ჭდე: ჩელსი

აბრამოვიჩმა სიმეონეს სათამაშო სტილი დაიწუნა

Posted on by იაკობ კაპანაძე

ინგლისურ Daily Mail-ში გავრცელებული ინფორმაციის თანახმად, “ჩელსის” მფლობელს, რომან აბრამოვიჩს დიეგო სიმეონეს სათამაშო სტილი არ მოსწონს.

როგორც იცით, დიეგო სიმეონე დაახლოებით იმავე სტილის ფეხბურთის მიმდევარია, როგორიც ჟოზე მოურინიოს მოსწონდა, რომლის თავკაცობითაც ლონდონური კლუბი საშინე მდგომარეობაში იმყოფებოდა.  გამომდინარე აქიდან შანსები იმისა, რომ სიმეონე “სტემფორდ ბრიჯზე” გადმობარგდეს ძალიან მცირეა.

შეგახსენებთ, რომ “არისტოკრატები”   მთავარი მწვრთნელის პოსტზე მასიმილიანო ალეგრისა (“იუვენტუსი) და ანტონიო კონტეს (იტალიის ნაკრები) კანდიდატურასაც განიხილავენ.

 

„ალეგრი „ჩელსიში“ იმუშავებს“

Posted on by Alix

ჯოვანი გალეონეს აზრით, რომელიც მასიმილიანო ალეგრის მისი ფეხბურთელობის პერიოდში თავკაცობდა, სპეციალისტი სეზონის ბოლოს „იუვენტუსს“ დატოვებს და მუშაობას „ჩელსიში“ გააგრძელებს.

„ვფიქრობ, მაქსი „ჩელსის“ ჩაიბარებს და წარმატებას მაიღწევს. ალეგრის წარმოუდგენელი რამ გამოსდის, მიუხედავად იმისა, რომ კლუბმა მისი მოთხოვნა არ დააკმაყოფილა და გიოტცე და ისკო არ დაიმატა.

ის იტალიიდან წავა. ვფიქრობ, მუშაობას ინგლისში გააგრძელებს, რადგან რომან აბრამოვიჩმა მას უბრალოდ ბრწყინვალე წინადადება შესთავაზა.

ალეგრი მსოფლიოს ხუთ საუკეთესო მწვრთნელს შორისაა და მას „იუვენტუსის“ დატოვება მოუწევს, რადგან იტალიაში დარჩენის აზრი არ არის“, – ციტირებს გალეონეს Goal.com-ი.

ზუმა ევრო-2016-ს გამოტოვებს

Posted on by Alix

„მანჩესტერ იუნაიტედთან“ მატჩში „ჩელსის“ მცველმა კურტ ზუმამ მუხლის მძიმე ტრავმა მიიღო. როგორც ლონდონური კლუბის პრესსამსახური იუწყება, ფეხბურთელს 48 საათის განმავლობაში ოპერაცია ჩაუტარდება, რის შემდეგ ის თამაშს, დაახლოებით, 6 თვის განმავლობაში ვერ მოახერხებს.

„48 საათის განამვლოობაში ოპერაცია ჩატარდება. როგორც მოსალოდნელია, ის, დაახლოებით, ექვს თვეს გამოტოვებს“, – ნათქვამის „ჩელსის“ ოფიციალურ განცხადებაში.

„ოპერაცია ამ კვირას ჩატარდება, მოედანზე უფრო ძლიერი დავბრუნდები. დიდი მადლობა თქვენი შეტყობინებებისთვის“, – დაწერა ზუმამ თავისი „ტვიტერის“ გვერდზე.

აქედან გამომდინარე, დიდი ალბათობით, საფრანგეთის ნაკრების წევრი ევროპის ჩემპიონატს გამოტოვებს.

ჰიდინკი: “ჩელსიმ” ქულა დამსახურებულად მოიპოვა”

Posted on by იაკობ კაპანაძე

ლონდონის “ჩელსის” თავკაცს, გუს ჰიდინკს სჯერა, რომ “სტემფორდ ბრიჯზე” დაფიქსირებული ფრე სამართლიანი შედეგი იყო ორივე გუნდისათვის.

“მანჩესტერი” თავიდან შესანიშნავად თამაშობდა, სტუმრებმა გვაიძულეს დაცვაზე გვეფიქრა და არა შეტევაზე. თუმცა, ბოლოსკენ ჩვენ თამაშის ხარისხს მოვუმატეთ.

ორივე გოლი იმსახურებს კომპლიმენტებს, რამეთუ არცერთი მათგანი არ იყო ადვილი ასაღები.

