“მანჩესტერ იუნაიტედის” ფრანგი ნახევარმცველი, პოლ პოგბა ადასტურებს, რომ “რეალის” ხელმძღვანელები აქტიურად ცდილობენ მის შეძენას. შეგახსენებთ, რომ “იუვეს” ყოფილი ფეხბურთელი “ოლდ ტრაფორდზე” 2016 წლის ზაფხულიდან ბინადრობს.
“სიმართლე გითხრათ, წინადადებები მადრიდის “რეალიდანაც” მქონდა და საკმაოდ სერიოზულად ვფიქრობდი მათ მიღებაზე. თუმცა, ამავდროულად “იუნაიტედის” შეთავაზებასაც განვიხილავდი.
არჩევანის გაკეთების დროს, მე ყოველთვის ჩემს გულს ვუსმენ. მან კი კარიერის მანჩესტერში გაგრძელება მირჩია. ამ გადაწყვეტილებას არ ვნანობ და კმაყოფილი ვარ, რომ არჩევანი “მანჩესტერში” გადასვლაზე გავაკეთე,” – აცხადებს პოგბა.
ცნობისთვის გეტყვით, რომ მიმდინარე სეზონში პოლ პოგბამ 11-ჯერ მოირგო “წითელი ეშმაკუნების” მაისური, გაიტანა სამი გოლი და გააკეთა ექვსი საგოლე გადაცემა.
