არგენტინის ეროვნული ნაკრების თავდამსხმელ სერხიო აგუეროსათვის მსოფლიოს 2014 წლის ჩემპიონატი დასრულდა. არგენტინული Clarin-ის ცნობით, აგუეროს კუნთებზე პრობლემა 25 ივნისს, ნიგერიის ნაკრების წინააღმდეგ გამართულ მატჩში შეექმნა, რის გამოც მოედანი ნაადრევად, 38-ე წუთზე დატოვა.
აღსანიშნავია, რომ აგუეროს ამავე სახის პრობლემა 2013-14 წლების სეზონში, “მანჩესტერ სიტიში” თამაშის დროსაც ჰქონდა.
ლიონელ მესიმ ჯგუფურ ეტაპზე თავისი ნაკრების გამოსვლა შეაჯამა.
„ნიგერიასთან კარგი მატჩი ჩავატარეთ. ვფიქრობ, გულშემატკივრებმა ისიამოვნეს. საერთო ოცნებისკენ სვლას ვაგრძელებთ. ჩვენ თავისუფალი სივრცის მოძებნა და სახიფათო მომენტების შექმნა მოვახერხეთ. კარგია, რომ ძლიერ გუნდს დავუპირისპირდით, რომელსაც ბევრი გამორჩეული მოთამაშე ჰყავს. ჩემი აზრით, არგენტინა კარგი იყო, მაგრამ მე უფრო მეტი მსურდა.
წინა შეხვედრებში საკუთარ დონეზე ვერ ვითამაშეთ, თუმცა ნიგერიელებთან დაპირისპირების წინ ტაქტიკა შევცვალეთ, რაც საგოლე ეპიზოდების შექმნაში დაგვეხმარა. დაცვაში უკეთესად თამაში უნდა ვისწავლოთ.
საერთოდ კი, იძულებული ვარ აღვნიშნო, რომ წელს უჩვეულო მსოფლიო ჩემპიონატი ტარდება. ბევრი არაპროგნოზირებადი შედეგი დაფიქსირდა, მაგრამ არგენტინა ჯერჯერობით თავისი გზით მიდის“, – განაცხადა ლეომ.
ნიგერიის დედაქალაქ აბუჯაში გუშინ ტრაგიკული შემთხვევა მოხდა.ერთ-ერთ სავაჭრო ცენტრში ნიგერია-არგენტინის მატჩის საყურებლად უამრავი გულშემატკივარი შეიკრიბა. სწორედ ამ დროს იქ ძლიერი აფეთქება მოხდა, რომლის შედეგად უამრავი დაშავებული და მინიმუმ 21 გარდაცვლილია.
ნიგერიელებმა 1998 წლიდან პირველად მოახერხეს მუნდიალის პლეი-ოფში გასვლა, თუმცა ეროვნული სიხარულის დღე ეროვნულ ტრაგედიად იქცა.
პორტუ-ალეგრიში გამართული F ჯგუფის ლიდერების შეხვედრა უხვგოლიანი და სანახაობრივი გამოდგა.
არგენტინის და ნიგერიის ნაკრებების მატჩი პირველივე წუთებიდან შეტევებით დაიწყო და მაყურებელმა ორი სწრაფი გოლი იხილა. მესამე წუთზე არგიენტინელები მესიმ დააწინაურა, თუმცა პირველივე საპასუხო შეტევაში აჰმედ მუსამა ანგარიშის გათანაბრება მოახერხა.
როგორც ხშირად ხდება, სწრაფი გოლები მატჩის დინამიკაზე მოქმედებს, თუმცა გუშინდელი შეხვედრა გამონაკლისი იყო. საბელას შეგირდებმა შეუტიეს და ნიგერიის დაცვას მოსვენებას არ აძლევდნენ განსაკუთრებით დი მარია და მესი აქტიურობდნენ. შესვენებამდე რამდენიმე წუთით ადრე არგენტინელთა კაპიტანს ჯარიმი შესრულების საშუალება მიეცა, რომელიც მან ჩინებულად გამოიყენა და საკუთარი გუნდი კიდევ ერთხელ დააწინაურა.
მეორე ტაიმი ახალი დაწყებული იყო, როდესაც აჰმედ მუსამ კიდევ ერთხელ შესძლო ანგარიშის გათანაბრება. ნიგერიელებმა არგენტინის დაცვის შეცდომის ისარგებლეს. ამით მესი-მუსას დუელი დასრულდა და მალევე როხომ კვლავ დააწინაურა არგენტინელები.
მატჩის დასრულებამდე ჯერ კიდევ ბევრი დრო იყო, ბევრი იყო საგოლე მომენტებიც. ძირითიადად არგენტინელების შესრულებით, თუმცა მატჩის ბოლომდე ანგარიში აღარ შეცვლილა. არგენტინა და ნიგერია მუნდიალზე ასპარეზობას აგრძელებენ.
