„ლივერპულის“ ყოფილი მთავარი მწვრთნელი კენი დალგიშ თვლის, რომ მერსესაიდელთა ახალი თავკაცი იურგენ კლოპი გულშემატკივართა გულების მოგებას მოახერხებს.
„იქმნება შთაბეჭდილება, რომ კლოპი საკუთარ თავზე შეყვარებული არ არის და ის სხვებზეც ფიქრობს. მგონია, ის „ლივერპულის“ გულშემატკვართა პატივისცემას დაიმსახურებს და მათთან საერთო ენას გამონახავს. დარწმუნებული ვარ, „წითლების“ ფანების გულში მისთვის ადგილი მოიძებნება“, – თვლის დალგლიში.
“ლივერპულის” ყოფილმა ფეხბურთელმა და ექს-მთავარმა მწვრთნელმა კენი დალგლიშმა განაცხადა, რომ “ასტონ ვილას” თავკაც პოლ ლამბერტისა და მისი თანაშემწე როი კინის ადგილას არც ის ჩამოართმევდა ხელს ჟოზე მოურინიოს.
შეგახსენებთ, რომ ინგლისის პრემიერლიგის VI ტურში ლონდონის “ჩელსისა” და “ასტონ ვილას” შორის გამართული მატჩის (3:0) მიწურულს მოურინიო ლამბერტთან და კინთან ხელის ჩამოსართმევად მივიდა, თუმცა შოტლანდელმა სპეციალისტებმა ნაადრევად ამის გაკეთება არ ისურვეს.
“ასეთ სიტუაციაში მოურინიოს ხელს არც მე ჩამოვართმევდი, – ციტირებს დალგლიშის სიტყვებს “მირორი”. – მოურინიო მსოფლიოს ერთ-ერთი საუკეთესო მწვრთნელია. როდესაც ადამიანი ასეთ მწვერვალზეა, მან შესაძლოა, მოულოდნელი საქციელი ჩაიდინოს, თუმცა ერთი ძველი სიბრძნე ყველას უნდა გვახსოვდეს: როდესაც მწვერვალზე ხარ, ადამიანებს კარგად უნდა მოექცე, რადგან დაცემისას მათი დახმარება დაგჭირდება”.
