რომის პაპმა, ფრანცისკ I-მა ვატიკანში იტალიური “მილანისა” და “იუვენტუსის” ფეხბურთელები მიიღო, რომლებიც იტალიის თასის ფინალის სათამაშოდ ემზადებიან.
ფეხბურთელებთან, მწვრთნელებთან და კლუბის ხელმძღვანელებთან ერთად შეხვედრას დაესწრო სერია ა-ს პრეზიდენტი, მაურისიო ბერეტაც.
შეგახსენებთ, რომ აღნიშნული მატჩი სტარტს ხვალ, 21 მაისს, თბილისის დროით 22:45-ზე აიღებს. მატაჩი რომში, “სტადიო ოლიმპიკოზე” გაიმართება.
მასიმილიანო ალეგრი კოპა იტალიის ფინალში ადვილ გასეირნებას არ მოელის და თვლის, რომ ერთი მატჩისთვის მომზადება ნებისმეირ გუნდს შეუძლია.
“ერთ მატჩში ყველაფერი შეიძლება მოხდეს. ეს ევროპა ლიგის საგზურის მოპოვების ბოლო შანსია “მილანისთვის”. ჩვენი ბოლო ურთიერთდაპირისპირებები ყოველთვის დაძაბული იყო. ფინალში თამაში კი არასდროსაა ადვილი.
თუმცა, ხვალინდელი შედეგი ვერაფერს ვერ შეცვლის, რამეთუ ჩვენ უკვე დავისახეთ მიზნები მომავალი სეზონისათვის. ჩვენ თითოეულ ფრონტზე ვაპირებთ ბრძოლას.
ხვალ ჩვენი ბოლო მატჩი გველის მიმდინარე სეზონში. ჩვენი მოვალეობაა მაქსიმუმის გაკეთება და მოგება.” – განაცხადა ალეგრიმ მის ყოფილ გუნდთან დაპირისპირების წინ.
„ინტერის“ მცველმა ჟუან ჟესუსმა „იუვენტუსთან“ იტალიის თასის 1/2 ფინალის მოახლოებული განმეორებითი მატჩის შესახებ ისაუბრა, რომელიც დღეს, თბილისის დროით, 23 საათსა და 45 წუთზე დაიწყება. შეგახსენებთ, რომ პირველი მატჩი ტურინელებმა ანგარიშით 3:0 მოიგეს.
„იუვენტუსის“ კარში სამი გოლი გატანა ისევე შეგვიძლია, როგორც მათ პირველ შეხვედრაში გაგვიტანეს. ეს, მურილიოსა და მირანდას დაკარგვის მიუხედავად, შესაძლებელია. ბოლომდე ვიბრძოლებთ, თუცმა ადვილი არ იქნება. ყველაფერს გავაკეთებთ, რათა იტალიის თასის ფინალში მოვხვდეთ“, – ციტირებს ჟესუსს „tuttomercatoweb“-ი.
ტურინის „იუვენტუსის“ მთავარი მწვრთნელი მასიმილიანო ალეგრი იტალიის თასის ფინალური შეხვედრის მოგების შემდეგ ჟურნალისტებს გაესაუბრა.
„ორივე გუნდმა კარგად ითამაშა. ორ მომენტში „ლაციოს“ არ გაუმართლა, რასაც ჩვენზე ვერ ვიტყვით. ერთ-ერთი გოლის ეპიზოდში ფორტუნა ჩვენს მხარეს იყო.
ფეხბურთი სხვადასხვა შემთხვევისგან შედგება. მეტოქის რამდენიმე მომენტამდე გოლის გატანა ჩვენც შეგვეძლო.
პირველ ნახევარში რომაელები აგრესიულად მოქმედებდნენ, თუმცა შესვენების შემდეგ ჩვენ უკეთესად ვთამაშობდით.
უნდა აღვნიშნო, რომ სერია ა-სა და „კოპა იტალიას“ მოგება ადვილი არ ყოფილა. ახლა მესამე ტურნირის მოგებასაც შევეცდებით“, – განაცხადა „ბიანკონერის“ დამრიგებელმა.
