Lukas Podolski – Fanebi.Com – ფეხბურთი, კალათბურთი, რაგბი, სხვა

პოდოლსკი მარტში უკანასკნელ სანაკრებო მატჩს ჩაატარებს

Posted on თებერვალი 23, 2017 by ბექა დოგრაშვილი

გერმანიის ნაკრების თავდამსხმელი ლუკას პოდოლსკი ეროვნული გუნდის ფორმით უკანასკნელ მატჩს მარტში ჩაატარებს.

გერმანიის ფეხბურთის კავშირის ოფიციალური ვებგვერდის ცნობით, 22 მარტს, დორტმუნდში, ინგლისის ნაკრების წინააღმდეგ გასამართი ამხანაგური შეხვედრა პოდოლსკისთვის “ბუნდესთიმის” რიგებში უკანასკნელი მატჩი იქნება.

შეგახსენებთმ რომ ლუკას პოდოლსკიმ სანაკრებო კარიერის დასრულების შესახებ განცხადება ჯერ კიდევ 2016 წლის ზაფხულში გააკეთა.

ლუკას პოდოლსკი გერმანიის ეროვნული გუნდის რიგებში 2004 წლიდან გამოდიოდა. მან ამ პერიოდის განმავლობაში 122 მატჩი ჩაატარა და 48 გოლი გაიტანა. იგი მიროსლავ კლოზესა (71) და გერდ მიულერის (68) შემდეგ გუნდის ყველა დროის საუკეთესო ბომბარდირია.

გერმანიის ნაკრების რიგებში ლუკას პოდოლსკიმ მსოფლიოს ჩემპიონატი მოიგო (2014 წ.), ორჯერ გახდა მსოფლიო პირველობის ბრინჯაოს მედლის მფლობელი (2006 წ. 2010 წ.), მოიპოვა ევროპის ჩემპიონატის ვერცხლის მედალი (2008 წ).

პოდოლსკი “გალათასარაიში” გადავიდა

Posted on ივლისი 4, 2015 by ბექა დოგრაშვილი

ლონდონის “არსენალის” თავდამსხმელი ლუკას პოდოლსკი “გალათასარაიში” გადავიდა. 30 წლის გერმანელმა ფეხბურთელმა თურქულ კლუბთან სამწლიანი კონტრაქტი გააფორმა, შემდგომში ერთი წლით გახანგრძლივების პირობით.

პრესაში გავრცელებული ინფორმაციის თანახმად, ტრანსფერის საერთო ღირებულებამ 3,9 მილიონი ფუნტ სტერლინგი შეადგინა. “გალათასარაი” ჯერ კიდევ 2012 წელს ცდილობდა პოდოლსკის შეძენას, თუმცა მაშინ ფეხბურთელმა “არსენალში” გადასვლა არჩია.

“პირველ რიგში, ყველას მადლობას ვუხდი. მშობლები მხარს მიჭერდნენ, რომ “გალათასარაიში” გადავსულიყავი. ამ ტრანსფერით ძალზედ ბედნიერი ვარ. მოვედი გამარჯვებული სულის მქონე გუნდში, რომელიც ჩემპიონთა ლიგაზეც იბრძოლებს. დღეს “გალათასარაის” ფანებისგან დიდი სითბო ვიგრძენი”, – ციტირებს პოდოლსკის სიტყვებს “სქაი სპორტსი”.

შეგახსენებთ, რომ გასული სეზონის მეორე ნახევარი ლუკას პოდოლსკიმ იჯარის წესით მილანის “ინტერში” გაატარა.

პოდოლსკი “გალათასარაიში” მიდის

Posted on ივნისი 17, 2015 by ბექა დოგრაშვილი

თურქული გამოცემა Aksam-ი იუწყება, რომ ლონდონის “არსენალის” თავდამსხმელი ლუკას პოდოლსკი კარიერას “გალათასარაიში” გააგრძელებს.

წყაროს თანახმად, მხარეებს შორის პირადი კონტრაქტის დეტალებისა და ტრანსფერის ღირებულების თაობაზე შეთანხმება უკვე შედგა. ტრანსფერი 1,4 მილიონ ფუნტ სტერლინგად ფასდება.

შეგახსენებთ, რომ ლუკას პოდოლსკიმ გასული სეზონის მეორე ნახევარი იჯარის წესით მილანის “ინტერში” გაატარა. გერმანელმა ფეხბურთელმა იტალიის ჩემპიონატში 17 მატჩი ჩაატარა, ერთი გოლი გაიტანა და ერთი საგოლე გადაცემა გააკეთა.

