„მილანის“ ნახევარმცველმა რიკარდო კაკამ იტალიის სერია ა-ს მე-14 ტურის მატჩში „კატანიას“ კარში გატანილი გოლის შესახებ ისაუბრა.
„ამ გოლით კმაყოფილი ვარ. სინამდვილეში ელ შაარავის ან ბალოტელის ჩართვას ველოდებოდი, თუმცა, იქედან გამომდინარე, რომ იქ არავინ იყო, თვითონ დავარტყი. შედეგად, 99-ე გოლი გავიტანე. მიხარია, რომ რეგულარულად თამაშისა და გუნდის დახმარების საშუალება მაქვს. „კატანიასთან“ მოგებული მატჩი ჩვენთვის მნიშვნელოვანი იყო“, – განაცხადა ბრაზილიელმა შემტევმა.
ალექსანდრე მატევოსოვი
„მილანის“ ვიცე-პრეზიდენტმა ადრიანო გალიანიმ განაცხადა, რომ „კიევოსთან“ იტალიის სერია A-ს უახლოესი ტურის მატჩის შედეგის მიუხედავად, მასიმილიანო ალეგრი „როსონერიში“ დარჩება.
„კიევოსთან“ თამაში ჩვენთვის მნიშვნელოვანია, რადგან სატურნირო ცხრილის ლიდერებს საგრძნობლად ჩამოვრჩებით. გეტყვით, როიმ ალეგრისთვის ეს ბოლო შანსი არ იქნება. გვსურს, რომ იგი გუნდში სეზონის ბოლომდე დარჩეს. რა თქმა უნდა, თუ ანგარიშით 0:22 მარცხდები, მწვრთვნელის შეცვლაზე ფიქრი შეიძლება, თუმცა მომავალზე საუბარი არ მიყვარს“, – განაცხადა გალიანიმ.
ალექსანდრე მატევოსოვი
„მილანის“ მთავარმა მწვრთვნელმა მასიმილიანო ალეგრიმ აღნიშნა, რომ „ფიორენტინასთან“ შეხვედრაში მისი გუნდის მხრიდან გამორჩეული თამაში რიკარდო კაკამ უნდა აჩვენოს.
„კაკა პირველივე წუთებიდან ითამაშებს. იგი თავს კარგად გრძნობს, რისი წყალობითაც, მისი თამაშის გაუმჯობესდა. მას ძველი ფორმის დაბრუნების დიდი სურვილი აქვს. რიკარდო – დიდებული მოთამაშეა, რომელსაც თანაგუნდელებისთვის გამოცდილების გაზიარება შეუძლია. გარდა ამისა, სამაგალითოდ იგი მოედნის გარეთაც იქცევა“, – აღნიშნა „როსონერის“ თავკაცმა.
ალექსანდრე მატევოსოვი
კატალონიის „ბარსელონას“ მცველი ხერარდ პიკე „მილანთან“ უეფას ჩემპიონთა ლიგის ჯგუფური ეტაპის მესამე ტურში ფრედ დასრულებული მატჩით კმაყოფილი დარჩა.
„მილანს კარგი ხასიათით ვტოვებთ. ვფიქრობ, ბევრი მართალი არ იყო, როდესაც ამბობდა, რომ სან-სიროზე დიდი ანგარიშით მოვიგებთ. შესაძლოა, ზოგს აღნიშნული შედეგი უიბლო მიაჩნია. ჩვენ ასე არ ვფიქრობთ. ყველაფერთან ერთად, ჯგუფში პირველი ადგილის შენარჩუნებაც მოვახერხეთ“, – განუცხადა პიკემ „ბლაუგრანასის“ ოფიციალურ საიტს.
ალექსანდრე მატევოსოვი
კატალონიის „ბარსელონას“ თავდამსხმელმა ალექსის სანჩესმა „მილანთან“ უეფას ჩემპიონთა ლიგის ჯგუფური ეტაპის მესამე ტურის მოახლოებული შეხვედრის შესახებ გააკეთა კომენტარი.
