ჭდე: ლორან ბლანი

„ლილთან“ ანგარიშით 6:1 მოგებული მატჩის შემდეგ „პარი სენ-ჟერმენის“ მთავარმა მწვრთნელმა ლორან ბლანმა განაცხადა, რომ მისი გუნდის „ბარსელონასთან“ ჩემპიონთა ლიგის 1/4 ფინალში მარცხი წარსულს ჩაბარდა.

„დღეს იმის ჩვენება, რომ ჩემპიონთა ლიგის შედეგი წარსულს ჩაბარდა, ძალიან მნიშვნელოვანი იყო. ამის გაკეთება მოვახერხეთ. ჩემპიონატის ბოლოს ნამდვილი ბრძოლა გველის, ამიტომაც რაც შეიძლება მეტი შეხვედრა უნდა მოვიგოთ. „ლილთან“ ძალიან ფრთხილად ვიყავით, თუმცა სწრაფმა ორმა გოლმა ყველაფერი შეცვალა. ჩემს ფეხბურთელებს ასეთ თამაშს ვულოცავ“, – განაცხადა ბლანმა.

“პსჟ”-ის პრეზიდენტი: “მსოფლიოს საუკეთესო კლუბთან დავმარცხდით”

„პარი სენ-ჟერმენის“ მთავარმა მწვრთნელმა ლორან ბლანმა „ბარსელონასთან“ უეფას ჩემპიონთა ლიგის განვლილ 1/8-ფინალურ შეხვედრაში ედინსონ კავანის თამაში შეაფასა.

„კავანის, როგორც თავდამსხმელის შეფასება, პირდაპირ მის მიერ გატანილი გოლების რაოდენობაზეა დამოკიდებული. სამწუხაროდ, „ბარსელონასთან“ შეხვედრაში ჩვენმა ფორვარდებმა გოლი ვერ გაიტანეს.

ედინსონს ცუდი მატჩი ჰქონდა. სხვა ბომბარდირების მსგავსად, ის ბრაზდება, როდესაც ვერ იტანს.

არის სიტუაციები, როდესაც მოთამაშეები რამდენიმე კვირის განმავლობაში ვერ იტანენ, რისი ახსნაც რთულია. ამავდროულად, ვხედავ, რომ ის მომენტებს ქმნის, რაც კარგის ნიშანი უნდა იყოს“, – განაცხადა ბლანმა.