კატალონიის “ბარსელონას” ფეხბურთელი ნეიმარი აცხადებს, რომ ის ლიონელ მესისაგან ძალიან ბევრს სწავლობს.
შეგახსენებთ, რომ 2 მაისს, “კორდობამ” საკუთარ მოედანზე “ბარსელონა” მიიღო და მეტოქესთან დიდი ანგარიშით. 0:8 განადგურდა. მატჩის 85-ე წუთზე, მესიმ ნეიმარს პენალტის დარტყმის უფლება დაუთმო.
“ამას არასოდეს დავივიწყებ. მესი მსოფლიოს საუკეთესო ფეხბურთელია, რომელსაც მოედანზე ყველაფრის გაკეთება შეუძლია. მისი მადლობელი ვარ, რადგან მისგან ბევრ რამეს ვსწავლობ”, – ამბობს ნეიმარი.
6 მაისს, ჩემპიონთა ლიგის გათამაშებაში, “ბარსელონასა” და “ბაიერნს” შორის გამართულ მატჩში ივან რაკიტიჩმა ბასტიან შვაინშტაიგერს ბურთი ფეხებს შორის გაუძვრინა.
28 აპრილს, ესპანეთის პრიმერა დივიზიონში, “ბარსელონასა” და “ხეტაფეს” შორის გამართულ მატჩში ლიონელ მესიმ მეტოქეს შესანიშნავი გოლი გაუტანა.
“ბარსელონას” ლიდერმა ლიონელ მესიმ გუნდის ყოფილ მთავარ მწვრთნელ ტიტო ვილანოვას ხსოვნას პატივი მიაგო. შეგახსენებთ, რომ ვილანოვა გასული წლის 25 აპრილს 46 წლის ასაკში ხანგრძლივი ავადმყოფობის შემდეგ გარდაიცვალა.
“ტიტო, შენ ყოველთვის დარჩები ჩვენს მეხსიერებასა და გულებში”, – დაწერა სოციალურ ქსელში ლეო მესიმ.
შეგახსენებთ, რომ ტიტო ვილანოვა “ბარსელონას” 2012 წლის ივნისიდან 2013 წლის ივლისამდე თავკაცობდა.
“ბარსელონას” თავდამსხმელი ლუის სუარესი გაოცებული დარჩა იმ ფაქტით, რომ მადრიდის “რეალის” ფანებმა მიმდინარე სეზონში იკერ კასილასს არაერთხელ დაუსტვინეს. ურუგვაელი ფეხბურთელის თქმით, ესპანელი მეკარის მიმართ ასეთი საქციელი ყოვლად გაუმართლებელია.
“რეალის” ფანების არ მესმის. როგორ შეიძლება, დაუსტვინო ასეთი კარიერის მქონე ფეხბურთელს, რომელმაც საკმაოდ ბევრი ტიტული მოიგო. ამ ხალხმა სტატისტიკას ჩახედოს და ნახოს, რა მიღწევები აქვს კასილასს. სანამ ვინეს დაუსტვენ, უნდა დაფიქრდე”, – ციტირებს სუარესის სიტყვებს Cope.
ურუგვაელმა თავდამსხმელმა ისიც თქვა, რომ მისი თანაკლუბელი ლიონელ მესი “რეალის” ლიდერ კრიშტიანუ რონალდუზე ძლიერია.
“მესი რონალდუზე ძლიერია. ლეო უდიდესი ფეხბურთელი და ამავე დროს, ძალზედ თავმდაბალი ადამიანია. ბედნიერი ვარ, რომ მასთან და ნეიმართან ერთად თამაშის შესაძლებლობა მეძლევა”, – აღნიშნა სუარესმა.
“ბარსელონას” თავდამსხმელმა ლუის სუარესმა განაცხადა, რომ ესპანეთის პრიმერადივიზიონის 28-ე ტურში მადრიდის “რეალის” წინააღმდეგ გასამართი მატჩისთვის ემზადება.
“ვერასდროს წარმოვიდგენდი, რომ ასეთი დონის მატჩში ვითამაშებდი. ვგრძნობ, რომ ბოლო მატჩებში გუნდისთვის უფრო სარგებლიანი გავხდი და ამან დამამშვიდა. ყოველთვის თვითკრიტიკული ვიყავი. როდესაც გოლებს ვერ ვიტანდი, მესმოდა, რომ გუნდს ნაკლებად ვეხმარებოდი, თუმცა ისიც ვიცოდი, რომ გოლები მოვიდოდა”, – ციტირებს სუარესის სიტყვებს ესპანური გამოცემა “ასი”.
ლუის სუარესს მიმდინარე სეზონში ყველა ტურნირზე ერთად ჩატარებულ 28 შეხვედრაში 13 გოლი აქვს გატანილი.
ცნობისთვის, მატჩი “ბარსელონასა” და “რეალს” შორის ხვალ, თბილისის დროით ღამის 00:00 საათზე დაიწყება.