გოლები: მესი 3′ (0:1); მუსა 4′ (1:1); მესი 45′ (1:2); მუსა 48′ (2:2); როხო 51′ (2:3);
25 ივნისს, არგენტინისა და ურუგვაის ნაკრებებს შორის გამართულ მატჩში (3:2), ლიონელ მესიმ მეტოქეს ლამაზი საჯარიმო გაუტანა.
2014 წლის მსოფლიოს ჩემპიონატის ჯგუფურ ეტაპზე ნიგერიისა და არგენტინის ნაკრებებს შორის გამართული შეხვედრა სამხრეთამერიკელთა გამარჯვებით, ანგარიშით 3:2 დასრულდა.
მატჩის საუკეთესო ფეხბურთელად „ალბისელესტეს“ ლიდერი ლიონელ მესი დაასახელეს, რომელმაც აღნიშნულ შეხვედრაში დუბლი შეასრულა.
მესიმ მოედანზე 63 წუთი დაჰყო, გააკეთა 38 გადაცემა და კარში დაარტყა 4-ჯერ.
25 ივნისს, არგენტინისა და ნიგერიის ნაკრებებს შორის გამართულ მატჩში (3:2), კამერებმა საკმაოდ საინტერესო კადრი დააფიქსირეს.
უხვგოლიანი გამოდგა F ჯგუფის ლიდერების მატჩი, რომელშიც გამარჯვება არგეინტინელებმა იზეიმეს.
მე-3 წუთზე ანგარიში ლეო მესიმ გახსნა, თუმცა ზუსტად ერთ წუთში აჰმედ მუსამ წონასწორობა აღადგინა. მესიმ არგიტინა ტაიმის ბოლო წუთზე კვლავ დააწინაურა. 47-ე წუთზე ნიგერიამ კვალვ აჰმედ მუსას გოლით გაათანაბრა, თუმცა სამ წუთში არგენტინელები როხომ დააწინაურა და საბოლოო ანგარიშიც დააფიქსირა – 2:3
ნიგერიელებს მომდევნო ეტაპზე გასასვლელად ფრეც ჰყოფნით.
დღევანდელი მატჩი 1994 წლიდან ნიგერიისა და არგენტინის მეოთხე შეხვედრა იქნება მუნდიალზე. ყველა წინა დაპირისპირება არგენტინელების გამაჯრვებით დასრულდა, თუმცა ახლა სტივენ კეშის გუნდს მინიმუმ ფრე ესაჭიროება.
პირველ ორ შეხვედრაში ნიგერიელთა შემადგენლობა საკმაოდ განსხვავებული იყო. სავარაუდოდ, კეში ბოსნიელებთან დაყენებულ სასტარტოს მიენდობა, სადაც პირველივე წუთებიდან მოედანზე ოდემვინგე და ბაბატუნდე გამოჩნდნენ, რომლებმაც შეტევაში მნიშვნელოვნად გააძლიერეს ნიგერიელთა თამაში. მოსალოდნელია, ობოაბონას დაბრუნებაც.
ალეხანდრო საბელას გუნდი კი უკვე შემდეგ ეტაპზეა, თუმცა არგენტინელებს დამაჯერებელი თამაში ჯერ არ უჩვენებიათ. ალბისელესტეს ორივე გამარჯვება რთული ბრძოლის შედეგი იყო. ასე რომ, საუკეთესო ვარიანტის ძიებაში მყოფი საბელასგან დღეს როტაცია არ უდნა გაგვიკვირდეს. გამორიცხული არ არის, რომ არგენტინული გუნდის რამდენიმე ლიდერს დასვენების საშუალება მიეცეს.
სავარაუდო შემადგენლობები:
ნიგერია: ენიამა – ემბროუზი, იობო, ობოაბონა, ოშანივა – მიკელი, ონაზი – მუსა, ოდემვინგა, ბაბატუნდე – ემენიკე.
არგენტინა: რომერო – საბალეტა, ფერნანდესი, გარაი, ბასანტა – მასკერანო, გაგო – დი მარია, მესი, ლავეცი – აგუერო.
ევროპაბეთის კოეფიციენტები აღნიშნულ მატჩზე:
ინტერნეტ-სივრცეში საკმაოდ სახალისო ვიდეო გავრცელდა, რომლის მთავარი გმირი დიეგო მარადონაა.
იაგუარები თბილისიდან თასით მიდიან
არგენტინელი იაგუარები 41- 7 ესპანეთი
თბილისის თასის 2014 წლის გათამაშების ბოლო მატჩში ესპანეთზე გამარჯვებით იაგუარებმა თბილისის თასი მოიპოვეს.
