ჭდე: კლოპი

როგორ უპასუხა “ბარსელონამ” იურგენ კლოპის სიტყვებს (ვიდეო)

Posted on by -

“ლივერპულის” მთავარმა მწვრთნელმა, იურგენ კლოპმა “ბარსელონასთან” გასამართ მატჩამდე განაცხადა, რომ “კამპ ნოუ” მხოლოდ დიდი სტადიონია, რომელიც ფეხბურთის ტაძარი არ არის.

გერმანელი სპეციალისტის ამ სიტყვებს დიდი გამოხმაურება მოყვა. სოციალურ ქსელ Twitter-ში კი მის საპასუხოდ “ბარსელონას” ოფიციალურ გვერდზე ვიდეოც გამოქვეყნდა.

“ეს “კამპ ნოუა”. ჩვენი სახლი. ჩვენი ტაძარი. ჩვენი ციხესიმაგრე”, – ვკითხულობთ “ბარსას” ოფიციალურ გვერდზე.

კლოპი: “ფინალში ჩვენს მარცხზე ამან დიდი ზეგავლენა იქონია”

Posted on by კახა ყიფიანი

გასული სეზონის ჩემპიონთა ლიგის ფინალში მადრიდის “რეალმა” მერსესაიდის “ლივერპული” ანგარიშით, 3-1 დაამარცხა და თასს დაეუფლა. საგულისხმოა, რომ ერთ-ერთ მომეტში მადრიდელა კაპიტნის, სერხიო რამოსის იდაყვი მოწინააღმდეგეთა კარის დარაჯს, ლორის კარიუსს თავში მოხვდა. თამაშის შემდეგ გერმანელი მეკარე შეამოწმეს და მას ტვინის შერყევა დაუფიქსირდა.

ინგლისელთა მთავარმა მწვრთნელმა, იურგენ კლოპმა სწორედ ნახსენებ შემთხვევას დააბრალა ფინალში წაგება.

“კარიუსის ასეთ ცუდ გამოსვლას სწორედ მასსა და რამოსს შორის მომხდა ინციდენტი ხსნის. დარტყმამ მასზე დიდი ზეგავლენა მოახდინა, რამაც შეცდომები განაპირობა,” – ამბობს გერმანელი.

იურგენ კლოპის კომენტარი “რომასთან” გამარჯვების შემდეგ

Posted on by კახა ყიფიანი

დღეს ჩემპიონთა ლიგის ნახევარფინალურ შეხვედრაში “ლივერპულმა” საკუთარ მოედანზე “რომა” მიიღო და მეტოქე ანგარიშით, 5-2 გაანადგურა. გამარჯვების შემდეგ, ინგლისელთა მთავარმა მწვრთნელმა, იურგენ კლოპმა პრესკონფერენცია გამართა.

“80 წუთი შესანიშნავი იყო. უფრო ბედნიერი ვიქნებოდი 5-1 ან 5-0 რომ მოგვეგო. თუმცა, მე მესმის ბიჭების, რომლებიც დღეს ძალიან კარგები იყვნენ. ამის წარმოდგენა მატჩამდე არ შემეძლო. იტალიაში ჩავალთ და ვეცდებით, იქაც მოვიგოთ. ჩემბერლენის ტრავმა არც ისე სახუმაროა. თუმცა, გამოკვლევამდე ვერაფერს ვიტყვი. რა თქმა უნდა, ის ჩვენთვის დიდი დანაკლისია.

“დღეს იმას მივხვდი, რომ განმეორებით მატჩში მათი დამარცხება შეგვიძლია. ჩვენ არ ვართ “ბარსელონა”. ბოლო წლებში მათ ბევრი რამ მოიგეს, ჩვენ – არა. სალაჰი?საოცარ ფორმაშია. მის წინააღმდეგ თავდაცვა შეუძლებელია. მას ძალიან დიდი შესაძლებლობები აქვს. პირველი გოლი იყო გენიალური, ხოლო მეორე შემთხვევაში მომ სწორად ითამაშა და გაიტანა კიდეც,” – ამბობს კლოპი.

კლოპი: “ლივერპული” სალაჰის ოქროს ბუცს არ მისდევს”

Posted on by კახა ყიფიანი

დღეს პრემიერ ლიგის 35-ე ტურში მერსესაიდის “ლივერპული” “ვესტ ბრომვიჩს” ესტურმება. ამ დაპირისპირებამდე კლუბის მთავარმა მწვრთნელმა, იურგენ კლოპმა პრესკონფერენცია გამართა, სადაც განაცხადა, რომ მისთვის მოჰამედ სალაჰის ოქროს ბუცზე უფრო მნიშვნელოვანი, ჩემპიონთა ლიგის მოგებაა.

