Brendan Rodgers – Fanebi.Com – ფეხბურთი, კალათბურთი, რაგბი, სხვა

ბრენდან როჯერსი “ლესტერის” თავკაცად დაინიშნა

Posted on თებერვალი 27, 2019 by ბექა დოგრაშვილი

“ლესტერ სიტის” მთავარი მწვრთნელის პოსტზე ბრენდან როჯერსი დაინიშნა, რომელიც მანამდე გლაზგოს “სელტიკს” ედგა სათავეში. მხარეებს შორის გაფორმებულ შრომით ხელშეკრულებას ვადა 2022 წლის ივნისის ჩათვლით ექნება.

“ეს ჩემთვის დიდი პატივია. ძალას არ დავზოგავ იმისთვის, რომ “ლესტერის” ფანები თავიანთი გუნდით ვაამაყო. ჩვენ ერთად უფრო ძლიერები გავხდებით. ფეხბურთელებთან, კლუბის პერსონალთან და ქომაგებთან თანამშრომლობას ვაპირებ, რათა წინ სწორი ნაბიჯები გადავდგათ”, – ციტირებს როჯერსის სიტყვებს “ლესტერის” ოფიციალური ვებგვერდი.

“ლესტერი” ბრენდან როჯერსზე ფიქრობს

Posted on თებერვალი 25, 2019 by ბექა დოგრაშვილი

დღეს ცნობილი გახდა, რომ “ლესტერ სიტიმ” გუნდის მთავარი მწვრთნელის პოსტიდან კლოდ პიუელი გაათავისუფლა.

“მელიები” ახალი თავკაცის ძიებაში არიან და “დეილი ტელეგრაფის” ცნობით, ისინი გუნდის მთავარი მწვრთნელის პოსტზე ბრენდან როჯერსის კანდიდატურას განიხილავენ.

როჯერსი დღესდღეობით გლაზგოს “სელტიკს” უდგას სათავეში, თუმცა სავსებით შესაძლებელია, რომ მან “ლესტერს” თანხმობა განუცხადოს.

ბრენდან როჯერსმა მიმდინარე გათამაშება “სელტიკში” უნდა ჩაამთავროს, ახალი სეზონიდან კი ჩემპიონატის შეცვლა შეეძლება. კომპენსაციის სახით შოტლანდიელებმა შესაძლოა, ექვსი მილიონი გირვანქა სტერლინგი მოითხოვონ.

ბრენდან როჯერი: “მზად ვარ, წინადადებები ნებისმიერი ქვეყნიდან განვიხილო”

Posted on იანვარი 17, 2016 by ბექა დოგრაშვილი

“ლივერპულის” ყოფილმა მთავარმა მწვრთნელმა ბრენდან როჯერსმა მზადყოფნა გამოთქვა, რომ ნებისმიერი ქვეყნიდან წამოსული შემოთავაზებები განიხილოს. იქვე როჯერსმა აღფრთოვანება ვერ დამალა გარი ნევილის მიმართ, რომელიც “ვალენსიას” ჩაუდგა სათავეში.

“ნევილის სიმამაცით აღფრთოვანებული ვარ. იგი ინგლისის სატელევიზიო სტუდიიდან პირდაპირ ესპანეთში წავიდა საწვრთნელად. ენობრივი ბარიერიდან გამომდინარე, ეს არ არის ადვილი, თუმც მან საკმაოდ დიდი გამოცდილება დააგროვა.

რაც შემეხება მე, წინადადებები მაქვს ინგლისიდან და კიდევ რამდენიმე ქვეყნიდან, მაგრამ უნდა დავრწმუნდე, რომ კვლავ ვარ მოტივირებული. მინდა ნებისმიერი ქვეყნის ისეთ კლუბში მოვხვდე, რომელიც ტიტულებისთვის იბრძვის”, – ციტირებს ბრენდან როჯერსის სიტყვებს “მირორი”.

ბეისბოლისტი ბრენდან როჯერსი: “მე არ ვარ “ლივერპულის” თავკაცი”

Posted on ოქტომბერი 5, 2015ოქტომბერი 5, 2015 by ბექა დოგრაშვილი

როგორც მოგეხსენებათ, გუშინ ბრენდან როჯერსი “ლივერპულის” მთავარი მწვრთნელის პოსტიდან გაათავისუფლეს. გუშინ დატვირთული დღე ჰქონდა “კოლორადო როკიზის” ბეისბოლისტ ბრენდან როჯერსსაც, რომელსაც სოციალური ქსელის მეშვეობით იმის ახსნა მოუწია, რომ იგი სხვა ბრენდან როჯერსია და მერსისაიდული გუნდის თავკაცი არც არასოდეს ყოფილა.

