ბრაზილიის ეროვნული ნაკრების მთავარი მწვრთნელი ლუიშ ფელიპე სკოლარი აცხადებს, რომ მისი გუნდი ნემარზეა დამოკიდებული.
შეგახსენებთ, რომ ნეიმარი მშვენიერ ფორმაში იმყოფება. “ბარსელონას” თავდამსხმელმა 2014 წლის მუნდიალზე ჩატარებულ სამ შეხვედრაში ოთხი გოლის გატანა შეძლო.
“არგენტინის ნაკრები მესიზე დამოკიდებული, ჩვენი გუნდი კი ნეიმარზე. არსებობენ ფეხბურთელები, რომლებიც სხვებისაგან გამოირჩევიან, ნეიმარი სწორედ ასეთია”, – ამბობს ბრაზილიელთა გამოცდილი თავკაცი.
2014 წლის მსოფლიოს ჩემპიონატის ჯგუფურ ეტაპზე კამერუნისა და ბრაზილიის ნაკრებებს შორის გამართული შეხვედრა „სელესაოს“ დამაჯერებელი გამარჯვებით, ანგარიშით 4:1 დასრულდა.
მატჩის საუკეთესო ფეხბურთელად ბრაზილიელთა ლიდერი ნეიმარი დაასახელეს, რომელმაც აღნიშნულ შეხვედრაში დუბლი შეასრულა.
„ბარსელონაში“ მოთამაშე ფეხბურთელმა მოედანზე 71 წუთი დაჰყო, გააკეთა 42 გადაცემა და კარში დაარტყა 4-ჯერ.
ბრაზილიის ნაკრებმა კამერუნი დიდი ანგარიშით დაამარცხა. პირველი გოლი მე-17 წუთზე ნიმარმა გაიტანა. 9 წუთში კამერუნელებმა მატიპის გოლით გაათანაბრეს, თუმცა 34-ზე ნეიმარმა დუბლი მიითვალა და ბრაზილია კვლავ დააწინაურა.
მეორე ტაიმში მუნდიალის მასპინძლებმა 49-ე წუთზე ფრედის და 84-ზე ფერნანდინიოს ძალისხმევით კიდევ ორჯერ დალაშქრეს მეტოქის კარი.
მუნდიალის მასპინძლები ჯგუფური ეტაპის ბოლო შეხვედრას აუტსაიდერთან გამართავს.
ბრაზილიელებმა პირველ ორ შეხვედრაში კარგი შთაბეჭდილება არ დატოვეს, თუმცა ოთხი ქულა მოიპოვეს და ჯგუფიდან გასვლის საკითხი ფაქტობრივად გადაწყვიტეს. სპეციალისტების პროგნოზით, ლუსი ფელიპე სკოლარი დღევანდელ შემადგენლობაში კორექტივებს შეიტანს. მოლოდინი ვერ გაამართლა ფრედმა, არც ჟო იმყოფება კარგ ფორმაში. ამიტომ, შესძლოა ბრაზილია დღეს ნომინალური ცენტრალური ფორვარდის გარეშეც კი გამოვიდეს კამერუნის წინააღმდეგ.
აფრიკელებს ორი შეხვედრის შემდეგ ჯგუფიდან გასვლის თეორიული შანსიც აღარ დარჩათ. ფოლკერ ფინკეს გუნდი შეეცდები პრესტიჟის მატჩი ჩაატაროს. კამერუნის შემადგენლობაში დღეს ბევრ ცვლილებას უნდა ველოდოთ.
სავარაუდო შემადგენლობები:
კამერუნი: იტანჯი – მბია, ნკულუ, შეიჯუ, ბედიმო – მატიპი, ენო, მაკუნი – ჩუპო-მოტინგი, ვებო, ოლინგა.
ბრაზილია: ჟულიო სეზარი – დანი ალვეში, ტიაგუ სილვა, დავიდ ლუისი, მარსელო – ლუის გუსტავო, ერნანესი – ჰალკი, ოსკარი, ნეიმარი – ფრედი.
ევროპაბეთის კოეფიციენტები აღნიშნულ მატჩზე:
ბრაზილიის ეროვნული ნაკრების კაპიტანი ტიაგო სილვა აცხადებს, რომ გუნდის თავდამსხმელ ფრედს მისი სიძლიერის დასამტკიცებლად, გოლების გატანა სულაც არ ჭირდება.
“რა თქმა უნდა, ფრედი ჩვენთვის მნიშვნელოვანი ფიგურაა. იმისათვის, რომ თავისი სიძლიერე დაამტკიცოს, გოლების გატანა სულაც არ ჭირდება. თუ მის თამაშებს კარგად დააკვირდებით, ნახავთ, რომ ის თანაგუნდელებს ტაქტიკურად დიდ დახმარებას უწევს”, – ამბობს “პარი სენ-ჟერმენის” ფეხბურთელი.
