ესპანური პერსის ცნობით, დანიელ ალვესმა შესაძლოა, “ბარსელონასთან” კონტრაქტი გაახანგრძლივოს.
კატალონიური გუნდი, სავარაუდოდ, მარტინ მონტოიას იანვარში შეელევა. როგორც მოგეხსენებათ, “ბარსას” ფიფასგან ტრანსფერების გაკეთება 2016 წლის იანვრამდე აქვს აკრძალული. შესაბამისად, არ არის გამორიცხული, ალვესი “ნოუ კამპზე” დატოვონ,
ბრაზილიელი მცველი “ბარსელონასგან” ორწლიან კონტრაქტს ითხოვს, თუმცა კატალონიელებს ალვესთან მოკლევადიანი ხელშეკრულების გაფორმება სურთ.
“ბარსელონას” ფეხბურთელებმა გუშინ კლუბის ერთ-ერთი სპონსორისგან, კომპანია “აუდისგან” ახალი ავტომობილები მიიღეს.
ფეხბურთელებმა შემოთავაზებული ვარიანტებიდან თავადვე აირჩიეს მათთვის სასურველი მოდელები. ყველაზე პოპულარული სერიები Audi A7 Sportback და Audi Q7 აღმოჩნდა. აღსანიშნავია, რომ მოთამაშეების გარდა პირადი ავტომობილით კლუბის მთავარი მწვრთნელი ლუის ენრიკეც დაჯილდოვდა.
“ბარსელონას” ყოფილი თავდამსხმელის, ბოიან კრკიჩის მამამ, რომელიც 2011 წლამდე კატალონიური გუნდის სკაუტად მუშაობდა, განაცხადა, რომ “ბლაუგრანას” თავის დროზე ტიბო კურტუასა და რაფაელ ვარანის დამატება შეეძლო. იმ პერიოდში ბელგიელი მეკარე “გენკში” თამაშობდა, ფრანგი მცველი კი “ლანსის” ღირსებას იცავდა. საბოლოო ჯამში, ისე მოხდა, რომ კურტუა “ჩელსიში” გადავიდა, ვარანმა კი მადრიდის “რეალს” მიაშურა.
“როდესაც კურტუა ბელგიაში თამაშობდა, ჩვენ მისი დამატების შანსი გვქონდა. ეს “ბარსაში” ჩემი მუშაობის უკანასკნელი წელი იყო. 19 წლის ტიბო “გენკის” ძირითადი მეკარე გახდა. ჩვენი ერთ-ერთი აგენტი მასთან მოლაპარაკებას აწარმოებდა. მისი თამაშის ამსახველი ბევრი ვიდეო ვნახეთ და საკმაოდ კარგი შთაბეჭდილებაც შეგვექმნა, თუმცა “ბარსელონამ” აღნიშნულ ტრანსფერში 3 მილიონი ევრო არ გაიღო. ერთი თვის შემდეგ კურტუა “ჩელსიმ” გაიფორმა.
ვარანმა ჩვენი ინტერესი მაშინ მიიქცია, როდესაც ის საყრდენი ნახევარმცველის პოზიციაზე თამაშობდა. მაშინ ვთქვი, რომ ამ ფეხბურთელისთვის ყურადღება უნდა მიგვექცია. ერთ-ერთი აგენტი “ლანსსა” და “მონაკოს” შორის გამართულ მატჩს დაესწრო, თუმცა იქიდან დაბრუნებულმა განაცხადა, რომ ვარანმა მასზე შთაბეჭდილება ვერ მოახდინა. ასე დასრულდა ეს ისტორია”, – ციტირებს კრკიჩის მამის სიტყვებს Cadena SER-ი.
მიუნხენის ”ბაიერნის” მთავარი თავკაცი, პეპ გვარდიოლა ინტერვიუში ლიონელ მესის კიდევ ერთ მიღწევას ეხმაურება. იგი მესის გუნდიდან შესაძლო წასვლაზეც საუბრობს.
”გულწრფელად ვამბობ, რომ მსურს მესიმ კარიერა ”ბარსაში” დაასრულოს. რაც შეეხება რეკორდს, მართლაც, წარმოუდგენელი მიღწევაა. რეკორდს 60 წლის განმავლობაში ვერავინ მიუახლოვდა. ლეომ კი ეს შეძლო. ვფიქრობ, რომ არგენტინელის რეკორდს 600 წელი ვერავინ მიაღწევს,” – განაცხადა პეპ გვარდიოლამ.
