარდება. ამ ტიტულისთვის ერთმანეთს ქვეყნის ჩემპიონი ტურინის “იუვენტუსი” და თასის მფლობელი რომის “ლაციო” შეეცილებიან. შეხვედრა 8 აგვისტოს გაიმართება.
იტალიის სუპერთასი ჩინეთში უკვე მეოთხედ ჩატარდება, მანამდე ეს შეხვედრა პეკინში გაიმართა (2009, 2011 და 2012 წლებში). 2014 წლის სუპერთასი დოჰაში ჩატარდა.
შეგახსენებთ, რომ იტალიის სუპერთასის მოქმედი მფლობელი “ნაპოლი” გახლავთ, რომელმაც გასულ წელს იმავე “იუვენტუსს” პენალტების სერიაში აჯობა.
„მარსელი“ „ლაციოს“ ალბანელი ნახევარმცველით ლოიკ ცანათი დაინტერესდა. როგორც თავად ფეხბურთელმა განაცხადა, ამჟამად მხარეებს შორის მოლაპარაკება მიმდინარეობს.
„მარსელთან“ მოლაპრაკება დავიწყე. კლუბს ჩემთან კონტრაქტის გაფორმება სურს, მაგრამ ამ ეტაპზე ჯერჯერობით არაფერი გარკვეულა“, – განაცხადა 31 წლის ფეხბურთელმა.
შეგახსენებთ, რომ ცანა „მარსელში“ აქამდეც თანაშობდა – ფრანგული კლუბის ღირსებას ის 2005-2009 წლებში იცავდა.
რომის „ლაციო“ შემადგენლობის რადიკალურად შეცვლას გეგმავს.
როგორც „ტუტომერკატოვები“ წერს, „არწივები“ ტრანსფერზე ერთდროულად ცხრა ფეხბურთელის დაყენებას აპირებენ, რომელთა შორის პერეირინია, კონკო, ცანა, გონსალესი, ედერსონი, ვინისიუსი, პერეა, როცინი და ალფარო არიან.
ხსენებული მოთამაშეების გაშვება გუნდის მთავარ მწვრთნელს სტეფანო პიოლის სურს, რომელმაც აქამდე შემადგენლობის 25 მოთამაშემდე შემცირების ინიციატივა გამოთქვა.
შესაძლოა, ესპანელმა ნახევარმცველმა კარიერა იტალიაში გააგრძელოს.
Corriere dello Sport-ის ინფორმაციით, “ლაციო” განსაკუთრებით აკივრდება 33 წლის გამოცდილ ფეხბურთელს. ისინი თვლიან, რომ მისი გამოცდილება რომაულ კლუბს ჩემპიონთა ლიგაზე წარმატებით გამოსვლაში დაეხმარებათ.
ესპანელი გერმანიაში ერთი წლის წინ გადავიდა. იმის გათვალისწინებით, რომ ხაბის “ბაიერნთან” 2016 წლამდე აკავშირებს კონტრაქტი, ნაკლებად სავარაუდოა, რომ “რეკორდმეისტერებმა” იგი დაიტოვონ.
აღსანიშნავია, რომ “არწივებს” ალონსოს გადაბირება ასევე იმიტომ სურთ, რომ მათ ნახევარმცველებზე, ფილიპე ანდერსონზე და ლუკას ბილიაზე დიდი მოთხოვნაა.
“ლაციოს” ნახევარმცველი, ლუკას ბილია შესაძლოა, მადრიდის “რეალს” შეუერთდეს.
AS-ის ინფორმაციით, რაფაელ ბენიტესი მოხიბლულია არგენტინელი ფეხბურთელის თამაშით.
ესპანელი ექსპერტები მიიჩნევენ, რომ ბილია იქნება გუნდში იმ შემთხვევაში საჭირო, თუ ლუკა მოდრიჩს ან ტონი კროოს ტრავმა ექნებათ.
მიუხედავად ამისა, “ლაციოს” არგენტინელთან გამოთხოვება არ სურს, რადგან ჩემპიონთა ლიგას გაძლიერებული შემადგენლობით სურს შეხვდნენ.
Il Messaggero-ს ინფორმაციით, “გალაქტიკოსი” 29 წლის შუახაზელში 25 მილიონ ევროს იხდის.