არგენტინელებმა ხუთი ლელო დადეს და მხოლოდ ერთი მიიღეს. მეორე ნახევარში გულადი ესპანელები გვარიანად შეასკდნენ ძლიერ მოწინააღმდეგეს და პოზიტიურ ნოტაზე დაასრულეს ტურნირი.
იაგუარების მწვრთნელმა, ვერნანდო ურდანეტამ განაცხადა: „თასის მოპოვებით ნამდვილად ბედნიერები ვართ. კარგი ტურნირი გამოდგა და მოთამაშეებმაც, განსაკუთრებით კი, ახალგაზრდებმა ზღვა გამოცდილება მიიღეს. მინდა ჩემი პატივისცემა გამოვხატო ესპანეთის ნაკრების მიმართ, რომლებმაც თავიანთი ნიჭი მეორე ნახევარში გამოავლინეს და საქმე გაგვირთულეს. ახლა მთავარია, ჩემმა ბიჭებმა ეს გამოცდილება გამოიყენონ, რათა „უფროსებს“ კონკურენცია გაუწიონ.“
ესპანელებმა დიდი გულით ითამაშეს და მატჩის ბოლო წუთამდე ფარ-ხმალი არ დაუყრიათ. კაპიტანმა პაბლო ფეიხომ ნამატჩევს განაცხადა: „პირველ ნახევარში ძალიან გაგვიჭირდა. ძალიან ძლიერ მოწინააღმდეგესთან ქარის საწინააღმდეგოდ მოგვიწია თამაში და პირველ ტაიმში 30 ქულა გავუშვით. მეორე ნახევარში მოვუმატეთ. რამოდენიმე კონტრშეტევა განვახორციელეთ და ვანახეთ არგენტინელებს თუ რას წარმოვადნენდით. ლელო დავდეთ, თუმცე კიდევ რამოდენიმე ლელოს შანსი გვქონდა. საბოლოო ჯამში თამაშით კმაყოფილი ვარ. ამ ტურნირზე კარგი გამოცდილება მივიღეთ და ასეთი მაღალი დონის გუნდებთან თამაში ჩვენთვის უმნიშვნელოვანესია.“
ლო 34-10 მზარდი იტალია
თბილისის თასის მესამე რაუნდის პირველ შეხვედრაში ბორჯღალოსნებმა 34-10 სძლიეს მზარდ იტალიელებს.
პირველი ნახევრის ერთი და მეორე ნახევრის სამი ლელო (მათ შორის ორი ტექნიკური იყო), საკმარისი აღმოჩნდა გამარჯვებისათვის.
საქართველოს ნაკრები მთელი პირველი ნახევრის განმავლობაში დომინირებდა. ბურთის ფლობა და ტერიტორიული უპირატესობაც მათი იყო, რაც 13 ქულით დაუფასდათ.
ბორჯღალოსნები მე-14 წუთზე დაწინაურდნენ – ლაშა მალაღურაძემ 50 მეტრიდან შეასრულა ჯარიმა და გუნდი 3 ქულით დააწინაურა.
მალევე ბორჯღალოსნები 6 ქულით დაწინაურდნენ, მას შემდეგ რაც ბექა წიკლაურმა 22 მეტრიანი ზონის გარეთ არეკნი გაიტანა.
პირველი ნახევრის დასრულებამდე ცოტა დრო რჩებოდა, როდესაც ზურაბ ჟვანიამ ტურნირზე თავისი მეორე ლელო დადო, რომელიც მალაღურაძემ გარდასახა და ბორჯღალოსნები 13-0 დააწინაურა.
საქართველოს ნაკრებმა მეორე ნახევარი კვლავ დომინირებით დაიწყეს. ბორჯღალოსნებმა იტალიელთა შერკინება რამოდენიმეჯერ დაჯაბნეს და ტექნიკური ლელოც მიითვალეს. გარდასახვაც ზუსტი იყო და 20-0 გახდა. იტალიელებს შერკინებაში საკმაოდ გაუჭირდათ და მიღებულ ტექნიკურ ლელოს ექვს წუთში კიდევ ერთი მიამატეს. მალაღურაძემ კვლავ იზუსტა და ანგარიში 27-0 დააფიქსირა.
ჯეიმს ამბროზინის 55-ე წუთზე მიეცა ანგარიშის შემცირების შესაძლებლობა – კარის წინ დანიშნული ჯარიმა ზუსტი იყო. ამ ჯარიმას ბორჯღალოსნებმა კი მეოთხე, ბონუსის მომტანი ლელოთი უპასუხეს – ნაკრების ახალწვეულმა, 19 წლის მურაზ გიორგაძემ იტალიელთა გრძელი პასი ჩაჭრა და ლელომდე 35 მეტრი ირბინა.