კატალონიის ”ბარსელონას” მთავარი მწვრთნელი ლუის ენრიკე კვიპროსში 22 ფეხბურთელთან ერთად გაემგზავრება.
”ჩემპიონთა ლიგის” ჯგუფურ ეტაპის შეხვედრას ტრავმის გამო გამოტოვებენ: ანდრეს ინიესტა და ტომას ვერმაელენი. ინფორმაციას გუნდის ოფიციალური ვებგვერდი ავრცელებს.
კატალონიის ”ბარსელონა” რიგით მე-5 ჯგუფური ეტაპის მატჩს ”აპოელის” წინააღდეგ გამართავს. თამაში 25 ნოემბერს, 23:45 წუთზე დაიწყება.
განაცხადი: ტერ შტეგენი, ბრავო, მასიპი, მონტოია, პიკე, რაკიტიჩი, ბუსკეტსი, ჩავი, ბედრო, სუარესი, მესი, ნეიმარი, რაფინია, მასკერანო, ბარტრა, დუგლასი, ალბა, სერხი რობერტო, ადრიანი, ალვეში, მატიე და მანური.
დღეს, კატალონიის ”ბარსელონა” ”კამპ ნოუზე” მე-12 ტურის შეხვედრას გამართავს. ”ლურჯ-ბროწეულისფერები” საკუთარ კედლებში ”სევილიას” მიიღებენ. მატჩამდე ლუის ენრიკემ გამოქვეყნა განაცხადი.
ყურადღება მისაქცევია ერთი ფაქტი. ლუის ენრიკემ განაცხადის მიღმა დატოვა ხავიერ მასკერანო. ამ თემაზე პრესისთვის კომენტარი არავის გაუკეთებია.
გუნდს ასევე დღევანდელ შეხვედრაში ვერ დაეხმარებიამ: მასიპი, მონტოია, დუგლასი, ვერმაელენი და ინიესტა.
სრული განაცხადი: ტერ შტეგენი, ბრავო, პიკე, ბარტრა, ალბა, ალვეში, ადრიანო, მატიე, რაფინია, რაკიტიჩი, ბუსკეტსი, ჩავი, სერხი რობერტო, პედრო, მუნირი, სუარესი, მესი და ნეიმარი.
კატალონიის ”ბარსელონას” მთავარი მწვრთნელი, ლუის ენრიკე მესის ირგვლივ გავრცელებულ ინფორმაციებს ეხმაურება.
”მე ყოველთვის მესმის, რომ ლეო ბედნიერია ”ბარსაში”. ბოლოს გავცელებული ინფორმაციების შესახებ არაფერი ვიცი. მჯერა, მესი ამაყობს, რომ ჩვენი გუნდის ღირსებას იცავს.
არ ვფიქრობ, რომ რაიმე პრობლემაა მესისა და მის გულშემატკივრებს შორის. ისინი ფეხბურთელს ისევ მხურვალედ ქომაგობენ. მსურს, ყველა მოთამაშე შემდეგ მატჩებზე ფოკუსირებული იყოს. დაცვისა და თავდასხმის ხაზში ჯერ ისევ ბევრი სამუშაოა შესასრულებელი. ჩვენთან თამაშისას კონკურეტებს ნაკლები შანსი უნდა დავუტოვოთ”. დაასრულა ლუის ენრიკემ
რაც არ უნდა დაუჯერებლად მოგეჩვენოთ, ესპანური პრესა იუწყება, რომ “ბარსელონას” ლიდერი ლიონელ მესი შესაძლოა მადრიდის “რეალში” აღმოჩნდეს.
ერთხელ “სამეფო კლუბმა” არგენტინელი ფეხბურთელის ტრანსფერის გაჩარხვა უკვე სცადა. მაშინ მადრიდელები მესის წელიწადში 25 მილიონ ევროს სთავაზობდნენ, თუმცა გარიგება არ შედგა. გავრცელებული ინფორმაციის თანახმად, მესის მიმართ ინტერესს თავად “რეალის” პრეზიდენტი ფლორენტინო პერესი იჩენს.
სავარაუდოა, რომ მესი “რეალში” გადასვლას არ დათანხმდება, თუმცა პერესი თავისას ეცდება.
2016 წელს “ბარსელონას” საპრეზიდენტო არჩევნები გაიმართება, რომელშიც კლუბის ყოფილი პრეზიდენტი ჟოან ლაპორტაც აპირებს კენჭისყრას.
