Fichajes-ის მიერ გავრცელებული ინფორმაციის თანახმად, ლონდონის “არსენალის” ჩილელი ნახევარმცველი, ალექსის სანჩესი ტურინის “იუვენტუსის” ინტერესთა სფეროში მოექცა.
წყაროს ცნობით, იტალიის ჩემპიონები ალვარო მორატას ჩანაცვლებას აპირებენ, რომელიც დიდი ალბათობით კვლავ მადრიდულ გრანდში დაბრუნდება.
“მეთოფეთა” ლიდერი კი მასიმილიანო ალეგრის სამიზნეთა სიაში პირველ ადგილზე იმყოფება. თუმცა, დიდია შანსი იმისა, რომ “იუვე” ერთადერთი კლუბი არ იყოს, რომელსაც სანჩესზე უჭირავს თვალი.
ალექსის სანჩესმა აღიარა, რომ პიანინოზე დაკვრა მისთვის განტვირთვის საუკეთესო საშუალებაა, რომელიც ყველანაირი სტრესისა და პრობლემების დავიწყებაში ეხმარება.
“პროფესიონალი პიანისტი ნამდვილად არ ვარ, თუმცა დაკვრა განტვირთვაში ძალიან მეხმარება, რამეთუ ჩემი მთელი დღე ფეხბურთს ეძღვნება. ჯერ სახლში მივდივარ, შემდეგ კი ფეხბურთია.
პიანინოზე დაკვრა ფეხბურთთან კავშირის გაწყვეტაში მეხმარება, რაც ჩემთვის ძალიან მნიშვნელოვანია.
სახლში მისულს ფეხბურთის ყურება აღარ მინდება, უბრალოდ ჩემს ძაღლთან თამაში და დროის ჩემს ოჯახთან ერტად გატარება მინდება, რაც მომდევნო დღისთვის დამუხტვაში მეხმარება.”
The Times ცნობით, ლოდნონის “არსენალის” ხელმძღვანელები ძირითადის 5 ფეხბურთელისთვის აპირებენ ახალი კონტრაქტის შეთავაზებას, თუმცა მათ პერ მერტესაკერის საკითხი ჯერ არ გადაუწყვეტიათ.
“მეთოფეებს” პირველ რიგში სანტი კასორლასთვის სურთ კონტრაქტის გახანგრძლივება, რომლის კონტრაქტიც 12 თვეში ამოიწურება. ლონდონელებს ზაფხულის სატრანსფერო ჭორებისგან ალექსის სანჩესის, მესუტ იოზილის, ჯეკ უილშეარისა და ოქსლეიდ-ჩემბერლეინის გათავისუფლებაც სურთ.
როგორც უკვე ავღნიშნეთ, ჯერჯერობით ახალი კონტრაქტი არ შეუთავაზებიათ პერ მერტესაკერისთვის, რომლის მომავალსაც მისივე ფორმა გადაწყვეტს.
ამასთანავე არსენ ვენგერი გუნდის გაძლიერებასაც აპირებს, რისთვისაც კლუბმა მას 70 მილიონი ფუნტი გამოუყო.
ალექსის სანჩესმა აღიარა, რომ “არსენალის” წარუმატებლობას პირად მარცხად თვლის და აღნიშნა, რომ ხშირად ყოფილა შემთხვევები, როცა ამის გამო ღამის ‘თეთრად’ გატარება მოუწია.
“როცა გოლების გატანას ვერ ვახერხებ, ვთვლი, რომ გუნდის ჩავარდნა ჩემი ბრალია, თავს დამნაშავედ ვგრძნობ.
სახლში მივდივარ, თუმცა დაძინებას ვერ ვახერხებ. მთელ დროს იმაზე ფიქრს ვუთმობ, თუ როგორ გავხდე უკეთესი.” – განაცხადა 27 წლის ჩილელმა, რომელიც ტრავმის შემდგომ არც თუ ისე კარგად გამოიყურება.
ალექსის სანჩესი, არსენ ვენგერის გუნდთან ერთად ბოლო ათი წლის მანძილზე პრემიერ ლიგის პირველი ტიტულის მოპოვებას აპირებს, თუმცა ამ დროისთვის “მეთოფეები” პირველადგილოსან “ლესტერს” 8 ქულით ჩამორჩებიან.
ჩემპიონთა ლიგის მერვედფინალური ეტაპის პირველ მატჩამდე, რომელშიც “ემირეიტსზე” “არსენალი” “ბარსელონას” მიიღებს, ალექსის სანჩესმა კატალონიურ კლუბს პატარა გზავნილი გაუგზავნა.
