ინგლისის პრემიერლიგის 35-ე ტურში “ლივერპულსა” და “ქუინს პარკ რეინჯერსს” შორის გამართულ შეხვედრაში მერსისაიდული გუნდის ქომაგების ნაწილმა ბრენდან როჯერსის გათავისუფლების მოთხოვნით აქცია ჩაატარა.
მატჩის მიმდინარეობისას “ენფილდს” საფრენმა აპარატმა გადაუფრინა, რომელსაც ბანერი ჰქონდა გამობმული – წარწერით: “Rodgers Out, Rafa In”.
ქომაგთა ჯგუფი როჯერსის გათავისუფლებასა და გუნდის მთავარი მწვრთნელის პოსტზე რაფაელ ბენიტესის დაბრუნებას მოითხოვს, რომელიც ამჟამად “ნაპოლის” თავკაცობს.
უეფას ევროპის ლიგის მერვედფინალურ ეტაპზე “ნაპოლისა” და მოსკოვის “დინამოს” შორის გამართული მატჩის მიმდინარეობისას მასპინძელთა საგულშემატკივრო სექტორზე უკრაინის მხარდამჭერი ბანერი გამოფინეს.
ტრანსპარანტზე ეწერა: “ხელები შორს უკრაინისგან. არ გვჭირდება თქვენი დიქტატურა. გეყოთ ჩვენი შვილების კვლა”.
შეგახსენეთ, რომ მოსკოველთა თავდამსხმელმა კევინ კურანიმ ანგარიში მე-2 წუთზე გახსნეს, შემდეგ გონსალო იგუაინმა სამი გოლი გაიტანა და საბოლოო ანგარიში 3:1 დაფიქსირდა. განმეორებითი შეხვედრა რუსეთში 19 მარტს გაიმართება.
ჩემპიონთა ლიგის ჯგუფური ეტაპის VI ტურში დანიური „კოპენჰაგენი“ მადრიდის „რეალს“ უმასპინძლებს. როდესაც „სამეფო კლუბის“ მთავარი მწვრთნელი კარლო ანჩელოტი და მცველი პეპე მატჩისწინა პრესკონფერენციას ატარებდნენ, მედიადარბაზში „გაზპრომის“ წინააღმდეგ მიმართული არასანქცირებული ბანერი დაკიდეს, რის გამოც ჟურნალისტებთან „რეალის“ წარმომადგენლების შეხვედრა რამდენიმე წუთით შეწყდა.
საქმე იმაში გახლავთ, რომ დამდეგ ზაფხულს „გაზპრომი“ არქტიკის შელფზე კომერციული პროექტის დაწყებას გეგმავს. საერთაშორისო საზოგადოებრივ ბუნებისდამცველ ორგანიზაცია „გრინპისში“ თვლიან, რომ არქტიკა არ არის ადგილი ნავთობის მრეწველობისთვის და საერთოდაც, ამ ადგილას სამრეწველო კომპანიებს თავიანთი პროექტების განხორციელების საშუალება არ უნდა მიეცეთ.
პრესკონფერენციაზე გამოტანილ ბანერს შემდეგი წარწერა ჰქონდა: „Save the Arctic. Show Gazprom the red card“.
მატჩი „კოპენჰაგენსა“ და „რეალს“ შორის 10 დეკემბერს გაიმართება და ჩვენი დროით 23:45 საათზე დაიწყება.
ბექა დოგრაშვილი
