ხორხე სამპაოლის თავკაცობით არგენტინის ნაკრები მსოფლიოს 2018 წლის ჩემპიონატზე საშინლად ასპარეზობს. მუნდიალის პირველი ორი ტურის შემდეგ “ალბისელესტე” მეოთხე ადგილს იკავებს ჯგუფში.
დღეს ევროპულ პრესაში აუდიოჩანაწერი გავრცელდა, სადაც დიეგო სიმეონეს მოსაზრებებია ჩაწერილი არგენტინის არასახარბიელო ასპარეზობასთან დაკავშირებით.
“რაც ახლა არგენტინის ნაკრებში ხდება, ახალი არ არის, ბოლო ოთხი წელია ასეა, საუბედუროდ – ანარქია, არანაირი ლიდერობა და არც მხარდაჭერა ფედერაციისგან.
წაგებულ გუნდს ვხედავ. თამაში ისე უნდა დაეწყოთ, როგორც ისლანდიასთან, უფრო სუსტ გუნდთან. ცუდი პერიოდი აქვთ, მაგრამ არგენტინა არგენტინაა და ვთვლი, რომ პროგრესირებენ. მომდევნო ეტაპზე გასვლის შანსი კვლავ აქვთ.
ცხადია, რომ გასახდელში ვიღაცა ვიღაცას ეჩხუბება და სწორიც არის. ვინმემ უნდა იჩხუბოს.
მეკარე… მან ეს უკვე გააკეთა. ესპანეთთან იგივე შეცდომა დაუშვა, ისევე როგორც იტალიასთან, მაგრამ მაშინ ბურთი კარს მცირედით აცდა. ვამბობდი, რომ სამწუხარო იყო, გოლი რომ არ გაუშვა – მაშინ მიხვდებოდნენ, რომ მსოფლიო ჩემპიონატზე ამას არავინ გაპატიებს.
ყოველთვის ვამბობთ, რომ მთავარი ფეხბურთელების მიერ გაწეული სამუშაოა, ასეცაა, თუმცა პროცენტულად მათი გავლენა მხოლოდ 60 პროცენტით განისაზღვრება და არა ოთხმოცდაათით. რადგანაც, როცა მწვრთნელი შეცდომას უშვებს გაცილებით უფრო საზიანოა, ვიდრე რომელიმე ფეხბურთელი. ეს კი იმას ნიშნავს, რომ მწვრთნელებსაც მიუძღვით თავიანთი წვლილი ამ ყველაფერში.
ძალიან მნიშვნელოვანია იმის დანახვაც, რომ მესი ძალიან კარგია. მაგრამ ეს იმიტომ, რომ ექსტრაორდინარული თანაგუნდელები ჰყავს. კითხვა მაქვს, მესის აირჩევდით თქვენი გუნდში რეგულარულად სათამაშოდ, თუ რონალდუს?” – ციტირებს სიმეონეს სიტყვებს 101greatgoals.