“მინდა მადლობა გადავუხადო მთლიანად “ბარსელონას” – ექიმებსა და ფსიქოთერაპისტებს, რომლებიც მუდმივად მეხმარებოდნენ და განსაკუთრებით ფეხბურთელებს, რომლებთანაც მშვენიერი მოგონებები მაკავშირებს.
თუმცა ცხოვრება გრძელდება, ჩემი აწყმო კი “არსენალთან” არის დაკავშირებული. “არსენალი” ჩემი სახლია, ჩემი ოჯახი და ძალიან ბედნიერი ვარ, რომ ერთ-ერთი მათგანი ვარ.”
როგორც იცით, ამ დროისთვის ლონდონის “ჩელსის” თავკაცობის ყველაზე რეალური ვარიანტი ხორხე სამპაოლია, რომელიც აქამდე ჩილეს ეროვნულ ნაკრებს წვრთნიდა.
The Sunday Express-ს თუ დავუჯერებთ, 55 წლის სპეციალისტმა, რომელმაც გასულ წელს ჩილეს კოპა ამერიკა მოაგებინა, უკვე დაიწყო ინგლისური ენის შესწავლა და მზადაა, სეზონის ბოლოს “სტემფორდ ბრიჯზე” გადმობარგდეს.
ინგლისური პრესის ცნობით, იმ შემთხვევაში თუ სამპაოლი მართლა ჩაიბარებს “ჩელსის”, მისი პირველი მოთხოვნა ალექსის სანჩესის აყვანა იქნება, რაც არც ისე ადვილი რამ გახლავთ.
როგორც ბრიტანული გამოცემა “დეილი სთარი” წერს, მადრიდის “რეალი” დამდეგ ზაფხულს ლონდონის “არსენალის” ფორვარდ ალექსის სანჩესის შეძენას შეეცდება.
წყაროს ცნობით, “სამეფო კლუბი” 26 წლის ჩილელი ფეხბურთელის სანაცვლოდ 50 მილიონი ევროს გაღებას აპირებს.
ალექსის სანჩესმა ინგლისის პრემიერლიგის მიმდინარე გათამაშებაში 14 მატჩი ჩაატარა, 6 გოლი გაიტანა და 1 საგოლე გადაცემა გააკეთა. ჩემპიონთა ლიგაზე ჩილელმა ფეხბურთელმა 5 მატჩში 3 ბურთი გაიტანა და 4 შედეგიანი პასი მიითვალა.
29 ნოემბერს, ინგლისის პრემიერ ლიგაში, “ნორვიჩსა” და “არსენალს” შორის გამართულ მატჩში (1:1), ალექსის სანჩესი კურიოზულ სიტუაციაში აღმოჩნდა.
24 ნოემბერს, ჩემპიონთა ლიგის გათამაშებაში, ლონდონის “არსენალსა” და ზაგრების “დინამოს” შორის გამართული მატჩის მიმდინარეობისას (3:0), ალექსის სანჩესმა ერთ-ერთ ეპიზოდში ბრწყინვალედ ითამაშა.
ლონდონის “არსენალის” ყოფილმა თვდამსხმელმა და ამჟამად “სქაი სპორტსის” ექსპერტმა ტიერი ანრიმ ვარაუდი გამოთქვა იმის შესახებ, თუ ვინ გახდება ინგლისის პრემიერლიგის 2015/16 წლების სეზონის საუკეთესო ფეხბურთელი.
“ჩემი აზრით, წლის საუკეთესო მოთამაშე ალექსის სანჩესი გახდება. ამას იმიტომ ვამბობ, რომ მას უკვე ჰქონდა შესანიშნავი სეზონი.
თუ “არსენალს” ჩემპიონობა სურს, ალექსისმა ასეთივე სეზონი უნდა ჩაატაროს და ვფიქრობ, მას ეს შეუძლია კიდეც”, – ციტირებს ანრის სიტყვებს “ევროსპორტი”.
შეგახსენებთ, რომ ალექსის სანჩესმა ინგლისის პრემიერლიგის გასულ სეზონში 35 მატჩი ჩაატარა, 16 გოლი გაიტანა და 8 საგოლე გადაცემა გააკეთა.
„ბარსელონას“ გულშემატკვირებს საყვარელი კლუბის არაერთი მნიშვნელოვანი ტრანსფერი ახსოვს. წარმოგიდგენთ მათ შორის ათ ყველაზე ძვირადღირებულ შენაძენს.
