მიუნხენის “ბაიერნის” ნახევარმცველმა ჩაბი ალონსომ ბოლო პერიოდში ბუნდესლიგაში ესპანელი ფეხბურთელების მომრავლებაზე ისაუბრა.
“ბოლო ოთხ-ხუთ წელიწადში ბუნდესლიგა გაცილებით მიმზიდველი გახდა.
მანამდე ესპანელი ფეხბურთელები, როგორც წესი, მხოლოდ პრიმერადივიზიონსა და ინგლისის პრემიერლიგაში თამაშობდნენ.
ახლა ბუნდესლიგაში ტრანსფერების პოპულარობა იზრდება. რაულმა, რომელიც “შალკეში” 2010 წელს გადავიდა, კარი ბევრს გაუხსნა”, – ჩაბი ალონსოს სიტყვები “მარკამ” გამოაქვეყნა.
პარასკევს მთელ მსოფლიოს მზის დაბნელების ნახვის შანსი მიეცა. თუმცა, მიუნხენის „ბაიერნის“ ნახევარმცველის ჩაბი ალონსოსა და მეკარე პეპე რეინას მსგავსად ამ შემთხვევას, სავარაუდოდ, ბევრი არ შეხვდა. მოგვიანებით რეინამ თავისი „ტვიტერის“ გვერდზე საინტერესო სურათიც გამოაქვეყნა:
გარდა ამისა, „ტვიტერზე“ შოლა ამეობისა და კოლო ტურეს სახალისო სურათებიც გავრცელდა:
მიუნხენის “ბაიერნის” ნახევარმცველმა ჩაბი ალონსომ ბავარიული კლუბის ტელევიზიისათვის მიცემულ ინტერვიუში დაასახელა ყველაზე ძვირფასი ფეხბურთელი, ვისთანაც მას მაისური გაუცვლია.
როგორც ალონსო ამბობს, საუკეთესო ფეხბურთელი, ვისთანაც მას მაისური გაუცვლია, ზინედინ ზიდანია.
მიუნხენის „ბაიერნის“ ნახევარმცველმა ჩაბი ალონსომ, რომელმაც „ჰამბურგთან“ ბუნდესლიგის ბოლო ტურის მატჩი კუნთების პრობლემის გამო გამოტოვა, გუშინდელ ვარჯიშში მონაწილეობა მიიღო, რაც მის დონეცკის „შახტართან“ უეფა-ს ჩემპიონთა ლიგის 1/8-ფინალური ეტაპის დღევანდელ მატჩში თამაშს არ გამორიცხავს.
ხსენებულ შეხვედრაში დანამდვილებით ფრანკ რიბერი ითამაშებს, ფილიპ ლამი კი ახლაც ლაზარეთში რჩება. შეგახსენებთ, რომ მიუნხენელთა კაპიტანმა ტრავმა 18 ნოემბერს მიიღო. ასევე მკურნალობას ხავი მარტინესი და ტიაგო ალკანტარა აგრძელებენ.
მიუნხენის “ბაიერნის” ნახევარმცველმა ჩაბი ალონსომ სპეციალუტად Daily Mail-ისათვის ჩემპიონთა ლიგის ყველა დროის სიმბოლური ნაკრები შეადგინა. ესპანელმა ფეხბურთელმა საუკეთესო თერთმეტეულში ის ფეხბურთელები შეიყვანა, რომელთან ერთადაც უთამაშია.
მანუელ ნოიერი
ფილიპ ლამი
სერხიო რამოსი
კარლეს პუიოლი
დავიდ ალაბა
ზინედინ ზიდანი
პოლ სქოულზი
ჩავი
სტივენ ჯერარდი
კრიშტიანო რონალდუ
ლიონელ მესი
მიუნხენის „ბაიერნის“ ნახევარმცველმა ჩაბი ალონსომ, რომელიც ბუნდესლიგაში მიმდინარე წლის ზაფხულში გადავიდა, გერმანიის პირველობა ესპანეთის პრიმერა დივიზიონს შეადარა.
„ბუნდესლიგის გუნდები პრიმერას გუნდებზე უფრო სწრაფად თამაშობენ. თუმცა ესპანურ ლიგაში უფრო ტექნიკური ფეხბურთელები გამოდიან. ვიტყოდი, რომ ბუნდესლიგა ინგლისის პრემიერლიგასთანაც კი ახლოსაა“, – განაცხადა ალონსომ.
„გერმანიაში გულშემატკივარებსაც აღვნიშნავდი. სტადიონებზე ისინი დაუვიწყარ ატმოსფეროს ქმნიან“, – დაასრულა ესპანელმა შუახაზელმა.
რამდენიმე დღის წინ ჩაბი ალონსომ „ოქროს ბურთის“ ფავორიტად თავისი ამჟამინდელი გუნდის მეკარე მანუელ ნოიერი დაასახელა, რასაც პრესაში ბევრი საუბარი მოჰყვა. არაერთმა გამოცემამ იმის შესახებაც დაწერა, რომ ამ ინტერვიუს გამო რონალდუ ალონსოზე განაწყენდა.
როგორც გაირკვა, გუშინ 32 წლის ნახევარმცველმა პორტუგალიელს დაურეკა და მოუბოდიშა. გარდა ამისა, ყოიფილ თანაგუნდელს ალონსომ აუხსნა, რომ ნოიერი მხოლოდ „ოქროს ბურთის“ მოგების ერთ-ერთ რეალურ კანდიდატად მოიხსენია.