“მოს (ასე მიმართავს სალაჰს, ავტ.) მთავარი მიზანი ჩემპიონთა ლიგაზე წარმატებული ასპარეზობა, ფინალში გასვლა და მისი მოგებაა. ჩვენ არ ვფიქრობთ ბევრს ამაზე. მიზანი სწორედ ერთია. არ ვცდილობთ, ეგვიპტელს სულ შევუქმნათ ისეთი სიტუაცია, სადაც ის მუდამ გაიტანს. ნორმალურ ფეხბურთს ვთამაშობთ, სადაც ყველაფერს თავისი ადგილი აქვს.”

“ახლა სხვადასხვა ტურნირზე ამ პოზიციებზე იმიტომ ვართ, რომ ჩვენს სტილში ვთამაშობთ. ფაქტია, ეს ამართლებს. მოც სწორედ იმიტომ მოვიდა აქ, რომ ჩვენი ფეხბურთი ითამაშოს. არაფრის შეცვლა გვჭირდება, უბრალოდ გზას უნდა მივყვეთ,” – ამბობს გერმანელი მწვრთნელი.

კლოპი: “ვიცით, რა დონისაა “სიტი”, თუმცა, ჩვენს შესაძლებლობებშიც მშვენივრად ვერკვევით”

Posted on by კახა ყიფიანი

გუშინ ჩემპიონთა ლიგის მეოთხედფინალის შეხვედრაში მერსესაიდის “ლივერპულმა” “მანჩესტერ სიტი” ანგარიშით, 3-0 დაამარცხა და განმეორებითი მატჩის წინ საგრძნობი უპირატესობა შეიქმნა.

თამაშის შემდეგ, გამარჯვებული გუნდის მთავარმა მწვრთნელმა, იურგენ კლოპმა ჟურნალისტებთან ისაუბრა.

“პირველი ნახევარი შესანიშნავი იყო. ზუსტად, ასე უნდა გამოვიყურებოდეთ ყოველთვის. ვიცით, რა დონისაა “სიტი”, თუცმა ჩვენს შესაძლებლოებშიც ვერკვევით. პრემიერ ლიგაში ბურთი რომ გვეკოტროლებინა და, ისეთი გუნდებისთვის, როგორი “სიტია”, ის არ ჩაგვებარებინა, ახლა პირველადგილოსანთან უფრო ახლოს ვიქნებოდით. დავკარგეთ სალაჰი ტრავმის გამო, ხოლო ჰენდერსონს დისკვალიფიკაცია აქვს. ეს კარგად არ ჟღერს. მომ მითხრა, რომ თავს კარგად გრძნობს, თუმცა, ვნახოთ, რამდენ ხანში დაგვიბრუნდება ის,” – ამბობს გერმანელი.

კლოპი: “დაივიწყეთ ვან დეიკის ფასი!”

Posted on by კახა ყიფიანი

მერსესაიდის “ლივერპულმა” “საუთჰემპტონის” ცენტრალური მცველი, ვირჯილ ვან დეიკი 75 მილიონ ფუნტად გაიფორმა. ეს კლუბის ისტორიაში ყველაზე ძვირადღირებული ტრანსფერია. გარდა ამისა, ისტორიაში არცერთ კლუბს არ გადაუხდია ამხელა თანხა მცველში.

ზემოთ ნახსენებზე იურგენ კლოპმა ჟურნალისტებთან ისაუბრა.

“არ შემიძლია იმაზე ვიფიქრო, როცა ხალხი იტყვის, “ეს რამხელა თანხაა”. მოდი, ამაზე ნუ გავამახვილებთ ყურადღებას. ჩვენ არ ვქმნით ფასებს, ამას სატრანსფერო ბაზარი  თავისით აკეთებს. პირველი რამ, რაც ვან დეიკის ტრანსფერიდან “ლივერპულის” ფანებმა უნდა დაივიწყონ, ეს ჰოლანდიელის ფასია.”

“მთავარია, რა თვისებებისაა ვან დეიკი და რისი გაკეთება შეუძლია მას. პროფესიონალიზმი, სათამაშო დონე, ხასიათი, მენტალობა, სწორედ ამას უნდა დავაკვირდეთ ყველა. გვჯერა, რომ მისი ეს ასპექტები ჩვენს მოთხოვნებს აკმაყოფილებს. სწორედ ამიტომ ვიყიდეთ ის,” – აცხადებს კლოპი.

კლოპი: “კეინი უკეთესია, ვიდრე ლუკაკუ”

Posted on by ცოტნე შაორშაძე

22 ოქტომბერს ლონდონში “ტოტენჰემი” “ლივერპულს” უმასპინძლებს (19:00).