10. დიმიტრი ჩიგრინსკი (დონეცკის „შახტარიდან“ 2009 წელს)
სატრანსფერო ფასი: £ 22,5 მილიონი
დონეცკის „შახტარის“ შემადგენლობაში თამაშის პერიოდში დიმიტრი უკრაინის ჩემპიონი ორჯერ გახდა. გარდა ამისა, კლუბთან ერთად მან ქვეყნის თასი და სუპერთასი მოიგო, ასევე უეფა-ს თასის გამარჯვებული გახდა. თავისი გამორჩეული თამაშით უკრაინელი „ბარსას“ ხელმძღვანელობის ყურადღების ცენტრში მოექცა. გვარდიოლას ესმოდა, რომ პუიოლი უკვე ასაკოვანი იყო და ხშირად ტრავმებს იღებდა. ცენტრალური მცველის დაკარგვა მორიგი საჩემპიონო ტიტულისთვის ბრძოლაზე ცუდად იმოქმედებდა. სამწუხაროდ, ჩიგრინსკი „ბარსას“ ძირითადი შემადგენლობის მოთამაშედ ვერ ჩამოყალიბდა, რის გამოც ერთ წელიწადში მშობლიურ კლუბში დაბრუნება მოუწია.
9. ალექსის სანჩესი („უდინეზედან“ 2011 წელს)
სატრანსფერო ფასი: £ 23 მილიონი
სანჩესი ჩილეს ფეხბურთის ისტორიაში ყველაზე ძვირადღირებული მოთამაშე გამოდა. გარდა ამისა, „ბარსაში“ აქამდე ამ ქვეყნის სხვა წარმომადგენელს არ უთამაშია. კატალონიაში ალექსისს არც თუ ისე ცუდი სამი სეზონი ჰქონდა, რომლის დროსაც ის ეპიზოდურად დამაჯერებელი თამაშითაც გამოირჩეოდა, თუმცა, საბოლოო ჯამში, „არსენალში“ გადასვლა მოუწია.
8. დანი ალვესი („სევილიიდან“ 2008 წელს)
სატრანსფერო ფასი: £ 23,5 მილიონი
2008 წელს ჯანლუკა ძამბროტა „ბარსელონადან“ სამშობლოში დაბრუნდა, სადაც „მილანში“ ჩაირიცხა, ამიტომაც კატალლოონიელთათვის განაპირა მცველის დამატება სიკვდილ-სიცოცხლის საკითხთი იყო. არჩევანი დანი ალვესის სასარგებლოდ მიიღეს. „ბლაუგრანასში“ ბრაზილიელმა შვილის ჩინებული სეზონი ჩაატარა და ყველაზე შესაძლო ტიტული მიიღო. 2014/15 წლების სეზონის ბოლო დანიმ კლუბთან ახალი ხელშეკრულება გააფორმა.
7. არდა თურანი („ატლეტიკოდან“ 2015 წელს)
სატრანსფერო ფასი: £ 23,80 მილიონი
განვლილი სეზონის შემდეგ ლუის ენრიკეს გადაწყვეტილებებში ეჭვის შეტანა არ შეიძლებოდა. იმ შემთხვევაში, თუ მან არდა თურანის დონის ფეხბურთელის დამატება გადაწყვიტა, მაშინ ის მას ნამდვილად სჭირდება. „ატლეტიკოში“ ყოფნის პერიოდში თურქეთის ნაკრების გამორჩეულმა წევრმა არაერთი ტიტული მიითვალა და გუნდის წარმატებაში დიდი წვლილი შეიტანა.
6. მარკ ოვერმარსი („არსენალიდან“ 2000 წელს)
სატრანსფერო ფასი: £ 25 მილიონი
ოვერმარსის კატალონიის დედაქალაქში ჩატარებული ყოველი სეზონი სხვა სეზონისგან განსხვავდებოდა. სადებიუტი წელს ჰოლანდიელი ძირითადი შემადგენლობის მოთამაშე იყო და 8 გოლიდან 4 გადამწყვეტ შეხვედრებში გაიტანა. ამის შემდეგ ოვერმარსი შემადგენლობაში ტრავმკების გამო ვერ ხვდებოდა, რომელთა გამოც 2004 წელს კარიერის დასრულება მოუწია…
5. დავიდ ვილია („ვალენსიიდან“ 2010 წელს)
სატრანსფერო ფასი: £ 25 მილიონი
„ბარსას“ ძვირადღირებული ტრანსფერების ხუთეულს დავიდ ვილია ხსნის. „ლურჯ-ბროწეულისფერთა“ შემადგენლობაში გადასვლამდე ხუთი წლის განმავლობაში ის „ვალენსიის“ ფერებს იცავდა და ასზე მეტი გოლი გაიტანა. გოლების გატანა მას არც „ბარსაში“ შეუწყვიტავს, თუმცა ნახევარწლიანმა ტრავმამ მის მომავალზე დიდი გავლენა იქონია. სამწუხაროდ, ამ მიზეზით მან ევროპის 2012 წლის ჩემპიონატიც გამოტოვა, რომელიც „ფურია როხას“ ტრიუმფით დასრულდა.