რომის „ლაციოს“ მცველი ლორიკ ცანა მიმდინარე ზაფხულში კლუბის შეცვლას გეგმავს. ამის შესახებ ფეხბურთელის მამა ისაუბრა.
„ოთხი წლის შემდეგ ახალი გამოცდილების მიღების დრო დადგა., საბოლოო აგდაწყვეტილებას შემდეგ კვირას მივიღებთ. მანამდე 3-4 წინადადებას განვიხილავთ“, – განაცხადა ალბანელი მოთამაშის მამამ.
ამ ეტაპზე ცანას შესაძლო კლუბები არ სახელდებიან.
„ლაციოს“ პრეზიდენტმა კლაუდიო ლოტიტომ ნახევარმცველ ფელიპე ანდერსონის სატრანსფერო ფასი დაასახელა.
„ფელიპე ანდერსონი ას მილიონზე ნაკლები არ ღირს“, – აღნიშნა „ბიანკოჩელესტეს“ პრეზიდენტმა.
აქამდე თავად ფეხბურთელმა აღიარა, რომ „ბარსელონაში“ ან რომელიმე სხვა ტოპ კლუბში სიამოვნებით ითამაშებდა.
31 მაისს, იტალიის სერია A-ში, “ნაპოლიმ” საკუთარ მოედანზე “ლაციო” მიიღო და მეტოქესთან ანგარიშით 2:4 დამარცხდა.
მატჩის 76-ე წუთზე, როცა ანგარიში 2:2 იყო, გონსალო იგუაინმა თერთმეტმეტრიანის გამოყენება ვერ მოახერხა.
გრძელდება ჩვენი ტრადიციული პროგნოზისტთა კონკურსი. დღეს გამოქვეყნდა 42-ე საკონკურსო კვირის მეხუთე მატჩის კითხვები, რომელიც „ნაპოლსა“ და „ლაციო“ შორის გასამართ შეხვედრას ეხება. კითხვები იხილეთ აღნიშნული მატჩის გვერდზე.
გამარჯვებულად ჩაითვლება ის პირველი 7 რეგისტრირებული მომხმარებელი, რომელიც ყველაზე მეტ სწორ პასუხს გამოიცნობს. 4-ივე კითხვაზე სწორი პასუხის ავტორს Europe bet-ის ანგარიშზე 10 ლარი დაერიცხება. თუ გამარჯვებულთა სიაში 3 სწორი პასუხის ავტორებიც მოხვდებიან, მათ 5 ლარი დაერიცხებათ. გამარჯვებულთა სიაში 3 სწორი პასუხის ავტორები იმ შემთხვევაში მოხვდებიან, თუ მიღებულ საკონკურსო კომენტარებში შვიდი 4-სწორპასუხიანი მომხმარებელი არ იქნება და სიაში გაჩნდება ვაკანტური საპრიზო ადგილები.
ერთი IP მისამართიდან მხოლოდ ერთი (პირველი) კომენტარი მიიღება, დანარჩენი კი უგულებელყოფილი იქნება.
საკონკურსო კითხვებს პასუხი უნდა გასცეთ მატჩის გვერდზე: “ნაპოლი” – “ლაციო”
ტურინის „იუვენტუსის“ მთავარი მწვრთნელი მასიმილიანო ალეგრი იტალიის თასის ფინალური შეხვედრის მოგების შემდეგ ჟურნალისტებს გაესაუბრა.
„ორივე გუნდმა კარგად ითამაშა. ორ მომენტში „ლაციოს“ არ გაუმართლა, რასაც ჩვენზე ვერ ვიტყვით. ერთ-ერთი გოლის ეპიზოდში ფორტუნა ჩვენს მხარეს იყო.
ფეხბურთი სხვადასხვა შემთხვევისგან შედგება. მეტოქის რამდენიმე მომენტამდე გოლის გატანა ჩვენც შეგვეძლო.
პირველ ნახევარში რომაელები აგრესიულად მოქმედებდნენ, თუმცა შესვენების შემდეგ ჩვენ უკეთესად ვთამაშობდით.
უნდა აღვნიშნო, რომ სერია ა-სა და „კოპა იტალიას“ მოგება ადვილი არ ყოფილა. ახლა მესამე ტურნირის მოგებასაც შევეცდებით“, – განაცხადა „ბიანკონერის“ დამრიგებელმა.
იხილეთ ასევე: ალეგრი: “იუვენტუსი” ზებრა კი არა, ვეფხვია”
