მადრიდის „რეალისა“ და პორტუგალიის ნაკრების თავდამსხმელმა კრიშტიანუ რონალდუმ მოახლოებული მსოფლიოს ჩემპიონატის შესახებ ისაუბრა. პორტუგალიელმა ფეხბურთელმა ტურნირის ფავორიტები დაასახელა.
„იმედი მაქვს, ბრაზილიაში საოცარი მსოფლიოს ჩემპიონატი გველის. პორტუგალია წნეხს არ გრძნობს, რადგან ტურნირის ფავორიტებად ბრაზილიის, ესპანეთის, არგენტინისა და გერმანიის ნაკრებები ითვლება. ძალიან დიდი მნიშვნელობა ექნება გერმანელთა წინააღმდეგ გასამართ პირველ შეხვედრას“, – რონალდუს სიტყვები ესპანურმა „ასმა“ გამოაქვეყნა.
შეგახსენებთ, რომ პორტუგალიას G ჯგუფში მეტოქეებად გერმანიის, განისა და ამერიკის შეერთებული შტატების ნაკრებები ჰყავს.
ბექა დოგრაშვილი