ლივერპულელთა თავკაცმა იურგენ კლოპმა შეხვედრის წინ მეტოქე გუნდის ფეხბურთელებზე ისაუბრა.

“მე არ მაქვს უფლება განვსაჯო ეს ორი ფეხბურთელი, ლუკაკუ და კეინი შესანიშნავი თავდამსხმელები არიან. იმ შემთხვევაში, თუ გოლი ვერცეთ მათგანს ვერ გააქვს, ჩემი აზრით, შეხვედრაში ბევრად შესამჩნევი ინგლისელი ფეხბურთელია, აქედან გამომდინარე ამ ეტაპზე შეიძლება ითქვას, რომ კეინი უკეთესია, ვიდრე ლუკაკუ, მაგრამ მჯერა, მსგავსი სამუშაოს შესრულება ბელგიელსაც შეუძლია. “ტოტენჰემთან” შეხვედრაში ჩვენ განსაკუთრებით უნდა ვუფრთხოდეთ დელე ალის, რომელიც მინდორზე ყველგანაა. ასევე საკმაოდ სახიფათოა კრისტიან ერიკსენი, დანიელი მოედნის ყველა წერტილიდან ურტყავს, როგორც კი ამის შანსი ეძლევა,” – აცხადებს იურგენ კლოპი.

კლოპმა სენეგალის მწვრთნელის ნათქვამზე: “საიდან იცის, რომ მანე ამ დროს დაბრუნდება?”

Posted on by კახა ყიფიანი

სადიო მანემ 10 ოქტომბერს მუხლის ქვედა მყესის ტრავმა მიიღო და მოედანს ექვსი კვირით დაემშვიდობა. მიუხედავად ამისა, სენეგალის ნაკრების მწვრნელი, ალიოუ სისე აცხადებს, რომ მანე 10 და 14 ნოემბერს გასამართი სანაკრებო მატჩებისთვის ასი პროცენტით მზად იქნება.

“ლივერპულის” დამრიგებელმა, იურგენ კლოპმა ჟურნალისტებთან სისეს კომენტარსა და 25 წლის შემტევის დაზიანებაზე ისაუბრა.

“ვერ ვხვდები, სისემ ეს ინფორმაცია საიდან იცის. ზუსტად არ ვიცი, როდის დატოვებს სადიო ლაზარეთს. თუ ეს დაგეგმილზე ადრე მოხდება, ძალიან ბედნიერი ვიქნები. მაგრამ ამ ეტაპზე არაფერია გარკვეული.”

“მანემ დაამტკიცა, რომ ჩვენთვის მნიშვნელოვანი ფეხბურთელია. მის დაბრუნებას ყველა ველით, რადგან “ლივერპულისთვის” დიდი წარმატების მოტანა შეუძლია,” – აცხადებს კლოპი.

იურგენ კლოპი “ლესტერთან” წაგების შემდეგ: “დაცვამ მშვენივრად იმუშავა”

Posted on by კახა ყიფიანი

გუშინ ინგლისის ლიგის თასის შეხვედრაში “ლესტერ სიტიმ” მერსესაიდის “ლივერპული” მიიღო და მეტოქე ანგარიშით, 2-0 დაამარცხა. საგულისხმოა, რომ იურგენ კლოპის შეგირდებმა ბოლო ოთხ შეხვედრაში ათი გოლი მიიღეს.

მიუხედავად აღნიშნულისა, მთავარი მწვრთნელი, იურგენ კლოპის თვლის რომ მას კარგი გუნდი ჰყავს.

“ახლა ნამდვილად არ ვიმყოფებით სახარბიელო სიტუაციაში, თუმცა ვფიქრობ, რომ მშვენიერ გუნდს ვწვრთნი. ამას ვგრძნობ, თუმცა ეს დღეს არ გამოჩნდა, რადგან სათასო დაპირისპირება იყო. გვინდოდა შემდეგ ეტაპზე გავსულიყავით. არავის აინტერესებს, ვინ ჩაატარა უკეთესი პირველი ნახევარი. მთავარი ისაა, თუ ვინ გავიდა შემდეგ ეტაპზე. ეს კლუბი ჩვენ არ ვართ, რასაც რამდენიმე გასაგები მიზეზი აქვს.”

“ბევრ მომენტში თავი კარგად დავიცავით. მშვენივრად შევაჩერეთ რამდენიმე შეტევა, ასევე მეორე სართულზეც კარგად გამოვიყურებოდით. თუმცა, ბოლოს მაინც დავუშვით შეცდომები, რამაც ეს შედეგი გამოიწვია,” – აცხადებს იურგენი.