ბრაზილიის ეროვნული ნაკრების მეკარე ჟულიო სეზარი აცხადებს, რომ ის თავის შესაძლებლობებში დარწმუნებულია.
“ბევრი მაკრიტიკებდა, მაგრამ დავამტკიცე, რომ მსოფლიოს ჩემპიონატზე თამაშის ღირსი ვარ. ჩემი შესაძლებლობების ნამდვილად მჯერა, რაც ვფიქრობ, კარგია. ფიზიკურად და ფსიქოლოგიურადაც, თავს მშვენივრად ვგრძნობ და ცხადია, არაფრის მეშინია. მჯერა, ჩემს თანაგუნდელებთან ერთად მუნდიალზე წარმატებას ვიზეიმებ”, – ამბობს გამოცდილი კარის დარაჯი.
ბრაზილიის ნაკრების ფეხბურთელმა ნეიმარმა ვარჯიშზე კარების უკნიდან ჩაახვია.
ბრაზილიის ეროვნული ნაკრების ვარჯიშზე ნეიმარმა ფერნანდინიო მშვენიერი ფინტით ჩამოიტოვა.
ცნობილმა ბრაზილიელმა ფეხბურთელმა რონალდომ გერმანიის ნაკრების თავდამსხმელ მიროსლავ კლოზეს მსოფლიოს ჩემპიონატზე გატანილი მე-15 გოლი მიულოცა. ახლა ეს ფეხბურთელები მუნდიალის არსებობის ისტორიაში საუკეთესო ბომბარდირის სტატუსს 15-15 გატანილი გოლით იყოფენ.
„წარმომიდგენია, რაოდენ ბედნიერი ხარ, კლოზე. შესანიშნავი ჩემპიონატია“, – აღნიშნა რონალდომ.
კიდევ ერთი გოლი გატანის შემთხვევაში, კლოზე მსოფლიოს ჩემპიონატის ყველა დროის საუკეთესო ბომბარდირი გახდება.
შვედეთის ნაკრების და პსჟ-ს ფორვარდი ზლატან იბრაჰიმოვიჩი თვლის, რომ მსოფლიო ჩემპიონატის ფინალში ბრაზილია იტალიას დაამარცხებს და პლანეტის საუკეთესო ნაკრების წოდებას მეექვსედ მოიპოვებს.
“მუნდიალის ფიალში ბრაზილია იტალიას დაამარცხებს. იმედი მაქვს, ჩემი ფრანგი მეგობრებიც ღირსეულად იასპარეზებე ტურნირზე” – განაცხადა იბრაჰიმოვიჩმა.
შეგახსენებთ, რომ შვედეთის ნაკრები ტურნირზე პორტგალიასთან მარაცხის გამო ვერ მოხვდა.
რიო დე ჟანეიროს, რომელსაც ქაოსი და სანახაობა არასდროს აკლია, ამჟამად მსოფლიო ჩემპიონატის გამო ათასობით სტუმარს მასპინძლობს. ორ წელიწადში კი, რიო ოლიმპიურ თამაშებს მიიღებს.
ახალი ობიექტების მშენებლობასთან ერთად იზრდება ფასები. თუმცა, სწრაფი პროგრესი რიოს ერთადერთი სტრესი არ არის: ქალაქსი უცხოელებისთვის რომ უფრო პრეზენტაბელური გახდეს, სამხედროებმა და პოლიციამ ფაველებში “გაწმენდის” პროგრამა აამუშავა.
გთავაზობთ რიოს უბნების ამსახველი ცხოვრების ფოტოებს:
ბრაზილიის ნაკრების კიპერმა ჟულიო სეზარმა ერთმანეთს ნეიმარი და მარიო ბალოტელი შეადარა. „სელესაოს“ კარის დარაჯმა უპირატესობა ბრაზილიელ ფეხბურთელს მიანიჭა.
„მარიოსთან ერთად თამაშის შესაძლებლობა „ინტერში“ მქონდა. მაშინ ის სულ პატარა ბიჭი იყო, 17 ან 18 წლისა. „მანჩესტერ სიტიში“ თამაშმა და შემდეგ იტალიაში დაბრუნებამ მას გამოცდილება შესძინა, მომწიფდა, დაღვინდა და მნიშვნელოვან ფეხბურთელად იქცა.
ჩემი აზრით, ნეიმარი დღესდღეობით მსოფლიოს საუკეთესო თავდამსხმელთა სამეულში შედის. მის პროგრესს თვალს ვადევნებ, ერთ გუნდში ვთამაშობთ, ურთიერთობა გვაქვს. ეს ბიჭი მსოფლიო ფეხბურთს ბევრ რამეს შესძენს.
მარიოსა და ნეიმარს შორის არჩევანის გაკეთებას თუ მთხოვთ, მე ამ უკანასკნელს ავარჩევ. ნეიმარი უკეთესი ფეხბურთელია, უფრო სრულყოფილი და მომწიფებულია“, – აღნიშნა ჟულიო სეზარმა.