“მე არ ვარ “ლივერპულის” თავკაცი”, – დაწერა თავის მიკრობლოგზე ბეისბოლისტმა, თუმცა არც ამ წარწერამ გამოიღო სასურველი შედეგი.

“ვიცით, დღეს გაგათავისუფლეს”, – მიაწერეს როჯერსის სტატუსს.

“ლივერპულმა” ბრენდან როჯერსი გაათავისუფლა

Posted on ოქტომბერი 4, 2015ოქტომბერი 4, 2015 by ბექა დოგრაშვილი

“ლივერპულმა” მთავარი მწვრთნელის პოსტიდან ბრენდან როჯერსი გაათავისუფლა.

მერსისაიდულმა გუნდმა თავკაცის გათავისუფლების შესახებ განცხადება თანაქალაქელი “ევერტონის” წინააღმდეგ ჩატარებული მატჩის (1:1) შემდეგ გაავრცელა.

“ბრენდან როჯერსს გაწეული მუშაობისა და ერთგულებისთვის მადლობას ვუხდით. მიუხედავად იმისა, რომ ეს მძიმე გადაწყვეტილებაა, ჩვენ მიგვაჩნია, რომ საუკეთესო შესაძლებლობაა მოედანზე წარმატებების მისაღწევად. გვინდა, რომ “ლივერპულს” ამბიცია და გამარჯვება დავუბრუნოთ და გვჯერა, ამის მისაღწევად ცვლილება საუკეთესო საშუალებაა. მომავალი მწვრთნელის ძებნა კვლავ მიმდინარეობს და ვიმედოვნებთ, რომ ახალ თავკაცს დროულად დავნიშნავთ”, – ნათქვამია “ლივერპულის” განცხადებაში.

შეგახსენებთ, რომ ბრენდან როჯერსი მერსისაიდულ გუნდს 2012 წლის ზაფხულიდან თავკაცობდა.

ბრენდან როჯერსი: “ვიღაცებს არ უნდათ, რომ “ლივერპულის” თავკაცი ვიყო”

Posted on სექტემბერი 27, 2015 by ბექა დოგრაშვილი

“ლივერპულის” მთავარი მწვრთნელი ბრენდან როჯერსი დარწმუნებით ამბობს, რომ ადამიანთა გარკვეულ ჯგუფს გუნდიდან მისი გაშვება სურს. შეგახსენებთ, რომ იგი “წითლებს” 2012 წლიდან თავკაცობს. ინგლისის პრემიერლიგის მიმდინარე გათამაშებაში “ლივერპულს” 11 ქულით მე-7 პოზიცია უკავია.

“ჩემი გუნდი ბრწყინვალედ მუშაობს, ფეხბურთელებთან პრეტენზია არ მაქვს, მაგრამ სრულად დარწმუნებული ვარ, არსებობს ადამიანთა გარკვეული ჯგუფი, რომელსაც არ სურს, რომ გუნდს ვთავკაცობდე.

ყველა ჩემპიონატში ერთად ჩვენ უფრო ნაკლებ მატჩში დავმარცხდით, ვიდრე “მანჩესტერ სიტი”, “ჩელსი” და “არსენალი”.

ამის მიუხედავად, შესამჩნევია ის ისტერია, რომელიც ჩვენ გარშემო გრძელდება. მე და ჩემი ფეხბურთელები დარწმუნებულნი ვართ, რომ ჩვენსას მივაღწევთ.

გუნდთან მუშაობას გავაგრძელებ, უმაღლესი დონის მოთამაშეები დაგვიბრუნდნენ. ჩვენ ერთ მუშტად შეკრული გუნდი ვართ.

ლიდერს მხოლოდ ხუთი ქულით ჩამოვრჩებით. მესმის, რას ნიშნავს აქ სამი სეზონის განმავლობაში ყოფნა: “ლივერპული” საოცარი გუნდია და მოლოდინებიც უზარმაზარია”, – როჯერსის სიტყვები Goal.com-მა გამოაქვეყნა.

კარაგერმა ბრენდან როჯერსი გააკრიტიკა

Posted on სექტემბერი 14, 2015 by ბექა დოგრაშვილი

“ლივერპულის” ყოფილმა მცველმა ჯეიმი კარაგერმა ინგლისის პრემიერლიგის მე-5 ტურში “მანჩესტერ იუნაიტედთან” დამარცხების (1:3) შემდეგ მერსისაიდული გუნდის მთავარი მწვრთნელი ბრენდან როჯერსი გააკრიტიკა.