წელს ჩვენ დაუმარცხებლები ვართ, თუმცა ეს საკმარისი არ არის. ჩვენი მიზანი ჩემპიონთა ლიგის საგზურის მოპოვებაა, რაც მოგებების გარეშე შეუძლებელია.” – განაცხადა 69 წლის სპეციალისტმა.

ტერი: „ჩელსიში“ დარჩენა მსურს“

Posted on by Alix

ლონდონის „ჩელსის“ მცველმა ჯონ ტერიმ „მანჩესტერ იუნაიტედთან“ ფრედ 1:1 დასრულებული მატჩი შეაფასა.

„მეტოქემ მატჩი კარგად დაიწყო, თუმცა ნელ-ნელა ჩვენც მოვუმატეთ და ხასიათ გამოვავლინეთ. ეს მნიშვნელოვანია, რადგან მწვრთნელი ყოველთვის ბოლომდე ბრძოლას გვთხოვს.

კლუბში ჩემი მომავალი რთული საკითხია. ამის შესახებ უკვე ყველაფერი ვთქვი. რა თქმა უყნდა, „ჩელსიში“ დარჩენა მსურს, მაგრამ ამ მომენტისთვის სატურნირო ცხრილში ადგილი უფრო მნიშვნელოვანია“, – განაცხადა ტერიმ „სქაი სპორტსის“ ეთერში.

ვან გაალი: „არ მჯერა, რომ „მანჩესტერ იუნაიტედმა“ მოურინიოსთან მოლაპარაკება დაიწყო“

Posted on by Alix

„მანჩესტერ იუნაიტედის“ მთავარი მწვრთნელი ლუი ვან გაალი ეჭვობს, რომ მისი კლუბის ხელმძღვანელობამ „ჩელსის“ ყოფილ თავკაცთან ჟოზე მოურინიოსთან მოლაპარაკება არ დაიწყო.

„ბოლო ორი თვე ჩემი მეუღლისთვის, შვილებისთვის, შვილიშვილებისთვისა და მეგობრებისთვისაც კი მძიმე იყო. ეს რთული პერიოდი ჩემთვისაც გამოდგა, თუმცა ამასთან გამკლავება შემიძლია. ჰოლანდიაში იციან, რომ საკუთარ თავში ეჭვი არ შემეპარება. ასევე ვიცი, რომ ჩემ გარშემო ბევრი ტყუილია. არ მჯერა, რომ „მანჩესტერ იუნაიტედმა“ მოურინიოსთან მოლაპარაკება დაიწყო“, – ციტირებს ჰოლანდიელს ბრიტანული „გარდიანი“.

ალეგრი: “ჩელსი” არ მაინტერესებს, ტურინში ბედნიერი ვარ”

Posted on by იაკობ კაპანაძე

ტურინის “იუვენტუსის” თავკაცი, მასიმილიანო ალეგრი მის გარშემო არსებულ ჭორებს გამოეხმაურა, რომლის თანახმადაც, ლონდონის “ჩელსი” მის გადაბირებას აპირებდა.

“ყველაფერს თავისი დრო აქვს. ტურინში თავს ბედნიერად ვგრძნობ, “ბებერ ქალბატონთან” კონტრაქტი მაკავშირებს და მოხარული ვიქნები, თუკი მომავალშიც აქ დავრჩები.

ახლა მე მაქსიმალურად ვდილობ, რომ “სკუდეტოს” მოგებასა და მომდევნო მატჩებზე ვკონცენტრირდე.”  – განაცხადა ალეგრიმ, რომელიც აქამდე “მილანში” მუშაობდა.

 

“ჩელსიმ” ანტონიო კონტესთან მოლაპარაკებები წამოიწყო

Posted on by იაკობ კაპანაძე

ლონდონური კლუბის ხელმძღვანელობამ, იტალიის ეროვნული ნაკრების მთავარ მწვრთნელთან, ანტონიო კონტესთან წამოიწყო მოლაპარაკებები.

Daily Express-ის ინფორმაციის თანახმად, გუს ჰიდინკის ჩანაცვლების მთავარ კანდიდატებად დიეგო სიმეონე, მასიმილიანო ალეგრი და კონტე მოისაზრებიან.

თუმცა ნაკლებად მოსალოდნელია, რომ სიმეონემ და ალეგრიმ კლუბი დატოვონ. “იუვეს” ექს-თავკაცის მომავალი კი ევრო 2016-ის შემდგომ გაირკვევა.

