ჭდე: ანტონიო დი ნატალე

„უდინეზეს“ ვეტერანმა თავდამსხმელმა ანტონიო დი ნატალემ მიმდინარე სეზონის დასრულების შემდეგ ამჟამინდელი კლუბიდან წასვლა დაადასტურა. ამავდროულად, 38 წლის ფეხბურთელმა აღნიშნა, რომ კარიერის დასრულებას არ ჩქარობს.

„ტორინოსთან“ ხვალინდელ მატჩში ვერ ვითამაშებ, რის გამო ვწუხვალ. ბოლო ორი თვის განმავლობაში ტრავმირებული ვარ. იმედია, „კარპისთან“ შეხვედრისთვის გამოვჯანმრთელდები. ეს მატჩი ჩემთვის „უდინეზეს“ მაისურით ბოლო იქნება.

აქ ჩინებული 12 წელი მქონდა. ჩემი კარიერა ფილმს იმსახურებს, მაგრამ მთავარი გმირი უკვე აღარ ვარ. სიამაყით მივდივარ, რადგან გუნდისთვის მაქსიმუმს ვაკეთებდი. აქ ჩემი მიღწევებით ვამაყობ, თანაგუნდელების დახმარებით ბევრი გოლი გავიტანე. მოედანზე და მის გარეთ მიღწეულით ვამაყობ.

კარიერას არ ვასრულებ, მიზნები ჯერ კიდევ მაქვს. მსურს, ჯუზეპე მეაცას გავუსწრო (მეაცამ სერია ა-ში 216 გოლი გაიტანა, დი ნატალეს ანაგრიშზე კი 208 ბურთია – ავტ.)“, – ციტირებს დი ნატალეს „Football-Italia“.

დი ნატალე „უდინეზეში“ 2004 წლიდან თამაშობს.

„Gazzetta dello Sport“-ს თუ დავუჯერებთ, „უდინეზეს“ თავდამსხმელმა ანტონიო დი ნატალემ, შესაძლოა, ფეხბურთელის კარიერა უკვე 2015 წელს დაასრულოს. გამორიცხული არ არის, „ტორინოსთან“ სერია ა-ს მე-17 ტურის მატჩი მისთვის ბოლო იყოს. ხსენებული შეხვედრა ოც დეკემბერს გაიამრთება.

38 წლის მოთამაშე ბუტსების ლურსმანზე დაკიდებას ჯერ კიდევ ზაფხულში აპირებდა, თუმცა შემდეგ თავისი გადაწყვეტილება შეცვალა და კიდე ერთი სეზონით დარჩენა ისურვა.

მიმდინარე სეზონში ტოტომ იტალიის ჩემპიოანტში 11 მატჩუ ჩაატარა, თუმცა მხოლოდ 1 გოლი გაიტანა. სერია ა-ში დი ნატალეს კარიერული მაჩვენებელი 208 გოლს შეადგენს. „უდინეზეში“ ის 2004 წლიდნა თამაშობს.

ავტორიტეტული იტალიელი ჟურნალისტის ტანკრედი პალმერის თქმით, ანტონიო დი ნატალემ „უდინეზეს“ პრეზიდენტი ჯამპაოლო პოცო დაარწმუნა, რომ გუნდში შემდეგი სეზონისთვისაც დარჩება.

შეგახსენებთ, რომ მიმდინარე წლის მაისში დი ნატალემ კარიერის დასრულების შესახებ განაცხადა, თუმცა შემდგომ გადაიფიქრდა, გასულ კვირას კი 37 წლის თავდამსხმელმა სერია ა-ში თავის მე-400 მატჩში მე-200 გოლი გაიტანა.

იტალიის ჩემპიონატის ყველა დროის საუკეთესო ბომბარდირთა შორის ტოტო მეშვიდე ადგილს იკავებს და რობერტო ბაჯოს მხოლოდ ხუთი გოლით ჩამორჩება.

„უდინეზეს“ თავდამსხმელმა ანტონიო დი ნატალემ, რომელმაც იტალიის სერია ა-ს 2013/14 წლების სეზონის ბოლო ტურში ჰეთთრიკი გაიფორმა, ფეხბურთში კიდევ ერთი წლით დარჩენა გადაწყვიტა.

იანვარში 36 წლის ფორვარდმა განაცხადა, რომ სეზონის დასრულების შემდეგ კარიერის დაამთავრებდა, თუმცა, როგორც ჩანს, გამოცდილმა თავდამსხმელმა გადაწყვეტილება შეცვალა.

აღსანიშნავია, რომ ამჟამად ტოტო სერია ა-ს ყველა დროის ბომბარდირთა დავაში 190 გოლით მე-7 ადგილს იკავებს და მე-6 საფეხურზე მყოფ რობერტო ბაჯოს 15 გოლით ჩამორჩება.

დასრულებულ სეზონში ანტონიოს მონაგარმა 17 გოლი შეადგინა.

ალექსანდრე მატევოსოვი