„სან-სიროზე“ წინა მარცხის შემდეგ, კარგი გაკვეთილი მივიღეთ. „მილანი“ ბრძოლისუნარიანი გუნდია, შესაბამისად, მშვიდად ყოფნის საშუალება არ გვაქვს“, – აცხადებს ჩილელი.
„მოედანზე ყოველთვის მაქსიმუმს ვაკეთებ. „ბარსაში“ ამჟამად ბევრი მოთამაშეა. მოედანზე გასასვლელად მზად ვარ, თუმცა, არ ვიცი, მოვხვდები თუ არა გუნდის ძირითად შემადგენლიბაში. ბევრს მაკრიტიკებენ, რის გამოც საკუთარ თავზე ხშირად მიწევს მუშაობა. მიხარია, რომ ნეიმარი ჩემი თანაგუნდელია. მის გვერდით უფრო თავდაჯერებული ვარ“, – დაასრულა სანჩესმა.
ალექსანდე მატევოსოვი
იტალიის სერია ა-ს VIII ტურის მატჩი „მილანმა“ „უდინეზეს“ წინაამღდეგ გამართა. მასიმილიანო ალეგრის შეგირდებმა 22-ე წუთზე ვალტერ ბირსას გოლის წყალობით მინიმალური ანგარიშით იმარჯვეს.
წარმოგიდგენთ აღნიშნული გოლის ამსახველ ვიდეო მასალას:
„მილანის“ ახალწვეულმა ადილ რამიმ იტალიურ კლუბში თავისი ტრანსფერის თაობაზე ისაუბრა.
„აქ ყოფნით ბედნიერი ვარ. „მილანელოს“ სპორტული კომპლექსი მსოფლიოში საუკეთესოა. „მილანის“ მატჩებს პერიოდულად თვალყურს ვადევნებდი. ეს კლუბი ყოველთვის მომწონდა. ახალ თანაგუნდელებს შორის კევინ კონსტანტს და ფილიპ მექსესს ვიცნობ. ვფიქრობ, ისინი „როსონერიში“ ადაპტაციაში ხელს შემიწყობენ. „ვალენსიას“ „მილანთან“ დროზე ადრე ვარჯიშის შესაძლებლობების მიცემისთვის მადლობა მინდა გადავუხადო. ამ დროის განმავლობაში ახალ პარტიონირებთან და მწვრთვნელებთან გაცნობის საშუალება მომეცემა“, – განუცხადა 27 წლის მოთამაშემ „შავ-წითლების“ ოფიციალურ საიტს.
ალექსანდრე მატევოსოვი
გავრცელებული ინფორმაციით, „მილანის“ ხელმძღვანელობა „ვალენსიას“ მცველის ადილ რამის იჯარით აყვანაზე ფიქრობს.
გარდა ამისა, ცნობილია, რომ იტალიური კლუბის ხელმძღვანელობა ესპანური კლუბის მენეჯერებს ფრანგი მოთამაშის შეძენის თაობაზე უკვე შეუთანხმდა.
აღსანიშნავია, რომ რამის „ვალენსიას“ მთავარ მწვრთვნელთან მიროსლავ ჯუკიჩთან აქვს კონფლიქტი, რაც მის იტალიაში ტრანსფერის ალბათობას კიდევ უფრო ზრდის.
სავარაუდოდ, ადილი „როსონერიში“ ზამთრის სატრანსფერო ფანჯრის დროს გადავა. ამასთან ერთად, „შავ-წითლებს“ ზაფხულს მისი გამოსყიდვის უფლებაც ექნებათ.
რამდენიმე ევროპული გამოცემის მტკიცებით, რამი იანვრამდე საერთოდ არ ითამაშებს და ამ პერიოდში დამოუკიდებლად ივარჯიშებს.
ალექსანდრე მატევოსოვი
მოსკოვის ცსკა-ს გოლკიპერი იგორ აკინფეევი შესაძლოა, შემდეგი სეზონიდან „მილანის“ შემადგენლობაში ვიხილოთ.
რუსეთის ეროვნული ნაკრების მეკარეს „არმიელებთან“ მოქმედი კონტრაქტი მიმდინარე სეზონის ბოლოს ეწურება, შესაბამისად, უკვე ზამთრიდან მას ნებისმიერ კლუბთან მოლაპარაკებების წარმოების საშუალება ექნება.