46 წლის სპეციალისტი უკვე სწავლობს ინგლისურ ენას და უახლოეს მომავალში კიდევ აპირებს “ჩელსის” წარმომადგენლებთან შეხვედრას.

ჰიდინკი: „პატო უახლოეს მატჩებში არ ითამაშებს“

Posted on by Alix

„ჩელსის“ მთავარი მწვრთნელის გუს ჰიდინკის თქმით, ახალწვეული ალეშანდრე პატო თავისი საუკეთესო ფორმისგან შორსაა.

„პატო ჯერ ადაპტაცია გადის. მას სავარჯიშო გეგმა შევუდგინეთ, რომელსაც ის ასრულებს. პატო, როგორც მინიმუმ, დღეში ერთ საათს ვარჯიშობს.

ალეშანდრე უახლოეს მატჩებს გამოტოვებს, გვსურს, რომ ის სრულიად მზად იყოს და არ ვრისკავთ.

რა თქმა უნდა, ვიცით, რომ ის ტექნიკური და ამბიციური ფეხბურთელია“, – განაცხადა ჰოლანდიელმა.

Daily Mail: სტარიჯს “ლივერპულის” დატოვება სურს

Posted on by იაკობ კაპანაძე

Daily Mail-ის მიერ გავრცელებული ინფოფრმაციის თანხმად, დიდია იმის ალბათობა, რომ დანიელ სტარიჯმა ზაფხულში ინგლისური კლუბი დატოვოს.

როგორც იცით, ინგლისელი შემტევი კარგა ხანია რაც ლაზარეთში იმყოფება, რის გამოც საუკეთესო ფორმაში ჩადგომას ვერ ახერხებს.

დანიელ სტარიჯს კარიერის დაწყება ახალი ფურცლიდან სურს. სტარიჯის გადაბირებით “მანჩესტერ იუნაიტედი”, ლონდონის “ჩელსი” და “არსენალი” არიან დაინტერესებულნი.

ალეგრიმ „ჩელსისთან“ ოთხწლიანი კონტრაქტი შეათანხმა – „კალჩომერკატო“

Posted on by Alix

ჟოზე მოურინიოს მთავარი მწვრთნელის პოსტიდან გათავისუფლების შემდეგ ლონდონის „ჩელსიმ“ მთავარი მწვრთნელის პოსტზე სეზონის ბოლომდე ჰოლანდიელი გუს ჰიდინკი დანიშნა, თუმცა ლონდონელები 2016/17 წლების სეზონისთვის სხვა სპეციალისტის მოწვევას გეგმავენ.

ევროპული პრესა „ჩელსის“ პეპ გვარდიოლას სახელს უკავშირებდა, თუმცა ესპანელმა რამდენიმე დღის წინ „მანჩესტერ სიტისთან“ კონტრაქტის დეტალები შეათანხმა და შემდეგის სეზონიდან ის „ქალაქელებს“ უთავკაცებს.

როგორც ცნობილი იტალიური გამოცემა „კალჩომერკატო“ იტყობინება, რომან აბრამოვიჩი „იუვენტუსის“ მთავარ მწვრთნელს მასიმილიანო ალეგრის ოთხწლიანი ხელშეკრულების თაობაზე შეუთანხმდა. წყაროს ცნობით, იტალიელი სპეციალისტი კლუბს ზაფხულში ჩაიბარებს, მისი ყოველწლიური ხელფასი კი 5,3 მილიონ ფუნტს შეადგენს.

“ატლეტიკოს” პრეზიდენტმა კოშტასადმი ინტერესი დაადასტურა

Posted on by იაკობ კაპანაძე

მადრიდის “ატლეტიკოს” პრეზიდენტმა ენრიკე სერეზომ დაადასტურა ინფორმაცია, რომლის თანახმადაც, “როხიბლანკო” ზაფხულში მაქსიმალურად ეცდება დიეგო კოშტას დაბრუნებას.

შეგახსენებთ, რომ ბრაზილიელი ფეხბურთელი “ჩელსის” 2014 წლის ივლისში, 32 მილიონი ფუნტის სანაცვლოდ შეუერთდა.

“ჩვენს ყოფილ ფეხბურთელებთან შესანიშნავი ურთიერთობები გვაკავშირებს. დიეგო კოშტა დიდებული მოთამაშეა. 

ყველაფერს გავაკეთებთ, რათა კოშტა “ვისენტე კალდერონზე” დავაბრუნოთ, თუმცა ეს თავად ფეხბურთელის გადასაწყვეტია.”