4. სესკ ფაბრეგასი („არსენალიდან“ 2011 წელს)
სატრანსფერო ფასი: £ 35 მილიონი
„არსენალში“ ესპანელს აღმერთებდნენ და მისი წასვლა არ სურდათ. თუმცა, სესკმა „მეთოფეთა“ გულშემატკივრებს იმედი გაუცრუა, როდესაც განაცხადა, რომ მშობლიური „ბარსას“ შემადგენლობაში თამაშზე დიდი ხნის განმავლობაში ოცნებობს. 2011 წელს მან ეს ოცნება აისრულა, მაგრამ გუნდის სრულყოფილ მოთამაშედ ჩამოყალიბება ვერ შეძლო, რის გამო ლონდონში დაბრუნება მოუწია. „არსენალის“ მაისურის ნაცვლად მან ამჯერად „ჩელსის“ სათამაშო ფორმა მოირგო.
3. ნეიმარი („სანტოსიდან“ 2013 წელს)
სატრანსფერო ფასი: £ 48,5 მილიონი
ბრაზილიელისთვის ბრძოლაში „ბარსამ“ ყველას აჯობდა. ამავდროულად კლუბი დიდი რისკის წინაშე იყო, რადგან ნეიმერის ათამაშების გარანტია არ არსებობდა. ცოტა ხანში ბრაზილიელმა დაამტკიცა, რომ კლუბი არ შემცდარა
2. ზლატან იბრაჰიმოვიჩი („ინტერიდან“ 2009 წელს)
სატრანსფერო ფასი: £ 40 მილიონი + სამუელ ეტო’ო
ზლატან იბრაჰიმოვიჩი „ბარსაში“ 2009 წელს „ინტერიდან“ გადავიდა. შვედმა, სამწუხაროდ, თავის გამოჩენა დიდად ვერ შეძლო, რის გამოც იტალიაში დაბრუნება მოუწია. რა გახდა ამის მიზეზი? სჯობს, მის შესახებ იბრას ავტობიოგრაფიულ წიგნში შეიტყოთ
1. ლუის სუარესი („ლივერპულიდან“ 2014 წელს)
სატრანსფერო ფასი: £ 75 მილიონი
„ლივერპულში“ ბოლო სეზონში ურუგვაელმა 33 მატჩი ჩაატარა და 31 გოლი გაიტანა. ამიტომაც, 2014 წელს „ბარსელონას“ მის სანაცვლოდ თავის ისტორიაში სარეკორდო თანხის გადახდა არ დაენანა. დისკვალიფიკაციის გამო ლუისი ოფიციალურ შეხვედრებში ოქტომბრამდე ვერ თამაშობდა, მაგრამ ამან მას გუნდის სეზონის შედეგების მიხედვით, გუნდის ერთ-ერთ საუკეთესო ბომბარდირად ჩამოყალიბებაში ხელი არ შეუშალა. სუარესის, მესისა და ნეიმარის ტრიომ მთელი ევროპა გააოცა. დიდი ალბათობით, ამ ტრიოს 11 აგვისტოს თბილისში ვიხილავთ.
ჩილელი შემტევი “არსენალს” პრემიერ ლიგის სეზონის საწყის მატჩებში ვერ დაეხმარება.
The Telegraph-ის ინფორმაციით, კოპა ამერიკაზე ჩილეს ტრიუმფის შემდეგ, ალექსის სანჩესი სამკვირიან დასვენებას იღებს.
ამდენად, სანჩესი ლონდონელთა ბაზაზე 27 ივლისს დაბრუნდება და სამკვირიანი შესვენების გამო, ქომუნითი შილდზე, “ჩელსის” წინააღმდეგ იუქმებს.
შეგახსენებთ, რომ არსენ ვენგერის გუნდი მზადებას ამ კვირაში იწყებს.