პოდოლსკი: “კრიტიკა ჩემთვის პრობლემას არ წარმოადგენს”

Posted on მარტი 3, 2015მარტი 3, 2015 by ბექა დოგრაშვილი

მილანის “ინტერის” თავდამსხმელმა ლუკას პოდოლსკიმ განაცხადა, რომ კრიტიკა მისთვის პრობლემას არ წარმოადგენს.

29 წლის გერმანელი ლონდონის “არსენალიდან” მილანის “ინტერში” იჯარის წესით გადავიდა, თუმცა იტალიის სერია A-ში ჩატარებულ რვა შეხვედრაში ჯერ გოლი არ გაუტანია.

“კრიტიკა ჩემთვის პრობლემას არ წარმოადგენს. სეზონის პირველ ნახევარში რთული პერიოდი მქონდა, თუმცა ახლა ნორმალურად ვთამაშობ, უბრალოდ გოლები მაკლია. იმედი მაქვს, გოლების გატანასაც დავიწყებ”, – ციტირებს პოდოლსკის სიტყვებს Tmw.

“დერბი დელა იტალია” ფრედ დასრულდა

Posted on იანვარი 7, 2015იანვარი 7, 2015 by ბექა დოგრაშვილი

იტალიის სერია A-ს XVII ტურის დასკვნითი და ცენტრალური მატჩი ტურინში გაიმართა, სადაც ადგილობრივმა “იუვენტუსმა” მილანის “ინტერი” მიიღო. შეხვედრაში მოვლენები საინტერესოდ წარიმართა და საბოლოო ჯამში, მატჩი ფრედ, ანგარიშით 1:1 დასრულდა.

ანგარიში შეხვედრის მეხუთე წუთზე გაიხსნა: მასპინძელთა ნახევარმცველმა არტურო ვიდალმა მეტოქის საჯარიმო მოედანზე ეფექტური მოძრაობით ხელსაყრელ პოზიციაზე გადაინაცვლა და კარლოს ტევესს საგოლე გადაცემა გაუკეთა, ამ უკანაკსნელმა კი ბურთი ახლო მანძილიდან ცარიელ კარში გადაგზავნა.

“ნერიაძურიმ” ანგარიშის გათანაბრება 64-ე წუთზე შეძლო: ფრედი გუარინის პასის შემდეგ მაურო იკარდიმ “იუვენტუსის” კარის შორეულ კუთხეში დაარტყა და წონასწორობა აღადგინა.

აღსანიშნავია, რომ მატჩის 54-ე წუთზე მოედანზე გამოვიდა “ინტერში” ახლადგადასული ლუკას პოდოლსკი, რომლისთვისაც ეს სადებიუტო შეხვედრა გახლდათ.

მატჩის 86-ე წუთზე უხეში თამაშისთვის მთავარმა არბიტრმა მოედნიდან მატეო კოვაჩიჩი გააძევა.

სატურნირო ცხრილს “იუვენტუსი” 40 ქულით ლიდერობს. “ინტერს” 22 ქულით მე-11 პოზიცია უკავია.

იტალიის სერია A
XVII ტური:
“იუვენტუსი” — “ინტერი” 1:1 (1:0)

გოლები: ტევესი 5′ — იკარდი 64′.
გაფრთხილებები: მორატა 71′, ბონუჩი 82′ — იკარდი 66′, რანოკია 67′, დამბროზიო 75′, ჟუანი 80′, მედელი 84′.
გაძევება: კოვაჩიჩი 86′.

პოდოლსკი “არსენალის” ფანებს დაემშვიდობა

Posted on იანვარი 4, 2015 by ბექა დოგრაშვილი

ლუკას პოდოლსკი, რომელმაც გუშინ მილანის “ინტერში” სამედიცინო შემოწმება გაიარა, ლონდონის “არსენალის” ფანებს დაემშვიდობა.

“სიტყვებით ვერ აღვწერ, რამდენად ვაფასებ “არსენალის” ქომაგებს იმისთვის, რაც მათ ჩემთვის გააკეთეს. მინდა, იცოდეთ: ჩემს გულში ყოველთვის მოინახება თქვენთვის ადგილი.

“არსენალში” გატარებული ყოველი წუთით ბედნიერი ვარ და იმედი მაქვს, კლუბში და გულშემატკივრების გონებაში ჩემი კვალი დავტოვე. იმედია, ჩვენ ისევ შევხვდებით”, – დაწერა სოციალურ ქსელში პოდოლსკიმ.

“ინტერის” ფანებმა პოდოლსკის გულთბილი დახვედრა მოუწყვეს

Posted on იანვარი 3, 2015 by ბექა დოგრაშვილი

ლონდონის “არსენალის” თავდამსხმელი ლუკას პოდოლსკი მილანში ჩაფრინდა.

