„ლივერპულთან“ ინგლისის ლიგის თასის მატჩში „ჩელსის“ ნახევარმცველმა სესკ ფაბრეგასმა ტრავმა მიიღო.
ესპანელი შუახაზელი მეორე ტაიმში თანაგუნდელ ჯონ ტერისთან შეჯახების შემდეგ დაშავდა. მოგვიანებით მოედანზე მისი ადგილი რამირესმა დაიკავა.
ამ ეტაპზე სესკის ტრავმის სირთულე და გამოჯანმრთელების შესაძლო ვადა უცნობია.
„ჩელსის“ მთავარმა მწვრთნელმა ჟოზე მოურინიომ „ლივერპულთან“ ინგლისის თასის განმეორებითი ნახევარფინალური მატჩის ოვერტაიმის ერთადერთი გოლი ვერ დაინახა. გთავაზობთ ამ საინტერესო ეპიზოდის ამსახველ ვიდეოს.
ინგლისის ლიგის თასის განმეორებით ნახევარფინალურ მატჩში „ჩელსიმ“ „ლივერპული“ მიიღო და ოვერტაიმში ანგარიშით 1:0 დაამარცხა. ერთადერთი გოლი 94-ე წუთზე ბრანისლავ ივანოვიჩმა გაიტანა.
შედეგად, „არისტოკრატებმა“ ორი მატჩის ჯამში 2:1 მოიგეს და ტურნირის ფინალში გავიდნენ, სადაც ან „ტოტენჰემს“ ან „შეფილდ იუნაიტედს“ შეხვდებიან.
„ჩელსი“ – „ლივერპული“ 1:0
გოლი: ივანოვიჩი 94′
27 იანვარს, ინგლისის თასზე “ჩელსისა” და “ლივერპულს” შორის გამართულ შეხვედრაში კამერებმა დააფიქსირეს, თუ როგორ აბიჯებს ფეხს დიეგო კოშტა ემრე ჩანს.
საფეხბურთო პორტალმა 90min-მა ინგლისის პრემიერ ლიგის ათი საუკეთესო მეკარე დაასახელა.
10. ტომ ჰიტონი (“ბარნლი”)
9. ბენ ფოსტერი (“ვესტ ბრომვიჩი”)
8. ჯო ჰარტი (“მანჩესტერ სიტი”)
7. რობერტ გრინი (“ქუინს პარკ რეინჯერსი”)
6. ადრიანი (“ვესტ ჰემი”)
5. პეტრ ჩეხი (“ჩელსი”)
4. ფრეიზერ ფოსტერი (“საუთჰემპტონი”)
3. უგო ლორისი (“ტოტენჰემი”)
2. დავიდ დე ხეა (“მანჩესტერ იუნაიტედი”)
1. ტიბო კურტუა (“ჩელსი”)
„ჩელსის“ 36 წლის თავდამსხმელმა დიდიე დროგბამ აღიარა, რომ მიმდინარე სეზონის დასრულების შემდეგ ლონდონურ კლუბში სიამოვნებით დარჩებოდა.
„იმედია, „ჩელსის“ დიდი ოჯახის ნაწილი ვარ. ორივე მხარე სწორ გადაწყვეტილებას მივიღებთ. როდესაც 2012 წელს „ჩელსი“ პიურველად დავტოვე, მომეჩვენა, რომ ყველაფერს მივაღწიე, რისი მიღწევაც შემეძლო. ეს კლუბი მიყვარს და ვიმედოვნებ, რომ აქ მომავალშიც ვიქნები“, – ციტირებს დროგბას „სქაი სპორტსი“.
მიმდინარე სეზონში პრემიერლიგაში კოტდივუარელის ანგარიშზე 16 მატჩი და 3 გოლია.
ინტერნეტ-სივრცეში გავრცელდა ფოტო, რომელშიც აღბეჭდილია, თუ როგორ გამოიყურებოდა 24 იანვარს, “ჩელსისა” და “ბრედფორდს” შორის გამართული მატჩის მიმდინარეობისას ერთ-ერთი გულშემატკივარი.
გასულ დღეებში, “ჩელსისა” და “ვესტ ჰემის” ახალგაზრდულ გუნდებს შორის გამართულ მატჩში 18 წლის კეის პალმერმა “ვესტ ჰემს” ეფექტური გოლი გაუტანა.
20 იანვარს, ინგლისის ლიგის თასზე, “ლივერპულსა” და “ჩელსის” შორის გამართულ შეხვედრაში ჯონას ჰენდერსონსა და დიეგო კოშტას შორის სიტუაცია დაიძაბა.
ფინანსურმა ორგანიზაცია “დელოიტმა” მსოფლიოს ათი ყველაზე მდიდარი საფეხბურთო კლუბი დაასახელა. აღსანიშნავია, რომ ათეულში ხუთი ინგლისური კლუბია შესული.
10. “იუვენტუსი” – 272.4 მილიონი ევრო
9. “ლივერპული” – 305.9 მილიონი ევრო
8. “არსენალი” – 359.3 მილიონი ევრო
7. “ჩელსი” – 387.9 მილიონი ევრო
6. “მანჩესტერ სიტი” – 414.4 მილიონი ევრო
5. “პარი სენ-ჟერმენი” – 474.2 მილიონი ევრო
4. “ბარსელონა” – 484.6 მილიონი ევრო
3. “ბაიერნი” – 487.5 მილიონი ევრო
2. “მანჩესტერ იუნაიტედი” – 518 მილიონი ევრო
1. “რეალი” – 549.5 მილიონი ევრო
გთავაზობთ ვიდეოს, რომელშიც საფეხბურთო კლუბების ყველაზე ცუდი ფორმებია ნაჩვენები.
როგორც მოგეხსენებათ, ინგლისის ლიგის თასის ნახევარფინალურ ეტაპზე “ლივერპულსა” და ლონდონის “ჩელსის” შორის გამართული პირველი მატჩი ფრედ, ანგარიშით 1:1 დასრულდა. “პენსიონერთა” მთავარი მწვრთნელი ჟოზე მოურინიო იმედოვნებს, რომ განმეორებით შეხვედრაში მის გუნდს ქომაგები მხარს აქტიურად დაუჭერენ.
“თუ “სტემფორდ ბრიჯზე” იმ ემოციის 25 პროცენტი მაინც იქნება, რაც “ენფილდზე” იყო, შანსი გვექნება. განმეორებით მატჩს “ლივერპულის” ხუთი-ათი ათასი ქომაგი დაესწრება და არა – 40 ათასი”, – ციტირებს მოურინიოს სიტყვებს “მეტრო”.
“ჩელსისა” და “ლივერპულს” შორის განმეორებითი შეხვედრა 27 იანვარს გაიმართება.
