ჭდე: პიერ-ემერიკ ობამეიანგი

დორტმუნდის “ბორუსიას” ლიდერმა, პიერ-ემერიკ ობამეიანგმა ყველასათვის ნათელი გახადა ის ფაქტი, რომ თავისი მომავალი ჯერ კიდევ ბურუსითაა მოცული და რომ ეს ბურუსი მომავალი კვირისთვის გაიფანტება.

“ვნახოთ რა მოხდება, გადაწყვეტილებას მომავალ კვირაში მივიღებ. მნიშვნელობა არ აქვს, რას იტყვის პრესა, პირველ რიგში, მე მაინც კლუბის ხელმძღვანელობას უნდა გავესაუბრო.

ჯერ არანაირი გადაწყვეტილება არ მიგვიღია. შეთანხმების თანახმად, მატჩის დასრულების შემდეგ მაგიდასთან უნდა დავჯდეთ და ყველაფერი გავარკვიოთ,” – აცხადებს გაბონელი ფეხბურთელი Bild-თან საუბრისას.pearances.

დორტმუნდის “ბორუსიას” მთავარმა მწვრთნელმა, ტომას ტუჰელმა “მონაკოსთან” გასამართ მეოთხედფინალურ დაპირისპირებამდე პრესასთან პიერ-ემერიკ ობამეიანგის როლზე ისაუბრა.

“ობამეიანგი ძალიან გვჭირდება, ის ამ დაპირისპირებას საუკეთესო ფორმაში უნდა შეხვდეს. ნახევარფინალში გასასვლელად ჩვენ მისი გოლები, დაცვაში კარგი თამაში და მისი მუსიკა დაგვჭირდება.

სწორედ ამას მოითხოვს ჩემპიონთა ლიგა.

ობამეიანგი ძალიან ნიჭიერი ფეხბურთელია, ის ესპანურად, ფრანგულად, იტალიურად, ინგლისურად და გერმანულადაც კი საუბრობს. დიახ, თუ მოინდომებს, მას გერმანულადაც შეუძლია საუბარი,” – აცხადებს ტუჰელი.

ცნობისთვის გეტყვით, რომ ბუნდესლიგის მიმდინარე სეზონში ობამეიანგმა 25 გოლის გატანა შეძლო და ბომბარდირთა დავაში მეორე პოზიციას იკავებს (ლევანდოვსკი – 26 გოლი).

ტომას ტუჰელი ადასტურებს ინფორმაციას, რომ პიერ-ემერიკ ობამეიანგის არყოფნის პერიოდში, თავისი შესაძლებლობების დემონსტრირების საშუალება “ჩელსის” ექს-ფორვარდს, ანდრე შურლეს მიეცემა.

როგორც იცით, პიერ-ემერიკ ობამეიანგის მთავარი საზრუნავი ამ დროისთვის კონტინენტური პირველობაა, სადაც ეს უკანასკნელი გაბონის ნაკრების ღირსებას იცავს.

“ანდრე შურლე დასაწყისიდანვე შეუტევს, თუ რა თქმა უნდა, რამე მოულოდნელი არ მოხდება. მას ფორვარდის როლის მორგება მოუწევს. ეს მისთვის ბრწყინვალე შანსია, გვაჩვენოს, თუ რა შეუძლია მას.”

დორტმუნდის “ბორუსია” ბუნდესლიგის 16 ტურის შემდეგ 27 ქულით მე-6 პოზიციას იკავებს. მომდევნო ტურში კი მათი მეტოქე ბრემენის “ვერდერი” იქნება.

დორტმუნდელთა 27 წლის გაბონელი შემტევი, პიერ-ემერიკ ობამეიანგი გერმანული გუნდის ძირითადი შემადგენლობიდან სწორედ იმ მატჩის წინ ამოვარდა, რომლის მოგებაც მათთვის სასიცოცხლოდ მნიშვნელოვანი იყო, რამაც მედია მაშინვე აალაპარაკა.

ბუნებრივია, ჟურნალისტებმა განმარტებისათვის ტომას ტუჰელს მიმართეს, თუმცა ამაოდ. ტუჰელმა ობამეიანგის არყოფნის მიზეზად არც ტრავმა დაასახელა და არც სხვა დისციპლინარული პრობლემა – “ეს გუნდის შიდა პრობლემაა, რომელიც ფარულადვე უნდა დარჩეს.”

ობამეიანგის არყოფნას, რომელსაც ამ ტურნირზე (მიმდინარე სეზონში) სამი, ხოლო ბუნდესლიგაში 11 გოლი აქვს გატანილი, გუნდის დირექტორი, ვატცკეც გამოეხმაურა:”არაფრის თქმას არ ვაპირებ, ეს გუნდის შიდა სამზარეულოა. მხოლოდ იმას ვიტყვი, რომ ის “ჰამბურგთან” გასამართი მატჩისთვის სრულ მზადყოფნაში იქნება”.