იხილეთ ასევე: ალეგრი: “იუვენტუსი” ზებრა კი არა, ვეფხვია”
დღეს იტალიის თასის ფინალური მატჩია — ტურინის “იუვენტუსი” რომის “ლაციოს” წინააღმდეგ. “ბებერი სინიორას” მთავარმა მწვრთნელმა მასიმილიანო ალეგრიმ მოახლოებული შეხვედრის შესახებ ისაუბრა.
“იუვენტუსი” ზებრა კი არა, ვეფხვია. რთული მატჩი გველის, შემდეგ კი ჩემპიონთა ლიგის ფინალისთვის უნდა მოვემზადოთ. იტალიის თასი “იუვენტუსს” 20 წელია, არ მოუგია და წელს შესაძლოა, ეს ტიტული მეათედ დავისაკუთროთ.
ანდრეა პირლო ითამაშებს. რას ვიტყოდი იტალიურ ფეხბურთზე? ყველა ლიგას აქვს აღმასვლა და დაღმასვლა. წელს ჩვენ ჩემპიონთა ლიგის ფინალში გავედით, “ნაპოლი” და “ფიორენტინა” ევროპის ლიგის ფინალთან იყვნენ ახლოს”, – ალეგრის კომენტარი “კორიერე დელო სპორტმა” გამოაქვეყნა.
მატჩი “იუვენტუსსა” და “ლაციოს” შორის რომის “სტადიო ოლიმპიკოზე”, თბილისის დროით 22:45 საათზე დაიწყება.
„იუვენტუსსა“ და „ლაციოს“ შორის იტალიის თასის ფინალური შეხვედრის თარიღი შეცვლილია.
ცნობისთვის, თავდაპირველად მატჩი 7 ივნისს უნდა გამართულიყო, თუმცა იქედან გამომდინარე, რომ „შავ-თეთრები“ ჩემპიონთა ლიგის ფინალში გავიდნენ, „კოპა იტალიას“ მიმდინარე სეზონის გადამწყვეტი თამაში ოც მაისს შედგება.
შეგახსენებთ, რომ ჩემპიონთა ლიგის ფინალი ექვს ივნისს გაიმართება.
“იუვენტუსის” მთავარმა მწვრთნელმა, მასიმილიანო ალეგრიმ იტალიის თასზე გასამართ შეხვედრაზე ისაუბრა.
“კოპა იტალია ჩვენთვის ძალიან მნიშვნელოვანია და მის მოგებას ვეცდებით,”-განაცხადა ალეგრიმ Corriere dello Sport-თან ინტერვიუში.
“პოგბა ამ მატჩში ითამშებს და სტურარო სათადარიგოთა სკამზე დარჩება. რაც შეეხება ბარცალის, ისე გავაკეთებთ, როგორც მისთვის იქნება უკეთესი. ვიდალს გამთამაშებლის პოზიციაზე ვიხილავთ”.
“შევეცდები, ხვალ ოპტიმალური შემადგენლობა დავაყენო. მორატა სამ დღეში თამაშს მიჩვეული არაა, ამიტომ სხვა რამის მოფიქრება მოგვიწევს. ის პროგრესირებს და მალე ამ რეჟიმსაც მიეჩვევა”.
იტალიის თასის 1/4-ფინალურ მატჩში „რომამ“ „სტადიო ოლიმპიკოზე“ „ფიორენტინას“ უმასპინძლა და ანგარიშით 0:2 დამარცხდა.
მატჩის პირველი ნახევარი გატანილი გოლების გარეშე დასრულდა. ანგარიში მეორე ნახევრის მე-15 წუთზე გაიხსნა, როდესაც თავი მარიო გომესმა გამოიჩინა. დარჩენილ დროში „რომამ“ მატჩის გადარჩენა ვერ მოახერხა. წერტილი 89-ე წუთზე იმავე გომესმა დასვა.
„რომა“ – „ფიორენტინა“ 0:2
გოლები: გომესი 65′, 89′
იტალიის თასის 1/8 ფინალურ მატჩში „ინტერმა“ „სამპდორიას“ უმასპინძლა და ანაგრიშით 2:0 დაამარცხა.
