„ბარსელონას“ მცველი დანი ალვეში დარწმუნებულია, რომ პეპ გვარდიოლა „მანჩესტერ სიტიში“ წარმატებას მიაღწევს.
„პეპი ნეიმარს ჰგავს. ორივე მათგანს რაღაცის შექმნის თვისება გააჩნია.
ის „ბაეირნს“ ტოვებს, მაგრამ, არამგონია, ეს ამბავი მოსწონდეს. გვარდიოლას ყველაფრის თავიდან გადაკეთება უყვარს. „ბაიერნში“ პეპს ამის საშუალება არ ჰქონდა, ახლა კი ის „სიტიში“ იმუშავებს“, – ციტირებს ბრაზილიელს Goal.com-ი.
“ბაიერნის” ექს-ფეხბურთელს, ჯოვანი ელბერს თუ დავუჯერებთ, პიერ ემერიკ-ობამეიანგი მიმდინარე სეზონში უფრო მეტ გოლს გაიტანდა კლუბი, რომ გამოეცვალა.
შეგახსენებთ, რომ გაბონელი ფეხბურთელი ამჟამად გერმანიის საუკეთესო ბომბარდირია 20 გოლით, ის 1 გოლით უსწრებს “ბაიერნის” პოლონელ ფორვარდს, რობერტ ლევანდოვსკის.
“”ბაიერნში” გოლების გატანა უფრო ადვილია, ვიდრე “დორტმუნდში” ან სხვა რომელიმე კლუბში.
ობამეიანგი შესანიშნავ ფორმაში იმყოფება, მისი თამაშის ცქერა დიდ სიამოვნებას მანიჭებს. თუმცა დარწმუნებული ვარ, რომ “ბაიერნში” ის უფრო მეტ გოლსაც გაიტანდა.”
ტრავმის გამო მიუნხენის „ბაიერნის“ ნახევარმცველი ხავი მარტინესი რამდენიმე კვირის განმავლობაში ვერ ითამაშებს. 27 წლის ფეხბურთელს მუხლთან დაკავშირებული პრობლემები აქვს, რის შესახებაც გამოცემა „SPORT1“ იტყობინება.
მარტინესის მოედანზე დაბრუნების ზუსტი თარიღი არ სახელდება, თუმცა, გავრცელებული ცნობით, ფეხბურთელი „იუვენტუსთან“ ჩემპიონთა ლიგის 1/8-ფინალური ეტაპის გასამართ ორივე მატჩს გამოტოვებს.
ბუნდესლიგის მიმდინარე სეზონში მარტინესმა 12 მატჩი ჩაატარა (აქედან 8 სასტარტო შემადგენლობაში დაიწყო), რომელშიც ერთი გოლი, ერთი შედეგიანი პასი და ორი ყვითელი ბარათი მიითვალა.
მიუნხენის „ბაიერნის“ მთავარი მწვრთნელი ხოსეპ გვარდიოლა თავის გუნდში ცუდი ატმოსფეროს შესახებ გავრცელებულ ჭორებს გამოეხმაურა.
„სეზონის ამ ეტაპზე, ცუდი ატმოსფეროს დროს, ასეთი შედეგების ჩვენება რთულია. გუნდში კარგი ატმოსფეროა. რა თქმა უნდა, დასვენების დროს რამდენიმე ფეხბურთელმა წონაში მოიმატა, ამიტომ მათგან მეტი პროფესიონალიზმი მოვითხოვე. ჩემზე ზეწოლა საჭირო არაა. ეს ჩემი სამსახურია. ასეთ სტილში მუშაობას მომავალშიც გავაგრძელებ“, – ციტირებს გვარდიოლას „L’ Equipe“.
დორტმუნდის „ბორუსიას“ ნახევარმცველის ნური შაჰინის აზრით, მიუნხენის „ბაიერნის“ დომინირების გამო გერმანიის ბუნდესლიგა უინტერესო ტურნირია.
„რა თქმა უნდა, ამ სიტუაციას ისე შეგვიძლია შევხედოთ, როგორც ადამიანთა უმეტესობა. მაგალითად, ჟოზე მოურინიო. ვფიქრობ, ბუნდესლიგა კარგი ტურნირია.
შესაძლოა, ინგლისში მაღალი კონკურენციაა, მაგრამ ბუნდესლიგას რამდენიმე მილიარდი და ცოტა დრო რომ მივცეთ, ყველა ვარსკვლავი მხოლოდ აქ გადმოვა.
როგორ შევაჩეროთ „ბაიერნი“? მომეცით წელიწადში 500 მილიონი და იმ გუნდს აგიშენებთ, რომელიც ამას გააკეთებს“, – ციტირებს შაჰინს გერმანული გამოცემა „კიკერი“.
ცნობილმა იტალიელმა ჟურნალისტმა ტანკრედი პალმერიმ თავდამსხმელ ლუკა ტონის კომენტარი გამოაქყენა, რომელიც მან „მანჩესტერ იუნაიტედის“ ამჟამინდელ მწვრთნელს ლუი ვან გაალს მიუძღვნა. შეგახსენებთ, რომ ჰოლანდიელ სპეციალისტთან ერთად გამოცდილ ფორვარდს მიუნხენის „ბაიერნში“ უმუშავია.