რამდენიმე დღის წინათ გავრცელდა ინფორმაცია, რომლის მიხედვითაც, თუ ლაპორტა კატალონიური კლუბის პრეზიდენტი გახდება, ის გუნდის მთავარი მწვრთნელის პოსტზე მოურინიოს მიწვევას ეცდება და ამის შესახებ მას პორტუგალიელი სპეციალისტის აგენტ ჟორჟე მენდეშთან საუბარიც ჰქონდა, თუმცა ლაპორტამ ეს ცნობა უარყო.
“მომწონს იოჰან კრუიფის სამწვრთნელო ფილოსოფია. რაც შეეხება მოურინიოს, ის პროფესიონალია, პატივს ვცემ, მაგრამ ჟორჟე მენდეშთან საუბრისას მისი სახელი არც მიხსენებია. მოურინიოს აგენტს კარგად ვიცნობ, ჩვენ დიდი ხნის ნაცნობობა გვაკავშირებს და ხანდახან სხვადასხვა თემებს განვიხილავთ ხოლმე”, – ციტირებს ლაპორტას სიტყვებს Goal.com-ი.
შეიძლება დაუჯერებლად მოგეჩვენოთ, მაგრამ ბრიტანული “დეილი ექსპრესი” წერს, რომ შესაძლოა, 2016 წელს ლონდონის “ჩელსის” ამჟამინდელმა მთავარმა მწვრთნელმა ჟოზე მოურინიომ “ბარსელონა” ჩაიბაროს.
საქმე იმაში გახლავთ, რომ ფეხბურთის პორტუგალიელ სპეციალისტს კატალონიური გუნდის თავკაცის პოსტზე ჟოან ლაპორტა ხედავს, რომელიც 2016 წელს “ბარსელონას” საპრეზიდენტო არჩევნებში მონაწილეობის მიღებას აპირებს.
ლაპორტას ნათქვამიც აქვს, რომ მოურინიოს დიდ პატივს სცემს და მის აგენტთან შესანიშნავი ურთიერთობაც აქვს.
წყაროს ცნობით, თუ ლაპორტა კატალონიური კლუბის პრეზიდენტი გახდება, ის გუნდის მთავარი მწვრთნელის პოსტზე მოურინიოს მიწვევას ეცდება, თუმც რამდენად დათანხმდება პორტუგალიელი შემოთავაზებას, ეს სხვა საქმეა.
სპორტულმა პორტალმა Sportskeeda-მ ათი ყველაზე მდიდარი ფეხბურთელი დაასახელა.
*თანხები მოცემულია ევროს სახით
10. ტიერი ანრი – 57 მილიონი
9. ჯანლუიჯი ბუფონი – 63 მილიონი
8. ზლატან იბრაჰიმოვიჩი – 69 მილიონი
7. რონალდინიო – 78 მილიონი
6. ნეიმარი – 80 მილიონი
5. კაკა – 82 მილიონი
4. უეინ რუნი – 84 მილიონი
3. სამუელ ეტოო – 85 მილიონი
2. ლიონელ მესი – 146 მილიონი
1. კრიშტიანო რონალდუ – 148 მილიონი
ესპანეთის პრიმერადივიზიონის X ტურში “ბარსელონა” შინ “სელტასთან” ანგარიშით 0:1 დამარცხდა. კატალონიური გუნდის მთავარმა მწვრთნელმა ლუის ენრიკემ მარცხი მომენტების გამოუყენებლობას დააბრალა. აღსანიშნავია, რომ “ბარსელონას” ფეხბურთელებმა მატჩის განმავლობაში მეტოქე გუნდის კარის ძელს ბურთი ოთხჯერ მოარტყეს.
“19-ჯერ დავარტყით, აქედან ცხრაჯერ ბურთი კარში წავიდა, ოთხჯერ გავარტყით კარის ძელს. ჩემი აზრით, გამარჯვებას ჩვენ ვიმსახურებდით, თუმცა ასეთია ფეხბურთი. მინდოდა, რომ თამაშზე მეტი კონტროლი დაგვეწესა, მაგრამ მეტოქესგან ასეთ თამაშს მოველოდით. გოლის გატანის რამდენიმე კარგი შანსი გვქონა, თუმცა დღეს ჩვენი დღე არ იყო”, – ციტირებს ლუის ენრიკეს სიტყვებს “მარკა”.
შეგახსენებთ, რომ “ბარსელონა” ზედიზედ მეორედ დამარცხდა: წინა ტურში კატალონიურმა გუნდმა მადრიდის “რეალთან” წააგო (1:3).
“ბარსელონამ” პრიმერადივიზიონის სატურნირო ცხრილში ლიდერობა დაკარგა.