“ნერიაძურის” ხელმძღვანელობას გერმანელი ფეხბურთელის ვიზიტი არც დაუმალავს. აეროპორტში პოდოლსკის ასობით გულშემატკივარი და ჟურნალისტი დახვდა.

“მილანის აეროპორტში სრული საგიჟეთია”, – დაწერა სოციალურ ქსელში ცნობილმა იტალიელმა სპორტულმა ჟურნალისტმა ტანკრედი პალმერიმ.

ლუკას პოდოლსკი, სავარაუდოდ, უკვე დღეს “ინტერში” სამედიცინო შემოწმებას გაივლის, რის შემდეგაც მილანურ კლუბთან საიჯარო ხელშეკრულებას გააფორმებს.

პოდოლსკი “არსენალის” დატოვებაზე ფიქრობს

Posted on ოქტომბერი 2, 2014 by ბექა დოგრაშვილი

ლონდონის “არსენალის” თავდამსხმელმა ლუკას პოდოლსკიმ მიანიშნა, რომ კლუბის დატოვებაზე ფიქრობს.

“ფეხბურთი სისხლში მაქვს გამჯდარი, მიყვარს თამაში. ყოველკვირეულად ვერ ვთამაშობ, ამიტომ რაღაც უნდა შევცვალო. ვნახოთ, რა მოხდება მომავალში. ერთი რამ ცხადია, ამაზე უნდა ვიფიქრო”, – განაცხადა პოდოლსკიმ ტელეკომპანია RTL-ის ეთერში.

შეგახსენებთ, რომ ლუკას პოდოლსკი “არსენალს” ღირსებას 2012 წლიდან იცავს. გერმანელმა ფეხბურთელმა მიმდინარე სეზონში “მეთოფეთა” ფორმით მხოლოდ 4 მატჩში მიიღო მონაწილეობა. აქედან სამ შეხვედრაში შეცვლაზე შემოვიდა.

„კიოლნის“ პრეზიდენტმა პოდოლსკისთვის მიცემული დაპირება დაარღვია

Posted on ივლისი 8, 2014 by ბექა დოგრაშვილი

საფეხბურთო კლუბ „კიოლნის“ პრეზიდენტმა ვერნერ შპინერმა თავის დროზე განაცხადა, რომ კლუბში ლუკას პოდოლსკის ნომრით აღარავინ ითამაშებდა, მაგრამ…

ბუნდესლიგაში გადმობარგებულმა კლუბმა 10-ნომრიანი ფორმა პატრიკ ჰელმესს უბოძა, რითაც „კიოლნის“ პრეზიდენტმა სიტყვა გატეხა.

„ლუკასმა ჰერ შპინერის განაწყვეტილება ელექტრონული ფოსტით მიიღო. გასაკვირია, რომ დაპირება დაირღვა, თანაც ასე უსინდისოდ. ეს ჩვენთვის მეტად გაუგებარი გადაწყვეტილებაა. „კიოლნის“ ხელმძღვანელობის ამ საქციელის მიუხედავად, კლუბის მიმართ ლუკასის დამოკიდებულება არ შეიცვლება“, – განაცხადა პოდოლსკის აგენტმა.

თავად ფეხბურთელი აღნიშნულთან დაკავშირებით კომენტარს არ აკეთებს.

„ინტერს“ პოდოლსკი სურს

Posted on მარტი 4, 2014 by ბექა დოგრაშვილი

იტალიური „ლა გაძეტა დელო სპორტის“ თანახმად, ლონდონის „არსენალის“ გერმანელი თავდამსხმელი ლუკას პოდოლსკი მილანის „ინტერის“ ინტერესთა არეალში მოექცა.

წყაროს ცნობით, კლუბის შეცვლის წინააღმდეგი არც თავად ფეხბურთელია, რომელმაც „არსენალის“ ძირითად შემადგენლობაში ადგილი დაკარგა. „ინტერის“ დირექტორი პიერო აუსილიო უკვე გავიდა პოდოლსკის აგენტთან კონტაქტზე და გერმანელი თავდამსხმელის შესაძლო ტრანსფერზეც ესაუბრა. უახლოეს ზაფხულს მილანური კლუბი „არსენალს“ ოფიციალურადაც მიმართავს.

მიმდინარე სეზონში პოდოლსკიმ ინგლისის პრემიერლიგის ათ მატჩში მიიღო მონაწილეობა და სამი გოლი გაიტანა.

ბექა დოგრაშვილი