“მატჩის დაწყებამდე ვთქვი, რომ საჭირო იყო ორი ცენტრალური თავდამსხმელის დაყენება, ნახევარმცველები კი რომბისებრად უნდა განლაგებულიყვნენ, თუმცა როჯერსმა მაინც 4-3-3 ფორმაცია არჩია.

უბრალოდ არ მესმის, რა აზრი აქვს შეტევის ფლანგზე დანი ინგსის დაყენებას. იგი ამ პოზიციიდან ბენტეკეს ვერ ეხმარება.

შეხედეთ, რამდენი სუფთა თავდამსხმელი ჰყავს “ლივერპულს”. სამაგიეროდ, ფლანგის შემტევები არ გვყავს. ფირმინიო ფლანგზე მოთამაშე თავდამსხმელი არ არის, ორიჯი ცენტრფორვარდია და იგივე ამპლუისაა დანიელ სტარიჯი. ასე რომ, ვერ ვიგებ, რატომ ათამაშებ როჯერსი გუნდს 4-3-3 სქემით.

ბრენდან როჯერსმა თავიდანვე 4-3-3 ფორმაცია აირჩია და ამ სქემამ არ გაამართლა. როდესაც “ლივერპულს” საუკეთესო სეზონი ჰქონდა, გუნდი ორი თავდამსხმელით თამაშობდა. როჯერსმა ბევრი ცენტრფორვარდი მოიყვანა, არ დაიმატა ფლანგის შემტევები და ამ დრომდე 4-3-3 სქემით აგრძელებს თამაშს”, – ციტირებს კარაგერის სიტყვებს Liverpool Echo.

ალან შირერი: “ბრენდან როჯერსმა მხოლოდ ერთი წარმატებული ტრანსფერი განახორციელა”

Posted on მაისი 26, 2015 by ბექა დოგრაშვილი

ინგლისის ეროვნული ნაკრებისა და “ნიუკასლ იუნაიტედის” ყოფილმა კაპიტანმა ალან შირერმა, რომელიც დღესდღეობით საფეხბურთო ექსპერტად მუშაობს, “ლივერპულის” სატრანსფერო პოლიტიკა გააკრიტიკა. მისი თქმით, მერსისაიდული გუნდის მთავარმა მწვრთნელმა ბრენდან როჯერსმა 2012 წლიდან მხოლოდ ერთი წარმატებული ტრანსფერი განახორციელა.

“მე ვიტყოდი, რომ მხოლოდ კოუტინიოს ტრანსფერი გამოდგა წარმატებული. დანიელ სტარიჯს ტრავმის გამო საკმაოდ დიდი პერიოდი გაუცდა.

“ლივერპულს” კარგი სატრანსფერო პოლიტიკა არ აქვს, რაც, ალბათ, არის მიზეზი გუნდის წარუმატებლობისა.

მათ უნდა დაიმატონ მსოფლიო დონის ფეხბურთელები, თუმცა შარშან, როდესაც გუნდი ჩემპიონთა ლიგაზე ასპარეზობდა, გუნდმა ასეთი ტრანსფერები ვერ განახორციელა და ახლა, როდესაც მერსისაიდელები ტურნირს მიღმა არიან, ამ მოთამაშეების გაფორმება კიდევ უფრო გაუჭირდებათ”, – შირერის კომენტარი “მირორმა” გამოაქვეყნა.

შეგახსენებთ, რომ ბრენდან როჯერსმა “ლივერპული” 2012 წელს ჩაიბარა. ამ ხნის განმავლობაში მან 24 ფეხბურთელი დაიმატა, ტრანსფერებში 211 მილიონი ფუნტ სტერლინგი დახარჯა, აქედან 8.5 მილიონი – კოუტინიოს შესაძენად.

“ლივერპულის” ფანების ნაწილი როჯერსის გათავისუფლებას და ბენიტესის დაბრუნებას მოითხოვს

Posted on მაისი 2, 2015 by ბექა დოგრაშვილი

ინგლისის პრემიერლიგის 35-ე ტურში “ლივერპულსა” და “ქუინს პარკ რეინჯერსს” შორის გამართულ შეხვედრაში მერსისაიდული გუნდის ქომაგების ნაწილმა ბრენდან როჯერსის გათავისუფლების მოთხოვნით აქცია ჩაატარა.

