ჭდე: Cristiano Ronaldo

ტურინის “იუვენტუსის” თავდამსხმელი კრიშტიანუ რონალდუ მიმდინარე სატრანსფერო პერიოდში კლუბს არ გამოიცვლის.

“სკაი იტალიას” ჟურნალისტი პაოლო აგემო წერს, რომ პორტუგალიელი ფეხბურთელი “ბებერი სინიორასთან” მოქმედ შრომით ხელშეკრულებას ბოლომდე ამოწურავს ანუ გუნდში 2022 წლის ზაფხულამდე გაჩერდება.

პრესაში ხშირად იწერებოდა იმის შესახებ, რომ კრიშტიანუ რონალდუ ამ სატრანსფერო პერიოდში “იუვენტუსს” დატოვებდა. ამის მთავარ მიზეზად მასსა და გუნდის მთავარი მწვრთნელის პოსტზე დაბრუნებულ მასიმილიანო ალეგრის შორის კონფლიქტი სახელდებოდა. აღნიშნული უთანხმოება 2019 წელს დაიწყო, როდესაც ალეგრიმ გუნდიდან გათავისუფლებამდე კლუბის პრეზიდენტ ანდრეა ანიელის “იუვენტუსიდან” კრიშტიანუ რონალდუს გაშვებას ურჩია. მისი თქმით, პორტუგალიელი გუნდის პროგრესს ხელს უშლიდა.

კრიშტიანუ რონალდუმ გასულ სეზონში ჩატარებულ 44 მატჩში 36 გოლი გაიტანა და ოთხი შედეგიანი გადაცემა მიითვალა.

ტურინის “იუვენტუსი” ელოდება, თუ რას გადაწყვეტს კრიშტიანუ რონალდუ საკუთარ მომავალთან დაკავშირებით.

იტალიური გამოცემა “ტუტოსპორტი” იტყობინება, რომ პორტუგალიელმა ფეხბურთელმა უნდა გადაწყვიტოს, დარჩება თუ არა ტურინულ კლუბში, ვინაიდან მისი წასვლა-არწასვლის საკითხზე დიდწილად არის დამოკიდებული “ბებერი სინიორას” სატრანსფერო მოქმედებები. თუ რონალდუ “იუვენტუსიდან” წავა, ტურინელებს რამდენიმე ფეხბურთელის შეძენის შესაძლებლობა გაუჩნდებათ. პორტუგალიელი საკუთარ კარიერასთან დაკავშირებით გადაწყვეტილებას, სავარაუდოდ, ივლისის შუა რიცხვებში მიიღებს.

შეგახსენებთ, რომ კრიშტიანუ რონალდუსა და “იუვენტუსს” შორის გაფორმებულ შრომით ხელშეკრულებას ვადა 2022 წლის ზაფხულამდე აქვს. გასულ სეზონში 36 წლის პორტუგალიელი თავდამსხმელი 29 გატანილი გოლით იტალიის სერია A-ს დაუკეთესო ბომბარდირი გახდა.

კრიშტიანუ რონალდუს “იუვენტუსის” რიგებში ორ-ორჯერ აქვს მოგებული იტალიის ჩემპიონატი და სუპერთასი, ერთხელ კი ქვეყნის თასს დაუეფლა.

“სპორტ მედიასეტის” ინფორმაციით, ტურინის “იუვენტუსის” თავდამსხმელი კრიშტიანუ რონალდუ გუნდს დატოვებს.

წყაროს თანახმად, “ბიანკონერის” თავკაცის პოსტზე ანდრეა პირლოს მასიმილიანო ალეგრი შეცვლის. ამ უკანასკნელის სტრატეგიული განვითარების პროექტში პორტუგალიელი ფეხბურთელი არ განიხილება.

დღეს კლუბი დატოვა სპორტულმა დირექტორმა ფაბიო პარატიჩიმაც.

კრიშტიანუ რონალდუმ გასულ სეზონში ჩატარებულ 44 მატჩში 36 გოლი გაიტანა და ოთხი შედეგიანი გადაცემა მიითვალა.

ტურინის “იუვენტუსის” ფორვარდ კრიშტიანუ რონალდუს მომავალი ბურუსით არის მოცული. ჯერჯერობით უცნობია, დარჩება თუ არა პორტუგალიელი ფეხბურთელი იტალიურ კლუბში.

“სქაი სპორტსის” ცნობით, ზაფხულში რონალდუ “იუვენტუსის” ხელმძღვანელობასთან მოლაპარაკებას გამართავს. 36 წლის პორტუგალიელის გადაწყვეტილება დიდწილად იმაზე იქნება დამოკიდებული, შეინარჩუნებენ თუ არა თავიანთ პოსტებს გუნდის მთავარი მწვრთნელი ანდრეა პირლო და სპორტული დირექტორი ფაბიო პარატიჩი. თუ ისინი “იუვენტუსს” დატოვებენ, გუნდიდან რონალდუს აბარგების შანსი გაიზრდება.

ცნობისათვის, მხარეებს შორის გაფორმებულ მოქმედ შრომით ხელშეკრულებას ვადა 2022 წლის ზაფხულამდე აქვს.

2020-2021 წლების სეზონში კრიშტიანუ რონალდუმ 44 მატჩი ჩაატარა, 36 გოლი გაიტანა და ოთხი შედეგიანი გადაცემა მიითვალა. ის 29 გატანილი ბურთით იტალიის სერია A-ს საუკეთესო ბომბარდირი გახდა.

ტურინის “იუვენტუსის” თავდამსხმელ კრიშტიანუ რონალდუს ბოლო პერიოდში საჯარიმო დარტყმები არ გამოსდის, თუმცა სტანდარტულების შესრულებას ჯიუტად აგრძელებს.

პორტუგალიელ ფეხბურთელს ჯარიმის შესრულების მორიგი წარუმატებელი მცდელობა “კროტონეს” წინააღმდეგ გამართულ მატჩში (3:0) ჰქონდა. შეხვედრის 26-ე წუთზე რონალდუს დარტყმული ცოცხალ კედელს მოხვდა, 88-ე წუთზე კი ბურთი მეტოქის კარს გადაევლო.

SkyTG24-ის ჟურნალისტმა ჯუზეპე პასტორემ რონალდუს მიერ შესრულებული წარუმატებელი ჯარიმები დათვალა და გაარკვია, რომ იტალიის სერია A-ში გადმობარგების შემდეგ ანუ ორწელიწადნახევრის განმავლობაში პორტუგალიელმა ფეხბურთელმა 64 საჯარიმო დარტყმა შეასრულა, საიდანაც 42 ცოცხალ კედელს მოხვდა. რონალდუს მიერ შესრულებულ ჯარიმას გოლი მხოლოდ ერთხელ მოყვა და ეს გასული წლის ივლისში მოხდა, როდესაც “იუვენტუსმა” “ტორინო” ანგარიშით 4:1 დაამარცხა.

დავამატებთ, რომ კრიშტიანუ რონალდუს საერთო შედეგიანობა კვლავ უმაღლეს დონეზე რჩება. პორტუგალიელმა ფეხბურთელმა”კროტონესთან” ჩატარებულ მატჩში დუბლი შეასრულა და სერია A-ს ბომბარდირთა დავას 18 გატანილი ბურთით ლიდერობს.