ლონდონის “არსენალის” მთავარ მწვრთნელს, არსენ ვენგერ მიაჩნია, რომ პრემიერ ლიგის 2016-17 წლების გათამაშების მოსაგებად 86 ქულაც საკმარისი იქნება (შესაძლებელი 114-დან).
“დღეს ჩვენ უფრო კონკურენტუნარიანები ვართ, ვიდრე 5 ან 6 წლით ადრე ვიყავით. მჯერა, რომ ჩვენ საკმაოდ ბევრის მიღწევა შეგვიძლია ჩემპიონატში.
თუ 9 ტურის შემდეგ სიტუაციას გავაანალიზებთ, მივხვდებით რომ პირველი ადგილისთვის ბევრი გუნდი იბრძვის. 20 ქულასთან ახლოს ბევრი გუნდი ტრიალებს. ვფიქრობ, ტურნირის მოგება 82-86 ქულითაც შეიძლება.
ახალი სეზონმა კიდევ ერთხელ გვაჩვენა, რომ თითოეულ მატჩში მაქსიმალურად უნდა დავიხარჯოთ და შანსები გამოვიყენოთ. პატარა დეტალებსაც ძალიან დიდი ყურადღება უნდა მივაქციოთ, თუ წარმატების მიღწევა გვინდა.” – განაცხადა ფრანგმა სპეციალისტმა.
