გუშინ სერია ა-ს შეხვედრები გაიმართა. ჩვენთვის განსაკუთრებით საინტერესო იყო “ემპოლისა” და “კროტონეს” დაპირისპირება, რადგან მასპინძელთა რიგებში ლევან მჭედლიძე ირიცხება. გამომდინარე იქედან, რომ ქართველ თავდამსხმელს ახალი მოშუშებული აქვს ტრავმა, იგი მოედანზე არ გამოსულა და შეხვედრას სათადარიგოთა სკამიდან ადევნა თვალი.
რაც შეეხება უშუალოდ თამაშს, ლევანის გუნდმა ანგარიში 31-ე წუთზე ბელუსკის გოლით გახსნა. 14 წუთში სამპირისიმ გაათანაბრა. გამარჯვების გოლი კი “ემპოლის” მოთამაშემ, კოშტამ 56-ე წუთზე გაიტანა და, საბოლოოდ – 2-1; მჭედლიძის კლუბმა პირველი სამი ქულა მოიპოვა მიმდინარე სეზონში.
ამ გამარჯვებით “ემპოლიმ” 3 ქულა დააგროვა და მე-16 ადგილს იკავებს.
