უცხოურ პრესაში გავრცელებული უახლესი ინფორმაცია, რომლის მიხედვითაც, ამერიკის შეერთებულ შტატების მთავარი მწვრთნელის პოსტს სემ ალარდაისს სთავაზობენ, თავად ინგლისელმა სპეციალისტმაც დაადასტურა.
შეგახსენებთ, რომ ამ დროისთვის აღნიშნული პოსტი ვაკანტურია – აშშ-ს საფეხბურთო ნაკრების ყოფილი თავკაცი, ბრიუს არენა, რომელმაც გუნდს მსოფლიო ჩემპიონატზე თამაშის უფლება ვერ მოუტანა, ოქტომბრის თვეში გაანთავისუფლეს.
გეტყვით იმასაც, რომ სემ ალარდაისს მერსესაიდის “ევერტონში” მისვლასაც უწინასწარმეტყველებდნენ, თუმცა “კამფეტები” დავიდ მოიესს ჩააბარეს. ასე რომ, საკმაოდ დიდი შანსია, ალარდაისი ამ შეთავაზებას დათანხმდეს.
გუშინ ინგლისის ნაკრების თავკაცი, სემ ელერდაისი დაკავებული თანამდებობიდან გაათავისუფლეს. როგორც იცით, იგი დიდი სკანდალში გაეხვა.
ამის შემდეგ, უმალვე, ვაკანტურ პოსტს ბევრი სპეციალისტი დაუკავშირეს, მათ შორის ამერიკის ნაკრების მწვრთნელი, იურგენ კლინსმანი.
გერმანელმა გავრცელებულ ხმებს სოციალური ქსელის საშუალებით უაპსუხა.
“მე ინგლისის ნაკრების მწვრთნელად? ეს არ შეეფერება სიმართლეს. ახლა არაფერზე ვფიქრობ გარდა იმ მატჩისა, რომელშიც 11 ოქტომბერს კოლუმბიის ეროვნულ გუნდს უნდა დავუპირისპირდეთ,” – განაცხადა გერმანიის ნაკრების ყოფილმა და აშშ-ის ეროვნული გუნდის ამჟამინდელმა ხელმძღვანელმა.
სოლო ჰოუპი ბრაზილიაში არც ისე პოპულარულია. რაც ნათლად გამოჩნდა ა.შ.შ-ს ქალთა ნაკრების გახსნით მატჩში (ამერიკელებმა 2-0 დაამარცხეს ახალ ზელანდიელები).
ყოველ ჯერზე, როდესაც სოლო ბურთს შეეხებოდა, “მინეირაო სტედიუმზე” შეკრებილი პუბლიკა სტვენას იწყებდა. ბრაზილიელები არც “ზიკას” სკანდირებას ერიდებოდნენ.
საქმე იმაშია, რომ აღნიშნული ფეხბურთელი უკმაყოფილებას გამოთქვამდა იმის გამო, რომ აღნიშნული მატჩის ჩატარების ადგილად ქალაქი მანაუსი აირჩიეს, სადაც “ზიკასთან” ბრძოლა უდიდეს პრობლემას წარმოადგენს.
• დღეს, ამერიკის შეერთებულ შტატებში სტარტი აიღო კოპა ამერიკის საიუბილეო, რიგით 45-ე გათამაშებამ.
• კოპა ამერიკა ისტორიაში პირველად იმართება სამხრეთ ამერიკის ფარგლებს გარეთ.
ტურნირის პირველი მატჩი კალიფორნიაში გაიმართა, სადაც ადგილობრივებს კოლუმბიის ეროვნული ნაკრები დაუპირისპირდა. ორივე გუნდი ა ჯგუფში არკვევენ ურთიერთობებს.
იურგენ კლინსმანის გუნდი საბრძოლო თერთმეტეულით თმაშობდა, ისევე როგორც ბოლივიასთან მოგებული მატჩის (4-0) მეორე ნახევარში. გუნდს მაიკლ ბრედლი კაპიტნობდა, მასთან ერთად კი გუნდის ლიდერის ფუნქციებს კლინტ დემფსი, ბრედ გუზანი და ფაბიან ჯონსონი ინაწილებდნენ.
რაც შეეხება კოლუმბიელებს, მათ ბოლო მოსამზადებელი მატჩი ჰაიტის წინააღმდეგ ჩაატარეს (3-1), რის შემდეგაც გუნდის შემადგენლობას მსხვილი კალიბრის ფეხბურთელები დაემატნენ – ხამეს როდრიგესი და ედუინ კარდონა.