უეფას ჩემპიონთა ლიგის მერვედფინალურ ეტაპზე “ბარსელონამ” “მანჩესტერ სიტი” ორი მატჩის ჯამში ანგარიშით 3:1 დაამარცხა და ტურნირის მეოთხედფინალურ სტადიაზე თამაშის უფლება მოიპოვა.
ამრიგად, კატალონიურმა გუნდმა ჩემპიონთა ლიგის მეოთხედფინალურ ეტაპზე ზედიზედ მერვედ გააღწია, რაც ახალი რეკორდია.
შეგახსენებთ, რომ ტურნირის მეოთხედფინალური სტადიის წილისყრა პარასკევს, თბილისის დროით 15:00 საათზე დაიწყება.
სპორტულმა პორტალმა Sportskeeda-მ დაასახელა ის ათი ფეხბურთელი, რომლებსაც მიმდინარე სეზონში ევროპის საუკეთესო ლიგებში ყველაზე მეტი წარმატებული დრიბლინგი ჰქონდათ.
10. ალვარო ვასკესი – 80
9. ალექს-ოქსლეიდ ჩემბერლენი – 83
8. ალექსის სანჩესი – 90
7. ჯანელი იმბიულა – 91
6. არიენ რობენი – 95
5. ერიკ ჩუპო-მოტინგი – 95
4. რობერტო ფირმინო – 101
3. ლიონელ მესი – 127
2. ქარიმ ბელარაბი – 131
1. ედენ აზარი – 133
უეფას ჩემპიონთა ლიგის მერვედფინალურ ეტაპზე “ბარსელონა” “მანჩესტერ სიტის” შეხვდება. კატალონიური გუნდის ლიდერმა ლიონელ მესიმ მოახლოებული დაპირისპირების შესახებ ისაუბრა.
“გასული სეზონის მსგავსად, წელსაც “მანჩესტერ სიტის” ვხვდებით, რომელიც საკმაოდ ძლიერი ფეხბურთელებით არის დაკომპლექტებული. ძალიან მძიმე დაპირისპირება იქნება. ინგლისელებს ჩვენი ბარიერის დაძლევა და მეოთხედფინალში თამაში სურთ. მათ ამ სტადიაზე დიდი ხანია არ უთამაშიათ. თანაბარი თამაში იქნება. ყველაფერს მცირე შეცდომები გადაწყვეტს. მეტოქე ძლიერია და ეს ჩვენთვის დიდი გამოწვევაა”, – განუცხადა მესიმ “მუნდოს”.
წყვილის პირველი მატჩი “ეტიჰადზე”, 24 თებერვალს გაიმართება.
კატალონიური გამოცემა “მუნდო დეპორტივო” იუწყება, რომ “ბარსელონას” მცველი დანიელ ალვესი ზაფხულში კარიერას “პარი სენ-ჟერმენში” გააგრძელებს.
31 წლის ბრაზილიელ ფეხბურთელს “ბლაუგრანასთან” მოქმედი კონტრაქტის ვადა მიმდინარე წლის ივნისში ეწურება, შესაბამისად – ის პარიზულ კლუბს თავისუფალი აგენტის სტატუსით შეუერთდება. პრესაში გავრცელებული ინფორმაციის თანახმად, დანი ალვესის მიმართ ინტერესს “მანჩესტერ იუნაიტედიც” იჩენდა.
ალვესმა მიმდინარე სეზონში “ბარსელონას” ფორმით 26 მატჩი ჩაატარა და ოთხი საგოლე გადაცემა გააკეთა.
“ბარსელონას” ნახევარმცველი ხავიერ მასკერანო მადრიდის “რეალის” ლიდერ კრიშტიანუ რონალდუს გამოექომაგა, რომელმაც “ატლეტიკოსთან” განადგურების (0:4) შემდეგ იუბილე პომპეზურად აღნიშნა. ამის გამო პორტუგალიელი ფეხბურთელი საყოველთაო კრიტიკის ქარცეცხლში მოექცა.
“ყველა ისე ცხოვრობს, როგორც სურს. არ მომეწონებოდა, ვინმეს ჩემთვის რომ მიეთითებინა, თუ როგორ გამომეყენებინა თავისუფალი დრო. ჩვენ ყველანი ადამიანები ვართ. მოედანზე და კამერის წინ კი პროფესიონალები გახლავართ. ამასთან, ჩვენ პირადი ცხოვრებაც გვაქვს. ჩვენ ამის უფლება გაგვაჩნია და ეს არავის არ უნდა დაავიწყდეს”, – მასკერანოს სიტყვები Goal.com-მა გამოაქვეყნა.
“ბარსელონას” თავდამსხმელი ნეიმარი და მისი ვაჟი ოფიციალურად გახდნენ კატალონიური გუნდის ფანკლუბის წევრები.
შეგახსენებთ, რომ ცოტა ხნის წინათ “ბარსას” ფანკლუბში ჟერარ პიკესა და შაკირას მეორე შვილი საშაც გააწევრიანეს.
