საფრანგეთის ჩემპიონატის 22-ე ტურში “ლიონსა” და “ლილს” შორის გამართული მატჩის ერთ-ერთ ეპიზოდში მასპინძელთა ნახევარმცველმა მატიე ვალბუენამ ხუთი მეტრის მანძილიდან ცარიელ კარში გოლი ვერ გაიტანა. ფრანგმა ფეხბურთელმა ბურთი ხარიხას მოარტყა. შეხვედრა “ლილის” გამარჯვებით, ანგარიშით 2:1 დასრულდა.
Wow ! Le raté de #Valbuena ???? pic.twitter.com/Z3HIUzKXkJ
— Bizy (@BizyLife) 28 January 2017
სოციალურ ქსელებში გულშემატკივრები აქტიურად წერენ, რომ “ლიონის” ნახევარმცველი მატიე ვალბუენა გარდაიცვალა. ფრანგული კლუბი იძულებული გახდა, ოფიციალური განცხადება გამოექვეყნებინა:
“სოციალურ ქსელში ზოგიერთი უნამუსო პირის მიერ გავრცელებული ინფორმაციის მიუხედავად, მატიე ვალბუენა, საბედნიეროდ, ცოცხალია. “ლიონი” ასეთი სამარცხვინო და არაადამიანური საქციელით შეშფოთებულია”, – ნათქვამია ფრანგული კლუბის განცხადებაში.
ვალბუენა საფრანგეთის ლიგა 1-ის მე-11 ტურში “ტულუზას” წინააღმდეგ გამართული მატჩის (2:1) განაცხადში მხრის ტრავმის გამო ვერ მოხვდა, რის შემდეგაც სოციალურ ქსელებში მისი გარდაცვალების შესახებ ჭორები გავრცელდა.
“ლიონის” ნახევარმცველ მატიე ვალბუენას 2016 წლის ევროპის ჩემპიონატზე თამაში სურს. მეტიც, ფრანგი ფეხბურთელი ამბობს, რომ შესაძლებლობის შემთხვევაში, ტურნირზე კარიმ ბენზემასთან ერთადაც კი ითამაშებს.
“იმის გარანტია არ მაქვს, რომ ევროპის ჩემპიონატზე ვითამაშებ. დიდიე დეშამთან მქონდა საუბარი, თუმცა დეტალებს არ გავამჟღავნებ. ახლა ჩემი მთავარი მიზანი “ლიონისთვის” მაქსიმალური სარგებლის მოტანაა. კარგად ვთამაშობ, მაგრამ საუკეთესო მაჩვენებლები არ მაქვს. სეზონის წარმატებულად დასრულება ევროპის ჩემპიონატის განაცხადში მოხვედრა იქნება. ბენზემასთან ერთად? ყველაფერი შესაძლებელია. პრობლემა უკვე აღარ არსებობს”, – ვალბუენას კომენტარი “ლე ფიგარომ” გამოაქვეყნა.
ფრანგი ნახევარმცველი მატიე ვალბუენა სამშობლოში ბრუნდება.
L`Equipe-ის ცნობით, 30 წლის ფეხბურთელი მოსკოვის “დინამოდან” “ლიონში” გადავა.
ვალბუენამ “ლიონთან” სამედიცინო შემოწმება დღეს უნდა გაიაროს. წყაროს თანახმად, იგი ფრანგულ კლუბთან სამწლიან კონტრაქტს გააფორმებს, ტრანსფერის ღირებულება კი 5-6 მილიონ ევროდ ფასდება.
საფრანგეთის ნაკრების ნახევარმცველი მატიე ვალბუენა ოფიციალურად მოსკოვის “დინამოს” ფეხბურთელია. 29 წლის ფეხბურთელმა რუსულ კლუბთან სამწლიან კონტრაქტს მოაწერა ხელი.
“დინამო” საინტერესო პროექტია და მინდა, რომ მეც მივიღო ამაში მონაწილეობა. კლუბის ამბიციები სრულად შეესაბამება ჩემს სურვილებს და მოუთმენლად ველი “დინამოს” რიგებში პირველ მატჩს. ძალისხმევას არ დავიშურებ, რომ კლუბის წინაშე დასახული მიზნები შევასრულო”, – ვალბუენას სიტყვები რუსული კლუბის ოფიციალურ ვებგვერდზე გამოქვეყნდა.
შეგახსენებთ, რომ უკანასკნელი რვა სეზონი მატიე ვალბუენამ “მარსელში” გაატარა, რომლის ფორმითაც 250-ზე მეტ ოფიციალურ მატჩში მიიღო მონაწილეობა.
ფრაგმა ფეხბურთელმა ბოლო სეზონში “მარსელის” ფორმით ყველა ტურნირზე ერთად 41 შეხვედრა ჩაატარა და სამი გოლი გაიტანა.
მოსკოვის „დინამო“ „მარსელისა“ და საფრანგეთის ნაკრების ნახევარმცველ მატიე ვალბუენას ხელფასის თაობაზე ვერ უთანხმდება.
29 წლის ფრანგი ფეხბურთელი მოსკოვური კლუბის წარმომადგენლებს შეხვდა. გავრცელებული ინფორმაციით, რუსული კლუბი ვალბუენას ჯამაგირის სახით წელიწადში 3 მილიონ ევროს სთავაზობს, რაზეც ფეხბურთელი უარზეა. მოლაპარაკებები გრძელდება.
მხარეები ტრანსფერზე უკვე მორიგდნენ, „დინამო“ ვალბუენას სანაცვლოდ 7 მილიონ ევროს იხდის, თუმცა თუ ფეხბურთელისგან დასტური არ იქნება, გარიგება არ შედგება.
მატიე ვალბუენა „მარსელში“ 2006 წლიდან გამოდის და გუნდის ერთ-ერთი ლიდერი გახლავთ.