მოგეხსენებთ, „როსონერის“ ხელმძღვანელობა 36 წლის კრისტიან აბიატის შემცვლელის ძებნას ცდილობს.
ცნობისთვის, დიდი ალბათობით, ზამთარს იტალიურ კლუბს თავისუფალი აგენტის სტატუსით მოსკოვური კლუბის იაპონელი ნახევარმცველი კეისუკე ჰონდა შეუერთდება.
„მილანის“ ვიცე-პრეზიდენტმა ადრიანო გალიანიმ განაცხადა, რომ მისი გუნდის თავდამსხმელმა მარიო ბალოტელიმ მოედანზე თავისი ემოციები უნდა აკონტროლოს.
შეგახსენებთ, რომ ორი კვირის წინ, „ნაპოლისთან“ წაგებული შეხვედრის შემდეგ, მარიომ მსაჯთან კამათის შედეგად მეორე ყვითელი ბარათი მიიღო, რასაც სამმატჩიანი დისკვალიფკაციო მოჰყვა.
„ჩვენ ბალოტელისთან ამ თემაზე არაერთხელ გვისაუბრია. მარიო ასე არ უნდა იქცეოდეს, მან კონცენტრაცია მხოლოდ თამაშზე უნდა მოახდინოს. დროა, ბალოტელიმ თავის შეკავება ისწავლოს. თუმცა ხშირად მარიო უკმაყოფილო მას შემდეგ არის, რაც მსაჯები არც ისე სწორ გადაწყვეტილებებს იღებენ“, – განაცხადა გალიანიმ.
ცნობისთვის, მიმდინარე სეზონის შვიდ ოფიციალურ შეხვედრაში „როსონერის“ მაისურით სუპერმარიომ მეტოქეთა კარი ოთხჯერ აიღო.
მოგეხსენებათ, იტალიის სერია ა-ს პირველი ხუთ ტურში „მილანმა“ მხოლოდ ხუთი ქულის მოპოვება შეძლო. ხვალ, „როსონერი“ ჩემპიონატის მორიგ შეხვედრას გამართავს – შავ-წითლების მეტოქე გენუის „სამპდორია“ იქნება. აღნიშნულ შეხვედრასთან დაკავშირებით კომენტარი გუნდის მთავარმა მწვრთვნელმა მასიმილიანო ალეგრიმ გააკეთა.
„წინ რთული მატჩი გველის. „სამპდორიას“ კარგი მწვრთვნელი ჰყავს, თანაც, გუნდი „რომასთან“ ჩატარებულ შეხვედრაში ცუდად არ გამოიყურება. ამის მიუხედავად, აუცილებლად უნდა მოვიგოთ. რაც შეეხება სატურნირო ცხრილს, სჯობს, მასში შობის დღესასწაულამდე რამოდენიმე დღით ადრე ჩავიხედოთ, რაგდან კიდევ უამრავი მატჩის ჩატარება მოგვიწევს“, – განაცხადა 46 წლის სპეციალისტმა.
ალექსანდრე მატევოსოვი
„მილანის“ თავდამსხმელმა მარიო ბალოტელიმ გულშემატკივრებსა და თანაგუნდელებს „ნაპოლისთან“ წინა ტურის შეხვედრის დასრულებისთანავე წითელი ბარათის მიღების გამო ბოდიში მოუხადა.
„მსურს, მოვუბოდიშო თანაგუნდელებს, რომლებიც ყოველდღე თავდაუზოგავად ვარჯიშობენ. გარდა ამისა, ბოდიშს არბიტრსაც ვუხდი. ვაცნობიერებ, რომ არასწორად მოვიქეცი, როდესაც თავი ვერ შევიკავე. მომავალში, შევეცდები, გავაკეთო ყველაფერი, რათა მსგავსი რამ არ განმეორდეს“, – განაცხადა სუპერმარიომ.
შეგახსენებთ, რომ ბალოტელის მიღებული წითელი ბარათისთვის 3-მატჩიანი დისკვალიფიკაცია მიესაჯა.
ალექსანდრე მატევოსოვი