“ლევის სტადიონზე” აშშ-ს გულშემატკივრები საკმაოდ აქტიურად ქომაგობდნენ საკუთარ ნაკრებს, მაგრამ კოლუმბიელებმა მატჩის დაწყებიდან მე-8 წუთზევე მოახერხეს მათი გაჩუმება – ედუინ კარდონას კუთხურს კრისტიან საპატა გამოეხმაურა, რომელმაც ფეხით ზუსტი გასროლა განახორციელა და პირველი გოლიც გაიტანა ნაკრების მაისურით.
გოლის გაშვების შემდეგ აშშ-ს გუნდი კარგა ხანს ფლობდა ბურთს, თუმცა დავიდ ოსპინაზე დიდი წნეხი ნამდვილად არ ყოფილა, თუ არ ჩავთვლით დემფსის გასროლას 30-ე წუთზე, რაც მასპინძელთა ერთადერთი საგოლე მომენტი იყო.
პირველი ტაიმის დასრულებამდე 4 წუთით ადრე მასპინძელთა სიტუაცია კიდევ უფრო გაუარესდა – დეანდე იედლინს ბურთი ხელზე მოხვდა, რაც რობერტო გარსიამ მაშინვე შეამჩნია და პენალტიც დანიშნა. 11-მეტრიანი მადრიდის “რეალის” ნახევარმცველმა, ხამეს როდრიგესმა გოლად გარდასახა და ნაკრების მაისურით მე-15 გოლიც გაიტანა.
მართალია, მეორე ტაიმი უფრო სანახაობრივი გამოდგა, თუმცა ვერცერთმა ამერიკულმა გუნდმა ვერ მოახერხა გოლის გატანა.
თავდამსხმელი მიროსლავ კლოზე, რომელსაც ზაფხულში „ლაციოსთან“ კონტრაქტი ეწურება, შესაძლოა, MLS-ის ერთ-ერთ კლუბში გადავიდეს, რის შესახებაც „Tuttomercatoweb“-ი წერს. წყაროს ინფორმაციით, კლოზეთი სამი ამერიკული კლუბი „ნიუ-იორკი სიტი“, „იკაგო ფაირი“ და „ლოს-ანჯელეს გალაქსი“ ინტერესდებიან.
სათქმელია, რომ ვეტერანის MLS-ში შესაძლო გადასვლასთან დაკავშირებით ევროპულ პრესაში უკვე დიდი ხნის განმავლობაში საუბრობენ.
კლოზე „ლაციოში“ 2011 წელს გადავიდა. ამ პერიოდში „არწივების“ შემადგენლობაში 147 მატჩში მან 55 გოლი გაიტანა.
„ლოს-ანჯელეს ლეიკერსის“ შემტევმა უკანახაზელმა კობი ბრაიანტმა 2016 წლის ოლიმპიურ თამაშებში მონაწილეობის მიღების სურვილი გამოთქვა.
„რიო-დე-ჟანეიროში ვითამაშებდი. ჩემთვის აშშ-ს ნაკრებში გამოსვლა ძალიან მნიშვნელოვანია. თანაც, ჩემს ყოფილ თანაგუნდელებთან თამაში და ოლიმპიური ატმოსფეროს გრძნობა კარგი იქნებოდა.
მგონია, გუნდს ჩემი ლიდერის თვისებები და დაცვაში თამაშის უნარი გამოადგება. თავს კვლავ ჩინებულად ვიცავ“, – ციტირებს ბრაიანტს АР-ი.
ცნობისთვის, ოლიმპიური თამაშების ფინალური მატჩის შემდეგ ორ დღეში კობის 38 წელი შეუსრულდება.
გუშინ 2017 წლის კონფედერაციის თასის საგზურისთვის ერთმანეთს აშშ-სა და მექსიკის ნაკრებები შეხვდნენ. შეხვედრა კალიფორნიის შტატის ქალაქ პასადენას სტადიონ „როუზ ბოულზე“ გაიმართა. სათქმელია, რომ მატჩმა დიდი ინტერესი დაიმსახურა – მას 93 723 მაყურებელი დაესწრო.
შეგახსენებთ, რომ შეხვედრა მექსიკელთა გამარჯვებით, ანგარიშით 3:2 დასრულდა. აქედან გამომდინარე, ორ წელიწადში რუსეთში გასამართ კონფედერაციის თასზე კონკაკაფის ზონიდან სწორედ მექსიკელები გამოვლენ.