სტუმრები უკვე მე-12 წუთზე ათ კაცით დარჩნენ, როდესაც ნენად კრსტიჩმა წითელი ბარათი მიიღო. 37-ე წუთზე მასპინძლებს ანგარიშს გახსნა შეეძლოთ, თუმცა მაურო იკარდიმ პენალტი ვერ გაიტანა.
პირველი ოგლი მხოლოდ 71-ე წუთზე გავიდა – „ნერაძურის“ შემადგენლობაში სადებიუტო ბურთი შერდან შაჩირიმ გაიტანა. აღსანიშნავია, რომ შვეიცარელს საგოლე პასი ლუკას პოდოლსკის გაიტანა, შესაბამისად, ეს გოლი მასპინძელთა ორი დებიუტანტის წყალობით გავიდა. რამდენიმე წუთში მთავარმა მსაჯმა გენუელთა კიდევ ერთ ფეხბურთელი გააძევა – პაველ ვშოლეკმა მეორე ყვითელი ბარათი მიიღო. საბოლოო შედეგი კი ტაბლოზე მაურო იკარდიმ დააფიქსირა.
აქედან გამომდინარე, რობერტო მანჩნის გუნდი „კოპა იტალიას“ 1/4 ფინალში გავიდა, სადაც სამ თებერვალს „ნაპოლი“ – „უდინეზეს“ მატჩის გამარჯვებულს დაუპირისპირდება.
„ინტერი“ – „სამპდორია“ 2:0
გოლები: შაჩირი 71′, იკარდი 88′
გაფრთხილებები: ანდრეოლი 22′, პოდოლსკი 41, შაჩირი 63′ – ვშოლეკი 36′, რომანიოი 60′, გასტარდელო 78′
გაძევება: კრსტიჩიჩი 12′, ვლოშეკი 77′
იტალიის თასის ფინალური მატჩი, რომელიც „ფიორენტინასა“ და „ნაპოლის“ შორის გაიმართა, ტრიბუნაზე მომხდარი არეულობის გამო 45 წუთის დაგვიანებით დაიწყო. გუნდის გულშემატკივრებს შორის სიტუაცია იმდენად დაძაბა, რომ შეხვედრა ჩაშლის ზღვარზე იყო, თუმცა მდგომარეობის განმუხტვა მოხერხდა.
მე-11 წუთზე ნეაპოლელთა შემტევმა ლორენცო ინსინიემ ანგარიში გახსნა. ექვს წუთში იმავე ინსინიემ დუბლი გაიფორმა და „ნაპოლის“ უპირატესობა განამტკიცა.
28-ე წუთზე ხუან ვარგასმა ერთი ბურთი კი გაქვითა, მაგრამ ნეაპოლელთა ბელგიელმა თავდამსხმელმა დრის მერტენსმა მეორე ტაიმის კომპენსირებულ დროში ორბურთიანი სხვაობა აღადგინა და საბოლოოდ, „ნაპოლიმ“ ანგარიშით 3:1 იმარჯვა. აღსანიშნავია, რომ მატჩის დასრულებამდე დაახლოებით 10 წუთით ადრე ნეაპოლელთა ნახევარმცველი გიოკჰან ინლერი გააძევეს.
ამრიგად, „ნაპოლიმ“ იტალიის თასი მეხუთედ მოიგო. მანამდე ნეაპოლელებმა ეს ტიტული 1961/62, 1975/76, 1986/87, 2011/12 წლების სეზონში დაისაკუთრეს. აღსანიშნავია ისიც, რომ რაფაელ ბენიტესმა „ნაპოლისთან“ ერთად პირველივე სეზონში მოიგო თასი.
იტალიის თასის ფინალი
„ფიორენტინა“ — „ნაპოლი“ 1:3 (1:2)
გოლები: ვარგასი 28′ — ინსინიე 11′, 17′, მერტენსი 90+2′.
გაფრთხილებები: ბორხა ვალერო 10′, ილიჩიჩი 40′, ტომოვიჩი 47′, ფერნანდესი 65′ —ალბიოლი 36′, ინლერი 50′, ინსინიე 78′, რეინა 81′.