„ვან გაალს ლათინოამერიკელი ფეხბურთელები არ უყვარს. „ბაიერნში“ ის შანსს ეძებდა, რათა ჩემთან, რიბერისთან და ლუსიოსთან კონფლიქტი ჰქონოდა. ეს კი მხოლოდ იმიტომ, რომ ფანებს ვუყვარდით“, – ციტირებს ტონის პალმერი.
„ბაიერნის“ ნახევარმცველმა კინგსლი კომანმა, რომელიც პსჟ-ს აღზრდილია, განაცხადა, რომ ზლატან იბრაჰიმოვიჩთან ერთ გუნდში თამაშისგან დიდად მოხიბლული არ დარჩა.
„იბრაჰიმოვიჩთან არანაირი ურთიერთობა მქონდა. ეს იმ დონის ფეხბურთელი არ არის, რომელიც ახალგაზრდა ფეხბურთელებს რჩევებს აძლევს. ზლატანი მხოლოდ საკუთარ თავზე ფიქრობს.ძირითად გუნდში მოხვედრა და შეთამაშება გამიჭირდა. წასვლა სწორედ ამიტომ გადავწყვიტე“, – ციტირებს კომანს გერმანული გამოცემა „კიკერი“.
გერმანიის ნაკრების ყოფილი ფეხბურთელი და ამჟამად მენეჯერი ოლივერ ბირხოფი ქვეყნის მთავარ გუნდში „ბაიერნის“ კაპიტნის ფილიპ ლამის დაბრუნებას გამორიცხავს.
„ცოტა ხნის წინ მას ვესაუბრე, თუმცა ჩვენი დიალოგის თემა სულ სხვა იყო. ასეა თუ ისე, მათ, ვინც მას იცნობს და მის განცხადებებს კითხულობს, იცის, რომ ლამი ნაკრებში არ დაბრუნდება. მის გადაწყვეტილებას პატივი უნდა ვცეთ“, – ციტირებს ბირხოფს Goal.com-ი.
მიუნხენის „ბაიერნის“ ნახევარმცველი არიენ რობენი წუხს, რომ მიმდინარე სეზონის დასრულების შემდეგ ხოსეპ გვარდიოლა გუნდის მთავარი მწვრთნელის პოსტს დატოვებს.
„სამწუხაროა, რომ გვარდიოლა გუნდს ტოვებს. მისი მომავალი წასვლით გულდაწყვეტილი ვარ. ვნახოთ, ანჩელოტის თავკაცობით საქმეები როგორ გვექნება. ახალ მწვრთნელთან ყველაფრის სუფთა ფურცლიდან დაწყება მოგვიწევს.
პეპის გადაწყვეტილების მიუხედავად, წინ კიდევ ნახევარი სეზონი გვაქვს და მისი ხელმძღვანელობით ბევრი ტიტულის მოგება შეგვიძლია“, – განაცხადა ჰოლანდიელმა.
დღეს ოფიციალურად დადასტურდა, რომ შემდეგ სეზონში მიუნხენის „ბაიერნის“ იტალიელი კარლო ანჩელოტი გაწვრთნის.
„მიუნხენის „ბაიერნის“ გაწვრთნა ჩემთვის დიდი პატივი იქნება. კლუბს ნდობისთვის მადლობას ვუხდი.
ახალი გამოწვევის მიღება მიხარია. ამავდროულად ჩემს კოლეგას პეპ გვარდიოლას წარმატებების ვუხურვებ. „Mia san Mia!“, – ციტირებს სპეციალისტს მისი ოფიციალური საიტი.
ბოლო დროს ევროპული პრესა მიუნხენის „ბაიერნის“ მთავარი მწვრთNელის პსოტზე კარლო ანჩელოტის დანიშვნის შესახებ წერს, რასაც გუნდის ამჟამინდელი თავკაცი ხოსეპ გვარდიოლა გამოემხუაბრა.
„ნჩელოტი დიდებული მწვრთNელი და არაჩვეულებრივი ადამიანია. ეს ყვეალფერია, რისი თქმაც შემიძლია. კვირას „ბაიერნის“ ხელმძღვანელობას შევხვდები. მათ ჩემი პოზიცია იციან, რადგან ამ თემაზე არაერთხელ გვისაუბრია“, – განაცხადა გვარდიოლამ.
მიუნხენის „ბაიერნის“ კაპიანმა ფილიპ ლამმა ჩემპიონთა ლიგის 1/8 ფინალის წილისყრის შედეგი შეაჯამა.
„წინ ორი ტოპკლუბის ძალიან კარგი დუელი გველის. ეს ნამდვილი საფეხბურთო კლასიკაა. „იუვენტუსი“ გასული სეზონის გათამაშების ფინალში გავიდა, ასე რომ, წინ დიდი გამოცდა გველის. 1/4 ფინალში გასვლა გვსურს და მიზნის მისაღწევად ყველაფერ შესაძლებელს გავაკეთებთ“, – ციტირებს ლამს უეფა-ს ოფიციალური საიტი.