კლოპი კოუნტინიოს საგაზე: “ჩვენ არ ვცხოვრობთ ორუელის სამყაროში, სადაც ყველა ყველაფერს უცებ გებულობს”

Posted on by კახა ყიფიანი

კატალონიის “ბარსელონამ” არაერთი სარფიანი შეთავაზება გაუკეთა მერსესაიდის “ლივერპულს” ფილიპე კოუნტინიოს თაობაზე, თუმცა ბრიტანელებმა ყველა წინადადება დაბლოკეს – სატრანსფერო ფანჯარა დაიხურა და ბრაზილიელიც ინგლისურ კლუბშიდ არჩა.

იურგენ კლოპმა თავის ფეხბურთელზე ისაუბრა.

“ნუ დაუჯერებთ იმას, რასაც პრესაში წერენ. ჩვენ არ ვცხოვრობთ ორუელის სამყაროში, სადაც მთელმა მსოფლიომ, ამბის მოხდენისთანავე, ყველაფერი იცის. თუ მივიღებთ ფეხბურთელის გაყიდვაზე შემოთავაზებას, ამაზე შიდა სამზარეულოში გვიწევს დაფიქრება. კოუნტინიოს ტრანსფერზე კი ძალინ ბევრი არასწორი რამ დაიწერა, რაზეც ჩვენც არ გქვონდა წარმოდგენა.”

“დორტმუნდში სხვანაირად იყო: სარფიანი შემოთავაზების შემთხვევაში, ფეხბურთელს, უმეტესწილად, ვუშვებდით. აქ კი გვინდა, ლიდერი შევინარჩუნოთ. ამიტომ ამ ორ სიტუაციას ერთმანეთს ვერ შევადარებ. კოუნტიონიო, წესით, მომავალ ტურში უნდა დაბრუნდეს. ის ჩვენთვის უმნიშვენლოვანესია,” – აცხადებს კლოპი.

კლოპმა “ლივერპულის” ხელმძღვანელობას “ბარსელონას” ფეხბურთელის შეძენა სთხოვა

Posted on by კახა ყიფიანი

მერსესაიდის “ლივერპულის” თავკაცს, იურგენ კლოპს კატალონიის “ბარსელონას” წევრის, რაფინიას შეძენა სურს. ამის შესახებ Mundo Deportivo წერს.

კლოპმა, მუჰამედ სალაჰის შეძენით, უკვე დაამყარა მერსესაიდელთა სატრანსფერო რეკორდი. ახლა კი გერმანელმა კლუბის სპორტულ დირექტორს, მაიკლ ედვარდსს “ბლაგურნას” ფეხბურთელის შეძენა სთხოვა. ნახსენები ესპანური წყაროს თანახმად, ინგლისელებს ბრაზილელის ყიდვა 30-დან 40 მილიონ ევრომდე ფასში სურთ. იმის ფონზე, რომ შესაძლოა, ნეიმარმა კლუბი დატოვოს, დიდი ალბათობით, რაფინიას ჯერ ვერსად ვერ გაუშვებენ.

ბრაზილიელმა გაუსლ სეზონში “ბარსელონაში” შვიდი გოლი გაიტანა და ხუთი საგოლე გადაცემა გააკეთა. 24 წლის ფეხბურთელის მიმართ ინტერესს “არსენალი”, “ტოტენჰემი”, “ინტერი” და “მილანი” იჩენენ.

იურგენ კლოპი: “ამ ასპექტში გაძლიერება გვმართებს”

Posted on by კახა ყიფიანი

გასულ სეზონში, პრემიერ ლიგაში მერსესაიდის “ლივერპულმა” საკუთარ კარში 42 გოლი გაუშვა. ეს პირველ ექვსეულში ყველაზე ცუდი შედეგია.

იურგენ კლოპმა განაცხადა, რომ არაა კმაყოფილი მისი გუნდის დაცვაში თამაშით.

“დაცვის ხაზში გაცილებით კარგად უნდა გავისარჯოთ. სხვადასხვა სიტუაციაში შესაბამისად უნდა მოვიქცეთ და, რაც შეიძლება, ნაკლები გოლი გავუშვათ. ვფიქრობ, ჩემი გუნდი სხვა ასპექტებში კარგია. თუმცა, დაცვაში თამაში გამოსასწორებელია.”

“მყავს მრავალფეროვანი თვისებების მქონე ფეხბურთელები, რომლებსაც ძალიან ბევრი დავალების შესრულება შეუძლიათ. შესაბამისად, შემიძლია, სხვადასხვა ტაქტიკითა თუ სქემით თამაში. თუმცა, ორგანიზებულობა ყველა რგოლში – ეს უმთავრესია!”

“უნდა ვეცადოთ, ყველგან თანაბრად მაღალ დონეზე ვითამაშოთ,” – აცხადებს 50 წლის გერმანელი.