თავის მხვრივ, კრიშტიანუმ აღნიშნა, რომ ალონსოს სიტყვების გამო იგი გაბრაზებული არ არის, რისი წყალობითაც, ორივე ფეხბურთელმა შესაძლო კონფლიქტი თავიდან მოიცილა
ინტერვიუში ალონსომ ისიც აღნიშნა, რომ მანუელ ნოიერი საუკეთესო მეკარეა, რომელთან ერთადაც მას თამაში მოუწია. როგორც „მარკა“ წერს, ამ თემაზე ჩაბი იკერ კასილასთან საუბარს არ აპირებს.
მიუნხენის “ბაიერნის” ნახევარმცველ ჩაბი ალონსოს განცხადებამ, რომლის მიხედვითაც, “ოქროს ბურთი” ბავარიელთა მეკარე მანუელ ნოიერს უნდა გადაეცეს, მადრიდის “რეალის” ბანაკში უარყოფითი რეაქცია გამოიწვია.
პირველ რიგში, საუბარია კრიშტიანუ რონალდუზე, რომელიც “ოქროს ბურთის” მოპოვების ერთ-ერთი მთავარი ფავორიტია.
რადიოსადგურ Cadena Cope-ს ცნობით, პორტუგალიელმა ფეხბურთელმა ახლო წრეში საუბრისას განაცხადა, რომ ჩაბი ალონსოს სიტყვებმა გაანაწყენა. რონალდუს წყენის მიზეზი ის გახლავთ, რომ ბასკი ნახევარმცველი გასული წლების განმავლობაში “ოქროს ბურთისთვის” ბრძოლაში რონალდუს გულმხურვალედ ქომაგობდა, ახლა კი მან პოზიცია შეიცვალა.
შეგახსენებთ, რომ “ოქროს ბურთის” დაჯილდოების საზეიმო ცერემონიალი 2015 წლის 12 იანვარს, შვეიცარიის ქალაქ ციურიხში ჩატარდება.
მიუნხენის „ბაიერნის“ ნახერვარმცველის ჩაბი ალონსოს აზრით, მისი გუნდის მეკარემ მანუელ ნოიერმა „ოქროს ბურთის“ მოგება დაიმსახურა.
„თუ ნოიერი „ოქროს ბურთს“ მიიღებს, ეს სამართლიანი გადაწყვეტილება იქნება. იგი საუკეთესო მეკარეა, რომელთან ერთადაც თამაში მომიწია. გარდა ამისა, მანუელი აქტიური თავისი საჯარიმოს გარეთაცაა.
კრიშტიანუ რონალდუ ან მესი? თუ გუნდურ წარმატებაზე ვისაუბრებთ, მაშინ გერმენელებზე უკეთესი წელს არავინ იყო“, – განაცხადა ალონსომ.
18 ოქტომბერს, ბრემენის “ვერდერის” წინააღმდეგ გამართულ მატჩში მიუნხენის “ბაიერნის” ფეხბურთელმა ჩაბი ალონსომ მეტოქეს შესანიშნავი გოლი გაუტანა.
27 სექტემბერს, გერმანიის ბუნდესლიგაში “კიოლნმა” საკუთარ მოედანზე მიუნხენის “ბაიერნი” მიიღო და მეტოქესთან ანგარიშით 0:2 დამარცხდა.
აღსანიშნავია, რომ სტუმრები ძალიან დიდ უპირატესობას ფლობდნენ, ჩაბი ალონსომ კი ბუნდესლიგაში ახალი რეკორდი დაამყარა. ესპანელი ნახევარმცველი მატჩის მიმდინარეობისას ბურთს 206-ჯერ შეეხო, ხოლო 196 ზუსტი პასი გააკეთა.
აქამდე, რეკორდი ტიაგო ალკანტარას ეკუთვნოდა, რომელიც ერთ მატჩში ბურთს 185-ჯერ შეეხო და 159 ზუსტი პასი გააკეთა.
მადრიდის ”რეალის” ლეგენდარულმა ფეხბურთელმა, უგო სანჩესმა დი მარიასა და ალონსოს წასვლაზე გააკეთა კომენტარი.
”კლუბის შიდა სამზარეულოში ჩახედული არ ვარ, ასე რომ დი მარიასა და ალონსოს წასვლა, გუნდს რამდენად დაეტყობა ვერ გეტყვით. კლუბს ხარჯები დაუგროვდა და მათი გაყიდვა აუცილებელი გახდა. ”რეალმა” მიმდინარე წლის სატრანსფერო ბაზარზე დიდი ფული დახარჯა და უბრალოდ შეუძლებელი იყო სრული შემადგენლობით გაეგრძელებინა სეზონი. ეს ფეხბურთის მათემატიკაა. ყველაფერი ხელმძღვანელობაზეა დამოკიდებული.”
”ვფიქრობ, რომ ანჩელოტის, დი მარიას და ალონსოს დარჩენა სურდა. პირველ რიგში დი მარიასი, რადგან ალონსოს შეცვლის უამრავი ვარიანტი ჰქონდა, დი მარია კი ”რეალის” შემადგენლობაში ერთ-ერთი საუკეთესო იყო.” – განაცხადა უგო სანჩესმა.
