ინგლისის პრემიერლიგის XIX ტურში “ლივერპულმა” “სუონსი სიტი” ანგარიშით 4:1 დაამარცხა. მატჩში დუბლი შეასრულა ადამ ლალანამ, რომლის გვარიც ჰოლანდიელმა სპორტულმა კომენტატორმა პირდაპირი ტრანსლაციის დროს მუსიკალურად გააჟღერა.
ჭდე: Adam Lallana
„ლივერპულმა“ ლალანას შესაძლო ტრანსფერზე შეთავაზება გააუმჯობესა
„ლივერპულმა“ ნახევარმცველ ადამ ლალანას ტრანსფერის გასაჩარხად „საუთჰემპტონს“ გაუმჯობესებული შეთავაზებით მიმართა.
ბრიტანული „გარდიანი“ წერს, რომ მერსისაიდული გუნდი მზად არის, ფეხბურთელის სანაცვლოდ 25 მილიონი ფუნტ სტერლინგი გაიღოს, თუმცა „წმინდანები“ 30 მილიონს ითხოვენ, რადგან ტრანსფერის 25 პროცენტი ლალანას მშობლიურ კლუბ „ბორნმუთს“ ერგება.
ლალანას ირგვლივ შექმნილ ვითარებას ყურადღებით აკვირდება „ტოტენჰემ ჰოთსპურიც“.
პრემიერლიგის წლის საუკეთესო ფეხბურთელის წოდებისთვის მებრძოლთა სია გამოქვეყნდა
ინგლისის პროფესიონალ ფეხბურთელთა ასოციაციამ ოფიციალურად დაასახელა 2013-14 წლების სეზონის პრემიერლიგის საუკეთესო ფეხბურთელისა და წლის საუკეთესო ახალგაზრდა მოთამაშის წოდების მოპოვების პრეტენდენტები. ექვსი ფეხბურთელიდან სამი „ლივერპულის“ მოთამაშეა: ლუის სუარესი, სტივენ ჯერარდი და დანიელ სტარიჯი.
მათ გარდა სიაში მოხვდნენ იაია ტურე („მანჩესტერ სიტი“), ედენ აზარი (ლონდონის „ჩელსი“) და ადამ ლალანა („საუთჰემპტონი“).
სტარიჯი და აზარი აგრეთვე წლის საუკეთესო ახალგაზრდა ფეხბურთელის ჯილდოზე არიან წარდგენილნი. მათ გარდა ამ სტატუსის მოპოვებისთვის იბრძვიან: რაჰიმ სტერლინგი („ლივერპული“), აარონ რემსი (ლონდონის „არსენალი“), როს ბარკლი („ევერტონი“) და ლიუკ შო („საუთჰემპტონი“).
გამარჯვებულთა ვინაობა 27 აპრილს, ლონდონში გაირკვევა.
ბექა დოგრაშვილი