გაძევება: ინლერი 79′.
იტალიის თასის ნახევარფინალურ ეტაპზე „ნაპოლისა“ და „რომას“ შორის გამართული განმეორებითი მატჩი ნეაპოლელთა დამაჯერებელი გამარჯვებით, ანგარიშით 3:0 დასრულდა. შეგახსენებთ, რომ პირველი შეხვედრა რომაელებს ანგარიშით 3:2 ჰქონდათ მოგებული.
„სან პაოლოზე“ გამართულ მატჩში ანგარიში 33-ე წუთზე ხოსე კალეხონმა გახსნა. 48-ე წუთზე გონსალო იგუაინმა „ნაპოლის“ უპირატესობა განამტკიცა. მატჩს საბოლოო წერტილი 51-ე წუთზე ჟორჟინიომ დაუსვა — 3:0. აღსანიშნავია, რომ შეხვედრის 79-ე წუთზე მოედნიდან გააძევეს „რომას“ ნახევარმცველი კევინ სტროტმანი, რომელმაც ერთ ეპიზოდში ზედიზედ ორი ყვითელი ბარათი მიიღო. სხვათა შორის, მატჩს ესწრებოდა ლეგენდარული არგენტინელი ფეხბურთელი დიეგო მარადონა.
„ნაპოლი“ იტალიის თასის ფინალში „ფიორენტინას“ შეხვდება.
იტალიის თასი
ნახევარფინალი (II მატჩი)
„ნაპოლი“ — „რომა“ 3:0 (1:0)
გოლები: კალეხონი 33′, იგუაინი 48′, ჟორჟინიო 51′.
გაფრთხილებები: მაჯო 57′, კალეხონი 74′ — ბენატია 15′, ლიაიჩი 21′, სტროტმანი 79′, ლეანდრო კასტანი 83′.
გაძევება: სტროტმანი 79′.
იტალიის თასის ნახევარფინალურ ეტაპზე „რომასა“ და „ნაპოლის“ შორის გამართული პირველი მატჩი დრამატულად წარიმართა და საბოლოო ჯამში, ის რომაელთა გამარჯვებით, ანგარიშით 3:2 დასრულდა.
შეხვედრის პირველი ნახევარი მასპინძელთა უპირატესობით განვითარდა და რომაელები უკვე მე-13 წუთზე დაწინაურდნენ, როცა ფრანჩესკო ტოტიმ ჟერვინიო მეკარესთან ერთი ერთზე გაიყვანა, კოტ დივუარელმა ფეხბურთელმაც არ დაახანა და მასპინძლები დააწინაურა. „მგლებმა“ უპრატესობა 32-ე წუთზე განამტკიცეს, შორი მანძილიდან კევინ სტროტმანის დარტყმულს პეპე რეინამ ვერაფერი მოუხერხა.
მეორე ტაიმში ნეაპოლელები გონს მოეგნენ და შეხვედრის 47-ე წუთზე გონსალო იგუაინის გამჭოლი პასი რომაელთა მეკარე მორგან დე სანკტისმა ვერ შეაჩერა, მეტიც – ბურთი კარში წავიდა და სხვაობაც შემცირდა. მატჩის 70-ე წუთზე „ნაპოლის“ ფეხბურთელებმა ანგარიში სულაც გაათანაბრეს, გოლი დრის მერტენსის ანგარიშზეა. „ჯალოროსომ“ შეხვედრის ძირითადი დროის ამოწურვამდე ორი წუთით ადრე მაინც მოახერხა მესამე გოლის გატანა და მატჩის გამარჯვებით დასრულება, თავი ამჯერადაც ჟერვინიომ გამოიჩინა.
განმეორებითი შეხვედრა ნეაპოლში, 12 თებერვალს გაიმართება.
იტალიის თასი
ნახევარფინალი
„რომა“ — „ნაპოლი“ 3:2 (2:0)
გოლები: ჟერვინიო 13′, 88′, სტროტმანი 32′ — დე სანკტისი 47′ (ა.გ.), მერტენსი 70′.
გაფრთხილებები: ნაინგოლანი 39′ — ინლერი 85′.