იტალიელებს ფარ-ხმალი არ დაუყრიათ, რასაც მატჩის დასრულებამდე 12 წუთით ადრე მათი ლელო მოყვა და მატჩის საბოლოო ანგარიში 34-10 დაფიქსირდა.
იტალიელთა მწვრთნელმა, მარიუს ღუზენმა განაცხადა: „ბიჭებმა დღეს რაგბის კარგი გაკვეთილი მიიღეს. ქართველებმა თავიანთი ფიზიკური ძალა და გამოცდილება სრულიად გამოიყენეს, რასაც ჩვენ ვერაფერი დავუპირისპირეთ. ტურნირით კმაყოფილი ვარ და მინდა ორგანიზატორებს და განსაკუთრებით საქართველოს რაგბის კავშირს დიდი მადლობა გადავუხადო.“
ნამატჩევს მილტონ ჰეიგმა განაცხადა: „შერკინების გარჯით კმაყოფილი ვარ. დავით ქუბრიაშვილმა შესანიშნავად ითამაშა და მისი ყოფნა შეეტყო გუნდს. მოწინააღმდეგე წნეხის ქვეშ ვამყოფედ და შერკინებიდან ორი ლელოც მივითვალეთ. ხარვეზებსაც ჰქონდა ადგილი. ჩვენთვის დიდი მნიშვნელობა ჰქონდა ამ ტურნირის კარგად დასრულებას, რასაც 20 ქულიანი სხვაობით მოგებული თამაშით მივაღწიეთ კიდეც. შუა კვირას უკეთესად, რომ გვეთამაშა არგენტინას მოვუგებდით და ტურნირშიც გავიმარჯვებდით. მე საბოლოო ჯამში კმაყოფილი ვარ. ჩვენ ორი მიზანი გვქონდა: მოთამაშეების გამოცდა და ტურნირის მოგება, სამწუხაროდ ეს უკანასკნელი ვერ მოვახერხეთ.“
Rugby.Ge
არგენტინის ნაკრებმა გაჭირვებით, მაგრამ მაინც შესძლო ირანის დამარცხება.
არგენტინელებმა მეორე მატჩშიც ვერ შესძლეს დამაჯერებელი და ლამაზი ფეხბურთის ჩვენება, თუმცა კვლავ სამი ქულა ჩაიწერეს აქტივში.
ამ ფორმაციის ნიგერიის ნაკრები საკუთარ არც თუ ისე ძლიერ კონფერაციის მატჩშებშიც კი დაცვიდან თამაშობდა და არც არგეტინელებისთვის უდნა ყოფილიყო მოულოდნელი მათი დაცვითი სტილი.
ალბისელესტემ ბურთზე კონტროლი საკამაოდ იოლად მოიპოვა. შესაძლოა, ამ ფაქტორმა ისინი მოადუნა კიდეც. არგენიტინას შეტევის დასაწყისში არანაირი წინააღმდეგობა არ ხვდებოდა. ირანელები მოედნის ცენტრთან თუ შეხვდებოდნენ მეტოქეს. ასეთ თამაშში მესის და კომპანიას სისწრაფე და მობილურობა მოეთხოვებოდა, რაც გუშინდელ შეხვედრაში არ იყო.
არგენტინელები ხვდებოდნენ, რომ აქცენტი სხვა რამეზე იყო გადასატან და მეტოქეს ხიფათს სტანდარტებიდან უქმნიდნენ, სადაც ფერნანდესი, გარაი და როხო აქტიურობდნენ. სწორედ ამ უკანასკნელ ჰქონდა შეხვედრის ერთ-ერთი საუკეთესო მომენტი, თუმცა ირანელთა გოლკიპერმა, რომელმაც საკმაოდ კარგი შეხვედრა ჩაატარა, არგენტინელს გატანის საშუალება არ მისცა.
მეორე ნახევარში თამაშის სურათი არ შეცვლილა. არგენტინა კიდევ უფრო მეტად გაიხსნა, რამაც მატჩის ბოლოს ირანელებს კონტრშეტევების საშუალება მისცა, თუმცა დაღლილობამ და რომეროს კარგმა თამაშმა არგენტინელები სირცხვილისგან იხსნა.
და ბოლოს, როდესაც ნულოვან ფრეს ყველა შეეგუა, არგენტინას სიხარული ლეო მესიმ მოუტანა. კაპიტანმა მეტოქე მოატყუა, დაზღვევაზე მომავალ ფეხბურთელს დაასწრო და საჯარიმოს გარედან დაბალ კუთხეში გაისროლა – 1:0.
გოლი: მესი 90+1
