დღეს უმაღლესი ლიგის შეხვედრები გაიმართა.
წითელი ჯგუფის მატჩში თბილისში “საბურთალო” გორის “დილას” დაუპირისპირდა. თამაშმა გარდამავალი უპირატესობით ჩაიარა; ორივე გუნდი ცდილობდა ანგარიშის გახსნას. საბოლოოდ, ამის გაკეთება სტუმრებმა მოახერხეს – 27-ე წუთზე გამცემლიძემ “დილა” დააწინაურა. ამ ტაიმში აღარაფერი შეცვლილა.
მეორე ნახევარში “საბურთალო” გათანაბრებაზე იყო ორიენტირებული, “დილა” კი – სხვაობის გაზრდაზე. საბოლოოდ, მიზნის მიღწევა “საბურთალომ” მოახრერხა – 72-ე წუთზე გარსიამ გაათანაბრა. 76-ე წუთზე “დილას” მეკარე, გიორგი ბეგაშვილი გაუგდეს. ჯერ ყველაფერი არ იყო დასრულებული – 87-ე წუთზე გაგა მარგველაშვილმა “საბურთალო” წინ გაიყვანა! 2-1… სხვა საინტერესო აღარაფერი მომხდარა და ეს მატჩი ამ ანგარიშით დასრუდლა.
ამ წაგებით “დილამ” 6 ქულა დააგროვა და მეხუთე პოზიციას იკავებს, ხოლო “საბურთალოს” 7 ქულა აქვს და მეოთხე ადგილზეა.