მატჩის მიმდინარეობისას “ენფილდს” საფრენმა აპარატმა გადაუფრინა, რომელსაც ბანერი ჰქონდა გამობმული – წარწერით: “Rodgers Out, Rafa In”.

ქომაგთა ჯგუფი როჯერსის გათავისუფლებასა და გუნდის მთავარი მწვრთნელის პოსტზე რაფაელ ბენიტესის დაბრუნებას მოითხოვს, რომელიც ამჟამად “ნაპოლის” თავკაცობს.

როჯერსი: “შეწყვიტეთ ჰენდერსონის ჯერარდთან შედარება”

Posted on მარტი 7, 2015 by ბექა დოგრაშვილი

“ლივერპულის” მთავარმა მწვრთნელმა ბრენდან როჯერსმა ჟურნალისტებს მოუწოდა, რომ კლუბის ნახევარმცველების — ჯორდან ჰენდერსონისა და სტივენ ჯერარდის ერთმანეთთან შედარება შეწყვიტონ.

“გეყოფათ ჯორდანზე ზეწოლის განხორციელება. ის, რომ ჰენდერსონი კუთხურებს აწვდის და შორი მანძილიდან ურტყამს, არ ნიშნავს, რომ იგი ახალი ჯერარდია. ჯორდანი ახალგაზრდა ბიჭია, რომელსაც დიდი ნიჭი აქვს, თუმცა სხვა ტიპის ფეხბურთელია. ამავე დროს, ნებისმიერ ახალგაზრდა მოთამაშეს ვურჩევდი, რომ მაგალითი ჯერარდისგან აეღოთ, რომელიც ნამდვილი პროფესიონალია”, – როჯერსის სიტყვები Goal.com-მა გამოაქვეყნა.

როჯერსი: “ლივერპული” საკუთარი თავის რწმენას იბრუნებს”

Posted on იანვარი 11, 2015იანვარი 10, 2015 by ბექა დოგრაშვილი

ინგლისის პრემიერლიგის XXI ტურში “ლივერპულმა” სტუმრად “სანდერლენდი” ლაზარ მარკოვიჩის კინკილა გოლის წყალობით ანგარიშით 1:0 დაამარცხა. მატჩის შემდეგ მერსისაიდული გუნდის მთავარმა მწვრთნელმა ბრენდან როჯერსმა ფეხბურთელებს თავდადებისთვის მადლობა გადაუხადა და იქვე იმედი გამოთქვა, რომ “წითლები” საკუთარი თავის რწმენას დაიბრუნებენ.

“ლივერპულმა” შესანიშნავი თამაში უჩვენა. მატჩის მიმდინარეობას ვაკონტროლებდით, თუმცა სამწუხაროა, რომ მეტის გატანა ვერ შევძელით. ვფიქრობ, გუნდი საკუთარი თავის რწმენას იბრუნებს. ბევრი ახალგაზრდა ფეხბურთელი გვყავს, რომლებიც ძალიან სწრაფად ვითარდებიან”, – ციტირებს როჯერსის სიტყვებს “როიტერი”.

“ლივერპულს” პრემიერლიგის სატურნირო ცხრილში მერვე პოზიცია აქვს დაკავებული.

როჯერსი: “ამ კვირაში შესაძლო ცხრა ქულიდან შვიდი ავიღეთ, რაც კარგი შედეგია”

Posted on დეკემბერი 7, 2014 by ბექა დოგრაშვილი

“ლივერპულის” მთავარმა მწვრთნელმა ბრენდან როჯერსმა ინგლისის პრემიერლიგის XV ტურში “სანდერლენდთან” შინ ნათამაშები მატჩი (0:0) შეაფასა.

“ფეხბურთელები სრულად დაიხარჯნენ. მეორე ტაიმში ისე ჩანდა, თითქოს შეგვეძლო გარღვევა, თუმცა “სანდერლენდმა” ამ სეზონში უკვე დაამტკიცა, რომ მისი დამარცხება რთულია. ფეხბურთელებს ვერაფერში დავდანაშაულებ.

ცოტაოდენ უნდა გაგვმართლებოდა. თუ ვერ იგებ, ის მაინც უნდა მოახერხო, რომ არ წააგო. ამ კვირაში შესაძლო ცხრა ქულიდან შვიდი ავიღეთ, რაც კარგი შედეგია”, – ციტირებს როჯერსის სიტყვებს BBC.